部屋咖啡室

好耐都冇去過登打士既cafe，平安夜想同d朋友聚一聚，又唔想同人迫所以揀左呢間hea。主食叫左三樣：辣虎蝦意$165，少少辣，味道正常不算特別。黑松露意大利飯$158，味道都ok，都係正常發揮。三文魚意粉$148，呢個就麻麻地，意粉冇味，三文魚得兩片，不推薦叫😕小食反而比主食好，薯條跟餐+$25，係粗薯又熱辣辣，我地之後仲後加左碟😙蜜糖雞翼$55（4隻）都幾貴，但都好食既，好多蜜糖。飲品都係普通。其實去呢d cafe都唔會期望d野會好食，都係想有個地方hea下玩下board game! 服務方面就冇乜，客人唔多但侍應都唔會點理你🤣

一入門口已想走，因感覺很污糟座位很不舒服，十分逼，梳化也很污糟叫了卡邦尼意粉和烤雞闊麵，卡邦尼配料煙肉有點酸味，而朋友的烤雞闊麵只得幾粒雞，味道很一般飲品叫了咖啡和熱朱古力，我杯朱古力無味的，又唔甜，非常伏的一間Cafe，無下次

係OpenRice 見到有間評價幾好嘅Cafe就諗住試吓，一早book 好左，之後到差唔多時間上去話book 左好位之後，首先個女仔侍應同我地講係出面等等，等左一陣之後，後尾同我哋講”吾好意思，已經full 唒”我同我朋友即刻呆左，明明我哋book 好唒而家話full 左，之後個女仔係咁意扮下野話吾好意思，因為吾記得set 做去full booking,我同我朋友仲要臨時即刻搵個另外一間去食飯，overall 我覺得呢到嘅服務質素真係好差，你full 左係咪應該打個電話講聲先？而吾係到左而同我哋講冇位？

看網上食評不錯就上去試試，上到去才知walk in 不一定會比你入。我們三個人去，好在入到位，但真係唔係咁好體驗。我們上到去點餐叫了一個黑松露意大利飯和三文魚意大利麵，再叫了兩杯朱古力莎冰及一杯蜜桃柚子梳打，合共$442,應該怎樣也夠飽。三個女生食量很少，但看到上菜一刻傻眼了，碟就大啦，份量少到離譜，都差不多要150一碟飯，130多意粉，居然一個普通人要食既份量仲要少，女生食已經叫少，和價格不成對比。一上菜我地叫比多三隻碟，到既時候得兩隻，仲連餐匙都唔比，想洗碟匙羹都懶？食落味道只係一般，只有飲品稍微好啲。食評居然就吹到比天高，唔覺得食物環境有幾特別好，服務一般，上到個個店員坐哂係度，唔知以為係客黎，$400幾蚊仲收加一都可以食到咁鬼寒，我都係第一次見，真係長見識，Open Rice假評氾濫，做咩咁都做作食評可以贊好。Cp值爆低，好多旺角樓上cafe都要比佢好，真心唔會再試。

雖然係樓上Cafe，但係用心製作，品質真係唔差㗎！ 最鍾意食佢嘅香烤雞肉闊條麵，有好多雞肉，闊條麵大大條，煙煙韌韌，好味！ 嘢飲都好多選擇，環境又闊落企理，雖然唔係地舖，不過出品一啲都唔差！ 推介👍

未食過咁難食嘅肉醬意粉，冇咩肉，個醬勁酸，同行朋友都話其他食物都唔好食，得杯咖啡正常少少，平均約$80-$100/人，仲要冇咩服務，都要收加1服務費。大伏！可一不可再！

不要少看餐厅的面積大小，在地面還是在樓上，在香港地小租金高的地方，不容易找尋一家吃得舒服且可以任意不限時間坐低休閑吃飯聚會的地方。上回到過兩家樓上cafe,感覺良好，於是再找尋其他的，這家確是有点迷你。餐廳內只有五、六枱，室內設計風格簡單，連廚房也小得可憐。但食物並不是特別的便宜，份量亦是一般小份量。兩人套餐比較實惠，可以吃到薄餅和意大利麵或飯，還有小食和飲品。食物味道還可以，加上休閑舒適的環境，來一下也不錯。但位置太小，必須訂位。

重訪以前中學有去過嘅樓上Cafe，裝修感覺好溫馨，叫咗個意大利飯煙、三文魚沙律同埋白汁意粉，白汁蘑菇香味好濃郁，最鍾意係佢嘅意大利飯仲有啲蒜香味，而且米嘅軟硬度啱啱好🥰🫶🏻而且Cafe仲有boardgame 俾大家玩好有以前中學時期嘅感覺，好啱一大班朋友過嚟聚餐順便可以玩下遊戲，而且餐廳位置非常方便，係搞聚餐嘅好選擇！見到餐牌嘅Pizza好吸引，可惜今次唔夠多人嚟，下次一定會試一下佢嘅拉絲pizza🫶🏻

網上搜尋旺角西餐店，無意中發現這 cafe。樓上鋪，裝修比較舊，但有驚喜是原來有好多 board games. 預你坐好耐，吾會有人趕你走。食物都可以，最好食係辣蝦意粉。飲品造形吸引，都好飲。

