遇見小麵 (荃新天地)

營業中

休息中

咁大個人，第一次食嘢，要食到一肚火😡😡😡。亦都第一次寫食評。見大家樂對面間上海姥姥執咗，轉左間新既內地品牌既餐廳，諗住同frd試下會唔會有驚喜，開始正常排隊喇，都幾快可以入座，目測都有幾台空檯等緊收拾，可能人手不足，冇咩特別。前面排隊既有對情侶，咁嗰靚仔waiter帶咗佢地佢6人檯坐，👀👀，到我地入座就正方形細檯，ok算數，兩個人呀嘛；跟住我後面嗰佬，坐卡座，乜意思先，佢地叫野食多啲定係點？？ fine 前面當佢地冇reception既concept。 我叫7樣，你張細檯放唔到，咁你作為服務員係咪執一執位呢？？ 求求其其擺兜麵，擺兜嘢食落黎，咁不如似大家樂我自己service我自己，你班waiter，waitress齋收野算啦？係香港開餐廳，請班大陸講普通話既，聽普通話既侍應，咁學咩人做香港人生意呀？？ 以為香港人鍾意返深圳消費，就開間垃圾就可以係香港插旗？？真係唔明🤷🏻‍♂️🤷🏻‍♂️仲有咁多排隊人等食佢呢間垃圾。可一不可再！！

一入到店内 已經看到很多枱下都有垃圾尤其是相片中的其中一個位置非常嚴重！ 店員好像不發覺有什麼問題？ 如有這間店舖的管理層看到這個食評請你們真的認真跟進衛生問題！ 所以我食完這餐之後也立即肚屙應該跟衛生環境有關， 至於食物方面正常發揮酸辣麵粉就只有辣味沒有其他味道。

下單半小時不上餐，要求了三次催餐，完全當冇到。我到櫃檯要求退款，看到我的餐放在counter，已經完全涼了才送去，但經理硬說是剛做好，當客人傻！以後不會再去了！

✧ 紅碗豌雜麵套餐（$49）一嚟梗係要試吓佢哋嘅招牌紅碗豌雜麵啦滿滿嘅配料鋪喺麵上面豌豆花生十幾種佐料應有盡有 撈勻之後每一啖麵都充滿醬汁嘅香真係好惹味麵條煮得啱啱好份量都好足夠 食完真係好滿足✧ 脆皮半隻雞麻辣小麵套餐（$56）脆皮雞麻辣小麵一上枱就聞到陣陣香味半隻雞炸到金黃色雞皮真係脆卜卜咬落去咔嚓咔嚓聲雞肉又嫩又滑充滿肉汁完全唔會乾柴重點係佢個麻辣湯底非常惹味麵條索哂啲湯汁每一啖都咁過癮✧ 醬香鹵牛肉小鍋冒菜套餐（$61）另外仲叫咗個醬香鹵牛肉小鍋冒菜套餐個湯底又麻又辣啱晒我呢啲鍾意食辣嘅人 牛肉好入味份量都好多裡面仲有好多配料魚腐豆皮薯粉等等最正係佢哋仲會俾個爐你keep住個溫度咁就唔怕啲嘢食凍哂啦✧ 香嫩牛肉串 3串（$19）牛肉串都好好食呀 牛肉好嫩滑又有嚼勁✧ 原味酥脆雞排 1塊（$14）最後叫咗個原味酥脆雞排做小食外皮炸得好脆卜卜 裡面嘅雞肉仲好juicy添估唔到咁好食呀

荃灣抵食正宗重慶小麵喺內地擁有幾百間分店嘅終於開到嚟香港啦 你都勁多人排隊 不過都好快有位使用QR code自助式落單直接網上付款 夠晒方便安格斯肥牛小鍋冒菜 $66香辣火鍋🍲會連爐㷫住一齊上咁好似打緊邊爐咁暖住啲嘢食～配料都好多好豐富，有魚腐、豆皮、菜、薯粉等等性價比好高！全部都好入味小小辣得嚟又惹味！肥牛都好多塊而且吾硬 我哋仲加咗微辣嘅肥腸 口感即加level up金碗酸辣粉重慶味 $19估唔到份量都幾多，薯粉食落好煙韌，酸辣得來食得超過癮～爆漿豆腐串（2串） 微辣 $17咬落會爆汁 估吾到！脆皮大餃子（3個）$17脹卜卜好足料嘅韮菜餃！咬落好脆口～香酥蔥油餅 $9鹹香味十足好鬆軟白玉厚椰乳 $12 椰汁好香濃好滑 白玉滑溜溜啜入口勁爽 夏天飲一定好正凍檸檬茶 $8酸酸甜甜好開胃，配埋辣嘢食一流！遇見小麵 (荃新天地) (荃灣)荃灣楊屋道1號荃新天地地下G30, G32 & G36號舖

