金囍冰室

營業中

休息中

金囍係屋企附近，有時都會落去幫襯下，同平時茶餐廳冰室差唔多，但因為方便我，所以會落嚟食！又平又抵食！今日食下午茶，雪菜肉絲米，好耐冇食過，記得要問姐姐攞辣醬，撈埋超好食😋Fd食乾炒牛河，都幾好食！大家係大圍想食吓茶餐廳嘢就呢間啦！

我好多時都大圍食晚餐，因為我係大圍嘅gym room做gym，咁今晚唔想再食米線，就揀咗對面嘅金囍冰室，一坐低見到Menu第一頁佢哋主打嘅豬手飯，同埋海南雞飯，我同朋友就一人嗌一個啦。首先就個湯嚟到，個湯偏甜，一般茶餐廳水準，不過不失啦。跟住就係朋友嘅豬手飯，我都是食咗（如果唔係點寫食評）豬手係入味嘅，質地亦都好淋但口感似湯渣，好鞋口！另外到我個海南雞飯，我諗唔明...白切雞都會有味，點解個海南雞係一啲味都冇，講真...真係冇味，希望金囍老闆睇到我依篇食評，自己試吓自己個主打菜出咗咩問題😓😓再咁落去真係執得！

大圍越來越多新餐廳進駐，對於作為居民的我，當然是非常歡迎。因為一方面，我多了選擇，另一方面，也讓餐廳有了提高質素以留住客人的動力。今日特地試食了開了不久的金囍冰室。老闆可算非常有心，整個冰室裝修得很有味道，既有舊式冰室的風格，又不失乾淨整潔的感覺。菜單方面也極盡心思，既有冰室的港式茶餐美食，又有深受香港人喜愛的東南亞美食，例如海南雞飯、冬蔭功湯粉、星洲咖哩、泰式青咖哩、東南亞風味的炒飯/烏冬和泰式撈檬粉等，要選擇也不容易。最後我反而沒有試新菜，只選了茶餐最基本的焗茄汁豬扒飯，哈哈！

常餐食得多，呢間我寧舍鍾意食，因為佢塊丹麥多士！一般都係方包，頂盡搽個牛油焊底，但呢間個多士係丹麥式酥脆多士，超香又鬆軟，好值得一食，夜晚來食老闆娘會不定期贈送例湯，好有人情味！

今日天氣好好(雖然有啲熱同有啲曬)，不過唔想浪費假期，所以好早去左大圍踩單車，當然踩單車之前要食個好好嘅早餐，令自己可以踩到更遠嘅路雪菜肉絲通粉+火腿太陽蛋+牛油方包 +凍檸茶($37)自家製雪菜肉絲，雪菜冇好鹹，肉絲爆得好香，配通粉，真係好滿足太陽蛋煎得剛剛好，個邊邊脆脆的，但係冇燶，而且唔會好多油係底其實本來想要多士，因為我覺得叫多士穩陣啲，因為好多茶餐廳啲麵包唔新鮮，食落去會乾爭爭，不過我落單嗰時唔記得叫烘底，費事再叫過人整過，浪費食物，真係錯有錯着，白方包好好味喎(好似鄉下妹出城咁)，好香軟😋，一啲都唔乾另外，我好鍾意杯凍檸茶，點左少冰少甜，首先差唔苦，唔似得有啲茶餐廳啲茶好濃，同埋真係少冰少甜(我估大家都試過叫少甜但係最尾係甜到喊)今日對個早餐好滿意，性價比好高，份量多，而且又好食，下次踩單車都會再encore

依間係大圍嘅茶餐廳，疫情下這幾個月以來，我都有幫襯，與同區茶餐廳比較，係高質素之選，我食過呢度嘅早餐丶午餐丶下午茶（疫情下晚餐通常留在家中），食物質素也保持高水準。今日特登推介金囍嘅焗飯，比較起「大」字頭嘅快餐店還要好，以下係我嘅推介，焗豬扒飯和焗咖喱雞扒飯以上照片全部沒有P圖喔！焗咖喱雞扒飯，炒飯底炒出來的乾濕度啱啱好，啲飯唔會太軟，連埋啲咖喱汁唔會好濕，剛剛好，雞扒夠味，咖哩夠香，夾埋一齊好好味，咖哩係唔辣的，小朋友都啱食！如果係帶小朋友去，我會更加推薦蕃茄焗豬扒飯，豬扒鬆軟，蕃茄和蕃茄汁味道濃郁，大人小朋友都會鍾意!份糧方面，我食唔晒啲飯，一般女生的食量，應該會食剩的吧！

💛大圍黃店之選💛係大圍站附近 好方便👍🏻上菜好快 職員態度唔錯 不過座位之間只有隔板隔住 如果唔夠4人可能要同唔識嘅人搭檯 在疫情下安全感較少🙈泰式豬頸肉撈檬 $50🍜豬頸肉邊邊好脆 豬頸肉好有咬口 撈檬份量多 加上醬汁十分滋味 仲送熱飲添 十分推介！😋海南雞飯 $65 🐔油飯好香又鹹鹹地 係我鍾意食嘅油飯🍚 啲雞肉非常嫩滑！但醬汁味道較淡 整體黎講好好食 仲有青紅蘿蔔老火湯😍👍🏻

