通達食店

營業中

休息中

食過好幾間唔同店舖嘅豬油渣麵都係最愛呢一間偶爾經過呢度都總會心癢癢想食番碗油渣麵賣$36 麵質彈牙爽口湯底清甜又唔會好肥膩豬油渣炸得非常香脆配埋菜甫火腿冬菇絲同蔥花就算叫唔辣都好好食

還記得疫情前每次經過油麻地出口 呢間小店都人頭湧湧 每人都在門口拮串小食食而粢飯當時有個飯桶在出面 買既時候可以睇到佢即場包起捲起 熱辣辣的送到手上但係今次去見佢哋已經裝修過 做粢飯既位置已經轉為室內 雖然無得再近距離睇佢即場包起但係而家疫情 其實呢個做法都好好起碼減少在室外做食物不衛生嘅風險今次經過一如過往 照係買咗粢飯外賣雖然明白外賣入面條油炸鬼一定無即場食咁仲脆口但係而家飯多豬肉鬆少 連啲粢飯都仲硬掘掘失望 竟然裝修完 連食物質素都改變了😮‍💨

通逹總係有一顆攝人嘅魅力，每次行過路過，一定會入去坐坐，佢D車仔麵不過不失，叫個2-3餸麵當輕小食就最好不過⋯如果早上返工前經過，佢哋嘅黐飯同豆漿定係不二之選，近排還加推咗三文治，不過我就冇乜特別興趣想試⋯而全店當中我的致愛，就係佢嘅咖喱魚蛋，揸車經過，行過路過，我自己都唔知點解，我都一定會買來食，真係冇得頂⋯ ✌🏻✌🏻✌🏻

每次喺油麻地出閘經過呢間小店都會篤兩村魚蛋，呢個習慣由中學嘅時期已經開始到而家都冇變過。鍾意佢哋嘅魚蛋比較彈牙，其實喺出邊好少食到呢一種魚蛋，所以佢嘅魚蛋係比較吸引我，無論係蠔油味或者辣味我都咁鍾意食。蠔油味係偏甜，不過通常個醬汁都好入味，就算唔點甜醬都可以接受。辣魚蛋個醬汁香辣得來又惹味，自己最鍾意加少少甜醬，咁樣就可以帶出魚蛋嘅辣味。另外小店仲有提供粢飯豆漿或者車仔麵咁嘅麵食，所以想飽肚都有其他選擇

呢間街頭小店係香港出名咗好多年，身為香港人既我終於都去了一試叫咗雲吞撈麵，但太失望了🥲湯同汁都好咸，麵又痴埋哂一舊好難撈，食完之後好口渴要一停飲水另外叫咗一串燒賣，燒賣就幾好，但都未去到讚不絕口的地步，應該不會再去了

現在還可以坐著來吃腸粉和燒賣的地方已經買少見少了，因為租金真的太貴，所以只有人流非常好的地方才能這樣做，這家店大家一定不會陌生，就是油麻地A2岀口一岀就看到，他們的燒賣我一直都覺得好食，就是比較煙靭而不會好粉的那種，腸粉就是比較幼身容易吃的，腸粉雖然每家也差不多，不過我喜歡吃很多麻醬，落單時同佢講想要多麻醬，真的不會吝嗇的給很多麻醬，之前吃過車仔麵質素還可以，在附近經過時想快快地填飽肚子也是不錯的。

自己放工一個人去睇figure，揀左呢間快靚正食晚餐。燒賣比魚旦好食！腸粉口感唔錯，唔太粉，D混醬幾正！豬紅蘿蔔都唔錯自己一個人都食左成$50😂，其實都唔平。

記得一次無意之間試食過經過油麻地站A出口，當時整粢飯嘅位置仲喺門口出邊，見到客人叫粢飯，店員就會有飯桶，用飯殼舀出熱騰騰糯米飯，然後立即用布包住，壓平，放上肉鬆榨菜同油炸鬼，大力捲實，再放入膠袋，新鮮熱辣辣嘅粢飯就食得。自從見到佢係即場整，之後基本上每次經過油麻地，都會買佢哋嘅粢飯，尤其是冬天，不論堂食外賣。疫情期間好耐都冇嚟過油麻地，今次嚟到佢好似裝修過，乾淨咗，以前喺出邊做粢飯的位置改咗去入邊整，但依然係新鮮嘅，即叫即整嘅傳統。所以保持到油炸鬼嘅脆度，肉鬆又唔會過分濕潤，正，畢竟能夠做到即叫即整嘅小店已經冇乜幾間。雖然佢出名其他腸粉燒賣魚蛋等等嘅香港小食，但我仍然鍾情粢飯。

