金坊泰國美食

營業中

休息中

約朋友食晏，但公司太多突發事件，太難預料，一定要揀較近嘅餐廳。而食晏時段又被逼延遲，搞搞下就兩點... 點知錯有錯著，嚟到金坊發現原來兩點已經有下午茶，嗰餐仲包野飲同小食，好平 😂我要左鴨肉船河，泰式甜品，凍檸水。味道普通正正常常，稱唔上精彩，但乾淨衛生食得落口。除左鴨肉煮過火整到幾「鞋」之外，配料豬紅同蘿蔔都幾好食。豬紅夠滑夠大件，唔太鹹；蘿蔔夠腍又入味。河粉份量唔多但夠食。朋友食正宗遊船湯河，都不過係鴨肉變豬潤，味道應該差唔多。咁平咁抵，得閒食下無妨。

中午去左紅磡搵野食行過見到呢間泰國菜好似幾抵食午餐只需$50左右於是一試入到去好快就揀好野食有個男侍應亦都幫我地落左單不過，我地一直等左20分鐘乜野野食都無，野飲都無偷聽之下聽到店員好想話我地係度齋坐唔落單於是我地主動問店員，先知無落單！跟住店員幫我地落返單，野食都好快到，不過一句都無交代到漏單問題...野食方面海南雞唔錯，雖然係雞胸位，不過都幾滑！豬頸肉正常，整體份量亦都好多，而且仲有菜，幾好。白咖喱燒雞脾飯咖喱幾香，幾好餸飯飲品方面，原本我係叫菠蘿沙冰走甜...但最後無走到...所以好甜。整體黎講，食物唔錯，但服務質素有待改善，當日只有兩三檯客都處理唔好，如果人多真係不堪設想。

之前光顧過荃灣的總店，今日來到了紅磡，這店也開張了好一段時間了。菜式選擇多，各款菜味道上都很不錯，但相比其他泰國餐館，金坊明顯上定價比較高！如果價錢可以調低一點，會覺得比較上實惠與值得。海南雞飯配例湯，雞肉無骨，肉質嫩滑，飯粒帶點甜味，香香的！柚子沙律有點辣，其實可以選擇不辣，想惹味點便要了小辣，但原來小辣也已經比較辣了。香葉肉碎炒飯，用的是豬肉碎，辣辣的，也不錯。最有驚喜的是椰皇沙冰！真的超好喝的！芒果沙冰就喝得多，椰皇是第一次呢！將椰皇起肉，拌碎，原個椰子水，加碎冰！冰冰涼涼的！超超超好喝的！

黃埔民泰街多野食就係人都知嫁喇，多年前係荃灣食過呢個餐廳一試難忘，今次突登黎黃埔食早餐。叫左個煙肉牛乳粉蛋白，蝦餅，蒜香包，再加埋扎肉湯河凍0茶。$36 埋單😛😛😛 全部新鮮即整，真係平靚正呀

對於鍾意食泰國菜嘅我哋一班poly學生，好難唔一有多過一個鐘嘅lunch break，就會把握機會嚟到金坊食泰國嘢 因為佢有每日嘅午餐精選，每逢唔同嘅日子都會有唔同嘅選擇， 所以我哋永遠都唔會食到厭 佢嘅泰式金邊粉，海南雞飯，青咖哩都係我哋每次必定會叫嘅菜式！ 佢嘅咖哩都好出色好惹味椰味好重，仲有好多款，有啲我唔記得個名啦！ 特別一提佢嘅特色飲品…椰子雪花冰係一絕嘅 佢有好多細細粒嘅椰子肉打碎係個杯飲品入面，淡淡都會食到椰肉，又唔會太甜，夏天炎炎，午餐有佢真係會有少少覺得自己去咗泰國咁！(無誇張)

真係好少咁harsh但係真係好難食...個日同個friend食生日飯，見佢仲要排隊，又諗住泰菜點都冇死，就叫咗以下嘅餸馬拉盞炒椰菜全晚最合理嘅菜，雖然都硬d，但係唔會過咸，所以最快清咗炒貴刁嘩呢個一上菜我以為叫錯咗廈門炒米，d色係橙色，真係第一次見...食落係廈門炒貴刁嘅味，酸酸甜甜，完全唔辣，真係好奇怪咖哩軟殻蟹終極大佬！！！個汁味道正常，但係凍凍地，個蟹就熱嘅，但係層粉厚到同隻蟹差不多，搞到我都唔知自己食緊粉定蟹...

