金來家刺身壽司 (已結業)

與靚師拉短聚吹一吹，最緊要快狠準近，兩分鐘到步即入座。檯細坐位位細，迫迫夾夾坐得不舒服，速食無緊要啦。前菜，迷你關東煮？冷盤前菜濕濕口，醬油味濃，清新不膩，蘿蔔爽爽多水，肉丁、魚肉瘦瘦的，可以。溫泉蛋斧牛帆立鍋冬，斧牛？韓式食店，不是日式食店嗎？姓金係韓姓喎。即沖湯包感覺濃厚，味道沉實，濃濁不鮮豬骨味。烏冬又不錯喎，竟然用上手打，烚耐了一點而偏腍，幸好還保有嫩滑微彈感，用濃湯浸著倒入口都滿意。雪藏無味帆立貝，清水味濃，質地合格。溫泉蛋微暖不是凍的，蛋黃甘甜味道濃，讚！魚蛋同牛肉就非常普通，唔難食無特別。

這家隱身於小巷的私房餐廳已光顧多次，地方不大，但勝在寧靜，適合慶祝紀念日，老闆師傅及店員態度都很好，食物質數同樣有保證。食量不大，只叫了三款，厚切三文魚刺身，浦燒三文魚定食及招牌火炙帶子卷三文魚腩刺生厚切，冇記錯賣$6*，份量唔多，但新鮮有質數!浦燒三文魚定食，唔算特別，但勝在即叫即做，燒得香口招牌火炙帶子卷，帶子鮮甜，配上芒果汁，感覺清新唔膩，強烈推介!

專登走黎搵玄海，點知已經變左金來喇，照食。望望 menu 全部都係套餐麵飯，我想食刺生併盤架！是但先試拉麵啦，還掂得十五分鐘 lunch，最緊要快。中華沙律，頭盤無咩所謂，外購大路穩陣，酸酸甜甜、爽脆索索聲，開胃菜。麵豉湯，外購即沖無特別，一啖飲完無野講。豬頸肉野菜拉麵走蔥，set lunch E。有驚喜！豬頸肉非常爽口彈牙，醃得入味帶甜、煎得香口、肉汁滴滴。溫泉流心蛋，唔錯。特濃豬骨湯不油不膩，濃郁而香甜，比預期更好！難得。拉麵質感唔錯，仲有點似日版出前一丁添，掛上香濃豬骨湯，滿意。全部食晒無得留低，椰菜絲、粟米粒、日式魚蛋片，湯都幾乎全部飲晒，真材實料無味精，good！

佢地嘅刺身係十分之新鮮，好多都係「當季」的，而且好肥美，食落好鮮甜！加上啲sauce唔係豉油，而係餐廳秘製嘅，所以好驚喜！熟食方面，啲款式都好多，份量好我覺較細，但係岩岩好。佢地唔係一間傳統嘅日本餐廳，有好多野都係chef自創，比如帶子加洲卷。擺碟方面，佢地唔會好日式，比較fushion左西式。OVERALL都好滿意，因為有好多其他野都想試，所以會再光臨！

在紅磡工廠區的一條冷巷內新開了一間日本料理屋(約三個月前) 一直觀察了一段時間到最近卒之來此試了一次午餐, 店內面積很細如果要放一般正常嘅枱櫈, 項多放兩至三張枱,雖則店內呈四方形, 為了在細小的店內騰出多一點空間, 店方用上沒有靠背的中式木櫈但可惜的是這櫈跟枱的高度並不配合, 座上櫈時將手擺上枱時感覺特別奇怪, 而且當飯餸拿上枱, 客人食的時候要將身偎前稍稍彎腰食, 坐姿上令人坐得唔舒服, 一定唔會在這環境下慢慢磨啦,當日叫了:雜綿壽司拼烏冬set /$55, 壽司七件, 之前來一個味噌湯- 普通! 前菜是少少豆角粒加海螺肉,調味都係嗰d最傳統的甜加埋咸味, 但份量真的超少, 海螺肉就話”貴”啫,豆角粒唔通又好貴?? 味噌湯亦只是一般, 壽司飯都係屬於軟熟嗰種, 但上面件魚生就只有三文魚質地比較上新鮮, 其他的魚肉則唔算太新鮮嗰隻, 不過魚肉也只不過兩種, 而雜綿壽司竟然沒有蛋的壽司就有點出奇! 烏冬就有兩片極之考刀功的極簿紅白色相間魚片, 個烏冬湯好淡, 而菜則是1/16小棠菜, 賣相顯得好小家, 即使百物騰貴但1/2棵小棠菜佔不了多少成本吧?!總括來說: 小店有心無力, 捱得過一

今次係好友共聚，也早已訂好位，店主已排好座位等我們！雖然舖面細細，但接觸店主機會較多，用心地為我們介紹每度菜式的做法與食法！讓我們體會到如何去“享用日本食品”的內涵！

聽朋友說7月份在紅磡新開了間日本餐廳, 食物及服務都好有水準, 決定去試下.晚上放工後山長水遠(住元朗) 入到去金來家, 唔使等位, 朋友第一時間揀左三交魚腩剌身好新鮮, 好好味... 太好味, 食淨2件才記得影相 再叫左壽司, 特別鵝肝壽司超級好味, 入口即融再到尾尾, 老板推介甜品一口朱古力, 濃郁的朱古力味清而滑, 想要一食再食 重要的是, 老板樣樣親力親為, 服務超好, 坐在那如同在朋友家一樣...