醒辰冰室 (東匯坊)

營業中

休息中

有一次要去逛百佳時，無意中經過這家餐廳，看到擺在店外的餐牌上的“意式帕馬臣芝士烤雞配意粉”照片覺得很吸引，就一直心心念，想找天買個外賣試試~第一次來的時候撲了個空，具體原因是什麼其實忘了，只記得店員的服務態度不是很有善。。。第二次是媽媽外出時順便為我買了回來賣相看起來還不錯，味道其實本身也還可以~雞很大塊，但一夾起來就碎掉了，很難夾到一塊完整的上來以這雞的質素，配上這價格確實不太值。。。服務員態度也有待改善

前日行完山打算搵間餐廳坐下、補充體力，見到呢間冰室四四正正，隨即入去。坐低見份menu已經有啲中伏feel, 選擇出奇地少，午餐只有4-5款，同早餐常餐menu. 2個人點咗個常餐同午餐白汁火腿雞球飯，加2杯凍檸茶（其中一杯少甜少冰）。上餐時份午餐有大量白汁，但雞球只有3粒，每粒只有一節手指咁大粒。另外塊火腿唔知係煎燶定咩野，咬到爆又冇味。朋友個份常餐雞扒份量足夠，但塊午餐肉又係硬到咬崩牙。火腿同午餐肉都可以煮到無味，真係最高境界。最精彩係杯野飲，2杯一齊上但少冰個杯就真係少咗一節。高下立見就知邊杯係少冰。平時叫少冰的份量同正常的一樣份量。咁小器的冰室第一見！最最精彩係咁嘅冰室仲要收加一🙄好後悔入咗呢間冰室，早知去附近的大Х樂都好食過佢！

午餐$88一個雜扒餐竟然係雞扒、煙肉、加條大腸仔侍應話有齊豬（煙肉）、牛（腸仔）、雞。佢話腸仔係牛肉做，明顯係吹水，只係普通大條少少的雞肉腸未食過咁差的「雜扒」餐仲要收加一真係頂級、超卓另一個常餐$51個炒蛋凍的，店員仲話即炒好彩都有得換以後唔會來

臨急臨忙食個早餐估唔到真係幾好食喎！首先喺上面落地面落一層扶手電梯再轉左就到😀間冰室早餐成日都好多人排隊。好彩早到即刻可以入座😀早餐有幾款可以揀我試咗魚柳多士有埋炒蛋！👍👍

星期一晚上約7時，餐廳內得一枱客。日式叉燒豬骨湯麵，有片紫菜食了先記得影，味道普通，麵硬。脆脆肉絲炒麵，樣子很漂但味道好一般，汁太杰，肉欠鮮味。常餐跟的黑松露炒蛋配扒千層多士，無論眼睛或味雷也感覺不到有黑松露的炒蛋，但炒蛋是滑的，多士好鬆+微甜，好味。新會員送的花生醬西多士，足料但味道普通。常餐menu餐飲:不建議飲檸什，味道太似洗潔精加水。座位好窄，員工服務好。

原來鰂魚涌有個咁靚嘅商場，唔係fd帶我嚟都唔知，通道好寬敞，覺得自己好似去咗旅行，呢間茶記好靚，好企理，樓梯高，多卡位，冷氣好大, 餐廳唔細，不過都full ,安排咗喺商場中庭位置等位，有冷氣等位ok.經營模式似茶樓，上菜同落單嘅人唔同，所以好似好多職員，但其實要落單都唔易。叫咗個雙併早餐43蚊，其實有啲貴，最基本嘅雪菜米，味偏淡，另外多士配煎蛋，多士係丹麥酥嗰種厚多士，係高成本野，烘過嘅，暖暖地。奶茶個茶底就麻麻。

