金和粥麵館

營業中

休息中

早排見網上好多人推介呢間位於鳳凰新邨既潮州菜館，今次去開朋友屋企就去試下，價錢唔算貴，佢地係老字號已經開左好耐，一宜深受街坊歡迎潮州蠔仔泡粥 $35 好好食! 真係好多料，蠔仔好新鮮大大粒，的粥唔似泡飯，口感有少少似廣東粥, 加入冬菜酸酸鹹鹹好惹味薑蔥蒸黃花魚 $48黃花魚大大條，啖啖肉蒸得剛剛好，食落都好滑身，佢地加左薑蔥一齊蒸勁香，就咁食已然好好味，建議可以送飯一齊食，大滿足下次要試一下煎蠔餅跟炸鯪魚球，見好多人都有食，好似好好食

好少去黃大仙呢邊，見好多人推介佢地既炸鯪魚球，終於有機會去試下，老店裝修都好乾淨，佢地冇收加一，價錢都好抵食，值得一試炸鯪魚球六粒 $45 見相好吸引，今次終於食倒，大大粒熱辣辣，入面真係食倒真魚肉，食既時候有魚味但唔會好腥，可以配埋個醬汁一齊食更惹味，同埋佢地原來加左陳皮去整，食既時候都好香秘製豬扒麵$37 經過特殊調製的豬扒搭配麵果然令人驚喜，豬扒肉質嫩滑多汁，外酥內嫩，另外個麵質都好滑身，同個豬扒好夾

聽同事講佢地成日lunch去呢間餐廳食飯，價錢平又唔收加一好抵食，第一次黎食都係跟住同事叫野食，估唔倒真係好好食，唔怪得知好多人都話好好食啦潮州煎蠔餅 煎蠔餅係潮州菜必點既野食，新鮮蠔肉口感好特別，鮮甜肥美，外皮加入麵粉、雞蛋整成，大大塊煎得剛剛好，蛋味重同朋友share剛剛好秘製豬扒麵 豬扒外皮脆脆地，肉質鬆軟口感好好，大大塊份量十足，自己好鐘意個麵質順滑有咬口，同個湯底好夾，不會太油膩，好好食，呢個真係唔可以錯過😍😍😍

早排跟朋友去左黃大仙食潮州菜，聽聞係一間已經做左十幾年既老字號，由朝早8/9點開到成12點，今次叫左佢地兩個招牌菜，味道都好有驚喜，另外佢地免收加一炸鯪魚球 六粒 $45鯪魚球質地鬆脆，大大粒食既時候充滿鮮美魚香，本身好擔心食既時候有魚骨，好彩冇，有嚼勁 潮州咸菜炒大腸 $45 潮州咸菜帶有濃郁的鹹味，同時有少少酸味，大腸有嚼勁，洗完之後冇臭味，配上咸菜一齊炒好惹味，值得一試下次想試埋個蠔仔泡粥，見隔離話好好食好入味

🔸炸鯪魚球 $45🔸潮州煎蠔餅 $45🔸潮州菜脯煎蛋 $45🔸潮州蠔仔泡粥 $35-放假帶媽媽出街食飯，嚟到黃大仙附近，見到呢間潮州菜好似好抵食，身為潮州人嘅我哋，梗係要入去試一試佢。叫咗好幾款潮州嘅特色菜，炸鯪魚球好大粒，叫咗細份都有六粒好抵食，粒粒都實心唔係麵粉嚟，加埋店家嘅特色蜆介醬汁，超好味。菜脯煎蛋同埋煎蠔餅都係潮州必食，兩款都煎得脆皮，然後又好足料，煎蠔餅每一啖都食到蠔，菜脯煎蛋又夠鹹香。最後嘅蠔仔泡粥都超級推介，蠔仔粒粒都好肥美，成碗粥食落非常鮮甜，媽媽都好鍾意。

屋企人話呢間粥麵館平靚正又好食，當然要去試下啦! 環境乾淨，餐廳免加一，仲要全日都有盅頭飯，今次過黎食lunch味道都好好鳳爪排骨飯$20 上枱既時候熱辣辣，鳳爪好入味，排骨大大粒肥瘦相間，肉質鮮嫩多汁白飯粒粒分明又夠香，吸收左鳳爪同排骨既肉香後惹味滿足，可以加埋醬汁一齊食甜甜地好滋味咸菜豬大腸 $16今次第一次試，豬大腸好怕洗得唔夠乾淨，經過處理後冇臭味，口感非常軟嫩，肥瘦恰到好處，配上搭配醃製的咸菜，酸酸甜甜幾特別聽店員話佢地既炸鯪魚球好出名，下次有機會再黎試下先

黃大仙好多屋村野食，間間都係老字號，好有特色，今次經朋友去左呢間潮州菜，好多野揀又不會太貴，今次叫左唔係好多野但味道好有驚喜炸鯪魚球六粒鯪魚球大大粒，平時好怕魚腥味，入面落左啲鯪魚肉估唔到一啲腥味都冇，加了陳皮食既時候係好香魚味，炸粉不會太厚所以一啲都唔油膩，入口好彈牙，可以配埋佢個醬一齊食，酸酸甜甜好正潮州煎蠔餅煎蠔餅係一種都好出名既潮洲小食，同台灣既蚵仔煎差唔多，加入蛋同蠔煎成脆餅，蠔仔大大粒好鮮甜，口感都好特別!蛋漿好滑入口外皮焦脆內裹軟諗好正呀

