逸派咖啡

營業中

休息中

真係超抵食‼️估唔到而家仲會有$35.1個飯有飯同埋其他麵食可以揀 問過職員 都有四款選擇仲要跟埋湯同嘢飲 湯仲有中西湯可以選擇雖然只可以揀熱飲 有中國茶、檸茶檸水但係呢個價錢嚟講 真係算幾好個份量都好足夠 一般人嚟講絕對夠飽唔知幾點開始供應 🤔我見有時朝早10:30已經開始有 有啲比較晏返工嘅人 真係可以當係brunch真係附近上班族、街坊嘅恩物 👍👍另外 佢嘅沙律都相當唔錯 $30以下嘅價錢有雞扒 沙律菜嘅份量都好足真係值得推介👍

睇到電視介紹四星級酒店竟然有$35嘅外賣飯賣，特登過嚟試一試。可惜嚟到當日佢大部份嘅飯都賣晒，最尾唯有揀個雞肉沙律，成為$30，但因為唔係午飯，所以冇得跟嘢飲同例湯。佢個沙律都係Standard嘅沙律，雞就有四至五片。以$30嚟講，已經非常好！

好抵，酒店質素，茶餐廳價錢，星冰樂最貴$41，燒春雞$50 , 1磅蛋糕$180，生果杯$20 ，泡芙大大個$18，喺呢個世代食嘢咁貴，佢仲可做到呢個價錢，真係有良心

行過維景酒店見到有個餐牌，外賣飯盒$35，仲包湯包茶，2023年喇喎，有冇咁平呀？睇吓啲選擇，都係啲大路嘢，黑椒雞扒飯粟米豬扒意之類，都明解嘅，咁嘅價錢唔通俾鮑魚你食咩。我叫咗個蝦餅炒烏冬，即係平時泰國舖啲炸蝦餅切條，用類似上海粗炒嘅做法，食落都幾惹味。份量足秤，好墜手，同平時茶記碟頭飯咁上下大細，夠飽的了。餐湯有中湯西湯，我選西湯，橙紅色比較杰身，好濃蕃茄味，幾開胃好飲，但又唔似港式羅宋湯，唔知係咪蕃茄忌廉湯。餐飲問侍仔有咩揀，佢話熱檸茶或熱檸水，咁熱檸茶啦。維景酒店雖然比較豆泥，但衰衰地都係一間正式酒店，所以啲餐具餐盒都會用好少少嘅，起碼個膠袋都印住酒店個招牌，唔似一般茶記求求其其，啲膠叉熱少少都鬈。喺而家呢個食老麥都成$40嘅時勢，$35可以食到酒店飯，算係非常難得，絕對係兩餸飯以外嘅一個好選擇。

今日我又太子行去深水埗我嘅路中途，見到有職員好誠懇地叫人入去試吓裏面啲麵包，所以我就入去揀一個買來試吓啦。呢間咖啡廳，位置喺酒店裏面，不過我對佢哋期望都冇好高，始終唔係啲咩五星級酒店。入到去見到啲麵包出奇地平，甚至比一般麵包店更加平！好抵食！菠蘿包雞尾包只係$6 ，我諗好多地方都已經做唔到，甚至好大部份茶餐廳已經賣緊雙位數！我就買咗一個肉桂卷， $20 ，超級超級大個！麵包口感唔錯，好實在，並唔係空氣麵包， $20咁大個真係超級抵食！不過留意番佢話係肉桂卷，正路應該要有玉桂味，睇外觀同橫切面的確見到有少少玉桂粉，不過食落去完全冇玉桂味，可能因為麵包香味太香，如果當係一個普通麵包，咁都算唔錯！

早前路過旺角維景酒店，被餅店外豎立的木餐牌吸引而入內買了一份外賣晚餐，數款晚餐都是統一價錢 $35，每份晚餐包括有中/西餐湯、一款主餐盒及茶/咖啡，我揀選了金菇肥牛飯。返到屋企打開餐盒被眼前景象嚇一跳，思疑是否有人把原應放入垃圾桶內的食剩飯盒放錯了在售賣的保溫櫃內。飯有兩圓球，而所謂金菇肥牛連汁就只約有餐盒深度的四分一薄薄一層。請問廚師是否認為 $35 就只能供應如此貨色？如要將貨就價我唔介意你加價，過到自己過到人，廚師你認為這個出品可以給自己幾多分？簡直係侮辱了顧客及廚師的尊業身分

Walked past one day and saw roast chicken in the cabinet.It was definitely an odd sight on the dark side of Kowloon because the crowd is mainly locals so who would buy it.Anyway being curious went in and it was labelled HKD50!!!Sadly I already had lunch so couldn't tuck in a whole spring chicken.Went back another day and I was too early as they don't come out the oven until 3pm!As well as the timing, it has been difficult to visit Prince Edward due to the current situation.Finally went on anothe

去太子拎花，但係又未夠鐘間鋪頭未整好，所以搵個coffee shop坐低等時間～維景酒店喺附近，歷史悠久，見呢度有個coffee shop可以消磨時間wifi算收得好，但個lobby當然充滿好多大陸旅行團～ 入到黎先知原來冇乜位坐，兩張高枱四張高凳，或者cashier吧枱兩張高登～原本諗住要杯熱咖啡嘅，點知嗰個哥哥仔唔識拉花，熱咖啡無拉花即刻掃晒興無個感覺，所以最後叫咗個焦糖咖啡沙冰＄35～ 味道普通啦，焦糖唔算太甜，咖啡又唔算太香濃，＄35價錢都算OK～