金凡潮汕菜

營業中

休息中

潮汕菜, 間唔中都會好想去吃, 想起打冷、凍鵝片、已經食指大動. 早前與好友去到位於尖沙咀金馬倫道的金凡, 好熱鬧! 有像大排檔般的氣氛, 但就有冷氣, 坐得舒適.  等待美食期間, 我們喝金凡自家製的檸檬特飲, 唔是死甜, 酸度及甜度好平衡, 值得encore.小吃點了潮洲獨有的金不換炒薄殼, 這小吃…令人又愛又恨, 肉沒多, 但佐酒一流, 金不換的味道突出, 啜殼就是樂趣.韮菜鵝紅, 要吃就要吃鵝紅, 微辣的, 好過癮!要惹味的菜式, 必數椒鹽墨魚, 脆漿夠薄, 墨魚肉仍然爽滑. 叫人期待的有玻璃乳鴿, 一向對乳鴿沒太大熱衷, 然而這個皮脆似炸子雞、多汁肉滑兼帶少少甜, 確實有驚喜~ 好澎湃~ 全枱人, 無不讚嘆!!! 第一次見咁大碟的生醃有羔蟹, 從色澤看來, 已經很新鮮.  隻隻爆膏、啫喱狀的肉質彈牙、醬汁咸度又剛剛好, 吃得好開心! 最誇張是蟹蓋, 多膏到食極都有! 若有興趣的話, 則需預訂啊~ 潮汕脆皮咕嚕肉, 有菠蘿的菜式, 特別讓人喜歡~ 有新鮮的香甜菠蘿食, 咕嚕肉都幾鬆化, 唔錯~潮洲菜不少得滷水錦繡拼盤, 這份也很大. 鵝肝幾油潤, 介乎粉與爽之間; 豆腐看來很普

由細到大都好鍾意食潮州菜，當年蝸居屯門時，接太太放學都差不多10點打後，好多時都會去打冷，兩個人不外乎一碗韭菜豬紅，一條大眼雞，一碟蜆肉，兩碗白粥，在路邊的寒風中，說說笑笑閒話家常，溫馨滿滿的。家陣坊間已很小見路邊店，但潮州菜早已登堂入室，百花齊放。今次同幾位朋友在尖沙咀飯聚，店內燈火通明，衛生情況不錯，而且有廂房，如果怕給別人打擾，都是一個好選擇。前菜普寧炸豆腐（$88）潮州菜中好少機會失手菜色，雖然未至於外脆內軟，但記得蘸點一下豆醬，鮮味會更加提升。韭菜鵝紅（$98）鵝紅好入味，軟彈的質感好好，韭菜份量可以多些少更好，因為個人喜好沾滿了汁液的韭菜。炸大腸（$128）當然無順德菜館做得好，但已經不錯，夠香口同脆。生醃螄蚶（$138）老老實實，真係好多人未必夠膽食生醃菜色，尤其是係螄蚶，不過偶爾食一兩隻都無妨，味道又幾鮮。鹵水錦繡盒（鵝片、鵝肝、鵝腸、墨魚）（$518）可以一口氣食均鵝片、鵝肝、鵝腸、墨魚、豆腐及紅腸，不想每樣點一整碟的朋友，拼盤未嘗不是一個好選擇，滷得啱啱好，而鵝肝同鵝腸更是個人愛好，肥美軟滑，正。龍頭魚煎蠔仔餅（$ 188）龍頭魚其實係白飯魚，炸得又的確夠鑊氣，外脆

