金公館 (康怡廣場北座)

營業中

休息中

片皮鴨皮光脆口，加上青瓜紅蘿蔔京葱甜醬等用粉皮包起來，各種豐富味道非常可口。帶子新鮮又大粒配象拔蚌鮮味，甜豆也很脆口。豬肺湯也值得一讚，清甜可口必叫之選。小籠包也不錯。

今日去太古shopping, 經過一間川粵菜館，這裏全是卡位雅座設計，坐位舒適，光線十分充足，感覺舒服。我們不食辣的菜式，所以都是選了不辣的粵菜。-薑蔥大魚頭 很大的砂鍋放滿大魚頭和魚腩件，魚 件先走油，炸得外脆內嫩滑，再用了大量的洋蔥和香蔥炆煮，上台已聞到陣陣香味，十分好味！-蜜椒鱔球 鱔球炸過後，肉質爽口，再與彩椒炒 煮，增加口感。 -鳳梨咕嚕肉 咕嚕肉煮得酸酸甜甜，還有菠蘿和青 椒配搭，十分惹味。-青城山杏汁燉豬肺湯（1位） 湯很清甜，非常清潤。-白飯

一行八人，便order 一個八人餐，北京填鴨（全隻），一共有二碟片+肉， 我們飲完青城山杏汁白肺湯(好多料），再食填鴨之後，已經差不多塞滿一半胃😂！因為我們全部人比較細食），其實我們可能適合食六人餐！我們把酸菜魚改咗做蕃茄魚（烏冬底），感覺比較清甜好味（因為一邊食魚片，一邊飲蕃茄魚湯）😄，但對我們來說size 比較大。竹笙鼎湖上素：有竹笙+雪耳+芽菜+蘑菇+菜心，原來這樣的配搭也幾不錯，很清新的感覺！另外甜品是雷沙湯丸，非常好味😋#金公館P. S. 六人餐$1568, 八人餐$2628

一放寬晚市堂食第一時間就緊系book個靚位食晚飯啦～於是就決定食依間金公館。叫咗個2人套餐，4百幾蚊，有2兜杏汁豬肺湯，一碟雞絲粉皮，一碟炒蝦仁，半隻扁皮鴨，另外仲加多兜酸菜魚，最後佢仲比咗件桂花糕，賣單8百幾蚊最中意系扁皮鴨，吾知系正宗定有新意，佢配哈蜜瓜比我夾，哈蜜瓜好甜，夾埋一齊好好食。醬料方面都同平時吾同，吾只得一款，有4款醬，有隻系桂花醬，好特別👍🏻環境吾錯，有卡位坐得舒服，Staff 都幾爽手，見清咗啲碟就好快收，但明明做緊promotion 話消費滿指定金額就送一盒蛋卷，但賣單嗰收銀完全冇咁回事，問佢就吾好態度咁話冇，已經送晒🥲

真係好嬲，自己打電話去落單竟然比用app落單貴$70幾蚊，貴成碟餸，個差評係不滿個餐廳管理層當d客白痴。係都要浪費我時間寫食評話你。我係北京填鴨愛好者，住西區所以未食過呢間，特登過嚟買外賣諗住試吓。依家晚市早收，七點幾打去，男經理好好人話我知收八點。所以我諗住用app落單叫外賣先，男經理好好人話app落單多選擇過openrice，我諗住落完單揸車由西區飛去康怡趕佢哋八點收工。點知個app有問題，狂取消過唔到張單，跟住我又打去餐廳，男經理又再好好人話可以幫我電話落單先，咁我黎到唔洗等。點知，真係好嬲，同一樣食物app落單只係$375.7，差唔多discount 45%，app仲要唔洗收盒同膠袋徵費(總數$8)；自己打電話去落單得八拆貴$70幾蚊，貴成碟餸，已俾$8盒/膠袋費但仲要唔俾餐具；如果貴二三十蚊我都算，但貴$70幾蚊。個男經理好慘，要好無奈要解釋呢個伏，由管理層造成嘅白痴問題（以為d客唔會知），佢都係打工遮話唔到事，好慘咁要安撫個客。所以聽完以上故仔：1. 管理層: 扣負5分👎👎👎👎👎2. 服務: 5星🌟🌟🌟🌟🌟，好OK，晚市得男經理一個一腳踢又要落單，接電話，又要pack d食

堂食情況慘不忍睹…沒辦法, 疫情關係盡量避免除下口罩, 盡量減低感染風險; 但每每吃外賣真的不是味兒以往每星期都跟同事一盅兩件, 就是因為疫情, 海港薈關門已久;唯有到金公館吧…有多午市套餐, 由$108起我們點了A+B+C $128 (小食+點心+飯麵)二人份, 連茶加一後每人約$70, 抵食!!滿滿一兜的 手拍青瓜 新鮮爽脆,吃得出是用鹽去調味.芝麻煎堆仔 出奇的好味!煙靭的糯米配合份量剛好的芝麻蓉,非常欣賞!! 最後主食點了 黑椒海鮮炒烏冬!一早心目中有了打算, 烏冬絕不會是稻庭烏冬或煙靭烏冬… 不過香味撲鼻, 蝦球沒有雪味,令整碟炒烏冬加分了不少!

