金仔撈車仔麵

營業中

休息中

今日去石門夾公仔，見到有間細細地車仔麵就試下，又真係OK 喎! 咖喱魷魚啲咖喱好惹味，煮麵個老闆話啲餃子係自己包，我就試下芫荽餃子，又係好好味，而且我未試過食車仔麵有腩肉架，啱晒D唔食牛o既人，又多一個選擇

中學生第一次寫下食評～車仔麵好食、價格抵之餘，份量又多，重點係隻流心蛋真係好流心👍每次必點😎餸同飲品嘅選擇都幾多，仲有啲自家製涼茶，不過因為我平時鐘意飲豆漿，所以揀左豆漿～佢地嘅鮮豆漿好飲，唔會好甜，$10好大支。——————————之前都唔知油渣麵係咩黎，係見到貼出黎好似幾好食所以就試左，原本諗住未必會鐘意食，點知有驚喜😱油渣分量好足，落埋辣菜脯超開胃，28蚊好抵食👍——————————老闆娘好nice，見我黎買得多都開始記得我，雖然鋪面係細少少，但係支持下小店都唔錯吖，唔洗成日食連鎖野🫢

近排想食車仔麵，去開石門，咁啱見到有，就去咗試下～鋪頭雖然比較細，但係環境都算乾淨。老闆娘好好人，態度非常好，好nice！😍叫咗滷水雞中翼、蘿蔔，幼麵。3隻雞翼好入味！又唔算太鹹，啱啱好😋蘿蔔唔會話有渣，夠味，仲有好多舊添🤩幼麵唔會太韌 成碗麵整體都好唔錯🥳兩餸麵先$35 算係好平！另外紙包飲品$4一盒 非常抵！原本想試佢地自家製嘅豆漿，可惜可能去得太遲，已經賣曬🥹除咗豆漿，仲有其他㗎，例如檸檬薏米水。等我下次去再試下先！推薦大家去幫襯！！！

經過商場，就去食吓，叫咗嗰雙拼麵，係豬紅同牛腩。牛腩非常鬆軟，唔會卡牙罅，然後豬紅有咬口，份量亦都好足，我向來都好大食，但佢啲粉唔少，可以填得飽我。店舖亦都有賣一啲自家製飲品，有豆漿同薏米水，大家嚟嗰陣不妨試吓。商場內小店居多，變咗店同店之間啲人都有計傾，坐係度食麵，聽老板同鄰舖啲人傾計，聽住入面老板播歌，其實食麵之餘仲係食緊人情味。如果下次經過，會再去幫襯，試埋其他餸。~~~~~~~~~~~~~~~~~~~~~~~~~~~~~

喺石門返工嘅老友記，又多一個lunch好選擇推介京瑞一期1樓有間車仔麵，非常平價親民，$25/餸，$30/2餸。有湯有撈，有辣有吾辣，任君選擇真係好少何見到車仔麵有得撈，係特別既同同事叫左以下既款式試左湯既蘿白米粉，餸係幾足料，蘿白都入味，但米粉係透明硬硬地既，唔係平時食開嘅白色米粉，我覺得口感麻麻。同埋湯底好淡，聽人講係唔落味精，可能就係呢個原因啦。但對重口味嘅我黎講，味道係真係差d，決為好淡不過呢支豆漿好抵飲，加$3咋，似係自家制，甜甜地，有豆漿既香味，正仲有撈既食，嘩撈真係好味好多味道都依然唔係話好濃味，但比起湯來講，撈嘅好味得多。豬大腸真係好好味，推介仲有得免費加菜甫，都係有辣有唔辣俾你揀蝴蝶腩就一般，似質比較鞋口，有啲韌難咬咖喱魷魚超好味呀，好入味嘅魷魚，而且一啲都唔難咬，超讚豬紅好滑，但係唔算好入味，記得第一次食有七粒，今次再叫得個五粒，可能價錢太平所以有少少減咗份量，但都仲算係抵食嘅喺foodpanda唔小心叫咗湯米線，湯嘅米線係煮得幾好味，但都係果句啲湯比較淡冇咩味，佢有自家制辣醬但係都係偏淡偏健康總結撈好食過湯好多，個人認為湯真係好淡冇咩味，不過撈嘅粉麵份量好似少啲，

估佢吾到舖仔細細⋯⋯看似一般的車仔麵會比到意外的驚喜我，好好味呀由其是加左佢d 咖喱汁，正正正！（佢個菜脯都好好味）我叫左魷魚，魚蛋，豬皮。推介魷魚和豬皮，兩款都入晒味！

屯馬開通坐去石門站睇下有咩好野食, 行過見到有間車仔麵就試下, 店舖前可坐3-4人, 叫左糖心蛋, 咖哩魚蛋, 豬大腸, 菜同腸仔! 見佢枱有2樽菜脯(辣/唔辣)就加D落碗麵試下先~!  甚少叫豬大腸既我, 見佢賣相唔錯就試下啦, 試完真係不得不讚炆得夠淋又入味, 最緊要係無~異~味~超讚! 個糖心蛋同咖哩魚蛋都整得好好味, 個咖哩醬真係堅正! 之後膽粗粗問老闆可唔可以加少少咖哩醬落碗麵到,老闆一口答應, 之後仲請我地飲野, 老闆話會有時請下客人飲下野,最緊要食得開心! 雖然店舖細細,甘有人情味老闆唔係周圍都有, 下次會再去支持!

第一次去石門，試左間新開車仔麵，真係有驚喜！店鋪細細間的，味道十分唔錯。魷魚、蘿蔔、蝴蝶腩都係必食。而碗麵個咖喱汁都勁野味。仲有就係要加DD辣菜脯落碗麵到食，勁正呀！問過個老闆，佢話D菜脯係自家製