金堂韓國料理 (已結業)

幫朋友攪生日, 想特別啲, 上OPENRICE 見倒依間韓國菜, 係韓國人開, 唸住都好耐冇去西貢, 順便入去行下~入到去, 見倒有一對好SWEET既韓國人夫婦喺度招呼啲客人, 我唸佢地就係食評講既韓國人了, 佢地講既廣東話唔係咁正宗, 但係非常之熱情, 感覺好親切~前菜已經有5樣嘢食, 包括泡菜, 豆腐, 粉絲, 牙菜同埋白菜仔毎一款前菜既味道各有特色, 全部都係自家制, 一流 跟住就係勁勁勁勁勁好味既蛋包蝦, 係我既至愛~蝦好大隻, 出面仲有一層雞蛋包住, 開頭仲以為會好dry, 點知食落口, 唔單止好彈牙, 仲好有鮮味, 正！！ 韓國人老板佢好怕羞，　叫我地影完相要記得打格仔，　哈哈~人參雞, 湯料十足, 啖啖雞香+人參味~老板親自幫我地撈埋個湯, 服務唔錯~仲有牛尾湯, 佢啲牛好"林", 仲要件件都大大舊, 食到好滿足~石頭飯個味道都好香, 啲飯唔會濕淋淋, 再加埋啲飯焦一齊食, 一軟一硬, 口感一流鐡版牛肉, 嚟到既時候仲唸住佢冇咩色水, 應該好淡口, 點知非常驚喜, 啲牛肉好多汁, 味道啱啱好~牛肉喺個鐡版都唔會干亦唔會老 ~ 真係夠灑驚喜~不得不贊係佢既柚子茶, 同韓國老

大家快D去試下啦~~(前菜)老闆娘自家製的泡菜.......可能平時食得清淡D,唔係咁愛好甜甜酸酸的粉絲.....我好中2食呀清甜ge瓜......好清甜...好好味一定要試石頭鍋飯呀~~未撈之前只聼到 "炸炸炸....."但老闆叔叔撈ge 時侯,香味陣陣漂來~~正正正 老闆叔叔會在上桌前在你面前先撈好了才送到你的桌上, 真係體貼石頭鍋飯有豆牙, 肉, 菜, 泡菜等材料豐富有點點辣, 而且有一點不燶的飯燋~~仲有一碗麯~~不過唔記得左個名~~都係酸酸辣辣~~P.S其實老闆叔叔同老闆娘都好NICE呀~~老闆娘仲教我地講好好味GE 韓文呀!!! KA,,,,,KA我都係比較中2食熱野~~

月頭走去梨花園先食完韓國料理, 挑起我條筋, 好鬼想食韓國料理~ 今日又入到去西貢, 行完個轉, 菠蘿包未夠將我填飽, 見到周圍既泰菜好多人, 只有呢間冇人, 咦, 點解呢? 但唔理喇, 照入去試下啦, 凡事都要有第一次嘛~店鋪超細的 (但冷氣超夠冷氣, 一坐就涼哂), 只有店主同老闆娘2個人, 話說佢地2個又冇乜笑容喎, 好嚇人~ 一開個menu, 嘩! 都幾貴喎, 開始有d後悔, 但阿媽話 "咁既價錢, 實好味啦!", 噢, 咁只有2個人, 所以叫2樣野啦, 唔係會浪費食物~一叫完, 老闆娘 (依舊有點黑住面) 送上3大碟前菜, 分別有粉絲, 瓜, 同泡菜. 話說, 分量係真係多既, 唔係好慳, 唔捨得俾人個d. 而且味道非常好, 先講個泡菜. 咪睇佢顏色咁紅, 實好辣啦, 點知一入口, 呃人! 一d都唔辣 (為左遷就香港人口味?), 哈哈哈哈, 加上好爽, 酸酸既, 真係好開胃, 點食都唔夠~ 粉絲甜甜既, 而且幾煙韌 (好好咬!), 雖然好似冇乜顏色 (加上好似好油), 但出奇地美味, 意想不到! 瓜, 非常新鮮, 翠綠, 而且又爽, 重切得算係厚, 加上佢本身只有少少醃過,