喺附近做完嘢之後，lunch time時間又到， time時間又到，但係唔知食啲乜而且天氣又熱嘅時候， 只想走入去有冷氣嘅地方避一避先，剛好經過東匯坊，於是就搭電梯落去，第一眼就見到呢一間港式茶餐廳，見佢裝修得唔錯，環境乾淨企理，又有啲人等緊位，相信應該唔錯，於是就決定入去叫咗個「白汁雞皇意」加杯「凍cappuccino」。「白汁雞皇意」$73個中文名真係好茶餐廳嘅feel，但係一嚟到之後見到個賣相，又覺得好似唔係好襯呢個名，成個設計比較西式；整體味道唔錯，意粉軟硬適中，不過份量少咗啲；啲雞係雞柳或者雞球嘅份量，絕對唔係雞絲，雞肉仲多過意粉，不過我ok喎。「凍cappuccino」+$3大大杯， 咖啡味正常唔會話太淡，但係加咗甜，如果將糖分開會較好。

第一次到鰂魚涌的地下mall -東匯坊，就留意到這家 醒辰冰室.👇，今天再經過，決定試下。入座後的感覺唔錯喔早午餐時間，看過檯面的菜單揀左兩樣：1）醒辰早午餐👇👇 HKD73.-，內容極豐富😆2）雙拼三明治（鹹牛肉+芝士） HKD39.-三明治用的多士好鬆軟，唔係普通的白方飽！頓生好感，比佢個like👍發現這家冰室除了傳統咖啡奶茶…還有手工啤酒🍻和葡萄酒🍷，蠻有創意喔！下次想試葡萄酒（西班牙水果酒/莫斯卡托甜白酒）係咩味呢？😆這裡上餐快，阿姐執檯也快，最後，我用八達通買單也方便✌️ 佢地哋價格適中，選擇也有。以後有機會，可以再幫襯！

同我同事3：30左右，入左去食，嗌咗個豬潤通粉同埋公仔麵，等左幾分鐘，心諗，好肚餓，快啲到幾好，點知上錯左，好快有個侍應即時換返個正確既餐比我地。兩個餐都分別有雞蛋同多士，蛋同多士唔熱。求其啦，心諗餓得很。豬潤目測啡哂，咬落去都係啡，快快爽我食完個麵。當晚即痾水，痾到四支無力，企唔穩，食咩嘔咩，睇左醫生話腸胃炎，咁就安心食藥點知，第二日冇改善，加上發燒，再睇醫生，醫生都話好快痾清第四日，冇哂藥仲係咗痾，勁肚痛，再去睇另一醫生，醫生即叫左白車送我去醫院驗血，吊鹽水，打止痛針。終於以為見到曙光啦，仲係痾到含含聲，勁肚痛。故事待續，已經請左7日假，請問附近有冇邊間出名正常，賜教一下太古黑仔王

因為好多地方都開始多人，而咁岩係星期六晚大概8點，我地見到呢間醒辰冰室好多位唔駛等，就走左入去。揀左好耐都揀唔到，因為d野都真係唔平，雖然都唔係話好貴。本身想揀凱撒沙律配煙三文魚晚餐，價錢係$99，雖然話有餐飲，餐湯，多士同頭盤沙律，但係我去super sandwich嗌個沙律加湯加飲品，應該都唔需要呢個價錢。於是乎嗌左叉燒蛋飯，$89。有餐湯剩係得蕃茄湯，個多士係唔錯既，但係個飯就真係出曬事。d叉燒真係柴咁樣，兩隻煎蛋顏色鮮豔但無味，d飯有鼓油，但係又爛又無味，真係心唸，$89都可以伏到咁，太古城food court 好似$50度都好好多。而且店員態度又差，串串貢咁，即刻個刻唔開聲，只係覺得d野食已經夠差，唔係好想黎緊d野食到肚痛咁唔抵！

A neighborhood cha chaan tang but with less MSG, nicer ingredients, more veggies, and YAS, gwai lo style coffee (dark-roast Arabica beans, locally roasted).The restaurant was super packed at breakfast time. Doing lots of takeouts, too. I ordered the steak breakfast set and here’s what it looked 👍👍👍No need to add $ for fancier drink choices like espresso, cappuccino, latte, etc. No additional service charge. This place is serious about making breakfast the most important meal of the day!

