都薈亞軒

營業中

休息中

位於馬鞍山We go mall這個商場 ,平日真的沒有什麼人， 中午時段午膳十分疏落，如想休閒安靜 ，都是一個不錯的選擇。今次來到都薈亞軒， 主打泰國菜 午膳時間， 這個商場五六十蚊一個套餐，已算比較便宜了， 在這裏可以選擇其它餐廳的不算多，這裡餐廳菜色都算豐富，選擇都頗多，一般泰 炒粉麵飯串燒檬粉等。看見餐牌，看到一個泰式蟹肉炒粉絲，即叫。嚟到之後， 發現分量十分少， 可能是粉絲密度比較高，粉絲非常幼的關係。但左看右看，卻不看見蟹肉，只有扎肉， 但看見餐牌只有這個是粉絲的，為何又有紮肉卻沒有蟹肉呢 ？再仔細找，看見紅色的還以為是蟹肉， 原來是辣椒，再看看有白色的， 原來都只不過是雞蛋， 可能這些蟹肉已經完全滲透在粉絲裏面，一條都食不到。其實食落味道都ok的 只不過配料真係少得出奇， 十分單調，粉絲口感不錯， 味道尚算ok 。味道 份量 環境 清潔 服務 回頭 性價

泰式炒金邊粉 - 比較韌，材料唔算豐富，味道唔算吸引。咖喱雜菜飯 - 材料唔算豐富，比較多味精。價錢 - 兩個餐點加起來$140。環境 - 舒適👍🏻。服務 - 點餐過程不算愉快，服務員態度需要改善。

約好左屋企兩老星期六下晝過黎海典灣食lunch加食完上去taste掃貨，兩老麻麻地西餐，呢個商場入面西餐人最多，上海野得1枱客，所以我地最終決定食東南亞野啦三個人埋單297，OK啦以星期六黎講，媽媽叫左碗香茅豬扒+扎肉冬蔭公湯金邊，佢話味道OK，係啲金邊粉太碎呢點唔好，啊爸就揀左香茅豬扒飯，我就叫左海南雞+香茅雞翼撈檬，好大碟，不過佢個海南雞有啲差，早知正係叫香茅雞翼三個人都跟樽裝椰青水，正正常常，另外用優惠價加左一個炒雜菜同一個雞肉串燒，但佢上餐個陣黎左兩個炒雜菜同一個雞肉串燒，不過廢事煩，都係照要埋佢反而我想講下在場既某位男侍應，三個人食野但係鋪兩個人餐墊，叫佢執下枱面上面既垃圾例如飲管套，膠樽蓋啊，佢又問返我有啲咩好執，盒紙巾拎埋走好無佢鋪頭個陣又唔係多客，今時今日仲用咁既態度對客要改善下啦

之前跟同事車出去食番餐。佢帶我黎到馬鞍山嘅we go mall。一個九龍人不會去嘅地方。佢揀左一間泰國餐廳。佢話食過都覺得ok。我點左本身鐘意嘅撈檬，但驚喜係竟然有脆腩做餸！再配番支泰式椰水（跟餐不用加錢）更驚喜嘅係，個脆腩真係好脆啲肉又半肥瘦唔乾，而且又夠入味！呢碟野男仔食都夠，因為餸都唔少檬粉夠曬多！同事叫左咖喱豬扒飯食，再加罐可樂（亦是跟餐不用加錢）豬扒夠大塊，只係唔知係咪泰式咖喱比較水，所以覺得配飯有啲唔夾。或者唔似我係快餐廳食嘅咖喱豬扒飯掛😂😂但味道都不錯！

其實餐廳都開咗一段時間，但係見佢價錢唔平又唔多食評，真係要鼓起勇氣先至敢試佢。餐廳唔多位，平日午飯時間多數會坐滿，不過枱與枱之間空間都好夠。新鮮海南雞飯($68)個湯同油飯不過不失，有骨雞夠嫩滑，中上質素。跟豆瓣醬，薑蓉同泰式酸辣醬，如果有埋甜豉油就更好喇。午餐送九唔搭八點心三件，味道又唔係特別出眾。喇沙鮮雞絲湯麵($55)普普通通，湯底唔算太辣太濃，如果再重啲椰汁味會更好。有豆卜兩舊，半隻蛋同幾條雞絲。麵條佢用粗扁麵，並唔係傳統新加坡米線加粉絲，呢度扣咗啲分。餐飲有三款揀: 熱柚子蜜，凍青檸梳打同汽水。青檸梳打用紙飲管夠環保，加分。總結係，雖然出面有更好食嘅海南雞同喇沙，但近近哋嘅，其實都可以再翻食又或者試下晚餐。