記得第一次去食, 係有個人抯車帶我去, 他講到眉飛色舞話好正好好食.所叫的有石頭飯, 生牛肉, 蝦餅, 好似仲有湯, 已經係幾年前的事.那人告訴, 老闆和老闆娘是韓國人, 不太會說廣東話, 所以很少聽見他們說話.第二次, 是在學完車很晚了, 朋友接放學去到已經10 時多, 老闆也在開餐了, 結果給了咭片說下次再很晚光顧可先打電話告知一聲. 所點的也是石頭飯和小菜.第三次去, 因為朋友說一起騎車遊車河, 去到了西貢在煩惱晚餐的著落, 我又想到了這所正宗韓國而非韓式料理, 這次也同樣地點了什錦石頭飯, 生牛肉.每一次去, 也很喜歡他的石頭飯和生牛肉, 因為那什錦石頭飯上桌是熱騰騰的, 老闆也會在上桌前在你面前先撈好了才送到你的桌上, 有豆牙, 肉, 菜, 泡菜等材料豐富有點微辣, 而且有一點不燶的飯燋.生牛肉是真的生的, 不過用了很多調味, 麻油等調和, 再裝得漂漂亮亮的上桌, 上面放了生蛋下面舖有生菜, 附帶有一些雪梨條, 吃這生牛肉每一口都得配上雪梨條清新爽口, 才不至有膩的感覺.當你一點菜後, 老闆娘就會送上一些小碟前菜, 有冷的有暖的, 但第一, 二次去, 每人有3-4小碟, 第三

有同事推介金堂食店, 話呢度韓國食物好好味, 於是我們一行五人走來試試.由於店鋪係條內巷內, 所以每間鋪面積都不大, 而金堂則打對面有另一個鋪位, 我地就係坐係這邊. 未坐下之前, 2 位朋友見到主鋪果邊有2位韓國人吃緊一鍋賣相不錯的東西, 於是走去問食客吃甚麼, 他們說是 "薯仔燜雞", 會有少少辣.我們坐下, 落單叫食物. 這裏叫食物是用號碼代替餸名, 可能方便韓國老闆及老闆娘落單. 我們點了五款食物 :- 辣味炒八爪魚 : 中度辣, 但 d 八爪魚.....我地五人都咬唔開, 太靱了. 有的我們吐走了; 有的則硬吞- 牛肋骨湯飯 : 蘿蔔好甜, 牛肋骨都好味- 人參雞湯 : 有淡淡的人參味, 雞味則欠奉. 失望之作...........- 海鮮煎蔥餅 : 只發現有蝦及粒粒魷魚及多多蔥, 味道普通, 尚有半碟都不吃了- 薯仔燜雞翼 : 之前韓國人那鍋超大, 我們的卻很小. 問老闆佢話人地係"燜雞", 我地係"燜雞翼", 但整個餐牌也沒有燜雞, 老闆娘話人地係預訂才有的........... .........不過呢個"燜雞翼"同我們香港做法無差異我們還叫了飲品.....

食物是由韓國人做的。真的好像在韓國吃的。人蔘雞湯、柚子茶must try煎餅、石頭飯好味，小碟前菜也好味。

家住西貢，頗喜歡這家餐廳。店鋪放工回來，雙親外遊，自己一個人，就選擇了到金堂。此店在食街內，有兩邊鋪位，一般人喜歡坐較靜的一邊，但我一個人的時候反而喜歡坐廚房那一邊，播放著韓國劇集，來自韓國的老闆與老闆娘看很入神。我雖然聽不懂，但見老闆娘有時邊看笑，讓我覺得就像是韓國 home stay 一般，感覺很親切自在，像是經歷了一次韓國小旅遊。飯(食送)由於是一個人，所以仍舊是點了石頭雜錦飯。雜錦飯有兩款，韓式雜錦飯是冷的，而石頭雜錦飯是熱的。老闆娘先弄好雜錦飯，連同一碟泡菜及脆肉瓜冷盤一起上檯，上檯後再即替客人將搞拌。泡菜不如港式韓國店一般，只管酸，酸得令人吃不下。這個店家自制的泡菜味道更自然，感覺開胃，令人「返尋味」。我沒到韓國嘗過泡菜，人家說韓國每戶人家所自制的泡菜都有所不同，但我想這裏吃到的味道就是韓國人家的味道。脆肉瓜也是冷盤上的，味道也不錯。石頭飯看似簡單，但外間吃的就是欠了這種平凡的美味。不覺油膩，味道不太濃，飯焦弄得剛剛好，不多不少的配味汁讓各種素菜與少量豬肉的味道結合，配上泡菜更覺開胃。對於一個人而言，份量略覺多了一點。西貢最吸引我之處，在於有著各式各樣的小店，就如這間韓國小

喺 ali oli 飲完嘢, 便得找地方吃晚餐. 老公唔鍾意西餐同海鮮嘅……記起水準穩定的金堂韓國料理, 不知仍在否? (十多年前, 她剛開業時, 我和媽媽常常光顧.)走進巷仔……金堂仍在, 連那個會鞠躬的韓國人形也沒變--不知有否更換過? 那麼多年仍然乾乾淨淨!!!當年不說話的老闆,已能說超流利地道的廣東話了, 但仍不太說話. 跟韓國客人也是一句起兩句止的.快速點了包括人蔘鷄湯和石頭窩飯的二人套餐, 店員隨即送來四小碟前菜, 炒粉絲和翠玉瓜不辣, 煎豆腐少少辣, kimuchi 辣得ok. 辣與不辣全面照顧了.先來石頭窩飯 -- 送來時店員已在後面的枱撈勻了, 看不到它的本來面目. 因為和老公不停傾偈沒有留意飯裡撈了什麼餸, 不過大豆芽菜, 波菜, 芝麻葉和紫菜一定有, 正因為有紫菜, 所以特別香口, 而且飯焦香香脆脆完全不黏牙, 所以我們很滿意.人蔘鷄湯-- 很大窩啊! 熱辣辣. 我以為店子大可用錫袋包裝的人蔘雞湯, 這樣就不用自已花精神煮了, 不過用筷子夾湯內的鷄肉時需要用點勁, 這可不是湯包鷄呢! 鷄肉結實且尚餘鮮味, 鷄裡的糯米壓得非常實, 鷄肉夾散了糯米仍是一團沒

