金培餐廳

營業中

休息中

好食，抵食，有鑊氣 !local 人介紹!生炒牛肉飯粒粒飯彈牙，一碗水餃3個人都食唔哂。什扒飯豬扒我個BB仔成塊食哂!未見過今好胃口!下次再來大澳一定再食。D姐姐招呼很好，很老實。佢仲叫我唔好叫咁多，食唔哂。最後我哋叫左四3碟，真係食淨左一碟。我們4大2小。

本來去到想食飯, 但估唔到今日下午三時多已沽清所以飯類食品。所以叫了一個豬潤麵, 一份西多, 一杯凍古力, 一杯熱奶茶, 一件叉燒酥。豬潤麵來的時候, 係估唔到咁多片豬潤的, 仲好味過深水埗"維記", 夠滑夠爽。西多士好味之處, 在於西多士邊仲保持到外脆內軟, 落單姐姐仲會好親切地問你要糖漿定煉奶。

返大澳一個親切既地方食野亦唔需要考慮新嘗試一叫就叫食開既金培冇野飲送冇餐冇特色既食物但我帶朋友入大澳第一間多數就係去金培但千期唔好期望服務好精美賣相既食物不過建議係有幾樣1)蒜茸炒飯 (~$30) (凍左冇咁好食、記得快快食完)2)什會炒麵 (~$30) (可入廚房問攞豆辦醬)3)粟米碎豬扒飯 (~$30) (凍左冇咁好食、記得快快食完)4)水餃米 (~$20)價錢又唔算平而且水準唔知穩唔穩定不過不妨一試如果怕冒險果日既水準唔知係咪OK幾人同行可以落左個蒜茸炒飯先食左覺得ok既再叫埋2,3同4

今日同朋友山長水遠去到大澳....好肚餓就是旦搵間野食喇...好多舖都仲未開....我地分別叫窩蛋牛肉飯&沙嗲牛肉面...2樣都好難食呀....個飯太濕喇...食落去好似食糊仔甘呀>.<"個沙嗲好似沙嗲魚旦湯底甘..同平時係茶餐廳食個隻味完全吾同....d面又煮到好淋~~真係吾好食!!

去到大澳，通常食的都是海鮮，其實大澳都有一些經濟實惠的舊式茶餐廳，環境類似香港的七、八十年代，價錢都是較平宜，而且食物質素都是很美味，更重要的是充滿人情味，這次來到大澳就了金培食午餐，咖哩雞翼米粉(18)，大大碗，咖哩又惹味，如果要平平地在大澳食一餐醫下肚，金培是一個不錯的選擇。

第一次踏足大澳,由於係臨急決定,所以事前冇做甚麼資料搜集. 唯有去到邊食到邊. 行行下見到指示牌,心想這裡遠離遊人區,應該方便搵位.於是入了去.入到去,全都是街坊坐著....對於我地哩D遊人顯得有點怪,不過呀姐都熱情招待,先黎一壺熱茶,再遞過餐牌. 細問下,餐廳只有早餐,其餘時間係冇餐類. 我地唯有散叫. 經商議,要留肚食其他小食,所以我地淨係叫咗餐旦麵同奶醬多2樣嘢,但呀姐都冇因為我地叫得太少嘢而黑面.餐旦麵($15)~午餐肉煎得香口,雞旦係大陽旦,旦王係生的,麵"碌"得剛好,就算多浸一會,都唔會太淋. 比坊間的茶記好得多.奶醬多($6)~哩個就比較普通,冇特別可提之處.

大澳之行一味食.....太飽啦! 老公d朋友又帶我地黎呢到食午飯! 真係太飽, 所以只叫了杯飲品再食了少少出名食品!咸魚雞粒炒飯- 比市區d香,可能d咸魚比較正宗同正掛!鮮肉雲吞- 冇蝦,但幾好味而個皮又簿,所以食了兩隻!呢到又係d街坊聚腳地, 所以好熱鬧, 而又比較平(d酒樓一盒飯外賣都要六七十蚊)o既飯堂, 所以好爆!今次又要多謝老公d朋友招待啦!

個人認為，全大澳最好食的沙嗲面只係在哩間金培先有，沙嗲汁夠多夠濃，大家有機會一定要去試下～極力推介：沙嗲牛肉面，沙嗲雞翼面～午餐推介：西炒飯，什薈炒面

今日與爸媽遊大澳，經過好香濃茶味，走入去食個tea，奶茶果然好香濃，蛋治同士多都唔錯，仲要自制雞批同蓮蓉批，可惜凍咗，如果新鮮出爐應該幾好食。