酥妃皇后 (蘇杭街)

營業中

休息中

酥妃皇后超級差，旺角分店員工態度差劣！挑選顧客俾蛋撻！因為我係外賣就俾d差既我，另外一對情侶企係度食就俾個靚既！咁樣做生意態度非常差！酥皮放置完全凍晒！一攞上手已經見到蛋與皮係分開既！

最近工作嘅關係，常常黎到上環，而家終於可以試到酥妃蛋撻😗😗😗😗之前聽過酥妃蛋撻喺九龍城非常之出名，不過甚少去到九龍城，終於可以喺上環食到啦🤣🤣🤣👍🏻第一次食，我就揀咗佢哋嘅招牌原味蛋撻，蛋漿又厚又滑，想起細個嗰陣時食蛋撻，淨係會用匙羹食中間嘅蛋漿🤣🤣🤣酥皮非常之脆，又唔會過於鬆散❤️❤️整體味道唔算太甜，亦都唔會太油膩，我覺得$10 1個都好合理，因為都幾大個🤣🤣🤣🤣

好同事從酥妃皇后買了些蛋撻回公司，正剛小人公務外出，回到公司時分剩一個鮮奶撻。其時已差不多是下班時分，只好說句多謝後拿回家做甜品。聽聞此餅店乃藝人黃寶欣開的，且看是否又只是明星效應。鮮奶撻真的勁鮮滑，撻內一大層軟軟滑滑的蛋白鮮奶餡，一咬下去滿口的奶鮮味激香激滑，更省卻蛋撻的膩滯。撻的酥皮層層酥香，牛油味滿分，卻又不會邊吃邊掉，堅好食……比起聖X娜的更好的多！！好食到要唱歌:奶撻敲鋼琴……我心獨奏……

已經聽過酥妃皇后呢個大名，但一值味有時間去試，剛好有同事買回來做散水餅。有機會一試。同事知我鐘意食榴槤就買左榴槤蛋撻比我 送到我手上都仲係熱辣辣，一咬好香既榴槤味，味道足以令我旁邊既同事都避開，但真係好好味呀，值得一讚係個酥皮好酥，一點都不油，好味!因為買多左兩個蛋撻，佢比埋我試，點知一山還有一山高，普遍蛋撻仲好味過榴槤蛋撻，會再試再買!

這次是第二次購買。上一次是網上外送，今天是親臨本店。那麼多產品中，我比較喜歡鮮奶撻，原因是他比較鬆脆而鮮奶幼滑。芝士撻亦不錯，但和坊間日式的cheese bake tarts 不太一樣，而且外貌可以稍為再美觀一點。同事買了個榴連撻，差不多要咬到後面才吃到一口榴連，其餘部分應該是鮮奶橽。酥皮方面，牛角包口味有挺多選擇，每一個都不錯，但我比較喜歡那個芝士味牛角包。熱食一流。紅豆酥盒是中式酥，有點像嫁女喜餅。但一定要記住了熱食，味道好很多。別注，同事買撻只用紙袋，但我可以有手抽袋，所以同事有點不開心。

星期六中午時份特意從南區開車到上環分店，為家中下午茶點派對作準備。一個顧客也沒有女職員不介紹產品⋯也算了！對我們的普通提問也是不太想回應？例如：現在的限定口味是什麼？買了半打牛角包，我問為什麼只用紙袋？她才解説紙盒缺貨。我回應：咁樣咪會令到牛角麵包🥐變形。她也愛理不理？但後面有一堆紙盒。我不跟她計較。我再要了半打蛋撻，便想走。她用其他紙袋給我包裝。我想講：你對自己品牌也不重視。我看不到你的未來。

一早知道自己LAST DAY ,所以諗定買咩散水,依次一口氣買左60 個酥,一個酥$10但當時買5送1。因此,總數$500唔洗,正呀!個D酥總共有6種口味,最深刻係熱香果味,甜甜的加熱5秒仲好食,不防TRY TRY~

As my office is nearby therefore occasionally I will visit Queen Sophie or at times my colleague or boss will buy therefore you can say I have tried several different flavour of its food there.Sometimes when you want to go for desserts going to Maxims, Saint Honore, Pacific Coffee, Starbucks, etc... can be quite boring and to be fair not that great. Therefore Queen Sophie is good. I like the egg tarts, milk tarts and its fruit tarts. They are all worth trying. Yes, I know it's a lil expensive th

一向對酥皮製品零抵抗力！食完一餐唔飽的午飯，就被對面的酥皮皇后的門面吸引，之前都有聽過呢間嘢，即買！餐廳環境: 4.5/5分大櫥窗令人遠遠都睇到啲靚靚製成品，櫥窗玻璃都乾淨。而店員都戴晒衞生帽口罩，整體環境感覺好好餐廳服務: 4.5/5分店員一路聽我地落單一路執，手腳都好快而準食物質素: 3.5/5分每一款賣相都好吸引，樣樣都想試。但我覺得味道無傳媒大眾講到咁驚為天人，不過都係中上的質素用餐類型: 外賣自取/立食性價比: 3/5分有點偏貴，我揀的榛子朱古力牛角酥要$18 ，味道未正到食完好難忘，一個酥皮蛋撻$10(但我無食呢款 所以可能其實係物超所值嘅)，不過呢邊舖租貴，再加明星效應，都差不多既榛子朱古力牛角酥 ($18)整個酥我覺得最值得讚既竟然係入面個榛子醬，唔係得一pat，而係第一啖咬落去己經咬到啲醬，算係足料，而且好滑！初時擔心榛子配朱古力會太甜，但榛子醬甜度剛好，整體口味都係啱啱好，不會過甜反而係個酥皮令我有少少失望，始終呢間嘢賣點係酥皮麻，但係我覺得個酥皮唔係好鬆脆，亦不是很有牛油香。第一啖咬落去，酥皮仲有少少硬，本身以為因為係個邊位所以咁，但整體酥皮都是偏硬，好似有少少擺

