里日本居樂屋 (已結業)

上星期五晚大同聚會，黎左呢間新餐廳。兜兜轉轉左一大輪先去到，點知就係o係我屋企附近，真頂癮。我係最遲去到的一個，所以兩位大同之前叫的野已經凍左。串燒螺肉(?!) - 冇乜味，淨係知道佢韌韌地三文魚手卷- 你推我讓之下俾左我食，唔知係咪擺得太耐塊紫菜韌到不行，不過三文魚都算係咁有d汁有d木魚o係上面的不知名冇皮茄子- 呢個幾好食喎，d汁配埋d茄子味道剛好，而且d茄子冇整到黃"禁""禁"咁之後我地再叫左: 日式海鮮燒餅- 佢餐牌上面寫住okonomiyaki但係出到黎都唔係果回事o既......!!! 佢似一塊煎餅多過燒餅，個底仲有d焦黑添。味道不過不失啦，不過佢燒餅汁係倒左落碟先再放個餅，然後再o係中間唧一大pat沙律醬，所以d汁一d都唔勻，搞到一塊有味一塊唔夠味一塊多醬得滯太過重味。菊花蝦- 其實即係用米粉包住隻蝦黎炸，隻炸蝦都幾脆又唔算油，不過冇乜味，點埋佢跟住上個汁都唔多夠味......炸蠔- 蠔算細隻但係乾身左少少唔係好夠汁豬扒煮蛋- 出到黎唔知點解變左定食，明明佢唔係o係定食果欄架嘛......豬扒唔會鞋恰恰但係唔多夠蛋，同埋d蛋唔滑﹔而且佢淋上飯面的汁係透明果種獻再加d雜豆(

住係附近，知道新開佐間日本食店。見成日有人等位，係呢區算係少見(因為交通唔方便)。壽司好大陣醋味,唔知係唔係要掩飾魚生不太生鮮既關係。串燒不錯，十蚊串起，推介燒牛脷。其他既不過不失，兩個人食佐二百幾，唔算太抵食。

尋晚同屋企人到里日本居樂屋食晚飯，知道老闆係加太賀前老闆，都想試下！我地九幾鐘到，都幾多人，要等約20分鐘。店裹面裝修幾靚，好有日本feel。菜式幾特別，有好多都未試過。食鹽燒牛脷、鹽燒雞翼、海膽、三文魚腩、蟹肉忌廉薯餅....有個叫詩歌舞邂逅卷嘅壽司好好食，因為壽司上面有好多我最愛嘅飛魚子，值得一試。

午市套餐\$25一份,叫左個吉列豬扒飯,個汁竟然係白汁,入口好怪,配菜有少少螺肉,無味既,d飯又痴立立,仲有張枱係唔平既,有少少郁黎郁去,下午會有勁多學生,成個街市咁,呢間野罷到明係港式街坊日本料理,不去也罷