喜歡吃海鮮的朋友，約齊朋友一起去金凡潮汕菜就對了，潮汕人喜歡吃海鮮，更以烹調海鮮見長，海螺、生醃蟹、魚標魚雲魚扣等等，就等我帶大家用五感體驗一下潮汕菜啦﹗先來個大受歡迎的滷水錦繡盒，滷水味鮮香醇厚，滷得入味；鵝肝每件都好完整，口感細嫩油潤、鵝腸爽脆、鵝片肉嫩有油香、爽滑墨魚片及嫩滑的滷水豆腐，瞬間已被清碟。涼伴魚皮，微麻辣加上爽彈口感，就連平日不吃魚皮的我也吃不停。韮菜鵝紅，帶點微辣，加上爽彈又香口的椒鹽鮮魷，佐酒一流。朋友們更特意點了S-Class Original Beer原漿啤酒，加上用靴型啤酒杯來飲用，特別開心﹗重頭戲一定是生醃有羔蟹，每隻都有大量橙黃色的蟹膏，入口嫩滑回甘，肉質則如啫喱般，吸滿醬汁，鹹鮮有序，記得必須要預訂啊﹗火焰鹽燒海螺(8位)，上桌後澆上酒點火，既可帶出海螺自身的鮮甜味道，同時又帶有酒香，美味﹗再來一道令鄰桌都忍不住偷望的菜式，除了鐵板的吱吱喳喳，還有其撲鼻的香氣，鐵板XO醬魚標魚扣，爽滑惹味。最挑起我好奇心的，是這碟玻璃乳鴿2隻，我以為乳豬才有玻璃皮，想不到乳鴿也能做到呢﹗皮脆肉嫩又有肉汁，美味﹗一輪熱氣美食後，來杯金凡自家製的檸檬特飲，清甜帶微酸，好解

餐廳裝潢帶點懷舊風味，貼上不同年代電影海報，食物方面，餐廳主打新派潮州菜，同時有多款精美小菜。頭盤點咗5款涼拌小食，分別有涼拌魚皮、普寧炸豆腐、韮菜鵝紅、炸大腸及生醃螄蚶 。涼拌魚皮好爽口，醬汁帶點辣好惹味。而普寧豆腐炸得外脆內軟，沾埋醬汁更好食。滷水錦繡盒呢個滷水拼盤有鵝片、鵝肝、鵝腸及墨魚，整體滷水汁幾入味，鵝片啖啖肉，帶點鵝油香，墨魚幾彈牙。九肚魚煎蠔餅蠔餅用上九肚魚及蠔仔，口感更豐富，而蠔餅用咗鴨蛋，所以炸得好鬆脆，配啤酒一流。👍芝麻雞賣相好有氣勢，芝麻雞好香，雞皮炸得好脆身，而且肉質嫰滑，好吃。😊紅米牛肋骨牛肋骨份量幾多，牛肉味好濃郁，肉質有咬口。鐵板XO醬魚標魚扣上枱時已經聞到好香，XO醬味道幾強烈，魚標好爽口，配菜有三色椒、紫洋蔥等令小菜更惹味。火焰鹽燒海螺店員上菜後會倒入酒，然後點火做成火焰效果，海螺肉肉厚，而且鮮嫰，醬汁甜甜帶微辣，唔錯喎。魚翅撈飯店主話依加有超抵價魚翅撈飯，而且好足料，配搭埋爽脆芽菜好有口感呀!避風塘炒蟹肉蟹好大隻，肉質好鮮甜，避風塘炒蒜好脆好香口，店主話有隱藏食法，用炒蒜送白粥一流。最後仲點咗潮州粿做甜品，外層好煙韌，綠豆餡料甜度剛好。整體食物質素

不錯的潮州菜我哋叫咗個避風塘炒蟹套餐，都幾好食。滷水拼盤和魚翅撈飯值得叫。值得推介，大夥兒慶祝生日的首選。不過環境有啲嘈，因為留底好矮 但係裝修好特別 真心值得推介

同五個胃口很好的朋友來吃晚飯，六位嗌咗10個餸，埋單先至三百幾蚊一個人，鬧市餐廳來講非常抵食一坐低因為太肚餓，所以即時叫咗兩個小食，涼拌魚皮和黃金魚皮，非常非常好味，超級推薦跟住嗌咗滷水拼盤，魚飯，椒鹽九肚魚，豬油渣菜心，梅膏骨，白灼豬什其中，白灼豬什最好味！滷水拼盤入面嘅鵝腸同埋豬大腸又係超高質，豬油渣菜心雖然好肥仔，但係真係食過返尋味，而家喺香港真係好難食到好味嘅潮州菜啦最重要仲係鬧市入面性價比高！服務員亦很不錯遲啲做冬飯應該都會考慮嚟，好適合一家人食飯！