九龍城嘅新舖一開始嘅時候已經有幫襯，食過好多次，隔咗一段時間，經過上環，原來佢哋已經開咗分店啦，原因好簡單，好適合香港人口味而且又好好食，至少我覺得好好食！原來佢嘅食物種類已經多咗好多好多款呀，果然係一間用心製作嘅餐店舖，於是一入去就叫咗14個馳名嘅蛋撻， 368層，十分之鬆化，質量仍然保持着，而家做緊限時優惠，朱古力牛角包買三送一，勁想買，但係已經買咗14個蛋撻請人食，唯有下次啦！原來呢間店舖有送貨服務，只要滿＄120就有得送貨，雖然蛋撻會貴左一蚊，即係收10個percent嘅送貨費，好合理，呢間店舖嘅包裝精美，請人食一啲都唔失禮！

我自己好鍾意食croissant,尤其是囗感酥脆果種，下午打算去上環中山公園野餐chill下，經過蘇杭街呢間専賣croissant 及其它飽餅店十分吸引，croissant 款式又多又特別，忍不住要買來試試，原來佢本身九龍城都有一間，同樣是好多人買的。買了個宇治金時croissant 同埋芝士忌廉夾心croissant 仲有一個杏仁酥條，超級酥脆好食！不會太甜，茶味香，芝士味好味，下次要試埋其他特別口味！推介大家試試！

聽過呢個名，不過一直未遇過實店， 路過上環終於碰到了 😚 先來試試牛角包榛子朱古力牛角酥 $18～ 半隻牛角包點了朱古力 作裝飾， 先試一口 酥而不脆 😂  確是鬆， 但外層不脆有點失望， 內裏的榛子朱古力醬 像吉士醬 加榛子朱古力， 榛子味不太突出 ～😆原味蛋撻 $10～ 第二次嚟，先食蛋撻， 微暖， 酥皮不差， 邊邊層次分明， 中間可以再酥一點， 蛋漿輕微甜，飢詩不愛吃甜 都覺得如果再甜一點會比較好吃， 不是吃過最好的 但一試無妨 ～ 😚😚板栗蒙布朗酥撻 $28～ 價錢相對市面賣的便宜 😉 栗子蓉香滑， 吉士帶酸 😮 睇睇餐牌 ，原來因為加了忌廉芝士 ， 個人比較喜歡栗子襯正常吉士 😆 凍食的撻，有層可可油隔住👍🏻，雪過的酥皮比較硬身，底部層數少 ～ 上環店是地舖，沒有門，可能酥皮太香了，吸引了小飛飛，店主要想想辨法了 😆飢 point : 6 /10#hungermarch #飢詩 #非飢詩

聽講這間酥妃皇后喺九龍城開到過上環，蛋撻同croissant都係朋友讚好的我見到佢嘅牛角包有好多款，靚到不得了，從未見過咁彩色繽紛既牛角包，食落非常鬆軟，又有多層薄薄既酥皮，口感好妙。 平時鍾意食原味嘅我今日都被吸引去選擇其他味道，試咗個棒子巧克力牛角包，流心的，真心覺得好正。而且，仍然有好香牛油味。😋唔怪得叫酥妃皇后啦，佢整酥皮真係有一手。無論係牛角包定蛋撻，個酥皮都係好正。蛋撻既酥皮非常鬆脆，好香蛋味同牛油味。 又係好薄，食到流曬口水， 如果唔係啱啱食完飯，真係想食多個😋下次目標係紅桑子酥😎

仲好記得之前酥妃皇后喺九龍城開嘅時候 好多網媒報章雜誌都係度宣傳佢嘅酥皮 嗰陣我都有趁熱鬧咁去咗九龍城食 上次食完覺得真係好好食所以今次經過上環見到原來附近都有一間所以就專登行咗過去 一去到門口見到店員喺度放緊啲鮮奶撻上去個貨架度 望落去好似係新鮮出爐嗰種感覺咁 所以就決定咗今次要試依個鮮奶撻 店員會問你係喺度食定攞走 如果你係喺度食嘅話佢就會俾啲個木盆你 攞走的話呢就會係比一個紙袋你裝住今次一攞上手已經感覺佢係凍嘅 唔係話凍嘅撻唔好食 但係新鮮出爐嘅真係會好好多 今次其實比上次失望左 因為佢完全唔好食 首先鮮奶撻嘅鮮奶味唔足夠 而且酥皮都唔係好夠酥 已經冇咗上次嗰種好厚酥皮嘅感覺 唔知係咪因為分店嘅問題 所以下一次我都係唔會喺上環呢邊食☹️☹️☹️

食飽飯經過呢間麵包舖真係好吸引💕決定同同事買幾個返公司 當下午茶食間舖既門面同擺位靚到dum一聲 😍❤️💙買左最吸睛既三隻唔同味牛角酥佢地既面層有一半塗左朱古力醬 係跟返佢本身隻味架 😋 .抹茶味我起初見到係宇治金時 怕有紅豆 但睇相無就買左😍 切開 入面抹茶醬係軟心架 但不至於流出黎💦 唔怕滴到四圍都係好好食 好快就啪曬成個 佢個酥仲好脆好鬆 有一定硬度好讚士多啤梨味唔假 但無果肉 佢呢個面頭有脆糖🍬 食落有層次 唔會過甜 個酥就同抹茶果個一樣脆😃朱古力味佢寫明軟心 同事話濃味 唔太甜 但佢就唔係特別中意 個餡唔錯咁話中意朱古力既朋友要試下😋