今天為了去嘉禾睇戲，又到了黃埔這頭獵食，眼見某次星期六這店外排滿人，見今天閒日無咩人就心郁郁嘗嘗吧！一入去就聞到店中有股味道，像是公廁用的潔廁液，那一刻真的有點後悔進了來，來了又不好意思走，唯有照單點菜，希望美食能安慰一下心靈。由於平日我們吃泰菜必點生蝦，但朋友看見這店雖有華麗的裝潢但頭頂一直有好多蚊飛來飛去，冷氣又頻頻滴水，再加上那股揮之不去的潔廁味，令我們只敢點幾道熟食試試罷了。馬拉盞通菜基本上，一間泰菜館沒可能會失手的小菜，可惜這裡把通菜炒得過火了，失去了她的翠綠，而且多油又欠缺鑊氣，再加上有太多汁，那些汁多到好像浸住菜般上碟。燒雞味道甜甜但又不是十分惹味，假如你有吃過KFC的蜜糖燒雞，正是那種味道，但雞是比KFC較為嫩滑，當然價錢也是KFC一倍。值得一提:點雞的醬汁沒什麼味道，多此一舉。紅咖喱(牛肉)味道最為正常一道，但其實與自家煮的椰汁溝紅咖喱醬味道一樣，而且這裏汁多料少，一個要差不多一百元的小菜，每塊牛肉只有手指一節那麼大，我們每人只分到三至四塊，蔬菜只有約三隻開三邊的泰國茄子加幾粒菠蘿粒，完全是靠汁撈飯飽肚。總括來說，這是我吃過第三間難吃的泰菜，樓面大部分是泰國人，但廚房

一同三個朋友仔一口氣叫左五個菜 ：泰式生蝦🦐蝦肉好新鮮啊 一啲雪藏味都冇😍將隻生蝦包住塊生蒜 配合埋泰式甜酸醬汁咁放入口 肉質厚實、爽口、鮮甜之外仲帶有一泰式西檸既酸辣 正呀 ！ 生菜碎肉包🍞其實我平時就鍾意唔鍾意用手包住d野咬 真係好麻煩 不要佢呢個肉碎個汁係非常醒胃 我食完第一塊我忍唔住要再食多塊 因為佢炒既香料好配合 仲要食到少少我至愛既香茅同南薑味😋 作為頭盤就最好不過啦鮮蝦🦐炒金邊粉 沒有驚喜的泰國標準 哈哈 去食泰菜我永遠都一定叫炒金邊粉或海南雞 今次我揀左前者 因為佢炒得好好食 炒得夠乾身 加左少少泰國蝦米仔乾提升鮮味 花生碎豐富左個口感 已經係我標準尺度 所以我話佢無驚喜😂馬拉盞炒芥蘭🥦香口、惹味、加入豬肉碎炒香 係令你食唔停口 食唔停手 👍🏻👍🏻👍🏻燒烏頭 🐟原條頭連魚鱗燒 入面充滿黃油 肉質鮮嫩 配合泰國甜辣醬 可以遮蓋到烏頭本身嘅草青味 本身怕食烏頭嘅朋友不妨試試👍🏻

今日下午茶落左去食呢間泰國野 因為呢間下午茶抵食 叫左個海南雞飯 我唔知我有無聽錯 佢個飯唔係用一般雞油整到黃色 而係煮啲薑流出黎既天然黃色 飯好食 雞又多雞脾肉 連埋有蒜蓉個個醫食 正 跟餐個冬瓜湯個感覺應該真係無乜味精 凍飲好似係唔洗加兩蚊 下午茶 埋單$46 算係咁

今晚第一次去，點了南瓜海鮮盒，馬拉盞豬肉炒粉絲，泰式炒通菜，芝士炸蝦丸，泰式魚肚羹。味道很差！海鮮盒海鮮不新鮮，蝦霉，蛋槳冇味，豬肉硬，粉絲不夠乾身，通菜很老，蝦丸太實，魚肚羹太結。整體覺得廚師冇用心去做菜份量很多，但埋單約$500 。我寧願質素提高！

