醋頭家 (已結業)

熱辣辣嘅天氣，最啱飲番杯凍冰冰嘅嘢飲😍咁啱經過見到呢間有幾個人排緊隊，感覺上應該唔差，一於過嚟試吓。叫咗中杯芋頭鮮奶$32+小芋圓$8，等咗大概10分鐘左右，佢哋嘅小芋圓好特別，係有五隻色嘅，不過淨係食到紫薯，抹茶，芋泥味？其他個兩隻未都唔係好出。佢哋嘅芋泥好滑身，同鮮奶好夾，亦都唔會太甜，味度啱啱好，不過相比起其他舖頭，呢個價錢係有少少貴。

元朗出名的醋頭家，好多人光顧的除左醋之外都有其他好飲的選擇依個高山清茶都好好飲， 茶味好舒服，好味不過價錢唔算平， 簡中都會試下另外鮮奶茶都好好飲的，推介去元朗記得去試下

顧名思義專賣果醋飲品的台茶店 相對其他手搖飲品更健康 喜歡酸酸微微的你一定要試(≧∇≦)/ 每次去元朗的飲品首選♡✿ 青梅青檸 $32本身已經微甜 所以不用再少甜 冰涼又解渴 正!!!加埋蘆薈(+$6) 增加多種口感 這配搭都不錯🤩

好耐無黎醋頭家呢個位唔太順路少左黎平時通常買醋飲今日一於試下其他野叫左一杯仙草奶茶另一杯芋泥香芋仙草奶茶要左半糖咁樣少少甜好飲啲仙草又多又滑奶茶茶味唔錯好飲呀芋泥香芋第一次飲芋泥幾多下仲加左小芋圓成杯野變得好飽肚好杰身其實似食緊甜品多過飲品飲完唔使食野啦

［元朗健康酵醋飲品🍶醋頭家］-平時飲太多肥仔水😝雖然好飲😖但始終都唔係咁健康今日經過呢間飲品店🍸醋頭家True Boss🍸主打酵醋飲品🤪感覺健康啲又冇咁肥🤰🏻🤰🏻🤰🏻-😋酵醋優酪 $34有五種口味可以揀🥳蘋果🍎｜青梅｜水蜜桃🍑｜蔓越莓｜芒果+2🥭我揀咗蘋果味😆原本怕太酸同嗆😂所以嗌咗乳酪😗但原來係我諗多咗同普通醋唔同😝酵醋係經過長時間熟成味道較溫和，較好入口😋飲落好清新加咗乳酪口感都唔會好濃稠但略嫌乳酪味有啲蓋過醋味😢不過意外地好飲🤩重點係！飲完冇罪惡感😎唔肥唔肥‼️下次試吓冇嗌乳酪先！好味指數：🌕🌕🌕🌕🌘-📍 醋頭家 (元朗)元朗建業街51號地舖💸人均消費：$34

之前飲過幾次 覺得幾清新印象都唔錯今次想飲D唔好太heavy嘅飲品所以再嚟飲一直覺得呢間手搖店係主打飲醋類飲品雖然佢有賣普通嘅奶茶同奶蓋系列 但第一時間都係睇醋類飲品為主🌟果果吃酵醋（大杯）$36水蜜桃+芒果+蘆薈本身唔中意飲甜野 落單嗰陣有同佢講想小甜 我見咁多生果簡直想走甜但佢話本身已經少甜 又趕唔切叫佢幫我微甜就照試下啦-作為淡口味人士 覺得太甜-友人都覺得偏甜-建議微甜--芒果清甜 有芒果香氣-水蜜桃味香 但估計係使用糖漿-蘆薈有口感 偏軟身 都唔錯———————————————我下次都會再黎 但一定會叫小甜好似無一開始黎飲個種清新感但可能因為今次呢款飲品太多甜野配料

平時係元朗食開滔滔、嚐仙嘅芋圓，難得發現咗多一間賣芋圓嘅舖頭就去試下自備咗飯盒去裝，佢哋都好好俾我用。$36嘅芋圓仙草凍，可選3款配料，大部分唔使加錢，如果係芋泥/紫薯泥就要加$3-5(好似係)，近排戒糖又唔想食太飽，就只揀咗2款配料🥣芋圓仙草凍 $36 (配料: 紅豆 +小紫蘇)芋圓夠煙韌，仙草凍大小剛剛好，紅豆/芋圓/糖水都唔係死甜，幾香，只是如果好似我甘偏小甜，就會想再低糖多一點點。要講嘅係小紫蘇，店員話係高纖，類似奇亞籽，就叫黎試下。個人覺得佢比奇亞籽有存在感，每一下咬落去都有好似咬紫菜既清脆聲，有時食食下又有點點苦味，不肯定是否來自小紫蘇🤔總結主角芋圓仙草凍係值得一試嘅！配料方面大家就揀返自己中意架喇😊 佢有個配料係 ‘迷你芋圓’，芋圓控(我)下次可能會試吓芋圓配芋圓嘅配搭😂

青梅青檸(M) • HKD$28本身都戒咗飲手搖飲品，因為覺得比較肥同唔太健康😣但呢一間主打係果醋，不單止冇咁肥，而且仲有調節血壓、降低膽固醇等等嘅功用😍所以我都放心晒咁試一試～呢杯青檸味幾出，飲落酸mei mei，但又唔會覺得酸到拿埋口面，夏天飲真係好清爽解渴😊但飲完半個鐘開始搞肚痛，後尾上網睇先發現青梅係有促進排便嘅功能🤣強烈建議有便秘人士可以一試👍🏽👍🏽Tips: 幫襯完隔離有得餃再買醋頭家有九折～

