遇見青花椒

營業中

休息中

之前喺天水圍群組見到開咗呢間酸菜魚，評價見唔錯😌，今日就嚟試吓佢啦！欣賞佢呢樹有一人餐，可以同朋友share 唔同嘅酸菜湯。叫咗個老壇酸菜魚餐同青花椒酸菜魚餐，佢會配兩個自選嘅配菜同埋跟一碗飯/薯粉/米缐，配菜就比較少選擇，不過都唔影響我，因為我最主要係食主角…酸菜魚🤪。老壇酸菜魚先枱，生魚片係滑嘅，酸酸辣辣，幾開胃，不過我本人愛辣，如果再辣D會更加野味，再嚟青花椒酸菜魚😍，好吸睛，青BB，一試即同老壇酸菜比下去，佢個味好香好特別，夠辣，食落去有陣好香嘅香料，又有少少麻辣，好味👍🏻👍🏻！個湯撈飯一流😋，鱸魚片滑，有魚味！呢個價錢有呢個質素，抵食，下次可以再試下其他😋😋😋。

這間餐廳上手是賣台灣藥膳雞湯米線，味道都很不錯，易手後想不到轉賣四川菜，食物味道同樣不錯👍一直很喜歡吃酸菜魚，加上豆腐皮和薯粉，令人胃口大開！可惜天水圍稱得上好味的可算是沒有，知道這間餐廳開業一直都想試試，今日終於可以一試，人流不算多，我點了一份酸菜生魚片套餐外賣，價錢合理，味道亦很不錯。魚片約有六、七片，沒有腥味，湯亦夠酸，更有很大片酸菜，酸菜是甜的，很好吃，愈吃愈開胃！

食之前睇OpenRice review，有人話老闆好似唔捨得俾嘢人食咁。原來真 😂.藤椒魚「贈送兩款配菜」，選左生菜、豆皮。.點知上到黎，除咗魚片，同埋辣椒，真係得生菜、豆皮 😮 無任何其他，連芽菜唔落一撮，成個碗空盪盪 💔.其實芽菜洗幾多錢，落少少，客人用餐體驗就可以大大提升。魚片份量雖然冇偷工減料，成品presentation真係唔多掂 😂.老闆要學下點做生意，價錢以天水圍而言絕不便宜，味道麻麻，不太正宗，仲要配菜咁孤寒，真係無回頭 😅

一間高質素餐廳。做為一個中意食四川口味嘅人，千萬不要错過嚟試吓，我個人對這間餐廳還是比較好評！酸菜魚系列很入味，魚肉鮮嫩，供選擇口味很多👍🏻藤椒系列系我個人最中意！米飯同薯粉都好搭，額外加一份響鈴泡在湯中，麻麻辣辣，食完不久會再想食😋水煮系列，毛血旺的辣椒更多系一種香和讓人嘴饞嘅裝飾。吸滿湯汁嘅魚同豬紅非常嫩…都好好味，夠辣夠香🤤食完主食再來一份紅糖糍粑或者奶卷做為收尾，真係一種大滿足！最後提下這間餐廳嘅裝修，很漂亮，很吸引人，非常適合打卡！

行街經過呢間諗住入去試下個酸菜魚，嗌咗一人份，湯底幾正宗，酸度辣度啱啱好，條魚幾新鮮入味，配埋薯粉一齊食都不會覺得油得滯，係香港可以食到咁川式嘅酸菜魚都幾OK，下次再試吓水煮魚

今日同媽咪嘉湖銀座行街 ，想搵點好野食，發現一間新開食肆「遇見青花椒」，裝修好靚，食酸菜魚啲，正按我倆母女，媽咪點的係鱸魚三鮮湯底，唔辣啲，好鮮甜，我點啲係鯛魚青花椒湯底，味道好正，每份都可以拣兩個蔬菜，另外主食三選一，媽咪點啲係米線，我要啲薯粉，又打包一份藤椒雞配飯備老豆，一共百幾紋，有葷有蔬，覺得好抵，下次一定要再來試其它口味

