醉滋味

營業中

休息中

位於屯門gogomall 的花甲粉，第一次食時已愛上！味道不會太咸，少少辣很惹味！但近日發覺質素及服務都愈做愈差，花甲少又有沙，一咬真係啖啖沙而最需要改善的，是服務態度！發現不同店員在場的質數差天共地，較年長的女店員及男店員在場時，態度都不錯。但當只有兩個年輕女店員看店舖時，只掛著低頭玩手機不理客人，做事草率把訂單都搞錯了多次提點要走芫茜，最後回到家發現沒有走芫茜！份量少得可憐～愈做愈差，很失望！希望日後會有改善，否則應該不會再食了

位於雅都商場 gogo mall 內！ 一間轉賣花甲粉的店舖！花甲粉對於小弟來說...深圳鹽田街邊檔果間就最好食其次就係屯門 華都花園地舖果間！其實味道黎講湯底唔需要用麻辣！清湯 帶出少少甜味已經好足夠！再配上其他自製既辣就好惹味！第一次食呢間舖，叫左個70蚊既花甲粉套餐包一盒麻辣雞翼尖！拎到返屋企，見佢有盒湯，一盒用錫紙裝住既花甲粉！先睇下有幾多粒花甲....大約有10粒左右，其他全部都係米粉.....其實見到呢兜野我真係唔多想食....米粉太多...二來個湯好清....用左金菇 同 大約10隻蜆....去煲呢個湯....究竟會係咩味道？ 我飲落口就覺得好奇怪....清湯加辣版...口腔內會有少少麻痺既感覺.....但比左錢就唯有食埋佢啦......真係同華都果間差太遠，論味道，花甲數量差天共地！有d野叫適可而止...比太多米粉落去只會有反效果！終於成碗食完.,..，米粉完全頂住個肚...好,辛苦.盒雞翼尖冇食到，丟左落垃圾筒....隔左3小時訓教時候....個胃頂住，完全訓唔到教！最尾要去廁所扣喉，嘔返出黎！到最後細心一想，是否米粉牌子既問題呢？但小弟都唔會再有下次了，食到我太辛苦

一心試吓個花甲粉，返到屋企先知唔係花甲，無花甲就停售啦！！！或者同消費為講一聲無花甲轉沙蜆啦！！！咁起碼知道仲買唔買呀！！！仲要成$44，十隻沙蜆都無！不要顧客唔知係咩蜆先得呀！味道可以！提議：應該改為蜆粉！！！不要指明係咩蜆！！！

雅都商場真係有好多美食，而呢一間醉滋味呢個醉雞卷好好賣⋯我試過去已經賣晒啦！因為佢哋係全手工製作，所以數量都有限㗎，今次好好彩我哋終於可以買來試啦，我哋覺得一個醉雞卷真係要好有心機先做到㗎，佢嘅酒味都幾濃會鹹少少，不過就啱我哋口味，大家去開可以試吓㗎！

屯門依個gogomall food court 好多好野食，其中一間就叫醉滋味，除左醉雞出名，花甲粉都好多人食，當日去到都見到唔少人order!!花甲粉 $46 花甲粉order後即整，所以都要預大約10至15分鐘等候時間。花甲有好多隻!!!!數落有差唔多10隻，隻隻都幾厚肉，好鮮味!!湯底麻而不辣，好多炸蒜鋪係面，撈埋湯一齊已經好香，又唔會搶哂花甲味，最正係俾左好多粉絲同菜，吸收哂啲花甲湯汁精華正到爆😍

今日同朋友去新墟go go mall商場，試下之前網上介紹既醉滋味屯門店，大家左睇右睇，最後選了146套餐，2個粉，1份炸燒賣，2罐可口可樂，仲有1盒醉雞卷。2個粉轉米粉，只有蜆花甲同少量芽菜同金菇同bb辣，雖然沒有額外加配料，但都夠飽，不過如果花甲再多返幾粒就d, 花甲甜又大粒又冇沙very good。仲有湯與粉分開上，可以解決過淋問題，很好。醉雞卷有酒香又夠淋好食。值得推介。但food court table 不足，建議要等好位才買野食。

