金坊泰國美食

營業中

休息中

好耐都冇出街食飯啦，受到疫情影響，盡量都唔出街食飯。不過一年一次嘅生日，揀咗呢度簡單食餐當慶祝！呢間老牌泰國菜食過好多次，地點方便，價錢合理，味道正宗係衞生方面都做得好好：枱與枱之間都保持一定距離、為每個入餐廳嘅客人先量度體溫、提供消毒濕紙巾同紙巾，等等。當然唔少得全部員工都會戴口罩。令我哋都食得好放心。加上我哋食六點，人唔算好多，之後都開始多人食餐牌所見，食物款式好多，唔同種類都有，淨係菜都起碼有十幾款見到有個Special Menu，推介做緊優惠嘅泰式咖喱蟹平時黎當然唔會叫呢啲食，不過因為生日嘅關係所以叫好啲，食咗好多款海鮮我覺得佢仲靚過餐牌上面幅圖個樣，就咁睇落啲咖喱非常濃郁，但係食落又唔會咖喱味太重，完全唔會遮蓋左啲蟹本身嘅鮮味！而且又多肉又多蟹膏！呢個完全係大件夾抵食，唔怪得見到都唔少人嗌，隔離枱都有食見到佢哋仲叫咗個蒜蓉包，可能可以點啲咖喱汁⋯⋯啲咖喱唔會好辣！話明食海鮮當然唔止蟹啦。仲有扇貝大大隻好惹味燒魷魚🦑如果食得辣嘅朋友應該好鍾意配埋呢個醬～蘆筍炒蝦🍤啲紅蘿蔔係花花形狀，頭先嗰幾味都偏向濃味，呢個就清清淡淡健康好多！balance 返！全台都係美食，開心椰汁黑珍珠涼

我很愛到這店午餐，因為選擇多，夠豐富，又抵食。但一次又一次的味道失望，就卻步了。這次我叫了干炒海鮮金邊粉，配椰汁雞湯，還有凍鴛鴦，午餐價盛惠$52。價錢合理，連份量相當抵。但味道就真一般。湯有椰香味，還有兩大隻秀珍菇，不錯的，但很重味，喝了兩啖，食埋菇就停了。之後一碟炒得外觀吸引的干炒海鮮金邊粉出現眼前，第一口就試試鮮魷，沒有味道的，再嚐一口金邊粉，炒得乾身，但很鹹啊！是否鹽未撈勻？自己再翻兩翻，再嚐鮮蝦，彈牙，卻是淡而無味。夾一柱金邊粉食，真的很鹹啊！這碟粉夾有許多不苦澀的芥蘭，我才可以伴點鹹麵食。但食了七成，不知只是因為鹹，還是味精重，真食不下去了。過鹹，已不是第一次，上次食泰式炒金邊粉，伴著四隻爽口而無味的蝦，但味也是過重了。不過，若是想食海南雞或泰式豬手，我都會選擇這店，但炒野就不好了。

食左呢間野幾年，服務越黎越差。最近上去食lunch，冬蔭功湯勁多油，叫左個紅咖哩牛腩飯，D 白飯居然係"粟"既。最離譜既係岩岩飲完杯野，個部長居然趕客叫人埋單走。坐左一個鐘都無，只係一張2人檯，仲要無客等，為何要咁做呢，快餐店都唔會咁樣趕客埋單，一係餐廳方面寫明限定用膳時間，否則講幾多句唔好意思都無用。

The seating is pretty comfortable with soft leather chairs. Although we have 20 tables ahead us, only we waited around 30 minutes, which is pretty normal for restaurants in HK. (Only good restaurants has long line, so it must worth the wait!)First of all, we ordered a Tom Yum soup to start our meal. The soup is still boiling in the pot while serving. The balance of sourness and spiciness was almost perfect. It made our appretize way better that usual. There were a lot of seafood, like shrimps, s

同女朋友一齊行過，見到呢間泰國野好好食咁就入左去結果啲野食有驚喜，金邊粉+濕炒河都好大碟得嚟又好食，啲湯都唔係例湯咁頹，而係好好飲不過杯椰汁涼粉冰就有啲藥水味，可以改進下

