進達餐廳

營業中

休息中

下午同男朋友去完朋友屋企後，突然想食扒房，但又唔想光顧連鎖店扒房，屯門朋友介紹下就黎左呢間——進達餐廳，我地決定今日支持一下小店💗係屯門人生路不熟，我地用左將近一小時黎搵路，最後都係決定搭的士，點知連司機都話唔識路😂餐廳環境🍴我地點左紐西蘭肉眼扒、安格斯西冷牛扒、雞軟骨餃子和炸蟹鉗，餐湯是羅宋湯及南瓜忌廉湯，為大家一一介紹。羅宋湯 （+$0）比好多扒房好飲的多，飲得出是自家製而非罐頭，蔬菜亦很鮮甜，不會整得過爛，呢幾日天氣都好涼，飲碗熱湯暖暖身🤣南瓜忌廉湯 （+$0）口感香滑，沒有任何配料，比較偏鹹。沙律🥗 （+$0）紐西蘭肉眼扒 $188叫了5成熟，上菜時差不多全熟，有待改善，但肉質卻有驚喜，很小食到接近完全無筋的肉眼。安格斯西冷牛扒 $188叫了7成熟，這次煮得剛剛好，牛味濃郁，且不會太多筋。蟹鉗 $38雞軟骨餃子🥟 $38非自家制，味道尚可。

新界雖有有不少地方都被連鎖領匯攻陷，但勝在仍有些地方仍有些小店堅持著，令大家不用吃中央廚房準備不夠新鮮的美食。店裡會有大電視可清楚看到店裡有什麼推介很方便。因有4個人所以吃了不少很豐富！前菜是芝士焗青口與蟹蓋。芝味十足，且味道香濃。煙三文魚沙津。煙三文魚挺大塊，煙熏味香口，沙律菜新鮮，配上黑醋很開胃。小食拼盤有炸餃子、雞翼，焗元貝。雞翼餃子炸得很香脆，元貝也蠻彈口入味。脆皮豬首，可點芥黃醬。豬首外脆內軟，烤的時間剛剛好，肉質香嫩，很惹味。香煎牛扒，扒挺大塊份量不少。煎得剛好不會太熟令肉質變硬，配上香濃醬汁很香口。薯菜也不少令不會太肉太膩。羊架也會很不錯。時間控制好，不會有乾硬肉質。肉嫩仍鎖有肉汁，味覺又入味所以挺好吃。還有煎魚，魚肉很滑嫩，配白汁很白濃惹味又不會蓋了魚的鮮味。最後是餐茶，跟甜品。檸茶的茶味很香濃不會淡，解膩一流。甜品是自製軟軟的香香的。不過不失。這間主菜很不錯挺有水準加上價錢地道不貴，完全是性價比高～值得來。

好多人都話屯門係美食沙漠，其實有冇嘢食有時真係要你用耐性山長水遠先至搵得到，今日朋友介紹下黎到藍地既進達餐廳。餐廳裝修偏向西餐廳風格，燈光柔和環境清幽，因為地理位置關係空氣非常之清新。餐牌上面都係西餐嘅食物選擇都係非常之多，我鐘意食牛所以諗都唔諗就叫咗個美國安格斯西蘭牛扒，朋友就叫左個蜜糖芥茉豬手。好快就上左餐湯同沙律，湯濃厚奶味同沙律嘅清新非常之夾。西冷同豬手上台，西冷一睇賣相已經非常之吸引，一條條烤爐既烤焦色條令人食指大動！牛扒5成熟刀刃落下無爆肉汁，肉質鮮美保留到所有既肉汁，牛味濃厚之餘仲有淡淡嘅蒜香，牛油油脂香齒頰留香。豬手佢哋真係好有心～幫我地切好咗唔使自己開得咁辛苦～豬手既皮食落口爽脆一啲都唔肥膩，配合埋蜜糖芥茉醬！食落一種好有層次既口感，令你食完一口就急不及待再食！我覺得而家餐廳係非常之適合情侶，環境非常之清幽唔洗怕人山人海，二人世界食西餐又多一個好地方！

