金加利冰室

營業中

休息中

基本上油塘的食肆, 已給我至少吃過一篇, 既然這裏是美食荒漠, 但還是要在這裏住下, 唯有嘗試在荒漠中, 找到少少綠洲來滋潤自己. 金加利作為茶餐廳, 提供由焗飯到煲仔菜等, 由簡入深的多種類菜式. 老實說之前吃的, 例如如是蔥油撈丁以及黑椒牛扒飯, 真的不而為然, 前者的公仔麵煮得有點過火, 太濕且有點糊化; 後者則是一般茶餐廳水準, 黑椒汁不夠濃, 不夠香也不夠辣.直至到吃過咖喱羊腩之後, 才覺得這裏有值得繼續光顧的理由, 羊腩多而慷慨, 腩位肉多, 羶香調和, 而且件頭大小均一, 不會只有肉碎, 到現在的咖喱肉類, 肉比薯仔多也是一項優點, 雖然可悲但這是事實, 咖喱偏甜椰奶味較重, 不是我最喜歡的類型, 但這的確能令羊肉羶味再柔和一點, 理解其心思和慷慨, 這裏的營業時間也有點神奇, 平日只做到下午三點, 星期六日才會提供晚餐呢!

中晒伏！中晒伏！中晒伏！重要嘅事情講三次！！！油塘金加利冰室！其實之前openrice 都聽過話佢難食，經過見到佢入面都幾多人食，而且喺外面聞落去都幾香，偏偏唔信邪入咗去食🤣🤣🤣本身都預咗可能有機會伏！首先佢嘅餐湯同蒜蓉包正正常常，我哋就以為應該係普通質素，應該唔會太差…可惜少年你太天真了🤕我哋叫咗一份厚嘅西冷牛扒，切嘅時候發現，點解咁多筋？仲係筋？點解仲有咁多筋？基本上都冇乜點食過，根本咬我唔開，我估食咗2/3係真係牛肉，其他都係筋嘅？？？？講吓牛肉嘅味道，牛肉味非常淡，根本完全唔係食緊牛扒，基本上冇咩味道….唔知發生咩事😑然之後另一個就係雙扒餐，打算應該會好食啲？點知我又係太天真…佢俾咗兩塊薄牛扒，似乎喺佳寶嗰啲牛扒，豬肋骨先至經典，啲腌味勁重，真心喺急凍款式嘅金沙骨味…餐廳知唔知咩係西式豬肋骨…仲要勁鹹！仲要豬肋骨都係有筋咬唔關….比較正常，就係薯條同埋贈送嘅甜品！意粉都係極度唔正常😐未食過咁淋嘅意粉！只係浸咗水10年淋晒再比人食….不過佢間嘢嘅服務態度都唔算太差，都幾有禮貌不過嘢食真係好難食！應該係呢一年嚟，我食過最差嘅一餐之一…難食到嚇死人！唔係唔好食，而係難食！#黃怪獸 #

今日同同事行經附近佢哋話見到呢一間餐廳想試吓咁我哋就去咗食呢一間嘅午餐咁我就叫咗一個黑椒汁牛扒飯但係佢黑椒汁係非常之奇怪係透明嘅而且非常之唔夠味好似鼻涕非常之得人驚

同朋友去食晚飯 朋友推薦去金加利住左咁耐都未試過一於去食下去到咁岩無咩人 有一次太多人所以放棄左無去食呢家終於可以一試 夜晚就緊係要鋸扒 叫左一份厚切鐵板西冷個蒜蓉包都幾好味 個羅宋湯 自己覺得偏重口味 但無咩所謂重點主角出場 大塊到呢 我就叫左四成熟既好老實肉質一定唔會最高級個種 食落牛味唔太出但勝在夠大份  食完都飽重要啖啖肉但我自己覺得個牛扒叫左四成 我預左時間個鐵板會再令佢再熟D但係食落都係太生 雖然我無問題 但其他去食既朋友 不妨可以叫熟少少最後重有甜品食 好滿足! 

第一次黎, 但阿姐服務態度真係超差，我媽媽問佢糖係邊，佢開完枱個櫃之後，之後係背後好大聲話儍，送碗麵俾我，又細細聲係到話我講粗口鬧我，之後叫個應該係老細嘅人俾杯水我，佢俾杯熱水我，明明之前俾開凍水的....最後想要牙簽，佢又話係入面，但其實係冇嘅.....語氣好差...之後同佢講佢伙計頭先鬧我媽媽.....佢唔認，仲想鬧交，我話你自己睇CCTV la...找錢個時仲要係到整到d 錢拿唔到....講真，d 野食唔好食，我條腸咸到死，d 卡位又好迫，行入去個時，仲要撞親手，魚左....我以後唔會再幫襯佢.....