今日同阿媽去飲茶，例牌肯定係去茶樓啦，因為老人家都鍾意去飲茶樓食點心，喝上一盞茶。「金公館」都是我不二之選，經濟實惠，味道又唔差，下午茶仲有八折添。講起點心，我當然點我最喜歡的牛肉球了，大大粒能有三粒，有好香濃嘅陳皮味，彈牙爽口必點之一。值得一提既係佢個上海小籠包，食海小籠包都會知道最重要就係入面嘅湯汁，呢籠小籠包入邊嘅湯汁好濃郁好多汁，推薦一下。還有一個蝦腸粉，阿媽就話縮咗水，不過我就覺得份量都剛剛好，賣相晶瑩通透，豉油是另上的，想要點幾多自己決定他們的餐具都頗有特色，一個簡單的下午茶，可以做到這個質素都算不錯總括經濟實惠，大件夾抵食，環境舒適，兩個人都係百零蚊落樓。

作為住喺附近嘅街坊居然第一次嚟食金公館😹 因為阿妹鍾意食片皮鴨、聽講呢度片皮鴨做得好出色所以比次機會 😹 唔想諗嘅情況下叫咗個四人套餐 、再加一個炸蠔餅！蠔餅一上枱大家嚇一跳、因為比想像中大好多！食落外脆內軟唔油膩、豪仔份量都幾多主角片皮鴨！咬落去真係皮卜卜脆、同時又有一半鴨肉！見到門口有個烤箱！咁鬼鬆化可能真係即叫即燒！ 再配合埋新鮮嘅大蔥青瓜甜醬真係冇得頂！阿妹一個人食咗半碟 欖菜肉碎炒飯好惹味！肉碎份量唔少！麻辣牛展就有啲辣！我個人好着重份量一帶碟牛展我覺得好抵 😹 仲要係牛展食落一啲都唔鞋颯颯！港式炸魷魚咬樂一啲都唔銀！可能真係即整熱辣辣新鮮嘅問題 🤣 加埋啲醋簡直係報向死亡越食越多！膽固醇澤界 😅酸菜煮魚魚肉份量好多好滑！重點係冇骨又唔腥臭！配合大量嘅酸菜同寬粉！好鬼飽肚川辣炒椰菜花就冇乜特別、不過都偏辣 🥵其實所有食物份量都好多最後五個大人都食唔晒要打包兩盒走 😜😜下次會再為片皮鴨而嚟食過

今天在康怡商務圖書館買書，之後上了一層到金公館吃。二人套餐真抵吃菊花茶好清香，而且一直熱着，很貼心😋雞絲粉皮嫰滑雞絲雞肉味濃，這個冷盤真的百試不厭。杏汁白肺湯白菜煮得非常入味，瘦肉經過湯水熬，份外好吃，整個湯雖然杏仁味不夠濃，但是好好味。蔥油雞外觀很美麗，整隻雞分量足夠，吃起來很滿足！咕嚕蝦球跟咕嚕肉成個樣一樣，而咕嚕蝦球煮得酸甜爽脆，回味無窮，比起咕嚕肉更加合我口味。靈芝菇萵筍絲萵筍好爽脆入味，點煮都咁好食。京式小籠包皮薄多汁肉餡鮮嫩入味。杞子桂花糕我本來諗住試一口就唔食，因為呢啲套餐甜品一啲都唔吸引，點知呢個真係誠意之作，好濃郁嘅桂花同埋好清新嘅杞子混合埋令到我食完之後想食埋老公嗰份。片皮鴨皮薄脆口配料好有誠意，其中一款叫桂花醬，食落好清新。唯一缺點是調味稍為淡了些。整體都滿意。

真係long long time冇品嚐北京填鴨, 見啲為食友post金公館嘅北京填鴨食物相片, 排場同賣相又真係幾吸睛, 成就咗今晚嘅happy gathering。食店傳統中餐裝潢, 除咗卡座, 仲有包房供選擇。二人套餐包半隻北京填鴨、杏仁白肺湯, 共七樣食物, 只需$438, 仲使諗? 梗係食二人餐啦。餐牌都以傳統中式菜色為主, 門面及餐廳裝修好似幾high 咁, 估唔到價錢又幾相宜。雞絲粉皮煙韌彈牙粉皮夾撈埋酸香芝麻醬及雞絲伴食, 好開胃的一個前菜。青城山杏汁白肺湯非常足料的白肺湯, 湯料有雙白菜、杏汁、大量豬肺、瘦肉、雞腳及金華火腿。湯頭入口很甜很濃, 杏汁味道唔強, 白肺湯以金華火腿提升湯嘅鹹鮮,  所以飲完唔口渴。火候十足, 雞腳煲到連骨都化埋, 入口滑捋捋, 充滿骨膠原。烤北京填鴨今晚是為它而來的, 係咪好有排埸呢。烤北京填鴨配菜有青瓜條、哈密瓜條、西芹及京蔥, 金公館嘅北京填鴨醬比較特別, 除咗最傳統嘅黑色填鴨醬外, 還加3種特別配醬, 桂花甜醬、酸辣醬及胡麻醬。北京填鴨烤得金黃脆口, 先來薄薄一片烤鴨皮, 入口脆脆的, 很香口, 最正係廚師已經將皮下脂肪全部清走, 皮

