影片
- 里的茶賣既飲品類非常多，由茶類 #小清新 到 #奶蓋 #沙冰 都樣樣齊。而且外賣飲品第二杯仲有半價添！- 今次我地係等待用餐既時候去左買，我地買左芒果芝芝冰茶同鮮橙芝芝冰茶。- 先講飲品奶蓋部分，2杯飲品都有大量芝士奶蓋，份量十足，飲落鹹鹹香香，但一定要自己撈勻。如果唔係，到底就會沉積大量奶蓋，膩到唔想飲，我既飲法係先拉高飲一啖奶蓋，再拉到底飲啖芒果沙冰，咁就可以飲哂兩種味道。- 而沙冰部分，沙冰係碎冰底，一啖飲太多會頭痛😹，但碎冰可以咬下都唔錯。先講芒果沙冰既味道，芒果味唔會太假，反而飲到好濃郁，好似泰國沙冰咁，今次甜度我無調整到，但飲落正常，唔會過甜。而鮮橙沙冰既味道就比芒果沙冰更加無咁甜，飲落去就係鮮榨橙汁既味道，同菓X先生好似。- 整體而言，我覺得好過極耐以前返大灣區飲果啲喜X，而且都係支持返本地企業好啲✌🏻，唔好玻璃心啊！- P.S 第二杯半價會以價格較低既為準，所以叫返差唔多價格會比較抵啊😆！
繼續閱讀