早餐黎講都算幾大碟幾襟飽。魚柳有3塊大大塊，食落熱辣辣都唔錯，但比較薄身，顏色偏深啡色，邊邊有點燶，似乎返炸過。蔬菜幾新鮮，冇變黃變啡。值得一讚嘅係，個沙律醬係非一般嘅沙律醬，混合咗爽脆嘅粒粒洋蔥，又幾好味喎。蛋就睇落黃過頭，卻冇咩蛋味。個包同一般嘅西式早餐唔同，係甜甜哋嘅丹麥包，幾好味但烘得唔夠熱同埋唔夠脆。餐飲就點咗杯cappuccino，味道因人而異，但勝在唔洗加錢。整體黎講不過不失啦。。。

今餐去到港島區！同朋友去完太古城見無聊就行落左少少食好西！估唔到一個唔起眼既商場有一間充滿香港特色既茶記！🍜醒辰常餐 $48 佢個常餐入面有七款常見茶記配料😋唯獨少見既係仿鮑片
所以今次就試試佢啦！
餐仲跟左個黑松露炒蛋同埋千層多士🍳同埋一杯飲品！☕️茶記炒蛋黎講簡直超出水準黑松露醬亦都唔係得一滴再撈勻全隻蛋係蛋入面已經有黑松露面頭再加多少少添啊令個看似頹餐昇華了不少
但比較少見既係居然有提供辛辣麵！（需另加$5）港式加韓式明明食公仔麵都變左食fusion菜下次一定要試下！不得不提既係杯跟餐咖啡並唔係普通咖啡係真係咖啡機沖的！$48 包埋簡直無敵🍜脆脆肉絲炒麵 $58一上到黎簡直顛覆曬我咁多年黎對肉絲炒麵的印象😧一個好食的肉絲炒麵只要個麵夠脆個汁既餸又多已經perfect但係我面前既呢個肉絲炒麵不只igable! 好脆！好熱！啲餸仲要大大份！肉絲直頭可以改名做肉條炒麵添啊！三個麵磚敲下敲下就散開～脆卜卜加埋啲汁個層次簡直無得彈🤤不過留意返呢個無跟餐就無飲品了～想試的話我會建議大家下午茶黎食！
$50 仲跟杯精緻咖啡架😻繁忙時間黎講服務都算係唔錯～店員見你個餐無飲品會自動上杯水環境設計保留

下午茶叫豬扒包，中間塊豬扒細到呢！唔係要俾完整一塊豬扒，但都唔係得一忽仔呀！收$39，真係會唔會食水太深呢？朋友個西多冇牛油、冇糖醬，係俾煉奶，但又係少到無倫！最後要叫俾多啲！唔會再去幫襯！

第一次去醒辰係食肉眼扒，蝦多士 同 邪惡拉絲豬扒。肉眼扒非常韌，無下次。蝦多士十分香脆，如果食唔慣大油大炸嘅人會覺得有d過火（我就係，但我老公食得好開心）。芝士拉絲豬扒喺因為聽到就黎冇晒所以加點既，本身食緊既牛扒唔好食所以諗住試多樣野俾個機會，點知有驚喜，三十靚蚊有哩個size 嘅芝士豬扒我覺得值，從此對佢地既炸野有好感。第二次去喺買外賣（因為夜晚禁堂食），老公叫炸魚薯條，跟餐既話有野飲同湯但係貴$20，所以無叫餐，我就要左飛他她（意式煙肉菠菜蛋餅配沙律）。返到屋企即刻開盒驚個炸魚淋，點知食落完全無事，依然香脆抵讚！薯條就普普通通淋淋地…至於個蛋餅我認為對一個女仔黎講份量係啱啱好，個餅大概一個手掌大，但係非常厚身，我磅過有成200gram😆, 裡面除左煙肉菠菜仲有大量蘑菇（唔睇返張單我以為叫左蘑菇蛋餅🤣🤣）我偷點炸魚個他他汁，好好味，可以返兜！