農民泰國菜

營業中

休息中

千里迢迢走到 香港仔 - 黃竹坑的南朗山熟食市場 , 就是要到這家 農民泰國菜 品嚐一下 , 因為聽很多朋友講 , 這家餐廳的廚師十分架勢堂 , 廚藝獨步天下 , 非試不可 ~Menu ~ 坐定定 , 當然先點一個椰青來喝 , 嘆一嘆 ~Pad Thai 泰式炒金邊粉 : 很大的一碟炒金邊粉 , 賣相得睇 , 一碟有兩隻蝦 , 蝦肉爽脆彈牙伴以花生碎 , 金邊粉炒得均勻 , 味道帶點甜 , 有鑊氣 , 就是有 Pad Thai 的神髓 , 讚 ~ 炸皮蛋蝦球 : 沒想過皮蛋竟然是軟滑滑的糖心皮蛋，外面裹上蝦肉泥，炸至香透，美味 ~本篇完 ~

南朗山道熟食市場自從南港島線開左之後越來越多人2 樓既泰國菜 仍然保留一貫水準今次叫左馬拉盞通菜 泰式金邊粉 同埋炒飯馬拉盞通菜 好有穫氣好香 咸度辣度適中而金邊粉 大蝦好爽口 粉量亦好大碟 性價比高絕對值得再食 配合咸香既通菜 正呀炒飯 每粒都炒到金黃色 咖哩味滲入每粒米 但又吾會炒到好油

今天去黃竹坑開會，只得1個小時吃午餐，最緊要快丶靚丶正。 去南朗山熟食市場，就是最好選擇。 內裏分成兩層，兩層也有很多不同小食店。 之前也吃過其他小食店，今次幫趁這間佔成3 個舖位泰國菜。 有分成幾張長枱及幾張小四方枱。 它的坐位比其他店舒服，而且打通了廚房，令人看見所有新鮮食材，吃得放心。 菜式選擇不算多。餐只包一罐汽水，轉其他飲品也要加錢，轉龍眼冰加$8龍眼冰 (自家製，幾香甜)泰式䶢魚炒飯 （䶢魚味濃，鑊氣夠，好味。但沒有加入泰國香料，似港式䶢魚炒飯）泰式乾炒雞河 （也是炒得夠鑊氣，河粉也炒得夠散開，不會一舊舊）招牌泰式炒金邊粉 pad Thai （酸酸甜甜，好味）食物是好味的，但就只欠泰菜風味。

不漏一直由細到大都好鍾意食泰國菜，今次黎到呢一區聽聞有間叫農民泰國菜好好食，同朋友黎呢到食lunch。我同我個friend分別叫左佢地嘅香葉肉碎荷包蛋飯同埋海南雞飯，再另外加四隻炸雞翼。等左大概十五分鐘到，啲嘢食送到黎喇。佢個肉碎蛋飯啲香葉味真係好香，好有鑊氣。炒得夠辣之餘又入味，同喺之前曼谷食過嘅味道一樣，好惹味！佢個荷包蛋係半熟流心嘅，一睇到即刻心心眼流曬口水！之後佢地嘅海南雞飯啲油飯亦都好香，好好味。啲海南雞非常嫩滑，又滑又多汁。咸甜適中，菜色別有風味，整體味道性價比頗高。佢地午餐送汽水同埋有例湯，佢地嘅例湯好似自助餐咁任你去refill，啲湯嘅配料無論係鳳爪排骨蘿蔔都好足我見隔離檯嘅鬼佬都係咁話好食，同左我地傾左幾句計。間野好有人情味，老闆娘行過嚟問我地夠唔夠飽，話唔夠嘅話會幫我地再舀飯，之後仲過黎送甜品俾我地食。下一次再有機會黎南區一定會再次幫親佢地，支持本地小店！

呢餐嘢真係極品 真係好難食同垃圾一樣 我哋嗌咗一個蝦醬炒飯，重有蒜蓉包，同埋 脆豬腩炒芥蘭，最後就係海鮮雜菜煲。蝦醬炒飯係ok嘅不過就冇乜蝦醬味，蒜蓉包都可以，但係脆豬腩同海鮮雜菜煲就極品啦！脆豬腩呢就要想像一下你好似攞完平時嗰啲燒肉入面對鞋嗰一part，然後再攞去微波爐返叮完再翻叮，再放入雪櫃再翻叮，之後有嘅味。然後有芥蘭呢，都唔係幾好味。之後講到嗰個雜菜煲，一上嚟成陣味，然後啲菜全部都梅梅爛爛，有啲仲要開始發黃發黑，食落去都吐返出嚟。仲有仲有，見到個廚師炒完碟飯之後徒手一嘢揸起嚿飯，就咁塞入口食咗一啖然後再放出嚟，真係無眼睇！