藍地青磚圍相信唔係個個香港人都有聽過呢個地方，前幾日夜晚有幸經過，發現有一間門口好多燈飾幾靚嘅餐廳當時時間仲早所以冇乜人，望下個餐牌又唔係貴，大部份都唔使$200就有一個set dinner,就膽粗粗入去試吓，叫左1塊美國安格斯同比目魚加咗$10要甜番薯條頭盤沙律同南瓜湯大大碗，心諗有冇咁筍...點知放落口又真係好味喎，雞絲有份量唔少喎！個沙律汁酸酸甜甜幾開胃！牛扒同埋比目魚真係出乎意料咁好、先唔講佢哋大大份，牛扒食落好有牛味，唔會好似出面咁剩係得醬汁味同埋一啲都唔鞋口，比目魚真係大大啖都係魚肉，一d都唔乾！朋友話難得啲配菜都食晒、因為啲配菜都係甜嘅，唔會似其他餐廳咁，白烚😂😂呢間新開嘅餐廳、極度建議住喺新界區嘅朋友都去試吓除咗抵食、仲要係好味

星期五晚上入去青磚圍附近搵親戚攞返少少野...晚飯時間又未食飯嘅我哋經親戚介紹下就行咗嚟進達食...可能聖誕過後啦...裝飾仲未收，行過都會俾佢嘅閃閃裝飾吸引到！入到去發覺幾浪漫每一張枱都會有一個小小的枱燈.而且佢哋有分室內同埋室外！有寵物嘅朋友都可以嚟一試，而且隔離仲有個停車場.揸車人士都可以好方便有個位置可以擺放你的車👍🏻真係估唔到外表似一間普通的茶餐廳但內裡情調十足！晚餐選擇價錢大眾化！我哋選咗電視裡介紹新款菜式等左一陣間就嚟咗沙律同埋餐湯沙律菜好新鮮👍🏻羅宋湯材料十足！唔會太🌶配料豐富，味道濃郁...份量還好剛剛好濕潤喉嚨唔會飲到太飽鐵板黑椒牛肉飯$98勁有驚喜！牛肉唔會太硬！最欣賞個炒飯！粒粒分明又唔會好油！有鑊氣...而且熱騰騰既鐵板，在咁冬既天氣食係一件好正既事👍🏻經典鐵板雜扒$98有豬扒雞扒牛扒腸仔煎蛋...肥仔餐😂雞扒和牛扒都是我朋友最喜歡的！佢話最怕食到d又硬又大雪味既肉...呢度完全冇呢件事👍🏻我覺得住附近或者揸車嘅朋友我都好推薦黎試下...真係茶餐廳嘅價錢但係可以有一個浪漫嘅環境即係晚餐都係幾唔錯嘅選擇

有d特別既事要去一去屯門 所以完事後惗住拉埋男朋友去d有氣氛既餐廳食翻餐好的享受人生進達既門口好特別 有少少酒吧既氣氛好似幾有feel咁入到去見到佢推介既餐點 仲有全日免加一既提醒最鐘意d免加一既餐廳 計數個時無咁煩嘛首先來到既係沙津 要讚既係佢既火雞絲食落係算嫩滑的 一d都唔粗糙 所以係食得好舒服既如果我無估錯 應該係用左雞腿肉 而5係雞胸肉一係就係將雞胸肉調理得好好另外餐包都係我幾中意既類型 睇落唔係d硬幫幫既餐包睇落係軟綿綿既等我撕俾大家睇 南瓜忌廉湯 好可愛 唔知有心定無意佢有個笑哈哈係湯面 湯既飽肚感幾重叫左佢顯示板推介既其中一款餐 鐵板黑椒牛柳粒飯大大份既牛柳粒 仲有炒飯中意食好味飯焦既要點 牛柳粒大塊實在 推介呢個全餐仲有係佢既牛扒肥瘦適中 都幾有牛香味最尾飲翻杯凍檸茶chillchill佢

