農家意粉

營業中

休息中

地理位置好方便,大概等十五分鐘就有得食,牛肉湯好味,沙律清新新鮮,牛扒 7成熟剛剛好又多汁,口感好好.好味..完美午餐..店員態度十分良好,會推介俾朋友同理再度光臨....

平靚 意粉同汁好香牛扒十分大份店員重好好人會切好塊大牛扒但牛扒就真係有點兒難咬如果易入口就可以更加好不過呢個價錢有咁大份又有咁嘅質素已經無得再講有時間順路都會再買嚟食都十分抵食嘅

小店，只有約十個位，大廚一名，樓面一名。不合大夥飯局，為二人撐枱角之選!老友推介，初嚐，平日晚上七點到達， 半滿座客。招牌簡約，店外如農產品專門店，店内如快餐店。如不是老友大力推介，其實未必會嘗試。填表點菜，双拼餐2個(另有單選及三拼餐供應）。老婆 - 羅宋湯+6安士安格斯牛 五成熟+雞扒 自己 - 羅宋湯+9安士安格斯牛+羊架，五成熟羅宋湯值得一提，其實比較像雜菜湯，用料十足，不是通红滿口茄膏的，雖不濃但清甜。小記：在喝湯時，廚師突然大聲問顧客們湯是否夠味道！ 看得出廚師着重顧客感受！廚師是慢工出細貨派，落單到上主菜30分鐘，心急人請勿到此用餐。食物外表其貌不樣，超多醬汁(或是太多），快餐店什扒餐模樣；但一下刀便知肉質有彈性，入口剛好五成熟，牛的油脂滿腔，牛味濃厚。羊架香而不羶，可惜比較細件。雞扒一般。總結：店面50分，材料80分，用心100分雖不是極品，但性價比高。一百元左右但比其他自稱扒房的好得很，值得支持的小店！

知道深水埗開左2間農家妹，今晚就入去試下好唔好味先，因為佢嘅牛排睇落好抵食。。。。。。。選了牛排餐，要左9安士，因為店家標榜用安格斯牛肉，但出面又點會可以用呢個價錢食到呢，所以我真係要一試。呢度套餐仲要包餐飲，餐湯，沙律同埋甜品，真係有D令我不可思議添餐湯：好好飲，味道好香好出，可以添飲就好啦沙律：好九唔搭八的配搭，最衰我無影到相；牛排：要左5成熟，但有個折位好生，外相唔係好靚，但好大份，個牛肝菌汁好香好濃厚雖然講到明係安格斯牛。。。。。但唔好味，肉質同我係出面食個D好唔同。

角落一處，有這家餐廳，看圖片應該之前較大間，現時剩廚房位置及外面少許堂食座位，只有兩張小方桌及長桌。選擇不太多，不少食客點牛扒，首次到來隨便點個牛舌嚐嚐。牛舌薄薄，但足有四大片，味道微鹹，香氣還可，略煎兩面甘香。伴菜有一片蕃茄，粟米健康，但為何有點粟米肉粒飯的鼻涕汁😂省下汁液絕對會較佳。飯的份量不太多，我吃都覺得有點兒不足，可以試下叫大飯。獨力在廚房，弄出茶餐廳一般，或更佳的質素，小店值得支持。

一直住開深水埗區, 知道呢間餐廳小店開開咗一排。你閒農家意粉， 農家妹。由前農場餐廳老闆主理。初初開電視價錢好平記得lunch set 28蚊有得食現在最平都要38蚊， 飲品沙律湯就要48。今日放假一條友就試下佢個三文魚生。三文魚都算幾大片不過就唔係厚切。嘩得幾好味食物淡淡玉配上燒汁又幾特別。意粉份量剛剛好， 最值得欣賞係啲配菜。番茄心先大大件， 仲有新鮮粟米。可能老闆做開西餐上蝶都 多好靚。沙律用上鮮果， 有菠蘿有蘋果有粟米。48蚊一個lunch set同佢嚟講呢個價錢算偏貴。但食物質素有保證。雖然座位唔算闊落， 餐具又唔算精美。但如果講求食物質素的話， 老闆的食材絕對經過嚴格挑選。拍得上高級西餐。

去左北河街分店不過openrice 搵唔到 唯有係呢度寫食評北河街分店較細 得兩張枱以及一排單人座位 經過呢間鋪頭見到menu好抵食 一個牛排/三文魚/牛舌意粉先三十幾 加上年輕的店員妹妹熱情招呼 決定試下試左忌廉汁三文魚扒意粉（$33）同12oz安格斯牛扒蘑菇汁意粉（$68) 牛扒好大塊 煎得唔錯 如果可以熟d就更加好 食物賣相雖然唔吸引 但味道ok 兩個汁都幾好味 而且價錢抵 性價比相對高好少寫食評 不過覺得呢間小店有用心經營 有機會再黎試下燒雞

抱住嘗試嘅心情走入餐廳，結果出乎意料嘅好食，不得不來openrice點一個正評，牛排煎的好香，意粉的汁亦非常配合，絕對值得更多人來，支持家庭式小店，希望下次可以有機會再食！！

由農場餐廳跟到去上水熟食市場，到依家深水場，依舊令我再三回味！老闆依舊好有心煮西餐我細個時成日食農場餐廳架啦～而老闆之後開左農家意粉定價極為之親民～平到你笑！平都算，最重要好味！份量多，我要叫少意粉另外，食材質量好，牛扒用高級美國安格斯～又有鵝肝煮食時間耐左d,但等下都值得油煙味有點勁，離開時會聞到身上少量油味我簡左忌廉湯，好香濃另簡左美國牛扒拼牛脷拼鵝肝有熱飲有甜品仲可以加錢加其他拼菜全程都見到老闆密密煮