黑名單首位其實你個廚房細得滯做唔切，就唔好擺咁多位，整大d個廚房仲好啦，落左單，只係叫左個青咖喱雞飯，等半個鐘都冇得食，追單仲俾個阿姐鬧：我地係咁嫁喇！咁你等唔等呀！唔會幫襯第二次

呢間餐廳喺南朗熟食中心入邊好似街市咁嘅環境，不過都算乾淨的。唔可以expect好多。 我點左青咖哩雞中翼飯，佢呢度出名即叫即做，所以都要大概10分鐘先有野食，如果午市多人的話可能要等耐啲啲。佢個雞翼係炸嘅放咗入去啲青咖哩度，不過都唔會整到個粉皮林晒，脆同林岩岩好，同埋配菜又夠多，唔會覺得淨係食肉咁。唔辣的咖哩，不過好夠椰香味！我叫左個一樣的外賣返公司俾我同事，個飯已經涼涼地，不過佢都話好味。我們大家都會再返黎食嘅一間餐廳！

下午茶時段幫襯，無下午茶。我問店員有無其氣套餐，佢比個午餐餐牌我。點左個冬陰公粉，勁難食，d肉酸到死！埋單時，佢收我80蚊！原來要按散叫價錢！咁店員做咩比個午市套餐牌比我？我問佢地，佢話店員講左無套餐，但佢講泰文，所以我唔識聽！總之就怪我聽唔到！價錢貴，又難食，大家不要再中伏！

年初三在黃竹坑行完山, 搵下附近或港島區有咩好食, 想起在黃竹坑熟食中心的農民泰國菜, 本想去黃竹坑站搭車離開, 但見熟食中心就在旁, 上去碰碰運氣, 看有沒有營業吧。去到見到有開門, 又肚餓了, 就食呢間啦。  椰汁冰$20-椰汁味道好濃郁, 雖知椰汁高脂但總是忍不了口, 特別是去到泰國成日都要飲, 呢杯同泰國飲到的一樣濃。  海南雞雞絲湯金邊粉$58-隱藏版的美食, 本來只在午巿餐牌才搵到, 夜晚問都有的, 雞絲超乎我想像的大件, 不算滑但抵食, 泰國街頭湯河只有細細件, 一樣也不滑, 因無晒河粉就要了金邊粉, 份量頗多, 湯底看似清但夠味, 但未夠泰國的好味, 稍欠風味, 偏咸。  泰式冬蔭功明爐魚$150-我們叫冬蔭功卻送上原先的酸湯底, 店員好好補給另一碗冬蔭功湯, 兩款湯底夠濃和惹味, 冬蔭功頗酸香, 還附有些金菇, 落足料, 但湯底偏咸也沒多喝, 用來配魚吃好有風味, 可惜我並不欣賞烏頭魚, 覺得太魚味太腥又不滑, 實在吃不下去, 唯有交給友人努力的吃。  泰式炒雜菜$68-呢碟菜等左好耐未黎, 同店員查問, 竟被誠實告知送錯了給旁邊的人, 而別人也吃掉了, 也都算,

今日經過黃竹坑,心血來潮想食泰國菜就即刻落車行左入去熟食中心。平時食開的青咖哩屋今日無開,就決定試試對面戈間"農民泰國菜"落單時有同店員講得好清楚,特登指住餐牌戈個$55的紅咖哩牛肉,再額外加多一碗白飯等左20分鐘左右,黎到的竟然係一個碟頭飯,就要求店員更換等多10分鐘...黎到真係嚇一嚇,$55的紅咖哩牛肉份量明顯的少只有4-5片薄牛肉,其他全部材料都係蔬菜圖中可見 $55的紅咖哩牛肉同一碗白飯的SIZE相若,而白飯碗的大小大約是一個拳頭左右而且味道太雜,食唔出咖哩的香味,蔬菜中的水份太多令咖哩味變淡呢道菜與其話佢係紅咖哩牛肉, 其實叫紅咖哩雜菜更貼切因為入面大部份都係椰菜花、 西蘭花、四季豆、南瓜&番茄呢一餐除左失望之外,都係失望。完!

