那個ㄋㄚˋ ㄍㄜ (將軍澳中心)

營業中

休息中

叫咗豬軟骨麵同埋炸雞扒麵，豬軟骨麵竟然極少軟骨，大部份都係好嚡嘅豬肉，口感只係好過煲完嘅豬肉湯渣少少。湯底嚟講，甜到糖尿。如果呢碗麵係$40 ，我覺得冇咩問題，只係一碗平得來唔太好食嘅麵，但係佢收$90，呢個質素就相當唔妥！餐牌入面好多食物明明寫咗晚市都供應，但係問侍應就話冇。題外話，一直都覺得啲餐廳如果用app落單，埋單又要拎張單出去櫃檯，憑咩收+10%服務費？

事源前幾日見到間野開咗冇耐大排長龍，心思思就同阿媽今日試吓，叫咗兩個麵，一個香烤豬扒湯麵，另一個玖香啤酒豬軟骨湯麵，兩個都係揀左鮮蛋拉麵底。等咗10分鐘左右，上菜嘅時候發現冇咗隻蛋，就問侍應係咪比漏咗，點知原來佢話係鮮蛋做嘅拉麵，而唔係真係有隻蛋🙃 問題嚟啦，一碗碗麵究竟要用幾多隻蛋呢？🤣🤣🤣啲豬軟骨有淋有硬可接受，但係個玖香啤酒豬軟骨湯麵湯底係冇味！都算，個面底一坨好硬，要花頗長時間整散佢…真係要認真改善吓

以前喺北角分店食過，覺得幾抵食，質素okay。見將軍澳又開咗分店，就一於試下。小編到訪時小店剛開業，有試業優惠🎉香酥排骨湯麵 $81排骨很巨型😍😍😍，以手掌還大。經典台式炸法，保留少許肉汁，味道不過不失。湯麵好Q，煙韌，鍾意食偏硬麵的小編滿意🥰可惜湯底重咸🤮🤮🤮冇牛肉味，咸到小編食個麵時每一匙都專登倒走個湯🫢…湯底絕對係敗筆🙂‍↕️湯底應該喺小編食過嘅牛肉麵中最差的一個。大伏！😫😫😫夜市雙腸便當 $66.6（另加滷肉+$10.8）小編點了蜜蒜味雙腸，可是小店俾錯咗黑椒味😅😅😅（但為免浪費食物，照食曬）條腸幾好食，脆皮👌🏻，粗粗地，只係有啲細份，食到後期就只係食緊白飯。店家俾漏咗滷肉，等咗好耐要後期講先有，份量亦只是用細細個錫紙醬油碟裝，份量同喺街邊試食俾幾粒肉冇分別。大家千祈唔好加配，好唔抵食！😡😡😡結論小編食完大失所望🥴🥴🥴絕對冇下次👎🏻定價偏高但質素完全跟唔上🙉🙉🙉可能由於試業關係，小編由落單到枱上齊曬食物用咗大約半小時😵‍💫😵‍💫😵‍💫，仲要俾漏食物🙄🙄🙄小編觀察到不少人催單，更有一位快要食完但同行友人野食未黎嘅情況🙊希望店舖run順咗會有所進步。有加一服務費

炸嘢乾到咬到牙痛肉丸 台灣腸內心凍嘅啲面居然可以煮唔熟 好意思收呢啲價錢要人排隊？新開啲質素都咁差 都怕食壞人 簡直垃圾嘢 全部現成貨都可以煮到咁差 飲品甜到 少甜都可以甜到飲唔落 服務又無 真係blacklist!大家唔好去中伏仲有啲湯面嘅湯 又鹹又重味 未試過去食一間嘢可以咁差嘅印象 我完全唔明白香港人係咪真係咁中意排隊 我自己食就完全唔會再有下一次 咁嘅價錢係將軍澳我可以有更好嘅選擇 而唔係食呢間新開張嘅極品台式餐廳 我見其他分店都無呢間咁離譜 真係差到誇張！

見到有間新既台灣野開張，湊下熱鬧，排隊試下！好彩等左20分鐘就有位喇！ 仲有試業優惠，9折！ 入到去就即刻落單！食物選擇同普通香港既台式餐廳差唔多。香酥脆雞便當，賣相幾好！ 有幾款口味既味粉揀！便當入面既菜同粟米都有炒過,好香好夠味！雞肉外脆內嫩！好Juicy!!仲有叫左個秘制嘉義雞肉飯！之前有試過食嘉義雞肉飯d肉係柴到咬唔到！呢間雞肉飯就冇呢個問題！不過就唔算好嫰滑！ 但味道幾好！唔錯！食台式餐廳，當然唔少得台式飲品！！比大家睇相先！其實我叫左杯凍既蜂蜜麻糬白玉奶茶同埋熱既招牌濃厚奶茶... 飲品一上到黎，我已經即刻問左個年紀大少少既阿姐，佢話呢杯係奶茶喎見佢咁肯定我信佢。飲左兩啖覺得唔對路，完全冇奶茶味😂 好似糖水咁。 我就再問個後生少少既店員（應該比較大粒）。佢好有禮貌咁話幫我換過杯！ 然後真正屬於我既奶茶終於送返上黎。不過，呢間既台式飲品真係麻麻地.. 我個白玉麻糬仲係暖既，仲要係好粉好粉！叫左50%糖都係好甜。價錢中等，如果可以改善下d飲品就好喇！

未食過咁難食嘅台灣菜，菜式好似太古城誠品入面間百方池上便當仲衰啲，滷肉飯超甜香腸不是台灣款式，大碌以為抵嘥氣，奶茶水汪汪，飲品有優惠都無用仲好多都售罄唉中伏，無下次