行過油塘附近，見到呢間小店，特登上openrice睇下，見到D食評幾好入去試下啦！叫左個常餐同咖喱雞亦飯，點知個常餐沙嗲牛肉麵D牛肉好騷，塊火腿又係好騷🤢真係擺唔到入口～唯有淨係食D公仔麵啦！😓咖哩雞亦飯D咖喱冇咖喱香同D雞亦好唔match,好似食緊煎雞亦另配咖喱飯咁唔好食但又唔係好難食，我食左1/4到就食唔到喇！仲有叫左2杯凍奶茶🍹，奶茶完全冇茶味，好似飲緊一杯凍糖水咁！真係真係唔會再有下次！

今日午餐，朋友介紹來到依間餐廳，聼朋友說依間不明眼的位置，D西餐很正中又不失港人口味，於是我就來試試，餐廳食物選擇也多樣化，我就揀了一個咖哩牛腩飯…當上菜時巳看到金黃色的咖哩，賣相非常之吸引，當我試試是什麼味道，果然咖哩味好好，好平均有辣之餘也不失了咖哩的香味，我覺得味道非常之不錯。

佢既常餐同出面既好唔同，因為佢有半份西多士因為甘我對佢成日念念不忘！午餐時間都比較多人，不過上菜速度好快，黎親基本上我只會食呢個我稱之為「霸氣常餐」既常餐。同出面一樣既係佢麵類，配菜都有好幾款任揀，今日揀左午五香肉丁通粉。自己唔食得好辣但又想食（好矛盾），次次食呢個都出哂汗，火腿同腸仔我會擺埋落通粉度食。最後梗係食西多士啦，煎炸得好香脆，但唔會濃到硬，中間仲有好多花生醬，有左佢，成個常餐變得好完滿同事唔食西多士，揀左多士，都烘得好靚，有少少脆。另外仲有好多野都唔錯架，例如呢個黑椒汁牛扒配薯條，除左配餐湯，份量仲好大。牛扒唔會整得太韌，食落唔會有渣。

今天嚟油塘探屋企人 順便一齊食lunch 係一間唔係好起眼 又細細間嘅餐廳 又帶到驚喜俾我 果然冇介紹錯!!我叫咗韓國牛肉石頭窩飯 我覺得好好味!! 啲飯粒粒分明 撈埋好嫩嘅牛肉同燒汁 仲有一隻雞蛋咁食 啲汁又唔會太甜 好香 入面仲有芽菜同紅蘿蔔 因為有個好熱嘅石鍋 所以食到最尾都係熱辣辣 一定要慢慢食先唔會熱親個嘴 食到底會有好香又好有咬口嘅飯焦 好味!!側邊有一小碟泡菜同燒汁 泡菜我就覺得普普通通 唔係好香泡菜味 不過 都幾開胃嘅 燒汁我落咗一半落個飯度就已經覺得落多咗少少 其實落四分之一就好夠 甚至唔落都ok屋企人叫咗個雞蛋雪菜排骨飯 以為會係一件件嘅排骨 點知係一整塊排骨?! 不過排骨煎得幾香 又唔會太韌咬唔到 蛋上面嘅豉油多咗啲 鹹咗少少呢個價錢食到呢個質素嘅嘢 性價比簡直太高了!!

拜山時節經過油塘中心見到有間樓上餐廳, 就入去試下可能早啦, 去到即刻有位鋪頭唔大, 但尚算舒適, 又有電視叫左個歐陸早餐跟西多但係d姐姐唔會主動比糖漿你就算叫佢比, 都好似好唔願意咁食物質素就唔錯牛扒煎得好香, 蛋同西多都好食只要唔理d姐姐嘅服務態度都仲會考慮再食嘅