呢間樓上細cafe 係難得旺角Hea得耐嘅地方有board game & sofa🌟新鮮水果茶 + $33水果茶超大壺，2個人飲都飲唔曬🤣完全無平日去cafe 嘢飲細杯坐唔耐嘅問題入面有菠蘿、百香果汁、薄荷葉整體感覺好fresh🌟洛神玫瑰花茶 +33 花茶係無加糖嘅 戒口朋友岩曬最特別入壺下面有蠟燭加熱 加熱後花茶先會出味😉🌟煙三文魚雜果沙律 大概有3-4塊煙三文魚 雜果沙律有新鮮蘋果 唔算特別 但無咩沙律醬 感覺無咁邪惡😜 🌟芝士西蘭花 +$25 芝士同忌廉係浸住西蘭花芝士多到可以拉絲☺️芝士焗西蘭花，可以話係不敗組合🌟烤雞蘑菇闊條麵 $138個人係唔鍾意食淋嘅意粉呢個闊條麵係硬身少少嘅質感 讚烤雞同蘑菇係配忌廉汁整體份量都幾多🤭總括而言，呢間Cafe算係抵錯同抵食似屋企感覺嘅細cafe 地址：旺角登打士街43H號登打士廣場12樓

見到幾多好評 去試下嗌咗個risotto 食落似乾炒飯芝士西蘭花芝士係流質嘅雞軟骨係淋嘅 張台黐立立食物賣相都唔係特別好 嘢飲OK但唔好飲$1000幾蚊餐飯難食到想報警

早前跟好友討論週末聚會主題，偶然找到這間咖啡室，便於openrice訂座。訂座時間一小時前會有 whatsapp confirm booking，亦有仔細提醒地址、樓層及付款方式等。由油麻地地鐵站出發不難找到入口，十分方便。門口佈置精美，咖啡室內空間不大卻不至於迫劫，帶有一種休閒、像家一般的感覺。建議事前訂座確保有空位。價錢大概主食$110-200，以食物味道、份量以及提供桌遊而言非常抵食，桌遊的卡牌以及紙質配件有過膠保護，例如「說書人」卡牌 、大富翁紙鈔及卡牌等，一邊吃飯一邊玩亦沒有問題。雖然部分配件缺失，但仍不妨礙遊玩。

Openrice的海量好評確實令人不解⋯這間樓上Cafe無論環境、服務、食物價錢與質素皆令人非常失望及不滿。首先，本人是在Openrice預先訂座的，約定當天就有收到Cafe的whatsapp，內容除了查詢是否出席及確認人數外，更附上一些莫名其妙的溫馨提示，包括“唔好去錯樓層，睇清楚先出lift，因為其他層會撳lift等你去錯”。 因為剛好想多加1位出席人數，我便whatsapp回覆並提出想加人數，但此訊息直到我們到Cafe了都一直沒有被讀取過，那發確認訊息給客人查詢的用意是什麼⋯抵達Cafe時員工安排一張5人枱給我們，但我說因人數加至6人(4大2小)可否調大枱，店員回覆大枱要8人才能入座，所以不能調。 最後大枱就一直懸空了2個小時，直到我們都要離開，才有4位客人坐下，無錯，是只有4位客人，而非店員所說的8人才能入座⋯講返Cafe本身，場內環境感覺老舊、座位布套骯髒很多污跡、沙發附近亦有很多灰塵，坐下令人感覺不自在。當初挑選這裡的原因是看準這裡有很多board games提供團體玩樂，但到場發現那些board games都已十分殘舊、骯髒及配件不齊全，所以最後也直接放棄玩board g

坐得耐又舒服的樓上 cafe💖 餐廳佈置溫馨，俾人一種寧靜舒服嘅感覺～有好多款 board game 玩，啱晒一班朋友來放鬆一下🥰 食物飲料選擇豐富，質素很不錯，價格合理👍🏻 店員服務態度很好🥰💖💖💖食評💖💖💖二人餐 ($388)✨至尊辣肉腸Pizza 10吋✨ 推薦！新鮮出爐，必食Pizza😍 多款口味選擇，餅底薄身，不會太油膩，口感味道一流👍🏻 份量多，足夠二人食忌廉煙三文魚意粉✨ 大大塊三文魚，肉軟嫩可口😋 配搭的忌廉意粉醬汁香濃惹味🤤🤤 還加入豐富蘑菇，口感一流，好滿足！炸蟹餅 (6件)✨ 推薦小食，口感爽口彈牙，配上甜酸醬一流🤤 熱檸檬水 (Set +$free)✨

黎過呢間Cafe 好約次，一班人聚又有，兩個人都得；通常去親登打士廣場，主要都黎呢間食物方面：平日Lunch去有 Lunch Set烤雞蘑菇闊條麵 $102個人鐘意食 Fettuccine 😍 有口感，且條條都包著忌廉，正；烤雞份量都多，嫩滑既👍🏻.另外一個就無叫 Set 叫左，叫左香辣虎蝦海鮮意粉 $165呢個好味，真係有啲辣😍 好野味，同埋都多海鮮，例如青口、魷魚，隻虎蝦都好彈牙🫶🏻另外，叫多左個西蘭花.最後飲品方面，叫 Set 特飲 +$23、花茶 +$33我就叫左 八寶美顏花茶，好足料☺️☺️另外，綠茶紅豆奶茶，個Cream 無得輸