第一次黎，食物普遍較辣，主餐叫左青咖喱魚塊飯，青咖喱好食唔辣，椰奶適中香料搭配ok唔會太膩，魚塊都ok嫩滑，主餐52，叫左兩個小食，加埋80，辣腸普通，魚皮調味唔錯，但偏硬唔脆，樓面招呼幾好。

"這晚與你走進鬧市盛況，再次放逐肚皮那輕狂..."又很久沒寫食評，我就好像一個戒了奶奶的BB，不知不覺戒了寫食評...有時候，不是說奶奶不好飲，我依然喜歡飲奶奶，啊，唔係，我意思係BB依然喜歡飲奶奶，只是BB開始大，選擇(+被選擇)就多了，人的選擇(+被選擇)一旦多了，時間就變得很有限...因為你選擇做的事，加上你被選擇要做的事，就是你時間的全部。熟悉又陌生的文字就宛如女人S型的迷人曲線，就在今晚重現在我的腦海裡，禁不住又手多多摸了幾下...鍵盤，你知啦，摸摸下，心癮就會起，於是想起了今晚吃過的金坊：馬拉盞炒通菜 $86:馬拉盞是馬拉盞醬的其中一種材料，此碟加入了蝦米、豆瓣醬、薑、蒜和辣椒，頗為香辣。明爐大眼雞 $168:大眼雞就是木綿魚，配料多到完全蓋著大眼雞搶晒fo，要夾開配料才能夠同佢Say個hello，正所謂："撥開雲霧見青天，焗到雞雞出晒煙"熱辣辣吃魚最正享受，已經分不清是A.)辣著舌頭或是B.)燙著嘴，或者C.)以上皆是。碎肉生菜包 $88: 碎肉酸辣開胃、生菜清新，包著來吃十分惹味。菠蘿海鮮炒飯 $88:米飯顆粒飽滿，很有嚼勁，你見我咁Enjoy既樣，就知道我唔使入息證明

今日同一大班朋友食飯，因為擔心無位，所以預先book 左一間vip房。(Minimum charge: $1800) 房間位置在3樓門口的右邊，若不仔細留意，真係唔知有一間房暗藏在角落。房間私隱度高，好適合一大班人傾計，不過個「呼叫鈴」好似壞壞地，禁完等左好耐都無人過黎，要自己走出去叫人… 呢方面有少少扣分我地一行十人，所以可以叫好多唔同款式的食物！呢度上菜速度都幾快，每隔幾分鐘就會上一碟，唔洗半個鐘就已經鋪滿左枱！基本上呢度的菜式份量都幾大份，完全唔需要擔心食唔飽 (哈哈)金坊柚子沙律 $95第一碟上枱的菜式就係金坊柚子沙律，聽個名以為係一個好Fresh的菜式，點知食落去都幾辣！唔食得辣的朋友就盡量唔好叫呢個菜。泰式海鮮沙律 $84呢碟菜海鮮的比例有點少，海鮮:沙律的大概只有 2:8。而且味道一般，所以唔太抵食燒豬頸肉 $90一碟入面有好多塊豬頸肉，厚薄均勻，邊邊位燒得岩岩好，咬落仲有少少脆。雖然邊位脆身，但入面一D都唔會硬，仲好彈牙添。有少少肉汁配埋個酸辣醬，好好食燒大鱔 (三串) $90因為一碟得三串，為免爭食所以總共叫左3碟燒大鱔。一上碟就見到D鱔的肉質肥厚，我第一啖試下唔沾醬

呢間雖然係分店，但質素一樣保持到。。最重要係易有位。。因我好怕等位先叫左個 海蜇沙津。。诲蜇爽口。。配合沙律菜酸甜味道。。正泰式鹵水豬手。。味道吾會太濃。。而且佢肉質似食肉。。好有咬口。。但豬皮又好膠質淋滑。。正小食拼盤。。炸雞，蝦餅，魚餅加春卷。。份量夠三，四個人分享。。即叫即炸。。必吃之選泰式炒芥蘭。。。冇咩特別。。伹勝在材料新鮮。。所以好好味菠蘿炒飯。。雖然冇原個菠蘿。。伹用料十足。。帶子。。大蝦。。魷魚。。。當然有菠蘿粒。提子。。份量大大份。。飽哂