通常食泰國野都一定係去九龍城 但呢間係紅磡食店雲集既泰菜都有唔少人排隊 今日就簡左中午去食 希望唔洗等位 但去到已經有唔少人係門口等位 我一個人所以條隊去得比較快 我就叫左青咖哩豬頸肉飯 配冬陰公湯 同凍檸水 個湯好濃 酸酸辣辣咁 非常開胃 入面仲有唔少菇類 好高質既泰式例湯啊 青咖哩比黃咖哩 紅咖哩口味溫和 口感亦比較豐富 金坊既青咖哩就做得非常出色 因為會拎咖哩汁送飯 所以配既飯唔會太濕 加埋咖哩汁就特別順口 豬頸肉唔會柴 好易咬開 但偏大舊 沾左咖哩汁後要咬開就要小心唔好比咖哩汁彈到 如果可以豬頸肉另上或者切細舊啲就更好啦

近排想食泰國菜，咁啱係紅磡見到有依間泰菜，又多人排隊於是就入去試吓。馬拉盞豬頸肉炒通菜＄88豬頸肉入味，但略嫌份量少而且同個菜唔係好夾，而且通菜唔係好入味，似用水煮完就算。想食豬頸肉嘅人建議分開嗌。炒鮮蝦金邊粉 $80蝦肉彈牙爽口，而且配有花生碎，幾開胃，撈埋一齊食幾好食。菠蘿海鮮炒飯 $80菠蘿幾甜，加埋提子乾幾新鮮，海鮮分量足夠，成個飯算不過不失。椰青＄30椰青幾清甜，但係附送嘅椰汁糕就麻麻哋。太硬身同太膠。總括而言，依間泰國菜不過不失，可能因為當日太多人所以水準下降左，都係午餐時段最扺食。👅好味指數:6/10 💸抵食指數: 6/10 🍽餐廳環境:7/10 👨🏻‍🍳服務質素: 6.5/10 ❤️呃like指數: 6/10 💃🏻回頭率:65%

由於每個禮拜四都會去博藝會打羽毛球 所以差唔多每一至兩月都會幫襯一次每次去食水準都保持到今次已經第N次食了1）泰式生蝦 食落肉質好彈牙 配合埋餐廳既汁 酸酸辣辣 好開胃 份量亦都算多 每隻蝦都好大同厚身2）泰式炒通菜每次黎必嗌既通菜炒得好嫰口 3）海南雞🐔雖然係冰鮮雞 但煮出黎好有雞味 男朋友仲話連雞胸都好滑4）🔥燒豬頸肉我食過咁多間泰國餐廳覺得整得最好食既豬頸肉 每一塊都切得夠厚食落去啖啖肉 點埋啲酸辣汁真係🈚️得頂 5）咖喱大蜆煲第一次試 因為做promotion 優惠價$98 最初我地嗌咗花甲 但黎到太細隻 所以轉咗大蜆 食落都幾有鮮味 其實我最主要都係食咖喱PS 提提大家 去食記得帶cash 因為無得碌卡架👆🏻

其實呢間泰國菜都食過好多次但係今次先出食評因為覺得佢都算進步左好多。其實佢前身嘅環境係好簡陋簡，裝修咗之後連員工嘅制服都換咗，精神好睇左好多環境闊落左好多。首先講吓嘢食先，基本上我覺得都好好味係咖喱蝦啲下好似細隻咗啲對比起以前。同埋個豪仔煎蛋都唔係話10分抵食，至於其他食物嘅水準我都覺得OK。如果你有叫咖喱一定要跟個蒜蓉包去食真係好好味。同埋呢半邊雞都好好味，雞皮同雞肉都好滑唔會好肥。嘢食都比較大啲如果一班人黎食就最抵啦

食過呢度嘅午餐同晚餐，都無乜點失望。傾開計朋友告知原來有早餐！好奇心驅使下究竟泰式早餐會係點主要係有扎肉，香腸，火腿通火腿奄列揀我就揀了1號多士配M4轉米粉走青扎肉煎過都幾香 多士都好食最得意嘅係沙嗲牛肉唔係港式料理餐對種，係平時食串燒嗰種沙嗲汁，碗米粉裏面仲有好多通菜同一舊好入味嘅蘿蔔。＄32配埋嘢飲來講真係一個唔錯既選擇朋友今日揀了烚蛋，一上枱發現原來烚蛋係會比兩隻！！喜歡吃蛋又不怕膽固醇的各位可以試吓