影片
港鐵尖沙咀/尖東站 P1 出口, 步行約2分鐘
繼續閱讀
營業時間
星期一至日
08:00 - 22:00
以上資料只供參考, 請與餐廳確認詳情
一出地鐵站行過見到櫥窗貼左張紙蒸飯套餐加油菜$49超抵，諗住夜晚冇得叫！點知行入去問櫃檯姐姐佢話夜晚有！於是乎叫咗個鳳爪排骨飯同埋菜心，另外叫咗個鮮蝦菠菜搞同埋鮮蝦韭菜餃！蒸飯係真係做得好好食，飯粒軟硬適中吸晒排骨汁！排骨份量都算多，有十二粒😆味道唔錯幾好食(當然有乸過鬆肉粉)！鳳爪都係一＂損＂就皮骨分離，正！不過如果再多少少豆豉汁會仲香啲！炸鮮蝦韭菜角$28就有唔夠韭菜味少少失望，但薄脆炸皮加分 &佢入面嘅餡就真係好足料特別係大蝦仁👍🏻，同埋唔會有好多肥豬油！鮮蝦菠菜餃$27晶凝通透皮薄，入面都爆餡又係有大蝦仁！好食過炸鮮蝦韭菜角！兩個人食份量剛剛好😊讚：食物即叫即整完全夠晒熱，買完行返上公司仍然熱！收銀員姐姐好有禮貌，我慢慢揀佢冇催過我落單仲叫我坐低等外賣！彈：如果點心價錢平多幾蚊更佳！
繼續閱讀
啱啱喺尖咀返工，朋友過黎同我食LUNCH，經過見到佢啲座位好似坐得好舒服，就入咗去喇！叫咗一個飯菜SET，一盅飯加一碟油菜，勁大份，如果一個人黎食，叫呢個SET都已經飽曬.....另外叫咗蝦餃，燒賣，鳳爪，蘿蔔糕，腐皮卷，百花釀魚肚。蝦餃：皮薄，餡靚，SIZE同一般無乜分別‥‥‥燒賣：大大粒，絕對唔似出面有啲咁好散好粉，呢度係啱啱好，又唔會太實，但又啖啖肉‥‥‥鳳爪：大大隻，啲汁唔會太濃，但不失滋味‥‥‥蘿蔔糕：有3件，蘿蔔味重，不過略嫌有啲散，夾起上黎有啲困難‥‥‥腐皮卷：內裡勁多餡，實的的咁樣，好有咬感‥‥‥百花釀魚肚：嘩，驚起黎喇，魚肚大大件，唔會淋PAT PAT，好鮮，再加上面有蝦滑，又係大大件，蝦滑上面有啲蟹籽，簡直就係鲜鲜鲜‥‥‥仲有呢度唔收加一，茶錢每位$10，啲嘢食又無茶樓咁HEA咁油，一定會再去！！！
繼續閱讀
同一大班師兄弟姐妹群聚, 有師姐提意去逸翠軒.打電話去訂位, 佢地話無訂位服務! 唉….. 身為群主早D去霸位是常識吧 ~~>_<~~優點:1, 冷氣足夠.2, 以尖沙咀地區黎講價錢叫適中.3, 唔洗排隊，地方環境闊落舒服.4, 其實我掛住吹水, 叫咗嘅點心唔係食勻, 蝦餃好奇怪係綠色, 但夠大粒, 蝦隻彈牙新鮮, 而且一籠有四粒, 唔似其他酒樓偷工減料得三粒.總係感覺珍珠雞內無咸蛋黃係失敗, 放心, 逸翠軒唔單只有蛋黃, 而且好好味, 唔會茨汁配料過多攪到太漏.5, 最初都唔明白點解師姐推介逸翠軒, 食完先知道原因, 我地坐咗成五個鐘, 無炸型, 無被人趕走, 吹水一流!缺點:1, 唔收 vise 咭.2, 個洗手間係地庫, 夜晚去好陰森恐怖.3, 無電話訂位.
繼續閱讀
🔅🔅🔅有朋自遠方來當然要帶她嘗試地道的香港好點心剛好我們在尖東附近看見有分店就決定試下因為上次吃過質素還不錯🔹店舖面積還算不小座位之間比較鬆動可地磚有點濕滑滑每一步要小心翼翼🔸全日有點心蒸飯供應還設有原盅燉老雞湯與酒樓不同的是不用加一服務費朋友說那真不錯🔹<鳳爪排骨飯> 與朋友可以一人一碗米飯份量可不少呢鳳爪有點蒸過時排骨肉很滑不錯🔸<香茜牛肉腸粉> 腸粉皮拉得薄滑裡面包裹住牛肉再點少少甜豉油朋友說好吃唷～🔹<原籠馬拉糕> 朋友至愛點心之一熱辣辣椰奶很香可惜甜度過了點🔸<煎釀虎皮尖椒> 辣椒size大得驚人鯪魚肉不覺得腥煎得香脆可口🔹<總結>食物質素還不錯～但服務有待改善！🔅🔅🔅
繼續閱讀
時間於6月3日下午約1時50分。首次幫襯，也是首次於食肆內見到員工大模斯樣、旁若無人地在廚房出菜位對出的工作桌剪指甲，實在歎為觀止；旁邊幾位女侍應毫不覺得有問題，照樣跟那位剪指甲阿姐有說有笑...呢間野沒有下次!
繼續閱讀