嚟到店門口，就聞到滿滿嘅重慶粉味，難怪門口咁多人排隊。🤩安格斯肥牛小鍋冒菜有主菜肥牛，仲有幼薯粉，魚蛋，腐皮，面筋，金菇，雖然叫咗辣，但食落又唔算話好辣，太約辛辣味嘅一半左右。蕃茄牛肉麵想講個麵超好食超有口感，番茄唔酸，如果加埋上面小鍋嘅湯，會更加野味。飲品叫咗白玉厚椰乳白玉唔多，但鐘意佢果椰子奶，真夠「厚」，中和返上面嘅辣味，同個椰奶好滑❤️。串燒叫咗羊肉同牛肉，個人比較喜歡羊肉，汁鎖得更多。全餐計返$150蚊找數就可以，超抵食。

荃灣新開餐廳，即刻去試試重慶地道美食 ❣️🔸軟骨丸子小鍋冒菜叫了不辣的湯底，丸子內含軟骨咬下去口感很有趣！搭配多種不同配料，有豆皮、豆腐及多種蔬菜，很豐富 😋🔸酸菜肥腸麵肥腸處理得好好完全沒有怪味 👍🏻 酸菜很爽脆，麵條很彈牙，微辣的味道恰到好處 🤤🔸羊肉串肉質鮮嫩，肥肉與瘦肉比例剛剛好 😍 烤制的火候掌握得宜，十分香口！🔸串燒拼盤有照燒腿肉串、旋風大麵筋和爆漿豆腐串，有很多香料，又麻又辣十分過癮 😆

同朋友經開荃灣買家品，見到內地火紅嘅連鎖店「遇見小麵」！我哋之前上大陸，就已經好想試！見唔使排隊，即刻入去食！地方企理，光猛闊落，價錢方面都好親民！主打食重慶麻辣嘅食物，如重慶小麵、小鍋……一坐低，朋友二話不說就話一定要點小鍋冒菜！安格斯肥牛小鍋冒菜連爐一併上，㷫住keep住熱度，好似打緊邊爐咁。配料豐富，有魚腐、豆皮、薯粉等…麻辣香，好惹味！另外, 當然唔少得招牌 -- 紅碗豌雜麵麵煮得啱啱好，配上十多種佐料、豌豆、花生…撈匀，麵條掛滿佐料醬汁，味道濃郁可口！我哋仲嗌咗3款小食，牛肉串- 比較有嚼勁脆皮大餃子- 脆卜卜，好香口爆漿豆腐串- 好有驚喜，估佢唔到咁惹味香口，滿滿重慶風味，誠心推介，必食！

琴晚諗住試吓個麻辣小鍋，於是去咗呢間食八點左右可能太夜 套餐（包飯）已經賣晒 於是我電話落單咗一個淨小鍋冇飯嘅點知隔離枱又係見到冇飯，佢問侍應，侍應先話問佢食咩，可以幫佢嗌有飯。發現原來侍應可以幫手嗌飯，於是我叫咗佢幫手，點知佢服務態度勁差，話等陣先啦！叫我自己喺電話㩒。然之後佢安排嗰張枱其實好細。嗌咗個串串，仲有一個小鍋同一碗麵。食完串串之後就上小鍋同麵，但張枱根本就已經好迫，佢又唔收走個碟。已經好禮貌咁叫佢麻煩收走個碟，佢又係話等陣先啦！乜而家啲侍應咁有性格，嘢都唔使做，就係叫客人等陣，仲要態度咁差😠我有俾錢㗎喎。真係冇下次。

見到咁多差評 就放心鳥 係門口睇緊menu 跟住順口問句個職員 有無加一 點知 佢好似聽唔明 佢問我 「你會說普通話嗎」 嘩… 香港黎 咁都算啦 咁我就答佢 咁算啦 之後自己睇多左陣 menu 轉身去 睇其他鋪頭 點知轉身果下 發現果職員走左去 出餐位 圍爐另外兩個職員 望住我其中一個女職員 瘋狂啤住我 好啦… 而家知呢間野既服務態度啦仲要講普通話先得

