部隊炸雞

營業中

休息中

Budae Chicken部隊炸雞店📍藍田匯景廣場4樓2K號舖韓式飯卷 김밥 GIMBAP小店的紫菜捲包飯共8款口味，包括燒牛肉、芝士牛肉、泡菜牛肉、吉列脆蝦🍤、芝士吉列脆蝦、辣雞🐔條、煙三文魚、蟹柳等餡料，價錢親民由$38-$50不等。紫菜捲包飯大部分均用上韓國食材，即叫即做。今日我點選了燒牛肉紫菜包飯餡料有甘筍絲🥕、蛋🥚、青瓜🥒、醃蘿蔔和主角燒牛肉片；包飯的用海苔紫菜，散發濃濃芝麻香油味；鋪滿的餡料捲進紫菜中，再切成一塊塊，引發我🤤小店衹設外賣沒有堂食，買完就即刻要急步🏃🏻‍♀️返屋企食啦！#香港 #美食 #藍田 #韓國菜 #支持小店

原味炸雞（有骨）🍗一盒總共有10隻炸到脹卜卜嘅雞翼，每一隻都係即叫即炸，攞到返屋企個陣仲熱辣辣，雞翼外面包住一層薄薄嘅炸粉，一啖咬落去超級酥脆juicy。而且價格親民，份量亦都唔少，好抵食！推薦指數🌟🌟🌟🌟🌟另加：小丸子（5粒）一口一啖嘅小丸子，入面有細細粒章魚仔，拎到返屋企小丸子上面啲紫菜焗到淋晒。小丸子平均$3.6一粒，算係又平又抵食，加一份當小食食都算係唔錯嘅選擇。推薦指數🌟🌟🌟等候嘅時間唔算太耐，落單嘅職員態度都好好，叫完嘢食之後大概等咗10分鐘就有。除咗炸雞之外仲有飯麵、甜品，仲會賣一啲韓國食品。

平時韓式炸雞好貴 呢度相當平 超推介佢嘅蜂蜜牛油無骨炸雞!牛油味好香 蜂蜜超級多 食得出唔係用普通蜜糖呃人👍🏻爭少少就係唔夠脆!炸雞份量都幾多可以同朋友一齊食部隊芝士牛肉包飯都好好食 好重芝士味牛肉分量亦都好多👍🏻食完好飽😂

本身睇完OpenRice嘅食評有啲怕中伏不過朋友想試，所以食咗幾好食😋芥末蛋黃醬好正炸雞唔錯，份量都多雞皮餃子好味！紫菜包飯都唔錯以價錢嚟講超值！因為通常食韓國嘢都好貴..

突然間想食韓國菜，就叫屋企人買咗個飯返黎。我哋嗌咗個韓式拌飯配芝士牛扒（$46），加配蜂蜜牛油味炸雞（+$15），內有四件雞粒。首先講個拌飯，紅卜卜嘅泡菜辣度偏強，食唔到辣嘅人注意啦。芽菜、青瓜同蛋就正正常常，反而個飯太多水份(?)一舊舊，撈極都撈唔成功，只能一嚿嚿咁食。芝士牛扒就肉同芝士都滿分，肉煎得幾好，仲要冇黑咗燶咗嘅部分，好加分。芝士仲要係軟熟嘅，又拉絲，正。跟住講個加配嘅炸雞。諗住佢只係小食，點知佢係mvp！真係最正，第一舊擺入口就被驚艷到，個兜裏面有少量蜂蜜牛油汁，但每一粒雞都有汁係上面。舊炸雞嘅皮係又薄又脆，配埋個汁甜甜地，好好味！比以前食過嘅炸雞好唔同，個皮係未見過未試過咁薄咁脆…雞肉軟熟而且香口，一試愛上咁濟，讚！

雞皮餃子幾好食 係去左骨既雞中翼鑲啲餡入去 應該係豬肉碎？ 有調味加上有調味既外皮 香口好食 炸雞揀左有骨 全部比雞中翼 都好大舊 蜜糖牛油好足味 真係淋左蜜糖係上面甜辣比較惹味 不過都唔係好辣 相對失色既係 裡頭既雞肉完全冇醃製過 就係健身烚雞肉果隻味 甜辣醬既外皮咁惹味 同內裡冇味形式好大衝擊 相對蜜糖味比較好食 但如果想食到舐手指既炸雞 呢間滿足唔到了 雞皮餃子會再encore 但炸雞⋯⋯真係醃醃佢比較好 我睇過韓國炸雞做法 一般都有醃既 未知呢間店淡到冇醃咁係咩原因

齊柏林搬左去德田然後新開左呢間嘢部隊炸雞の兩次食評寫係前面先兩次評分天差地別先揚後抑甜辣炸雞 $58 7.5/10味道不錯 肉滑 唔會乾身試業期間食仲送左一罐嘢飲一共有16舊炸雞蒜蓉牛油炸雞$58 3/10😅第二次食呢間 唔知係咪因為過左試業期 佢十分敷衍 變左得9舊而且炸雞十分乾 完全0蒜味同牛油香 如果唔係張單寫蒜蓉牛油炸雞 會是令人懷疑買左原味的程度韓式辣炒豬肉拌飯 4.5/10普 我炒的飯仲好食過佢的程度🙄食到有少少酸味 怪怪地😓希望可以改善下 唔好只喺試業期間呃客 咁樣只會好快執笠😊

行過匯景竟然見到一間韓式炸雞睇過Menu都有六款味道原味芝士 蜂蜜牛油 蒜蓉牛油 蒜蓉醬油 甜辣仲有無骨有骨軍艦可以揀價錢都係$49至$66都幾親民叫咗款甜辣炸雞無骨即叫即炸整完到都仲好熱辣辣可能新開張仲送咗罐提子汽水打開盒雞都有8 9件但係其實覺得佢個甜辣都幾唔甜辣覺得似蒜蓉醬油 食完個口超大陣蒜味炸粉比較厚 厚度有啲位係淨係得個好脆嘅炸漿雞肉一般 食咗驚浪費卡路里講唔上好Juice但係亦唔算嚡總之就係一般般 唔會好難食但係亦都唔會好食到令你記住雖然多咗間炸雞係好開心但係希望佢會有進步啦