小弟係附近番工,成日行過都好有興趣,但因為得好少位所以每次都無緣,難得今日竟然無咩人一於就試下啦~ 呢間小店家庭式運作,聽佢地講原來元州街郵局果邊都有間~呢度得一個人下廚,所以….要俾D耐性XD牛肝菌帶子六安士安格斯牛扒意粉---其實個汁幾咸,不過用料幾好,牛扒,煎得有D脆邊,帶子就正常貨色~我就幾鍾意D配菜,唔會太酸而且幾香~68蚊既午餐係附近黎講唔係平,偶爾有機會都可以一試~

晚上想飲西湯，搜尋附近餐廳，見到尼間出奇地平，之後入去試下。入到去老闆好好人，服務不錯。之後我叫左忌廉湯加7成熟6安士牛扒等呀等，原來都等左30分鐘先黎野食，不過得1個人做野，可能速度正常。忌廉湯，好熱正菇ok，但湯好稀同埋飲飲下覺得似湯包果隻feel，我仲以為係固狀的，個人喜好‘傑’身好d。尼個唔好飲。7成熟6安士牛扒。。。因為係安格斯我先叫，但其實我食唔出佢同其他部位有咩分別。。。我覺得味道冇想像中咁好食，有些失望。我叫左薯仔，佢煎得幾香幾好食，最正係熱的。番茄食落去唔熱。。。食左啖我就冇食。西芹比較硬左d...整體麻麻。。

明明我落單先，之後先有人再落單，我知我同另一個客人係點同一樣野食，但過左一陣佢竟然同我講冇啦，買哂，最後一份比果個客人叫左，我問佢點解，明明我先落單，但佢完全唔理人，都算啦，之後等左一個鐘連湯都未比，咁咪問下，另一個個員工答我：得啦，知啦。我想講，你唔想做，可以唔做，野食已經唔係話太好，仲要完全冇禮貌，牛扒要7成，但就比全熟，個牛肝菌汁好咸，品質完全唔掂，價錢亦唔值，咁既價錢出面都有，服務態度好過你地好多，你可以選擇唔做生意，客人亦都有權唔幫襯你，

呢間係家庭式運作既小店，香港地咁樣既鋪頭好難得，梗係要支持一下！ 係到食野，老闆每樣都親自下廚，而且都係即時製作，其實真係好有心機！ 所以同時間，大家要有心理準備，係到食野係要等下😅今日食午餐有以下選擇，因為小妹唔食牛既關係，所以揀左一個B 一個C。如果唔岩食既可以自由配搭：叫左B 同C 都係配煎薯，點知老闆話要等半個中，因為真係想食，咁就等啦講下環境先，鋪內大約有十二個位左右啦，有bar枱，門口都有位坐。牆上既裝飾油畫掛畫，我覺得整體感覺都算唔錯。鋪內係open kitchen，好處係你會係咁聽到煮野聲，好有感覺，不過坐得耐就會有少少熱。等緊其間上左飲品先。飲品就不過不失啦。之前飲過餐湯好飲d。老闆話半個中，就真係半個中。有野食！兩碟個賣相真係好靚！事先講明，其實之前食過兩次，兩次都係黑椒汁，味道偏咸。所以今次都唔揀黑椒汁啦呢個係洋蔥汁雞扒，個汁唔錯，味道好味 雞扒都煎得好食，無雪味 唔只主菜，配菜都一樣好味 明白點解個煎薯要等半個中，因為老闆係慢慢生煎，味道十分香口 另外我都中意d配菜，煎蕃茄都係好juicy 男友唔中意食芹菜，不過我就覺得好味啦 另一個係香草汁三文魚，份量真係

牛肝菌汁薄切安格斯牛配薯菜，肉質嫩滑，雖點了五成熟，但卻似是三成熟。牛肝菌汁上佈滿香草，份外香濃。伴碟的薯仔竟然有一兩件仍未熟透。晚市套餐單選$68，配上餐湯，沙津，主菜，飲品及甜品。以價格而言，晚餐算是經濟之選。羅宋湯不像一般的羅宋湯般深紅色，但味道仍然濃郁。湯料並沒有牛肉，卻換上了雞肉，算是新鮮的配搭。洋蔥略辣，可能是洋蔥後下所致。非一般的沙律配搭，雞肉是煎過的，配上香草汁，還有雞皮，感覺怪怪的。來到主菜--香草忌廉龍脷柳意粉，龍脷柳表面看似煎得香脆，但香草汁令脆皮表面變淋，肉質柔滑，但魚味欠奉。

一句話在標題道破，出品誠意很有限，叫了扒大半過鐘頭才到，如餓的人必等到健康也差了，扒的本質不差，但經過此店烹調就不敢恭維，比起茶餐廳貨色還欠汁香及牛味，我叫的是牛肝菌汁安格斯十二安士，coupon優惠價六十八，感覺依然不值，皆因給了別客人良久的扒竟回轉到我處，不番煎只換個芡汁，芡汁是我本人試過最不香和無鮮味的，兼且扒要求是七成熟來的是九成，我們投訴扒不夠熱還給小二收錢後還嘴說: 凍左咪唔好食囉！給氣杰事小，從夜等到天光才到的牛扒本想是慢工出細貨，誰知誠意、質素、服務皆差至本人有生以來的至差。