今日透過app訂外賣，首先要反映一下app的訂食物系統要有改善空間：我訂咗東西，去到比錢時，其系統祗提供賬單總銀碼，沒有顯示我所訂的食物詳細資料，用apple pay 比錢後，才顕示我訂的東西，我才發現錯了。之後我立即打電話給餐廳，他們服務非常好，再補番啲漏單並特別搵人給我，更沒有收錢，他們真好！我訂了紅豆冰、奶茶、香茅朱扒撈檬及喇沙鳮翼湯檬粉，全部都好有質素，好好味，必定㑹再幫襯！👍🏻👍🏻👍🏻👍🏻

呢間係大圍新開既茶餐廳 聽講好黃 試下同gf訓醒就落去食 大概1點幾 唔太多人 叫左個洋蔥汁雞排意粉雞排好大塊 多汁 意粉係有用蕃茄汁炒過 非常入味 同埋份量都夠晒大 仲有好多洋蔥 都炒過黎 好香gf叫左個干炒豬排意粉 炒得好香同埋好有wok氣 豬排都好淋同埋好多 如果可以加芽菜就更加出色加凍飲都係3蚊 加凍0蜜都係3 蚊 非常抵食2 個人120 蚊連野飲算係咁 係大圍算比較貴 不過夠大碟夠飽同埋店入面有鎖匙扣賣 自己出錢撐學生 要加分下次會再黎

四人同行我食左咖哩牛腩，有人食XO醬雞扒炒面，豬扒檬粉同青咖哩豬全部都正常水平，並無其他人咁講，伏味濃。。每人午餐五十幾蚊，正常啦待應態度無其他人講咁差，係薯啲同無乜表情姐P.S. 懷疑藍絲俾負皮

喺網上外賣平台叫左個泰式雙拼麵，真係好難食，塊豬扒好有“億味”, d 肥牛嚴格d講唔係肥牛，好鞋好煙韌😵完全無食，d金邊粉直頭好碎，碎到好難夾起，個湯底同“泰式”無關，只係好油，油到我成兜粉無食勁浪費，我嘗試格硬食都食唔到，唯有上嚟openrice投訴，點知原來呢度咁多負評，早知check 左Openrice先啦....都唔明網上外賣平台果4.6/5 分點嚟，我好少負評人，但真係頂唔順，收我60幾蚊一碗麵係完全食唔到既quality..我呢家重好嬲😠😠😠😠

這次係我第二次光顧…其實上一次光顧之後都覺得食品質素不太好…豬扒好硬，青咖哩味道奇怪，都唔係青咖哩味…仲有啲抹枱毛巾好臭，抹完張枱搞到張枱都有味今次再光顧係因為旁邊的餐廳都無位…我又趕時，唯有俾多次機會佢(其實旁邊譚仔，大家樂，吉野家都無位，得佢有位都心知不妙)果然不出所料，我叫左海南雞飯，加錢走胸，係加左錢走胸，點知都係俾左碟有一半係胸。我同個staff講，佢話有一半係胸，另一半係脾泥嫁，ok...fine,我諗住算，當自己水魚左…………點知先側邊個客又係海南雞飯，同我個碟一樣，一半脾一半胸，我即係問個staff點解要我加錢，但同側面無加錢個碟一樣，佢仲係度講，係度死撐～另一個同事叫佢換～我朋友叫碟燒汁雞扒雞…俾左洋蔥汁…想叫佢轉番燒汁，佢話就個就係燒汁，ok....fine但整個汁都係洋蔥，我自己都做餐飲業做左10年…唔好玩我啦～係我寫緊食評時，聽到旁邊枱客都投訴緊…所以我都問個客投訴咩～佢話個冬陰功湯面不知所謂，好咸，個味似沙嗲加燒汁，完全唔係冬陰功味…佢都只係食左啲餸，完全食唔到個面我平時好少寫食評…負評係第一次…因為我唔想搞到人地因為我小小負評無生意…因為我都做呢行…但呢間真

假日諗住搵間無咁多人的餐廳食個下午茶，點知就係咁伏左....下午茶叫了一個福建炒飯，福建炒飯的份量雖然係細左少少，但係下午茶價錢都明的，味道都OK，算係唔錯~~但同時亦點了一份炸雞脾併薯條，呢個炸雞脾就真係比較頂唔順了，結果我只食了大概一半就算了.....

星期日晚上七點左右黎到即刻有位～呢間野開左一排，所以仲係好新淨，環境唔錯～見到好多人都係食鐵板餐～不過今日唔想食咁多肉，所以叫左星洲炒米粉同香焗芝士椰汁魚柳飯。星洲炒米似普通炒米粉，冇咩咖哩味，同平時食既好唔同，唔夠香，得幾粒辣椒既味，唔係幾好味。配料都係麻麻地，火腿同蛋為主，蝦好少好細隻，仲有D好似係肉絲既餸，都係麻麻地。幸好對面叫既魚柳飯就算唔錯，椰汁味都幾香，茶餐廳焗飯黎講都算少見，魚柳有兩三塊，正常份量，唔會太油太鹹，相對我既炒粉，睇黎呢度岩叫焗飯多過炒野。不過由於個米粉太差，所以未必有下次。

行過就入去試下，叫左個青咖喱雞，食左兩啖頂！第一唔夠熱，第二淡到死淨得少少椰奶味辣味。雞又凍，差到～～！仲衰過啲快餐店呀，不過杯凍檸茶都唔錯，服務都ok!新店地方一定乾淨，可惜從出餐口望入去，大模斯樣在食煙，令原先想更換食品都唔敢。大佬食個飯連飲品$61，我期望會好好食，但都要俾啲似樣啲嘅野出來架。由於食物實在太難食了，其他方面完全彌補唔到，所以依家茶餐廳應該唔會再來了～～！諗住開間新的多個選擇，點知原來都係冇，唉～～！