話說呢日喺天水圍覓食，見到銀座「+Woo嘉湖」商場新開咗間川菜餐廳「青花椒」，餐廳個招牌都仲用紅布遮住未掀開，應該係啱開無耐，好奇之下入咗去試~ 店內嘅座位好寬闊，燈光好夠光，當日去到客流量唔算多，所以環境比較幽靜，坐得幾舒服~ 菜式選擇方面唔算多，得酸菜、藤椒、水煮呢3個系列，價錢唔貴，五六十蚊度就可以食到個一人份酸菜魚，份量仲要唔少，所以幾抵食下~ 🧡檸檬金湯龍利柳+娃娃菜+金針菇+手打薯粉（$58）酸菜魚系列魚、湯底同辣度都可以自選，配菜免費揀兩款，主食有飯、米線同薯粉可揀！ 我就揀咗檸檬金湯，BB辣對我嚟講啱啱好，湯底酸酸辣辣好開胃，檸檬味好出，食落好清新！薯粉份量超足，唔算好彈牙，但就好掛湯！不過龍利柳肉質有啲鞋口，鐘意滑口感嘅朋友仔建議試其他種類嘅魚！ 🧡藤椒雞+豆腐皮+豆腐+養生米飯（$65）藤椒同檸檬金湯完全唔同風味，藤椒偏鹹香，藤椒系列無得自選辣度，相對比較辣，食落好辣好香口，豆腐同豆腐皮都好吸辣，配白飯食好開胃，令人不知不覺間就食完一碗白飯！

係天水圍想食酸菜魚嘅選擇唔算多，咁啱依間新開係銀座，都叫做可以止下酸菜魚癮😅 新開張左幾日，網上食評都唔算多，不過都去試試佢啦～叫左一個鯛魚老壇酸菜湯bb辣 配豆腐皮同薯仔薯粉（$75），魚都幾好食，都爽脆同冇骨😊 個湯都ok, 不過bb辣都算幾辣同有啲咸😅 配菜麻麻，都幾硬，下次可能會加錢要枝竹果啲。薯粉、餸啲份量都幾多，都足料👍皮蛋（$12）就麻麻，有啲有啲霸喉。整體都OK ge, 可以止下酸菜魚癮😂 下次揀過另一啲配料。小食就可能會試下雞翼～

72蚊一個套餐我係叫藤椒肥腸佢係得五舊肥腸而且我係要兩份豆卜佢俾得六舊我而且啲湯嚟到呢都唔係好熱跟住我叫咗杯檸檬茶質素都係一般般（+$5）我覺得呢個價錢應該要比好啲質素比顧客希望佢哋舖頭睇到我嘅評語會繼續改善😊

去銀座百佳買餸，睇到樓下開咗間新鋪，青花椒食酸菜魚嘅，店員好好招呼，即刻改變咗主意買咗一份拎返屋企慢慢歎，真係好有驚喜，好味到停唔到口，魚好新鮮，老壇酸菜湯底睇佢哋嘅環境都好靚裝修時尚，聽日中午去堂食

終於在我家附近開了一間可以回味嘅酸菜魚😋他很專門，不但有不同的湯底，仲有不同品種的魚類🐟（所有魚片都係冇骨㗎）就連配菜都可以任君選擇！店員亦好細心哋介紹不同魚類，湯底的分別，令客人可以搭配到最適合自己的味道🤩而我今次就揀咗老壇酸菜湯配鯛魚片，鯛魚片爽脆，酸菜湯🥘夠入味而「不油膩」👍🏻，而且湯內亦不會像坊間一樣有大量泡椒花椒🌶，令我可慢慢細嚐每一口酸菜湯的原味道，總括來說，今次令我一試難忘😋😋

天水圍抵食酸菜魚去天水圍覓食，發現銀座商場新開一家新派川菜餐廳［青花椒］，價錢大概五六十蚊一個套餐，試咗味道真係不錯👍👍好驚喜～有辣有唔辣，之後連續去咗三日😅😅夜晚冇得堂食，打包啲都幾多啊睇來生意都不錯