Book咗枱，所以唔使等。好好食呀，價錢都唔係特別貴。適合一大班人嚟，任坐，好開心呀份量又夠味道又足我最鍾意食呢，白灼豬什（豬粉腸豬膶），鐵板魚標魚扣！！呢個難得，味道唔錯。魚飯有少少遺憾啦因為馬友賣晒啊，不過黃腳立都好油份好食呀。梅膏骨炸得酥，味好。豬油渣菜心真係香。仲有好幾款，食到好飽平均一個人食$3xx 。我哋就冇嗌酒水。大家可以參考返。晚飯六個成人食，真係食到好飽啊。本身諗住食反沙芋，難見到有得食呀嘛，諗住試吓佢手勢啦但係因為太飽啦，所以冇嗌到。下次下次PS其中一個後生靚仔嘅店員呢勁似朱mic囉，又好Nice喎

舊同學聚會，想搵一間地點就腳又乾淨企理嘅餐廳。大家都係第一次試呢度，估唔到個方面都真係10分唔錯！推薦菜式菠蘿咕嚕肉，滷水鵝片，油鹽水煮蜆，九肚魚蠔餅👍🏻。一定一定一定要食反沙芋，真係食過咁多間呢間最出色！

入秋天氣涼涼地，除咗食煲仔飯，當然係食羊腩煲啦！今次就去咗位於尖沙咀有名嘅潮州菜館「 金凡潮汕菜」。除咗佢最出名嘅🫓九肚魚蠔餅，佢嘅🍲古法扣純羊腩煲都係必食之選。🍲古法扣純羊腩煲 $588可以好肯定咁講，啲個羊腩煲係食過最好食嘅😋雖然價錢有點貴，但質素絕對對得起啲個價格。先講湯汁是古法炮製，加入了不同藥材香料熬製，湯汁醇厚，味道層次豐富，再配搭不同的蔬菜，淨係個汁就已經可以撈好多碗飯🍚羊腩是選用最頂級部位，據說一隻羊只能做到四份，非常珍貴。經過長時間炆煮，羊腩變得非常嫩滑，肉質軟腍而鮮美。食過之後，餘味悠長，回味無窮！不可不提仲有個秘製腐乳汁，配搭少許青檸皮，羊腩沾上醬汁後是神來之筆，令羊腩更為味美👍🏻之後再加了一碟牛肉用來打邊爐，牛肉是新鮮即切，雪花均勻，牛味濃郁，讓羊腩煲畫上完美句號！🫓九肚魚蠔餅 $188蠔餅好普遍，但加入了九肚魚的蠔餅還是第一次食。餅皮炸至金黃酥脆，外層香脆，香氣撲鼻，九肚魚的鮮嫩加上蠔肉的鮮甜，每一啖都充滿海鮮嘅鮮味，不可不試👍🏻「 金凡潮汕菜」係一間非常出色嘅潮汕菜館，客人源源不絕，除咗潮州菜，羊腩煲同樣出色，值得推介！#金凡潮汕菜 #潮州菜 #羊腩煲 #蠔

近排都係比較忙，平時唔好食嘅就懶得寫食評，其他起碼嚟過兩次先會寫返一次食評！酥炸蠔餅要食到好食就係唔油膩，而且香脆，呢呢個九肚魚蠔餅係我食過最好食嘅！鐵板XO醬魚標魚扣，真係唔係度度都有，呢度菜夠鑊氣而且用料新鮮！上一次食咗隻芝麻雞入口香脆，所以今次就嗌咗沙薑雞，因為有比較都係鍾意食隻芝麻雞！呢度始終係潮州菜館，所以就一定叫個滷水拼盤，鵝肉較腍夠Juicy！鵝腸都好好食！價錢都算相宜，不過就有$15嘅茶錢！服務就一流，由帶位，叫菜到埋單都非常好服務！

一行六人相約食晚飯，其中一位朋友提議去呢一間，大家柴娃娃冇所謂去試下，結果真係幾好食，有一個好後生嘅侍應，仲好好服務，態度好，又好笑容，個炒魚麵，上菜嘅時候，覺得個麵好粗，但係食落去好好味，好有口感，反沙芋，外層個糖皮厚咗啲，但係都好好味，仲有煎潮州粿，鹵水拼盤最多可以叫四款，啲豆腐好滑好味，一般街嘅潮州鹵水鵝肉比較冇咁滑，呢一間又ok喎，仲有墨魚都好好味，方魚炒芥蘭，啲方魚炸到好脆，好惹味，呢度個蠔餅好有特色，係可以加九肚魚落去