同阿女玩完將中間新playhouse，見肚餓就去搵野食，見到呢間排晒隊的台式餐廳，好耐無食台灣野，一於排一陣試下。叫左手工丸麵麵，豬軟骨飯，甜不辣，紅豆沙冰，檸檬茶（自己額外加珍惜，因為阿女要🤷🏻‍♀️）。手工丸同麵都好彈牙，阿女都話好正👍🏻自己食晒自己個碗。豬軟骨飯都好大碗，爸爸剩係講左個好字😅紅豆沙冰好好飲，略甜左少少。甜不辣比預期中好食，阿女一個人食晒成舊🫣再來呢度玩的時候，會再返來試下其他野👍🏻

嗰日經過將軍澳中心就入嚟試吓呢間啦， 等候時間5分鐘 可以接受。 服務態度良好。食品質素非常好， 小朋友都好鍾意食。 有時間經過一定要再嚟。 附近咁多間餐廳我都試過， 應該係將軍澳中心附近嘅餐廳最好係呢一間， 食品質素價錢服務，性價比一流。 大家可以試吓。

依家仲係試業階段繁忙時間 用餐時間係75分鐘夜市小吃拼盤（地瓜薯條/甜不辣/蝦卷/台灣腸）整體來講 都好味感覺好似去咗台灣咁甜不辣煙韌 蝦卷香口地瓜薯條熱辣辣 厚度平均台灣腸內有黑椒嘉義雞肉拌麵（套餐）可以揀麵底今次揀咗 關廟麵（扁）雞肉唔鞋口 撈埋麵汁 都唔錯飲品有幾款唔使加錢嘅可選擇加錢飲「台南青檸冰茶」茶味帶點酸酸嘅味道跟餐另加（迷你滷肉飯）滷肉飯唔係煮到好肥好淋嘅口感味道重在滷汁度香酥脆雞雞雞湯麵（套餐）湯底非常濃郁揀咗闊條麵咬落彈牙 配埋湯 搭配唔錯湯底都可以揀揀咗紅燒牛湯亦都可以揀辣嘅湯底雞肉炸得鬆脆 香口嫩滑跟餐揀咗「阿里山蜜香烏龍」茶味帶香味 個人比較鍾意呢杯唔會太甜

平時經過見好多人排隊，排咗大約半個鐘到就入得，都唔算太耐。第一次黎食，諗住試吓滷排骨，見到便當好多配菜好想試，不過份量好似好大，都係食麵先！店員推薦蔥油拌麵配手工拉麵。上到枱，件排骨超大件，大過隻手掌一個女仔真係食唔晒！個皮好酥脆，但食落唔乾身！拉麵好彈牙，真係冇介紹錯。嘢飲試左黑糖冬瓜茶，少甜選擇可以揀75%，如果甜度有得再揀少啲就好，不過都唔算太甜，正常發揮。下次約埋朋友過嚟一齊試吓個便當先！

最近見將軍澳中心開左間~那個~新分店，經常見門外有很多人等位，十分旺場，不知味道如何，心郁郁都想搵日試吓。今天見有空，便去嘗試一下，都要排左一陣隊。我很喜歡食牛😍，所以叫了個紅燒🐮牛魔全席湯面🍜，估唔到有驚喜，啲牛腩肉炆得很淋，很入味，牛丸爽口彈牙有肉汁，正呀👍👍👍。啲麵都彈牙煙靭，唔會淋晒。套餐跟一杯嘢飲，我加錢選了白桃冰茶，清香白桃味，唔會太甜又解渴🍹。另外加了2件三星蔥餡餅，外脆多肉汁，整體唔錯，下次會再幫襯。

4點幾和朋友一起到"那個"去吃小食當下午茶，全程一路傾計一路吃不停。雙色QQ 球，正x3 ，外脆內軟，我特別鍾意食。地瓜薯條，也是另一脆口甜食。2款都適合小朋友食，不多油。蝦卷內的蝦肉超彈牙，落咗2次單。當日的豬軟骨已售罄，如果唔係應該買返屋企當晚餐。 結果買了香酥排骨便當，阿仔試吃一口，佢食完問我重有冇多件，好好吃。阿仔食紅燒牛腱湯麵，水準ok. 不過不失。下次都係試朋友推薦的豬軟骨。不過她說不是經常有。

Despite how long the queue was - I had to wait for 15 minutes during lunch hour, the quality of the food provided was top notch. I chose the deep fried pork cutlet with rice, which came with a side of vegetables and cellophane / glass noodles. While I would not consider myself as a big eater, the portion that was provided, particularly the pork cutlet itself, was superb, compared to a bunch of other restaurants that served the same, not to mention the portions of the side dishes and the rice its

落單App 唔方便落咗之後無得睇單要搵服務員去作實服務態度可以，但對產品認識唔夠牛肉麵湯底太甜，感覺似飲緊肉骨茶麵質比想像中可以但同行人的麵未煮熟牛腩 牛腱 可以的飲品夠大其他一般

7月24日諗住「那個」新開試吓！叫左個鹵肉飯、炸魚麵！鹵肉飯賣相已經唔吸引又肥到死，味道又唔得，仲要收$70幾、炸魚麵個炸魚好乾冇咩味，唔得🙄另外叫咗杯芒果沙冰$40幾，正常應該好好味，但又係冇咩芒果味，飲咗2啖已經唔想飲。失敗😔最後2個人埋單冇記錯好似$280。真係冇下次！真係不知所為！試業中係咪要檢討下個廚房點解可以做得咁差？將軍澳咁多食肆、咁多選擇，我唔需要揀間咁貴、質數又咁差嘅食肆囉！🥲🥲