係黃大仙呢頭番工，成日都會黎呢間粥麵館食lunch，老字號啲野食都好有香港特色，今次同同事試左幾款味道有驚喜，好好食枝竹蘿蔔清湯腩 $60 湯底因為加左蘿蔔熬製鮮美清甜，腩肉大大嚿軟嫩多汁，入口即化自己特別鐘意個枝竹好滑新大滿足鮮蝦雲吞麵$33鮮蝦雲吞大大粒，肉質鮮嫩多汁，欣賞個皮唔會太厚，麵質爽彈好好食，值得一試椒鹽雞中翼半份 $28 雞翼外皮酥脆，肉質仍然嫩滑，配上微辣椒鹽好惹味，份量得半份已經很多

其實我和家人都好鍾情平民美食，尤其在香港，集團式的餐廳已夠多，有心小店買少見少，更要支持🧡位於黃大仙的「金和粥麵館 」是我最近食過最有心的平民百姓美食！炸鯪魚球皇牌必食之一，果然鮮嫩可口，口感惹味又新鮮鯪魚味道！潮州蠔仔泡粥每一口都有美味可口脹卜卜蠔仔，泡粥綿綿嫩大人細路都喜歡😘潮式煎蠔餅用新鮮油慢慢細煎的蠔餅外脆內軟，包裹著粒粒飽滿蠔仔🦪特別滋味！金和粥麵館 地址：黃大仙鳳凰新邨雙鳳街78號地舖

不是有同事住附近都不知道呢間金和粥麵館！一間值得推介、被人認識充滿人情味小店～除左麵食，仲有點心、盅頭飯、蠔餅、蠔仔粥同炸鯪魚球添煎蠔餅 $45啖啖蠔仔肉炸鯪魚球 $45 必沾蜆介醬，食落好香陳皮味！清湯牛腩 $25 炆得非常入味軟稔、目測大概8粒左右～干蒸燒賣 $16 大大粒，蝦肉爽彈，都係$16鳳凰蝦卷$32 用腐皮燒做外皮，炸得酥脆，粒粒蝦肉爽彈鮮蝦雲吞麵 $33 有5粒雲吞，雖然比外面細粒dd , 麵質爽滑，不過不是傳統大地魚湯底，但都超抵食呢個價錢包野飲 凍檸茶+$2

首先用餐當晚有限量的涼拌魚皮！真的很少地方可以弄的這麼爽脆😍調味剛好，大讚！大大粒炸鯪魚球😍煎蠔仔餅😍一定要配一杯啤酒🍻😋鳳凰炸蝦卷外脆內彈牙👍炸雞翼和雞翼尖(忘記影)香脆不膩😋潮州蠔仔粥夠足料,放工晚餐恩物🉐最後值得一提當然是咸雞👍既嫩又鮮😍居然是新鮮雞，難怪限量供應😍😋🉐話不多說, 立刻約定下次再和朋友來吃個飽！！！

今天和朋友去一起聚會，剛好想吃點潮州菜就看到了這間餐廳， 吃完後第一個感覺是：也太好吃了吧！ 特別是潮州蠔仔粥和煎蠔餅， 非常地道， 我和朋友平常胃口比較少，但是這是竟然全部食光。此外員工也非常細心， 知道我朋友不太舒服 特別為我們準備了潮州雜錦粥。 下次一定會再來和推介更多朋友來吃😋

今日瞓醒好肚餓，就落街搵食，去到這間舖頭門外見到幾平，就買咗個蘿蔔清湯牛腩飯，蠔仔肉碎泡飯，加咗兩杯凍飲， 都係八十幾蚊，返到屋企食外賣，先講外賣煮好十分鐘，仍然熱辣辣， 蘿蔔牛腩超香超淋，仲有陣肉骨茶香料味道，而蠔仔泡飯 ，蠔仔十分新鮮，又加了魚乾煮理，帶出鮮香的味道，用心制作，值得抵讚，必會再次去幫襯！

天氣冷不想外出，叫了外賣平台，今次试一下淨招牌清湯腩，牛腩味濃而且肥瘦適中，份量又足，蘿蔔夠淋而且爽口適中，湯底也有鲜甜味，也有枝竹和生菜配料，十分豐富，配飯一流

今天又叫外賣平台外賣，想食粥麵，决定試下呢間。潮州蠔仔泡粥蠔十分彈牙，而且好鮮甜多汁，粥水滲入了蠔味，十分好味椒鹽雞翼炸得非常香脆可1口，肉質也很鲜嫩滑而且有肉汁鲜蝦雲吞麵🍜雲吞包住大蝦饀料十足，D蝦肉好彈牙，而且麵質剛好，不會太淋