十年難得一次，走左入屯門同男朋友一齊去做GYM，做完運動，行完街，開始肚仔餓。係佢屋企附近四圍游時，俾我地發現到村屋叢入面一間西餐廳。就係又同呢個男人行過一年，於是我地就決定食豪D，叫左2個海陸空套餐，分別係紐西蘭肉眼併焗新鮮韓國蠔($258)同寶雲酥焗牛柳併大蝦($258)，我地仲加左$10，加配左份D，呢度GE海陸空套餐，會有海鮮頭盤、沙律、金磚忌廉湯、時日甜品同埋熱飲，認真豐富。海鮮頭盤有炸蟹鉗、吉列炸蝦、中華沙律同埋八爪魚，炸物炸得幾熱辣香酥，食落口卜卜脆。沙律用左生菜、沙律菜、雞肉、小蕃茄去整，再配埋芝麻醬，食材雪得夠哂凍，食落夠哂透心涼。金磚忌廉湯非常值得一讚，原個面包磚再加埋忌廉湯拎去焗爐焗，面包焗至金黃色，忌廉湯經過烤焗後更加香濃，而面包內軟而且吱收哂忌廉湯GGE精華，褂常好食。紐西蘭肉眼併焗新鮮韓國蠔，肉眼叫左三成熟，切開見到肉仲係鮮紅，入口啖啖肉味四散，食落口感唔錯，開心！蠔GE用料都新鮮，食落唔會腥，用左蒜蓉去焗，簡單得黎同樣好食。寶雲酥焗牛柳併大蝦，牛柳非常大件充料，上面鋪上一層口感有D似紫菜GE碎，令到個牛柳更添風味，而大蝦用料都係新鮮GE，食落口啖啖肉。平時

今日男朋友好神秘咁話要比個驚喜我，話夜晚帶我去食大餐，但係個地點係屯門既村入面！？🧐🧐抱住一個期待既心態，坐輕鐵落車行左入村搵左一陣，遠望見到有些燈飾，應該係呢度啦！🤩🤩有一男一女出來招呼，後來知道原來是姊弟，這餐廳是家庭式經營，成家都係晒到，🧐🧐在場客人都是老顧客，原來呢度日頭係茶餐廳，好多街坊幫襯，夜晚就係搖身一變成為隱世西餐廳🤩‼👍🏻👍🏻老闆娘都好熱情介紹有咩好食，力推全部真材實料，我地見餐牌咁多選擇，就介紹左我地試下神秘晚餐，只要話比佢知唔食乜野，我就坐係到等食喇😝😝！男朋友揀左個晚餐，南非琵琶蝦併岩鹽燒豬鞍扒，為食我們仲另外單點左三隻焗蠔！😋😂💕面包、餐湯、前菜黎到已經非常出色，真係好足料啊😍❤睇相就知道，邊有羅宋湯咁多料，邊有龍蝦湯有兩隻大蝦同一隻青口😂😂‼真係唔用隱世西餐廳黎形容都唔得，主菜都分別黎到，我既神秘晚餐係法式三支骨羊架併半邊青龍蝦，好入味👍🏻完全感受到係用心之作！單點既焗蠔都同時黎到，新鮮，好香👍🏻🤤‼男朋友既主菜都好滿意，連唔太食豬既我試左少少都表示好味，全部食物都好推介‼❤晚飯過程都受到老闆一家熱情招待，非常有人情味～吃飽還附送芝士蛋糕作甜品🍰🍮😋😋！是夜