屯門區暫時食過兩間花甲粉，呢間目前為止最好食，花甲數量ok 而且夠新鮮👍👍唔辣嘅湯底都整得好好食好夠味，出面食唔辣嘅湯底會即刻遜色左冇咁有味冇咁好食。👍👍👍而且食完唔會口渴👍醉雞卷夠入味夠滑，酒味都幾濃。加錢叫左杯洛神蜜梳打好正😋😋，出面好少有呢個配搭嘅嘢飲，啱哂我呢啲想養生少少🤏嘅人飲😆😜😜老闆們好有禮貌勁nice, 我同事勁煩改黎改去都保持好好禮貌冇發髀氣😆😆👍食完會再想去食嘅小店😍😍

見某外賣APP做緊優惠某付款APP俾錢有得減$40餓餓地睇吓有咩宵夜食就見到呢間食醉野幾正咁價錢同佢本身都唔係爭好遠用埋某付款APP個Code應該直頭仲平咗雞卷都有幾多塊好香 好好味醉雞翼都好正！花甲粉叫咗啲餸，其中餐肉令我最驚喜估唔到餐肉咁好味啲蒜好香

食過Go Go Mall 好幾間小店，唔知點解一路都留意唔到醉滋味，今日一心想試新嘢先終於輪到佢，我只能話我走漏眼👀，原來佢都幾好味，原來食過一次係會想翻兜🥢想食肉肉肉襟飽啲，所以叫左個「醉醉套餐」，有一份慢煮醉雞卷、1碗米粉、4粒椒鹽炸燒賣，同一罐汽水個醉雞卷真係做到爽嫩，調味出色，夠酒香同入味，而又唔會過咗籠而搞到味道變嗆變苦，估計係浸嘅時間都掌握得好，抵讚！👍🏻碗米粉嘅湯底落重調味，唔肯定係落咗美X定用咗濃X寶，即係味精湯😅，只係就引到你係咁食囉，好味嘅嘢，真係唔係下下健康嘅😅炸燒賣對我嚟講可有可無啦，普通來貨燒賣炸好再灑上椒鹽粉。如果唔想食燒賣又唔一定飲嘢，其實可以淨叫醉雞卷，再加$10配碗米粉嘅，相信都夠食

今晚加餸，係Gogo Mall買醉雞卷。$45有十件，花雕酒味濃，雞肉一圈圈切好，浸住酒入曬味。有幾粒枸杞，雞卷都幾厚切。皮薄，清爽，唔肥。雞肉嫩滑，易咬不會硬，軟軟的。花雕酒好香。有十件，份量OK，$45價錢合理。係幾好味。不過屋企人就認為酒味太重... 。 個人就覺得酒味濃所以正食唔曬，擺入雪櫃，第二日繼續食，味道都一樣，無變味、唔鞋口。見到仲有花甲粉賣，都幾吸引，下次試~

一見到依間野就好想試，因為有齊我鐘意食既蜆同埋粉絲🥰正常一碗花甲粉仲有少少金菇係入面，當然可以加錢再買其他配料。另外亦都可以揀走蔥、、走芽菜、走蒜、走金菇，粉絲可以轉米粉，辣度亦有得選擇。我平時最鐘意係會再加台灣腸，少辣😋落左單可以係foodcourt 搵個位坐下，因為店入面得一個人，所以要少少時間等候。無論係外賣定堂食店員都會將湯同粉分開，咁樣就唔驚浸淋晒啲粉👍🏻花甲粉入面蜆雖然唔大隻，但勝在夠多，起碼有10隻。粉絲會吸左d 蜆既鮮味所以好香🤩 好值得推介👍🏻👍🏻小店亦有其他小食，例如炸燒賣、醉雞卷丶醉雞翼、炸壽司。因為家人比較鍾意食醉雞，所以淨係試過醉雞卷同埋醉雞翼。🐔醉雞卷好有驚喜，一盒入邊有八舊雞卷，而且都幾大件，雞卷入面有杞子，食落感覺健康啲😂酒味都幾出下， 連我平時唔鍾意食醉雞都超愛食😋😋呢間小店雖然睇落普通但啲嘢食真係好好食，成日都心掛掛想encore🤪