小時候經過地鐵站都總會買一串魚蛋或燒賣，現在味道已經不像從前，想找回兒時回憶也比較難。但這家餐廳由細到大都一直很多人排隊，但我個人覺得燒賣魚蛋味道平平凡凡，只是香港的一個特色而已。而且這個價格相當便宜，我一個人點了一份碗仔翅、一份腸粉和一杯豆漿。一個人也吃不完，但只是突然想吃😋香港的特色小吃。而且剛好在地鐵站附近，地點非常優越，一出站口就已經到了，行到攰走到攰都可以坐低食下小吃，唔使企喺條街度食。

我記得好耐好耐之前已經睇過一段新聞報道講香港人每一日都消耗好多魚蛋，證明香港人其實係好鍾意食魚蛋。試過好多地方嘅魚蛋，最得我心都係通達食店，仲要一定係油麻地呢一間，太子嗰間我都覺得只係一般。佢哋嘅魚蛋係彈牙。可以揀唔辣嘅蠔油味或者香辣味。蠔油味係有少少甜，點甜醬就最好食，辣味係幾辣嘅，如果唔食得辣嘅我建議都係揀返蠔油味。小店仲有燒賣腸粉碗仔翅魚肉湯等等等等嘅小食。最特別嘅就係佢全日都會有栥飯食嘅。

經過油麻地，突然間好想食中學時代成日幫襯既油渣麵，算唔算集體回憶呢( ◠‿◠ )🙈而家佢地個豬油渣好似改變左，變左炸得好脆口既豬油渣(///▽///)好脆好香好好味😋✨✨湯底味道好似唔同以前，冇咁濃味，以前既湯底好味啲（＾ω＾）不過而家都唔錯。

平時行過都會拮串燒賣魚蛋，見佢屹立油麻地咁多年，今次試下堂食。懷舊脆油渣麵有辣有唔辣，我揀左少辣，其實辣味係嚟自啲辣菜莆，少辣就落少啲，唔辣就唔落咁解💁🏻‍♀️少辣都食到我流哂鼻水🤧但辣辣地好過癮🤪鬆脆嘅脆油渣+彈牙嘅上海麵+大量qq嘅鮮冬菇絲，食落口感豐富😋配菜仲有大量火腿絲，幾得意😂燒賣魚蛋平時經過通達食店都會拮幾粒😂我覺得燒賣唔錯，魚蛋普通，但啲辣汁好正。遠近馳名粢飯熱辣辣，都多肉鬆熱豆漿

前幾日去旺角睇波鞋，諗起有間小食店好耐無食，難得去開嗰頭就去幫襯下啦🤩🤩點解無益嘅嘢食總係特別吸引嘅😚😚，一個唔小心就叫咗咁多😛😛咖哩魚旦($11)、燒賣($11)、腸粉(6條$21)、魚肉翅兩溝($28)、豉油皇炒麵($19)、可樂($10)、檸蜜($17)😬😬咁耐無食味道依然好好味，尤其D陳皮魚旦夠哂辣味，腸粉又夠滑、炒麵夠乾身⋯不過魚肉翅就麻麻地下次可以唔駛叫，但其他嘢食下次全部可以encore😋😋

相信大家係油麻地碧街出口一出一定有見過呢間小食店一路都知呢到嘅咖喱魚蛋好出名尤其是啲辣汁簡直超正🤤🤤🤤估唔到仲有另一樣名物就係油渣麵🔶招牌油渣麵($36)豬油渣配埋上海粗麵、冬菇絲同火腿絲最最最重要係店家自製嘅辣菜脯，超惹味呢到嘅油渣麵湯底係麻油味較重同係出邊食嘅唔同，同埋配料比較多食落味道同層次都比較多元化______________________________通達食店 (油麻地)油麻地碧街48號地舖

每一次去油麻地都會心思思喺呢一間度買串魚蛋雖然佢旺角都有分店，但自己就鍾意食呢間多啲偏向鍾意堂食，因為唔使拎住喺條街度食魚蛋爽口彈牙～　仲要係出邊應該都買唔到嘅自己有啲特別嘅個人喜好，會鍾意叫一串辣同埋一串唔辣唔辣其實即係蠔油味，醬汁偏甜幾好食，辣味自己就一定係鍾意配甜醬除咗魚蛋之外其實呢度仲有好多唔同嘅小食～例如有燒賣魚肉翅粢飯腸粉等等等等！呢啲港式嘅小食真係好多回憶，所以真係成日都會返嚟幫襯反而佢嘅車仔麵我就冇咩點食過啦～