內地過江龍/ 重慶粉麵川菜:之前已經聽聞遇見小麵係內地已經有三百幾間分店，以 重慶粉麵川菜為主打既川渝風味連鎖品牌愛食辣嘅我點可能放過呢個機會試佢🤣先望一望個餐牌價錢發現係幾大眾化，同大陸個價錢應該唔爭得太遠。👻紅碗豌雜麵 $42呢個應該係招牌之一，份量都幾多，表面全部都係不同嘅料，但個人就麻麻哋個金黃色糊狀既耙碗豆，但肥瘦均勻嘅滷肉就十分不錯😋佢有拌麵和湯麵兩款，拌麵就會較香同乾身，仲食到每條麵都充滿醬汁精華。設有四種辣度選擇，啱晒唔同辣度嘅朋友仔🤘🏻👾天府鴨血小窩冒菜 $46有四款唔同配料嘅冒菜揀，我就揀咗鴨血。鴨血份量都唔少，滑嫩之餘帶有嚼口，仲會有個爐一直warm住溫度咁就唔怕凍哂啦🤘🏻而薯粉份量就偏少，配料方面就幾多，有豆皮金菇同好似魚蛋咁既幾好味🤣湯底辣中帶麻不過就偏淡味，如果重口味少少既朋友就未必岩啦～👻白玉厚椰乳 $22椰汁香濃好滑， 白玉好好食滑溜溜咁🤤🥟脆皮大餃子 $19韮菜底既脹卜卜餃子🥳 但外皮有少少硬身🥲如果唔係幾好食🤘🏻👾原味酥炸雞排(一塊) $14就咁望佢個樣唔係幾討好😂估唔到炸得夠脆而入味，仲保留到肉汁添😙除咗午餐晚餐餐牌都仲有下午茶餐牌幾優惠～⭐️遇見小

之前係深圳有食過，見到荃灣都開店了黎試下，晚飯時間6點鐘已經有6.7個客人在前面排隊，眼見又不少吉位，有好多張未執枱的，但是沒有職員出來安排入座，又沒有職員在執枱，職員只係企喺出菜位唔郁眼望望，然後再後來黎嘅2位客人沒有排隊，自行入座，現場好混亂，究竟係要排隊定唔需要排隊，唔使排點解仲要黐住個牌叫人排隊呢

國內有近 400 間分店嘅遇見小面進駐荃灣嘅荃新天地啦，是晚就來試試。⭐老麻抄手掃碼下單到上菜不需五分鐘，超高效率。最先上桌的老麻抄手，入口又嫩又滑，點了小辣口味剛剛好，連湯汁都飲晒。⭐安格斯肥牛小鍋冒菜朋友點的小鍋冒菜香噴噴，重慶辣味散出來引起食欲，牛肉嫩滑，配上白飯簡直欲罷不能🤤⭐香酥蔥油餅不是平常的蔥油餅，重慶蔥油餅帶點南乳味，食落鹹香脆口，有點像港式油器鹹煎餅。⭐鍋巴土豆從叫了另一款小食鍋巴土豆，土豆炸得酥香，加上辣油非常惹味。⭐白玉厚椰乳飲品點了最近很受歡迎的厚椰乳，入口椰奶味十足，又香又滑。⭐琥珀冰粉最後仲有甜品冰粉，冰粉 Q 彈嫩滑香香甜甜，食完辣菜來一口冰粉正好😋真係幾好味，價錢仲好抵食添。

來自重慶嘅小麵除了遍佈國內多個省份來到香港．在荃灣都有分店環境舒適．全場滿座呢度嘅金碗酸辣粉 真係超抵食現今香港已經好難搵到$19/碗麵揀咗新推出嘅✨安格斯肥牛小窩冒菜除咗肥牛夠嫩腍．仲有好多配料仲有薯粉墊底．足料又惹味✨香嫩牛肉串牛肉串好Juicy3串唔夠呀...停唔到口 一定要追加✨脆皮半隻雞 配上半隻脆皮雞外皮炸得金黃香脆咬開裡面 肉汁豐富好Juicy✨琥珀冰粉係重慶最馳名嘅甜品冰粉通透，食起來似啫喱同蒟蒻滑溜溜又唔會好甜係必食嘅甜品呀

見天氣凍凍地想食啲辣嘢暖暖胃，係荃新天地就見到有遇見小麵~環境夠大， 座位卡位為主坐得好舒服！之前食過黃埔分店覺得佢哋嘅小鍋冒菜，覺得抵食又滋味！今次叫咗佢哋嘅安格斯肥牛同醬香滷牛肉嘅冒菜系列~餐廳用澳洲進口安格斯肥牛，口感夠嚼勁，牛味香濃，另外個款係醬香滷牛肉，口感軟安格斯就軟腍，鍋入面有好多配料，有薯粉、金針茹、豆皮等，吸曬個湯汁~麻中帶辣~個鍋有爐keep住熱，真係好岩依加冬天食！另外加咗老麻炒手，炒手份量好多，2個人食都夠，湯底麻麻辣辣~加配咗大草原羊肉串，味香香羊幾重，唔太重羊騷味，口感嫩滑~