一早去到油塘，天雨濕濕又凍，去到呢間茶餐廳，要上一樓，地方唔大，西餐廳格局，桌椅幾迫，我哋坐靠牆位置！早餐餐牌選擇好多，每個人都揀得啱！落單後食物極速送到！歐陸早餐（$39）賣相幾靚，熱辣辣！西多士：金黃色半件，麵包鬆軟，花生醬唔厚都好味，加糖漿甜美好味西冷薄牛扒：比較乾硬，有咬口！一般蘑菇炒蛋：炒蛋正常唔滑，蘑菇片係罐頭貨，彈牙但唔香！熱辣辣都好味熱檸茶：夠熱檸檬清香！茶底濃唔澀，好味歐陸早餐（$39）跟豬扒歐陸早餐（$39）跟魚柳福字麵早餐（$36）牛油方包：火腿煎蛋：炸菜肉絲福麵：上海排骨湯麵早餐（$36）上海雞翼湯麵早餐（$36）熱奶茶：熱咖啡：凍咖啡：羅宋湯：食物幾好味，即做夠熱，店員姨姨好好笑容，而且好幫忙，見我四圍走影相，好人地每次上菜都攞咗比我影相先！抵讚！單據睇唔出叫咗嘅餐！唔方便！廁所因後門壞咗，要由正門出兜路行去店後，唔方便

聽說這裡嘅扒餐係唔錯，所以今日放工就行過黎試一試。地點不難找，係正中國銀行上面。店內都頗爆人。幸好有張二人卡位，可以自成一角。店内的環境開揚坐得幾舒服。由於今次嘅目標係要食雜扒餐。所以很快便決定然後下單。揀左個美式雜扒，有牛扒豬扒腸仔火腿蛋，再配餐湯同飲品。餐飲我加錢轉飲紅豆冰。個扒餐泥到,的確幾大份，食落都唔錯，特別係塊牛扒滑得又夠牛肉味，值得推介！我朋友就叫左個砵仔飯，我試左少少，都唔錯！下次都會再泥

經同事介紹，喺不起眼嘅油塘中心發現呢間餐廳，今日下午茶時間嚟到，即管睇吓有咩食啦！打開餐牌，發現有過百款組合嘅食品，對於有選擇困難症嘅人嚟講，真係要慎入! 但我睇完一輪餐牌，最後都係揀咗常餐，原因好簡單，就係見到佢竟然可以法式揀西多士，喺其他茶餐廳未見過有呢個選擇，而且仲可以揀福字麵，所以二話不說就叫呢個餐試試先。今次選咗 1. 香煎豬扒福字麵 2. 火腿煎蛋拼腸仔 3. 法式西多士 4. 熱奶茶。先講講個麵，真係好懷念嘅味道，而煎豬扒就係分開跟西多火腿腸仔煎蛋上，略嫌豬扒炸得過乾，西多沒有想像中咁美味，但都不過不失，常餐中有呢個選擇，實屬難得，其他食品都中規中矩，下次會再嚟試吓其他食物。

中午餓餓地,幾個人去搵下有咩食見到好多鋪頭,望到間金加利冰室就入去試一試..始終冰室俾個感覺都係懷舊一點入到去每人ORDER一樣野,每人一飯基本野蔥油雞扒撈出前一丁,香辣泡菜豬頸肉鍋仔飯,白汁雞翼飯,白汁雞肉飯每樣野又寫下食後評論先蔥油雞扒撈出前一丁--同普遍茶餐廳一樣,撈丁都係同一個口味,不過多左蔥油係令到菜式上升一個層次香辣泡菜豬頸肉鍋仔飯--熱鍋熱食,都幾香口,不錯白汁雞翼飯--雞翼煎得幾香,多DD菜就好好多...一般白汁飯咁白汁雞肉飯--雞肉都幾多,可以話啖啖肉,如果多少少菜做配菜就最好了

是日經過油塘，見到遠處大大招牌，冰室，好啦，就去試下先。原來佢係要上一層，係個好好好舊式既商場入面，餐廳都坐滿人。典型既冰室食品，但選擇都算好多，仲有一本menu未影相。牛扒好大塊，小朋友配左蕃茄汁，不過不失。我就叫左呢個，加左$3飲紫薯牛奶，對於新野，終係抗拒唔到。成餐飯最期待就係果杯紫薯牛奶，結果亦都係最令我失望淡而無味，又話用黑白奶既？點解好似似緊水咁，咩味都無既？個飯就食左半碗，都係，沒有特別，汁唔夠，啲飯比較乾身。窩蛋牛肉飯碗羅宋湯，全部野食最好的，下次應該都係叫返啲最普通既野食好似會比較好，撈飯都不錯。可讚的是有一位職員服務態度好好，但係餐廳食物真的不敢有第二次了