影片
港鐵北角站 B1 出口, 步行約3分鐘
繼續閱讀
營業時間
今日營業
11:30 - 21:00
星期一至四
11:30 - 21:00
星期五至日
11:30 - 21:30
以上資料只供參考, 請與餐廳確認詳情
熱辣辣梗係要飲杯嘢嚟消下暑 。 經開港運城對面， 無意中發現咗依間有啲台灣feel嘅奶茶店 ，佢係一間台式食肆內的奶茶店，見到主打係以英式茶底，膽粗粗試吓味道睇吓同一般台式奶茶有咩分別本來想叫仕女伯爵波霸奶茶，但咁岩賣哂， 所以店員就推介左格雷伯爵波霸奶茶（$32）伯爵茶味會濃啲。 咁啱上期嘅買一送一優惠完咗但係八月份都會有飲品八折優惠，所以特價左就$26，幾抵。 等左大概3-5分鐘， 職員會係門口叫單號碼。 飲品是正常size ， 個人叫咗少甜少冰 甜度大概75%。第一下飲嘅時候唔記得攪勻 ，所以都幾苦，但係伯爵茶嘅味道真係好香濃，攪勻左之後，伯爵茶味道唔會比糖分cover晒，仲會有淡淡既伯爵茶味， 而珍珠都幾煙靭， 唔會軟林林。 整體黎講都唔錯🧋
繼續閱讀
1. 珍珠奶茶：珍珠奶茶是一種非常受歡迎的台式飲品，尤其是在夏天。珍珠的口感很有彈性，茶香和奶香的味道也很搭配，是一款很好喝的飲品。2. 台式奶茶：台式奶茶和珍珠奶茶有些相似，但是不含珍珠。口感比較清爽，茶香和奶香也比較均衡，是一款適合不愛珍珠的人的飲品。3. 冬瓜茶：冬瓜茶是一種健康的台式飲品，因為冬瓜可以幫助降低體溫和消暑。冬瓜茶的口感清爽，有淡淡的冬瓜味道，是夏天消暑的好選擇。4. 草莓牛奶：草莓牛奶是一種比較甜的台式飲品，通常會使用新鮮的草莓和牛奶混合而成。口感滑順，有明顯的草莓味道，是一款比較女性化的飲品。5. 青蛙撞奶：青蛙撞奶是一種比較特別的台式飲品，它含有青蛙果凍和牛奶。青蛙果凍的口感有彈性，和牛奶的味道很搭配，是一款非常受歡迎的飲品。總體而言，台式飲品種類繁多，口感豐富，讓人們有很多選擇。無論是冬天還是夏天，都有適合的台式飲品可以享用。
繼續閱讀
那杯早餐紅茶 ($20)🍵．依杯紅茶入口之後可以感受到茶葉既苦澀同甜味，仲有d焦香🍵．杯上面既圖畫好可愛，係爵爵同貓叔既聯乘設計，令飲茶變得更加有趣🐱．依杯紅茶唔單止帶嚟味覺同視覺上既享受，仲係一種放鬆心情嘅方式🍵
繼續閱讀
琴日去買外賣飲品，見到門口貼咗個QR code俾人外賣自取落單咪用囉，俾錢嗰度淨係可以取餐時付款，咁照揀取餐時付款。之後佢就有預計取餐時間，餐廳入邊有冇位等外賣，咁我就響門口等佢出餐。佢門口位有張枱仔放外賣自取嘅嘢食嘢飲，我一路等一路望住，到咗取餐時間都仲未有嘢飲出，我就入去問個侍應張單有未。個侍應態度極不耐煩，喝我：「過去俾錢啦。」，但就冇比指示去邊度俾錢。餐廳裏面有一個明顯係收銀處嘅位置，所以我就埋去收銀處俾錢。我掃咗電話個單號同埋落咗單嘅內容比個收銀員睇，佢響收銀部機度撳咗幾個掣再同我講：「$70丫」，我俾錢佢，個收銀竟然呆咗，然後講：「吓，原來你買嘢飲㗎，唔係呢邊俾錢㗎。」然後就攞住我啲錢，帶我去水吧（門口位置），遞咗我啲錢俾水吧入邊嘅女仔（水吧完全冇指示係飲品收銀處）。我喺水吧枱面見到我張單，仲有一杯同我order一模一樣嘅飲品（俾人飲咗一半），然後個女仔就問我落單嘅電話Number頭四個數字。當時餐廳一啲都唔嘈，我講完電話數字後，個女仔一啲反應都冇，呆咗，我再重複一次，佢都冇反應，隔咗幾秒個女仔就問我可唔可以講多次，我唯有再重複多次。然後我問個女仔：「你個System寫住取餐時付款，但係而家點解係叫我落單後應該要入嚟俾錢先？」佢冇反應，我再問：「咁即係我下次嚟買外賣，應該落單後即刻嚟俾咗錢先係咪？」佢答我係。咁乜嘢叫做取餐時付款？？更妙嘅係，佢個System有問我要唔要餐具，我嗌嘢飲，餐具即係飲食嘅時候用嘅工具，咁即係飲管啦，咁我剔咗要，個收銀響我攞嘢飲嘅時候響收銀處嗌去門口，問我：「你係要乜嘢餐具㗎？」我答佢：「飲管囉。」佢仲要話：「哦，飲管呀，我仲以為你要啲咩餐具添。」成個體驗好差，問題有三一：佢哋落單流程指示極不清晰二：佢哋落單嘅System講嘅嘢，同佢哋實際操作不一致三：啲員工懶懶閒，尤其個侍應，態度好差，你就日日響度返工知晒流程姐，客係唔會知嘅，所以係冇理由唔耐煩同態度差，好似個客要知道你哋公司點做咁。最後兩杯嘢飲，嘥咗我半個鐘時間去等，呢間嘢就算幾好飲都冇用，裏面啲人工作態度，效率，方式都好有問題，唔會幫襯第二次。
繼續閱讀