本人不太喜歡吃中菜，除了間中想食點心。今次午餐試下這餐廳，這中餐令我想回頭，每碟菜都很有水準，新鮮即煮，份量足夠。大家都是第一次黎，但不約而同想再食多次。000⁰他們還有大圓枱，可以坐多過4個人。，一流

太古站的康怡廣場有一間比較出名的連鎖中式食肆，可以於一間餐館食晒京菜、川菜、滬菜和粵菜幾種中國特色菜。唔好以為呢啲物菜式味道一定係又濃香辣，未必好啱同長輩食飯一齊去，但係小店入面都有好多唔同注重健康的食材，啱晒唔同口味人士嘅需要。除了餐單單點之外，還有二人餐和四人餐選擇。款式包羅萬有，總揀到一款適合自己！麻醬鮮淮山當作前菜，淮山切到一口份量，也爽口非常，對身體好有益。竹笙鼎湖上素海量的竹笙配以唔同嘅草菇和菌類，適合健康人士。老壇子酸菜魚特別用上鱸魚，魚質好滑，做酸菜魚真係一流。這個是小的份量， $148左右8酸辣味道平衡得恰到好處，點了小辣都足夠，配以酸菜和紅薯粉，一呷湯頭，夠晒刺激。芙蓉賽螃蟹，味道相對清淡，適合老人家。咕嚕蝦球咕嚕蝦球經過走油之後，每一隻都保持彈牙的口感。酸甜汁夠晒開胃，送飯一流。香酥蔥油餅一切開四份，上面食到好飽，呢一個唯有打包比屋企人食。

常聽到的一句飲食術語，就是性價比高，即是抵食又不貴的意思。但飲食界中的抵食又不貴，往往就是將價就貨，尤其是中菜的例牌，份量各店不同。那不算是抵食，而是你鈔票付得少，吃進肚裏的份量自然就是少了。今天中菜性價比高的店已買少見少了，但我卻找到了一間，地點在鰂魚涌康怡商場 - 金公館，一間吃京川粵菜的館子。這天是星期三，約了女兒在這店嘗嘗，閒日這店的坐上客仍有八九成滿，就知道這店的出品，抵食兼好吃，否則食客三千就談何容易了。女兒好辣，今晚叫了老壇子酸菜魚，上桌的份量令我吃驚，果然是好吃夾大碟，148元的價錢確有點超值。他們的咕嚕蝦球和竹笙鼎湖上素也是碟頭大，個人認為這兩味餸，正好中和了味覺。因為女兒說這碟上素略嫌不夠咸味，我向她說，佛門素菜應是清清淡淡才算是正宗，這才是佛家清心寡欲的意思。這晚父女二人，三個餸加個蔥油餅一個白飯，足矣。下次再來，再試他們的北京片皮鴨，看別桌吃的，碟頭也是頗大抵吃。

同屋企人提早慶中秋可能太遲book位嘅關係周圍都話full晒🤷🏻‍♀️最後搵到呢間佢話得六點有位都照殺啦唔通食麥當勞咩🙈但錯有錯着啲嘢食又唔錯喎👉🏻玫瑰沙拉蝦球蝦球大隻彈牙係啲炸粉遜色咗少少👉🏻鮑魚雞煲鮑魚唔會好細隻軟身彈牙👍🏻最驚食啲鮑魚係好似橡筋咁咬唔開雞肉嫩滑👉🏻竹笙海皇蒸蛋白呢個有驚喜喎睇個樣好似冇乜特別蛋白超滑嫩上面有啲蝦仁、萵筍同紅蘿蔔粒送飯一流👍🏻👉🏻青椒清香魚本身以為係蒸魚點知上到嚟原來係好似酸菜魚咁但係啲魚肉質超嫩滑魚湯超鮮甜配埋啲彈牙嘅烏冬超好食全家都讚👍🏻姨甥仔食咗超多😂👉🏻靈芝菇萵筍絲清甜清新之選成餐飯好滿意媽咪同細妹都話可以encore👍🏻同埋呢間野嘅服務都值得一讚本身訂枱嘅時候話只可以食個半鐘但可能節日關係上菜超慢我話你哋上菜咁慢俾我哋食耐啲啦最後我哋坐咗兩個半鐘先走期間冇趕過我哋😆我哋食月餅又幫我地執好晒張枱攞過晒啲乾淨嘅碗碟俾我哋👍🏻呢間餐廳主要係食廣東菜同川菜有水煮魚同酸菜魚嗰啲但因為媽咪唔食辣所以今次冇叫到下次一定要試吓😆

上班日的中午，兩個人吃了四樣東西，包括蝦春卷、黑椒海鮮炒烏冬、白灼菜心和叉燒飯，有中上的質素，超級飽，人均消費只是$100，港島大型商場竟然有這性價比超高的酒樓，令住新界的人很羨慕。