午餐$50包罐裝飲品，例湯任飲。同朋友share, 豬手和海南雞飯。個豬手唔油膩，鹵水味道又幾好，配埋辣醋汁，都唔錯。。海南雞，無骨的，都滑，同有雞肉的香味。份量好足，好飽。。。

工作關係 要入到香港仔咁遠 真係唔太熟路幸好交通都尚算方便 一程車就入到去其實香港仔都有唔少泰國人定居係到所以泰式餐廳都唔少 同事們lunch 時間 相約食晏 問我有咩意見sorry 真係一日半日入黎 我完全無頭緒同事們就話帶我食地道野 果然夠地道 香港仔熟食中心 好多人係到食飯 泰國餐廳都有幾間揀 地下同一樓有兩層 分別我就唔知喇 不過上層都幾多外國人係到用餐 最後揀左「農民泰國菜」佢有唔同既泰式炒飯、粉麵、青咖哩之類比你揀 因為有少少熱氣 最終揀左粉麵泰式豬扒雞翼金邊粉 雙拼麵 45蚊因為一個豬扒同雞翼配粉麵都要40蚊 雙拼抵食好多 雞翼兩隻 香茅味重 炸粉夠薄 雞翼又大隻肉質無因為炸而老左 都相當嫩滑夠入味豬扒都係用香茅酥炸過 但食落唔太油 香味夠 肉質唔un 易咬鬆軟 金邊粉彈牙夠幼身 粉量都多 勾住啲湯絕不乾身 咬口十足若然以45蚊既價錢 我覺得唔錯唔錯！！

假期尾知道傍晚會落雨，中午拿拿聲走去南朗山行山， search 下附近有乜好食，完來係冇，聽講啲熟食中心實有正野，點知真係，其實冇乜 idea，南朗山熟食市場地下好多麻甩佬地盤佬食野，咁咪上一樓囉，有些食店假期關了，見呢間農民泰國菜正正常常，試下冇所謂，叫了泰式抄河，泰式抄飯，自選豬牛雞配料，詳情唔講，總之好味又足料，又抵食。不過略嫌小了泰式果種 spice 。另外兩杯珍多和龍眼 Ice ,(唔識打個字)，都不錯，只是 sweet 少許。講到價錢相當抵食，當時怕餓所以叫了穩陣的抄野，看見隔離枱叫的較特色食物和湯河都不錯，又係足料大碟(冇食過味道不敢說)，幾位“負責人“都是泰國人，非常有禮，我們走時行錯路都大叫“呢邊呀“。食物好味+人情味，所以我唔鐘意寫 blog 都用了少許時間寫上來。

因公司義工活動而到訪平常少到的南區，大家完成了半晝的體力勞動後，一行人走到附近的南朗山熟食市場吃午餐。經驗之談，熟食市場中總是卧虎藏龍，有不少抵食又美味的選擇。地下多是中式菜，而一樓通常找到異國口味，今天食神安排之下去到一樓的農民泰國菜。 餐廳有泰國人座陣，感覺好似 authentic 少少餐牌簡潔，有位叔叔行過提醒我地「無野係辣架呢度」 LoL 作為不能吃辣的人，我深知此話不可信！望望餐牌，見到有幅相十分吸引，但餐牌選擇又好像沒有似的，問問叔叔才知原來是蝦醬炒飯，不知為何不在套餐之列，但今天我吃定你了！ 龍眼冰味道偏甜，龍眼肉都多，小店唔會俾半杯冰你，有良心好多。 菜乾湯任裝，一大煲自助模式，好多人飲兩三碗，味道清甜無味精，潤肺清熱。 蝦醬炒飯（好似係$48 ）香噴噴送到面前，賣相已經先聲奪人。蝦醬鹹香好突出，飯有鑊氣香而不膩，原來加左丁點兒辣椒，越食越好味，最重要這是我都能吃得到的辣（世間少有）。飯面用蛋和肉鬆擺盤，配以已經煎香的臘腸。蛋剛熟，內裡仍呈半熟狀態，肉鬆跟臘腸一鬆一硬，口感截然不同。臘腸味道跟外面吃的味道不同，不會太鹹而香味濃郁。朋友們吃過都讚口不絕吃飽飽後很是