一天開始，要食個美味早餐，才可撐起一天的辛勞付出。今早嚟到兆和街，見這泰國餐廳，原來有早餐供應，所以試下這𥚃早餐。哩度早餐可自由配搭，今早叫咗個蝦餅+雙蛋+多士，另加配沙爹牛肉麵，凍咖啡蝦餅雖然薄薄的一塊，但食落都有點彈牙，唔錯沙爹牛肉麵，跟一般餐廳早餐比較，就覺豐富好多，有一大片白蘿蔔，少許通菜、芽菜、花生粒，同牛肉，牛肉有𡁻口，都ok哩度最好係，凍飲唔駛加錢整體嚟講，食物都可以，但坐位比較逼夾。

員工不顧及一個2歳小朋友安全！！！沒埋完單開始執枱，收枱時撞到小朋友 ，我們給他給他意見説應讓小朋友安全離開才收拾，員工態度囂張説我們要做生意，你們小朋友真的受傷，我們會賠錢！！！我們要求道歉，員工莫視，並堅稱沒有負責人及經理，天下作為父母/有人性的客人還願意光顧這樣的歺廳嗎？？反正我不會！

約埋一家人大約13位左右， 訂咗間大房 ， 因為頭輪遲咗埋單所以等咗大約20分鐘左右， 寫好曬餸， 個廚房覺得我哋好似好肚餓咁! 所以就一窩蜂咁上菜， 好快就擺到張枱曬餸， 食都食唔切! 不過依家出去食飯，都冇話邊樣頭盤，邊樣係主菜㗎啦。。。 厚切蒜蓉方包 唔錯! 可能肚餓咩都覺得好食啦 嗌咗兩碟生虾，兩碟青木瓜，兩碟芒果沙律， 就遲嗰啲小菜出嚟， 可能佢漏咗單喇。。 豬牛雞串每樣半打， 佢都係個沙嗲醬好食啫 ！ 馬拉盞炒椰菜苗就幾爽口 ， 呢間泰菜 啲侍應 唔會幫你執咗啲吉碟架！ 就算食到甜品佢都唔會 主動 畀啲乾淨碟你食， 最多都係畀牙籤你吉 最後埋單都係一人二百零蚊啦， 太錯黎講，一般啦！但係返到屋企就好頸渴囉！ 可能味精多得滯喇。。

荃灣有2間金坊，而我就比較鍾意呢一間，比較舒服。黎到一定海南雞飯，再加$10轉雞髀，因為肉質好新鮮，啖啖肉汁！再點埋酸酸甜甜的辣醬，送飯一流！雞油飯同樣高質，飯夠晒乾身，每一粒都唔黐住，午飯再送個湯，湯今次係冬蔭公，辣得好過癮！

今日同女朋友好夜先收工，所以特意出荃灣食飯，因為荃灣比較多夜店，有一間泰國店一直都好想試，今次可以特登嚟試吓啦！我哋先去咗路德圍嗰間，發現都要排幾耐隊，見到入邊一班班人食飯，可能撞正公司聚會，之後就去佢嘅分店都係荃灣嘅，另外一間就唔需要等我哋就馬上入去，我哋兩個人叫咗，生菜包，及咖喱牛腩，再加兩碗白飯，員工方面都好足夠一入去就有人招呼，不停幫我地倒水，食物都好快到咁其實份量都幾多，好似個咖喱牛腩咁入邊都至少都有10幾舊，送飯一流，至於個生菜包都唔錯啊，比較驚喜就係原來有甜品送，都唔錯

今日想去兆和街吃午飯，揀嚟揀去，揀咗金坊，泰式食肆都不大介意樓上鋪，所以要搭lift上去。一出lift,個場都好大，入面坐了不少食客，侍應都殷勤招呼。太肚餓了，但也不知吃甚麼好，便點了最穩陣的海南雞飯。食物未到先上飲品，熱檸蜜，無甚特别。十分鐘之後，海南雞飯便上桌了，分量不少，好足料。今次係雞胸位，啖啖肉之餘，肉質也不粗糙。雞飯是黃色的，但過濕，而且沒有香茅或雞味，米香味也不足，所以只属普通貨色。出乎意料之外，湯是最後上的，第一次喝椰汁雞湯，味道就像冬蔭功湯後加椰汁，是特別的嚐試，料足，味道也不俗。埋單50蚊，食物有水準，份量又充足，額外送飲品和例湯，是划算的選擇。