朋友生日想食潮州菜，喺OpenRice搵到金凡潮汕菜，見到食評不錯，所以訂位試吓服務好，坐咗三個幾鐘訂位嘅時候有提過兩小時小，但亦都有講如飛必要不會叫我哋交枱，最後我們坐了三個多小時，過了一個開心愉快的晚上性價比高-350/人我們一行12人吃了很多嘢滷水鵝肝滷水鵝片炸蝦棗鮮蝦水瓜烙炸大腸花甲蒸滑蛋欖菜豆醬炒番薯葉韭菜鵝紅螄蚶黃花魚鮮魚標浸勝瓜鐵板啫啫鵝雜川椒雞沙茶牛肉芥蘭潮式鹹肉炒麵線蠔仔粥甜品：燒餅福果芋泥綠豆爽南瓜餅金絲芋頭店員介紹的「南瓜餅和金絲芋頭」必須要試

#潮州菜 隔一段時間就會想食，今晚又同朋友去食😘。✨必點滷水鵝片，滷得夠味，滷汁夠香唔會死咸。✨蠔餅係今餐飯既亮點，炸得夠鬆脆，有蛋味，蠔仔夠新鮮飽滿。✨滷水鵝腸，鵝腸新鮮爽口，滷水味同鵝腸味兼備。✨潮州咸肉炒芥蘭，帶微辣，芥蘭炒得夠火喉。✨椒監九肚魚炸漿夠薄身脆口，加上啖啖魚肉有驚喜。✨仲有炸豬大腸、咕嚕肉都係高水準之作。最重要係呢度有 #反沙芋🤩，因為工序較繁複，唔多餐廳會有呢道潮州甜品，梗係要試吓啦。芋頭炒得夠乾身，外層沙糖都炒到起沙，食到反沙芋超開心🥳🥳。再點埋銀杏芋泥、綠豆爽同朋友開心 share 就完美🎉🪅。

裝潢走懷舊風格，以香港街景主題畫作作裝飾，好有特色！⚇古法搭純羊腩煲入秋啦，喺時候食羊腩煲😍真材實料羊腩煲，件件都係連皮帶肉的羊腩，入口軟腍，炆得好入㗎，入面仲有枝竹、馬蹄、筍片、冬菇及少少藥材，食完感覺好暖身，仲附送一碟生菜，超正呀⚇牛極品原來呢度都有得食潮汕牛肉火鍋，好多牛肉部位選擇，牛極品喺牛小排其中的一個小部位，牛肉香味極重，口感鮮滑嫩爽，淥6秒就食得，好食！⚇九肚魚蠔仔餅九肚魚配蠔仔，呢個幾有特色！炸得好香脆，點少少魚露，食落好鮮、好香口！呢日平日晚市都幾多人食，羊腩煲好正！

呢間潮汕菜門面成個街市檔咁，除咗有必備嘅滷水鵝，仲可以望到唔同菜式嘅配料食材，即睇即點！主打潮汕菜系，除咗生醃🦐、滷水拼盤🪿呢啲之外，仲有啲煲同牛肉火鍋🥘，菜式選擇夠多元化～幾欣賞佢店員服務態度一流，環境樓底高而且光猛企理，主要係圓枱居多，啱晒一大班人一齊嚟！👯‍♀️👯‍♀️-——————————————🐏◖古法扣純羊腩煲◗ $588羊腩煲跟唐生菜一份，煲底有好多配料：腐竹、竹筍、冬菇、馬蹄，炆煮得夠入味！羊腩連皮帶筋膜，夾住啲脂肪羊味特別濃郁，肉質鬆軟，羊皮煙韌有咬口，點上佢哋秘製腐乳醬，正！🥩◖封門柳（小）◗ $188牛肉部位選擇多，加咗一份牛肉拎嚟打邊爐～牛肉嘅份量冇偷工減料，一份細已經夠兩個人食，封門柳肉質鬆軟，牛味濃郁，同羊腩煲嘅味道都幾夾 ！🐟◖鐵板XO醬魚標魚扣◗ $188魚標魚扣份量好足，魚扣爽脆有咬口；魚標大大嚿，好黏口充滿骨膠原，用XO醬鐵板爆炒，味道辣辣地，微焦特別香！
🌟Encore指數：9.2/10