黎開附近行街搵野食，咁岩想食好啲就入左呢間扒房，睇落係茶餐廳咁，但入面似乎大執完一輪，佈置得幾浪漫。一入黎老闆娘驚我地凍親即刻黎山返個窗，好貼心。因為同朋友都係牛魔王，所以叫左一個西冷一個肉眼，都係五成熟，有跟沙律同湯。沙律係黑醋沙律，朋友唔食沙律所以醋呢啲野都係女人黎啦，不過不失。是日白湯係煙三文魚忌廉湯，我地都麻麻，所以都叫左紅湯，有跟餐包，個湯辣辣地好正好惹味，而且唔會太鹹，最驚喜係入面仲有牛尾！重頭戲既牛肉擺盤擺得好靚，一個跟蒜蓉汁一個跟燒汁，兩件牛都係十分重牛味！煎得唔乾，食到心心眼，肉眼夠厚所以見到中間紅卜卜仲有血水，可惜既係西冷因為太薄叫五成熟其實已經差唔多熟哂了。我地本身想一個跟意粉，但估唔到兩個跟薯菜都夠飽。本身以為係菜加薯條，但原來係番薯黎，好甜又煮到岩岩好，仲有得兩粒既菇唔知咩名但係勁有菇味，中和哂剩係食肉既油膩感。最後仲有甜品食呀！朋友已經好飽話唔想食芝士蛋糕啦，但係同我一樣食左一啖就默默食左成件，因為係檸檬芝士蛋糕黎，食落一啲都唔heavy，淡淡地既檸檬味仲好refresh。可能因為之前係茶餐廳，奶茶夠港式夠茶濃，正過台式奶茶好多，我諗唯一唔夠好就係呢兩隻杯破

住喺屯門，都未試就去到咁入嘅地方食飯，今日得閑， 入咗藍地飛咗轉，發現左呢間隱世餐廳，環境舒適，簡簡單單，我哋叫咗個二人餐，其實都已經夠三個人份量，頭盤有青口同蟹蓋肉，味道都唔錯，另外我哋叫多咗蕃薯仔雞翼三文魚🍣，成碟煎炸野食晒。😋店主話當日返左d生蠔,好新鮮，可以叫返碟燒生蠔嚟食，所以我哋都order左，因為我先生好鍾意食蠔，味道的確唔錯、都有口感。田園沙律當然唔少得，另外仲叫咗啲春卷小食，其實都已經飽咗。主菜我哋叫咗個牛扒同埋羊腿，其實好大隻、我一個人完全食唔晒，之後仲有碟意粉，我覺得個意粉整得好好味。唔會太淋或者太硬。#推介美國安格斯西冷扒#進達餐廳地址: 屯門藍地青磚圍311號

揸車既人真係特別幸福聽車友講藍地有間好正既餐廳，適逢聖誕既聖誕大餐又抵又好食事前有上網搵過餐廳資料，睇落係田茶記轉型做西餐，網上評價唔係特別多，但既然車友私心推薦，當然要去試試😍8點幾去到餐廳，眼見都幾多人食。咁我地2個人二話不說就叫左個聖誕二人套餐$568送扇貝。我地揀左坐外面，因為比較浪漫。首先係上沙律。有三文魚伴菜，份量好足，塊三文魚都好大塊。第二樣就係小食，好豐富架，有幾種唔同既食材，亦好開胃。之後就係金磚湯！我地幾乎食左大半個金磚，因為d麵包撈埋d湯食實在太好食🥰另外店員好細心👍🏻會等我地食完1度菜再食另1度，咁我地就可以慢慢食。之後就上主菜，豬手同牛扒。豬手同平時唔一樣，佢係蜜糖芥末製既，比較軟身同入味。牛都好滿意，好有牛味，而且味道好好，生熟都拿捏得好。飲品方面我地都叫左柚子類既，好甜好惹味的😝甜品總數包括有3樣野，當中brownie最出色，佢唔係好滯果d，而係有d似蛋糕，同時又有少少鬆脆🤩總結呢間餐廳完全係值得一試