台灣過江龍果醋茶飲店！台灣本土釀製的十年果醋，包括青梅、蔓越莓、蘋 果、葡萄、蜜桃五款口味，如果吾鍾意飲奶類或太甜手搖，可以試下酵醋☺️👓＜酵醋系列＞微酵小紫蘇-蔓越莓 L$31主要係果醋嘅酸甜味，冇話特別飲得出蔓越莓味，叫左微糖糖量25%，甜度剛好。當中有Basil seed即係羅勒籽，俗稱奇亞籽，細細粒好易入口又添加咬口，所以完全冇奇怪討厭感。整體係清新解渴好飲。評分：7.5/10

一直都好想試呢間手搖，飲醋嘅感覺好似比一般手搖更加健康🤭佢位於又新街附近，行大概5分鐘就會到如果大家係附近掃完街，想嘗試新嘅飲品店，可以不妨行遠少少試下😌不得不提嘅係員工嘅服務真係幾好，佢見我企左係個menu前面好耐都未嗌到，就主動行過黎為我介紹番岩我飲嘅野😂中途行左去其他地方幫襯其他黃店，佢仲將我地杯野飲放左係雪櫃保存，盡量keep番佢嘅味道，真係好體貼🥲唔單止醫護免費👩🏻‍⚕️🧑🏻‍⚕️，佢地每月8號亦都唔會提供飲管，希望香港人更加留意環保呢個話題♻️==============================🥤 醋頭家 📍 元朗建業街51號地舖 (輕鐵大棠路站，步行約8分鐘)⏰ 星期一至日 12:00 - 23:00 ==============================1️⃣【微酵小紫蘇（大杯）】$31佢有唔同配搭揀，小編就揀左蜜桃味🍑之前飲過啲蘋果醋，會覺得佢個醋味後勁好勁🤨但呢一款反而唔會有呢種感覺可能因為揀左蜜桃酵醋，所以有少少蜜桃嘅甜味😏入面仲有啲super food – chia seed 增添左少少咬口，唔會淨係得個飲字咁寡🥰寬桃同醋味亦都唔會話唔夾，更加唔會喧賓

🧋奶蓋黑糖波霸鮮奶(L) $38之前睇食評都知呢間既黑糖鮮奶係冇得打卡🤣因為佢地冇整到啲黑糖紋出黎🤣今次真係見到實物先相信～所以影出黎個效果冇咁靚😥成杯野就係勁豐富既味道🤣睇個組合，都相信飲完一定會飽肚！我覺得成杯野都中規中舉，正常奶蓋黑糖珍珠鮮奶既發揮🤣🤣🤣本身想叫少冰/走冰，但店員提醒會用番中杯裝，所以最後就咩都冇走到🙈唔算太推薦，試下就算🤗

🇭🇰#元朗 台灣過江龍飲料黃店💛【#醋頭家 】主打醋飲品 但係都重有好多其他款 珍奶🧋水果茶 奶蓋通通有😍黑糖鮮果飲 $30水果自選二🍎🥭🥝🍓百香果 西柚本身已經小甜小冰🧊本身以為會好甜但黑糖味吾係好飲得出 我揀既兩款水果雖然都比較酸 個水果既鮮甜都重保留到 入面重有小小水果 增加番口感同層次 抵讚 📍 醋頭家 (元朗)元朗建業街51號地舖

🍴醋頭家🍴💛胚芽芝士奶蓋青茶💰$38 (L size)呢一間手調飲品店主打醋類飲品🤓身為元朗國子民都成日飲佢啲醋🥳但係除咗醋之外佢嘅芝士奶蓋其實都好好飲🤩之前如果飲奶蓋～每次都係叫Oreo面ʕ •ᴥ•ʔ 今次試下胚芽都唔錯🥰奶蓋好厚一層😆芝士味都好夠🧀面頭既胚芽都好多😚奶蓋同胚芽意外地夾(((o(*ﾟ▽ﾟ*)o))) 但有一個問題就係平時飲奶蓋會就咁唔用飲筒飲～但如果加左胚芽會塞住個口😂所以一定要用飲筒🥲佢個青茶都好Fresh～如果想飲奶蓋但係又怕太飽呢個combination 應該應岩你😗推薦程度：🔆🔆🔆🔅

😅因為經常飲食不均衡、做運動又懶😩，容易導致消化不良或肥胖等問題，所以我會經常幫襯 ((醋頭家)) 得閒飲杯醋，提高體內脂肪的代謝，輔助健康👍🏻👍🏻！芋頭牛乳＄32（加小芋圓＄8）今日天氣特別凍❄️，發現到一杯新嘅飲品💁🏻‍♀️芋頭牛乳🥛，重可以加埋小芋圓，簡直完美，係我既至愛！牛乳與芋頭香氣完美融合，搭配整夥芋頭粒和小芋圓，越嚼越香，奶味融合，暖笠笠，不太甜，值得推介！💪💪💪

在元朗的時候無意間看到的一家奶茶店，好像是以果醋為名的，不過我本身不喜歡果醋，所以點了一杯招牌的奶蓋茶，奧利奧奶蓋茶味道，味道不是特別驚喜，而且奶蓋的份量真的很少