post 圖先蝦醬炒雜菜好頹，無咩味，好淡！其他味道都算食得落肚啦，好食就稱唔上了！份量係重災區，見到個參巴牛肋條同泰色咖哩雞真係好慘！每人分得1舊肉！430dollars 既外賣4人餐，當30蚊送貨錢，每人100 dollars食d咁既野I would not visit this restaurant again!And also I would advise my friends not to visit this restaurant too.

食過WeGo Mall門口Metro Café估計同一集團質素應該差唔多, 杯芒果沙冰好吸引, 未食過試下先. 精選套餐嘅options好多, 幾多人嘅餐就嗌幾多個餸, 每個餸包一碗飯, 湯, 菜.>招牌海南雞雞肉嫩滑, 啲油好明顯但食落無話油淋淋, 肥膏唔厚. 份量剛好一人份, 大概係一隻雞全脾咁多.>參巴咖哩牛肋條辣度輕怡嘅咖哩除左tender牛肋條之外仲有燈籠椒, 豆, 蕃茄仔, 咖哩汁送飯好好味.>泰式豬肉碎煎蛋個人覺得豬肉碎包喺生菜仲正_~ >新鮮油菜三人份量油菜有一大碟.>老火雞湯清清地, 熱辣辣, 味道唔淡, 好飲.>白飯, 油飯>芒果沙冰 (+HKD28)為左沙冰而入黎食, 哈哈係好足料飲到底都仲係芒果🥭沙冰, 甜味天然, 無芒果嘅青味👏🏻. Li間食物質素ok可以encore呢.

知道呢間係富豪酒店集團開, 希望有酒店級既食物質素! 同埋我地係馬鞍山呢個美食沙漠住左咁耐, 都好期待會開一間有質素既餐廳兩大一細去到, 叫左海南雞飯同咖喱魚海南雞我可以講係全沙田最好食, 火候控制好好, 啱啱熟, d 雞好嫩滑, 咬落去好爽口但做到呢個口感, 雞肉就會有少少血, 可能有d 人會介意, 但我就接受到而油飯味道啱啱好, 唔太咸咖喱魚係酒店級數, 好好味, 好香又夠辣, 魚都炸得啱啱好雖然價錢算係中高價, 但我一定會再黎!

難得平日放假...周圍搵吓馬鞍山有乜好嘢食...星期六日周圍都好多人...又要排隊...平日就試吓屋企附近呢間新餐廳..叫咗個午餐香茅豬扒飯套餐..勁多香茅豬扒...份量好足夠...豬扒味道好好...唔係太油膩...叫咗個好特別嘅肉骨茶鴨腿湯麵...肉骨茶味道好好...唔會因為藥材嘅味道太過濃而蓋過鴨腿的味道...湯麵條嘅質地好特別...好有口感...希望下次黎試埋佢嘅海南雞飯...我見隔離幾台都有叫呢嗰飯...應該唔錯！

難得馬鞍山呢個美食沙漠開咗新餐廳  點都要嚟試吓啦兩個人嚟到唔駛等位  都幾full吓  可能岩岩開業  Waiter既人數似乎不太夠喎  叫落單都叫咗陣先有人理我地我叫咗個蔥油豬扒飯  豬扒鬆化得來又夠入味 仲有我最愛既蔥油呀  點些少佢地既秘製醬汁好惹味  屋企人叫咗餐廳話馳名既架喱飯  我都試咗少少架喱汁  椰香味重 唔會辣  送飯一流叫咗兩樣野味道都唔錯CP值高  希望佢地可以keep住呢個質素啦

We Go Mall開完間Cafe冇耐又開咗呢間新餐廳住係附近，就同屋企人去試下食lunch 我叫咗海南雞飯，屋企人食咖啡魚飯本身都幾鐘意食海南雞飯而佢嘅海南雞真係有驚喜啲雞望落好靚仔，食落仲幾滑屋企人嘅咖哩魚飯都唔錯，最後仲成碟食晒而且價錢仲幾抵食一定會再返黎食