早排聖誕節唔得閒同老婆食聖誕大餐，今日特登嚟呢度補返揸車過嚟好方便，因為呢個餐廳隔離就有個停車場啦。外表好似一間好普通嘅茶餐廳，原來夜晚就係食高級西餐嘅，價錢都唔算太貴，大約$300蚊一個晚餐。餐廳有分室內同埋室外兩邊，雖然我唔吸煙，不過應該室外都方便吸煙嘅人士嘅，我最後都揀咗坐室外因為覺得比較有情調 我哋帶咗兩個套餐一個餐就飲龍蝦湯，另一個餐就飲羅宋湯。餐湯都係非常之足料嘅，淨係講羅宋湯基本上有一半都係菜同埋肉，呢個係有啲喜出望外；除此之外佢仲有龍蝦湯俾我叫，本身西餐廳就唔已經唔係間間有龍蝦湯而佢隨湯附送嘅餐包係經過加熱嘅，其實唔係凍嘅我已經好開心我哋叫咗其中一份係羊嚟嘅，上邊嗰啲綠色嘅嘢雖然我唔知係乜嘢啊但係個口感好特別好好味，而呢份羊都非常之蘇，而家好多人怕食好蘇嘅羊所以出邊啲餐廳都唔係太多，好多都冇咗陣蘇味另外叫咗一份西冷，再加龍蝦，隻龍蝦真係非常之好味，啲肉好爽之餘，龍蝦好新鮮，焗嘅時候加嘅調味料都令到佢好香

有時候緣份嘅嘢真係好難講，機緣巧合之下嚟咗屯門呢邊做嘢，夜晚經過呢間餐廳，呢間表面係村屋，其實入面係西餐廳🍴，相信大家都估唔到😬真係好意外，除左外面可以泊車，又有室外和室內兩區，環境都幾好，而且又幾有情調喎🤗，客人都唔少！呢個2019海陸空套餐，又幾曵鬼，主菜都有多款選擇，一於試下先😬頭盤嘅係「吉列炸蝦🍤蟹鉗」旁邊仲有沙律菜，賣相都唔錯😃，「煙燻火雞片沙律」，開胃前菜，份量剛剛好😬二人餐可選金磚忌廉湯或羅宋湯，羅宋湯飲得多，今次試吓忌廉湯先，好玩又得意，飲湯得來又可以用匙羹刮啲麵包肉，又幾夾喎！主菜揀左「蜜糖芥茉豬手」，餐廳幫你切🔪埋，用叉就可以品嚐，好方便🤗另外一個主菜「寶雲酥焗牛柳」大大件牛枊，色香味俱全👍🏻估唔到屯門都有咁有質素嘅餐廳😀埋單都係六百元左右乍🤗

無意中喺網上發現原來區內有間西餐廳，平平地就可以食到扒，咁緊係要黎試一試。由藍地輕鐵站行大概五分鐘就到。餐廳環境都幾有情調食物種類都唔少叫果陣都唔知原來有頭盤仲有沙律第一次聽金磚忌廉湯， 都唔知係咩黎，原來係方包裏面放咗啲湯， 一啖雜菌忌廉湯，一口鬆脆方包， 超好味食完頭盤小食，沙律和湯，已經飽飽地再嚟主菜， 蜜糖芥末豬手 ，豬手好入味 ，配埋焗薯和酸菜紐西蘭肉眼併韓國蠔，隻蠔都幾新鮮 食埋精緻嘅甜品 一個套餐可以吃到咁多款美食，真係好滿足 ，飽到行唔旭 ，依個套餐真抵食

最近朋友介紹我地去屯門一間隱世特色西餐廳食飯 見佢最近有Christmas Set 老公就揸車帶我黎食老公話呢度泊車超方便👇🏻今次我地加左$28要龍蝦湯 濃濃蝦味 味道鮮甜 仲配一隻青口 好新鮮 餐包超讚 係熱架👍👇🏻呢個係羅宋湯 材料超足 👇🏻寶雲酥焗羊架 這是我最愛 出面好多都係香草羊架 呢度整到寶雲酥焗羊架 咬落脆卜卜 唔會煮得太熟 正👇🏻美國安格斯西冷牛扒 相信好多人中意食肉眼 不過我就中意食肥d有根既 所以呢塊西冷係好靚 真係成條比我慢慢食 另外加左$78半邊青龍蝦 芝士焗 超香 龍蝦肉爽