雅都呢個大 food court 都有幾多輕食，其中一間唔錯既小店叫醉滋味，都係賣啲台式野食。呢間鋪招牌菜係花甲粉。花甲唔算大隻但量多，味道都鮮甜。但以價錢黎講都有啲少貴。湯底黎講就有清湯 bb 辣小中大辣，清湯就唔係好夠味，少少辣辣地就會開胃 d , 另外粉絲同金菇菜都好入味，仲加左台灣腸係入面唔錯，煎得幾脆下，食完都 ok 飽肚另外佢既醉雞卷都好出名同出色，平平地就有好多件，d 雞去哂骨，入口個酒味都好香，雞肉亦都好嫩滑

Go Go mall呢個food court 美食選擇都幾多元化，價錢亦都大眾化，成日諗唔到食咩嘅時候，就會去food court搵食🤪呢間醉滋味見到有花甲粉套餐，有兩碗花甲粉、醉雞卷、炸燒賣同兩罐汽水$146，感覺幾豐富！◾️麻辣花甲粉我要左中辣，估唔到食落辣度都幾高🙈湯底係麻辣火鍋嘅味道，加上金針菇、粉絲吸收湯汁嘅關係，再加埋炸蒜真係重口味🤣◾️炸燒賣炸嘅小食最緊要係即叫即炸，呢道正正就係，所以熱辣辣，外脆內軟！◾️醉雞卷雞卷用左較滑嘅雞腿肉，每一啖都充滿花雕酒香味，而且啖啖肉，的確幾好食😋如果有碗米粉就好啦🤣

《醉滋味🤤🍺》食完呢間野都真係醉醉地🍺🤣🤣🍺慢煮醉雞卷 $45花雕酒香味四溢 慢煮出嚟嘅雞肉質非常柔嫩細滑👍🏻🤤仲要自己去左骨 越食越滋味😍.🍻梅香醉豬手 $39感覺上同醉雞卷嘅汁是一樣的酒味都非常香濃 有少少苦澀味.🐷脆爆燒腩煎餅 $40呢個係好有驚喜嘅一個煎餅！全港首創嘅燒味拼煎餅🥞本身都覺得燒味配煎餅好似怪怪地但係食落去好得🤩🤩燒腩仔配上蔥、菜脯同一啲脆脆花生粒 配埋秘製甜醬再用蛋餅捲着非常滋味😛😋呢個要比10個讚 仲要係即叫即製🤩🥳夠哂熱辣辣🔥.🦪花甲粉 $39有清湯/麻辣供客人選擇🌶花甲雖然細細隻 但係都好鮮甜👍🏻亦鋪滿炸蒜粒增加香味碗粉嘅份量都唔細 食到好滿足😝.🔥椒鹽炸燒賣$20🔥炸花枝丸$20熱辣辣脆卜卜 夠晒香口熱氣😝

Go Go Mall 的canteen 餐廳選擇多，見好多人都食 #錫紙盒裝的麵，好奇詢問下原來是 #醉滋味 這間店的 #花甲粉！花甲粉 單價$39 一碗，一大兜食得好飽好抵食，基整本材料有花甲、金菇及粉絲，亦可加價加其他材料。湯底好清甜，可選擇不同辣度，熱辣辣咁食十分惹味！而二人套餐好抵食，$146 有兩個花甲粉，汽水2罐，椒鹽炸燒賣（8粒）及慢煮醉雞卷。醉雞卷可轉成同樣是梅香醉豬手，帶有酒的清香，醃到好入味，亦同時減低了豬手的肥膩感，爽滿好食！其他小食也很不錯，包括芝士薯波-既有薯餅的香，又好cheesy；元朗特色炸壽司。又有海鮮花甲，又有醉豬手，又有多款小食，人均不用$200，抵食！