地方較窄，食物普通。蛋包魚同人參雞湯較好，其他無特別。聽到隔離枱話蝦好爽，不過我地無叫。這裏有韓國人黎食，應該是傳統的韓國菜。下次都應該唔會再黎，因為西貢有其他較好的選擇。

4人食左個2人餐加一個炒粉絲叫哂野食先記得個飯同粉絲係有牛肉(本人係送奉觀音的)O no好彩D前菜都幾好食同埋個蛋包蝦真係好好味不過老闆 / 娘服務唔係咁好好似十問9唔應咁.......................我諗下次都唔知食唔食好

假期同左DDJ去左我們的老地方-西貢覓食，閒逛了一會後，便到了位於''美食巷仔''的金堂因聽聞其石頭窩飯十分出色故早已鎖定目標到達已經是下午４：００正，老闆明顯尚在休息中，但老闆最後仍為我們開市，真是不好意思啊！是日我與DDJ就在正店對面的小店靜靜品嚐那美味的什錦石頭窩飯，小小的店子就只得我們二人，感覺正在包場，十分悠閒，很配合周末下午的感覺。老闆丁生一推門進來，那陣香氣把我倆的目光吸引住只見丁生熟練的把大豆芽菜，紫菜，金針，白菜仔，配以生蛋黃，醬料及白飯一起拌勻然後便連兩個前菜加一個蘿蔔紫菜湯上桌了．兩個前菜分別是老闆娘丁太自家製的泡菜‧好味道，就連不太好泡菜的我也覺好味！‧甜酸味道恰到好處‧每一口也刺激著味蕾甜甜酸酸的粉絲‧味道稍甜‧絲絲分明，爽口口感佳，‧不會太腍身，膩在一起蘿蔔紫菜湯‧味清甜‧紫菜味很香，多喝也不覺膩‧在吃味濃的韓食時偶爾喝幾口也可清清味蕾呢主角　－　熱騰騰的石頭窩飯‧好好好味！！‧味道配合得很好，醬汁味道佳，　又不會太稠，坊間很多石頭飯多有汁太稠太膩，味道太甜的弊病，　但此處絕無此問題‧很開胃，越吃越想吃！一吃我倆便不住的讚好，然後很快便吃清光，最後還柯打了充

個日同班朋友入西貢玩完，諗住醫肚，行過西貢好出名的食街睇下有咩好食，見到有一間韓國菜館，好多人，於是我地就等位試下。咁多人真係有原因架，D嘢真係好好食，個石頭飯好野味，材料又十足再加埋D辣椒醬，正﹗﹗仲有個個炆牛肋骨煲，到而家我諗起都會流口水，佢D牛肋骨炆得好入味，好鬆軟，D汁用來撈白飯一流。我地仲叫咗個海鮮煎蔥餅，好足料，同出面我食過個D完全唔同。越食越想食，一D都唔會覺得油膩。仲有個人蔘雞湯，D湯一飲就知道無落味精，好鮮甜，隻雞個肚入面仲有糯米同人蔘。再來多個蛋包蝦，隻隻都有手掌咁大隻呀，又爽，再點佢地個個特製豉油，配得非常好呀。跟住我地仲叫咗四杯柚子茶，好好飲，完全同我地係出面買一瓶瓶個D唔同，埋單個時我地問老闆娘點解咁好飲，原來佢地D柚子茶係老闆娘個奶奶係韓國親手種，空運來香港架。老闆同老闆娘都係韓國人，但係佢地都識講廣東話，而老闆娘係香港做韓國廚師已經做咗差唔多二十年啦，怪唔知得整D嘢咁好食啦，真係好正宗。我而家一有時間，就會同D朋友入去食飯架啦。

哇哈哈~~!!!!終於比我食到依到既石頭飯了。係西貢行黎行去搵依間鋪頭仔，真係細細間唔覺眼呢! 招呼我地既韓國人老闆，叫左個二人餐，有石頭飯仲有人蔘雞湯，柚子茶。係興奮等待食物既黎臨，我地就係咁睇店舖裡的報紙介紹了。哇，可惜得兩丁友，真係好想叫埋其他野食呢，什麼炆牛肋骨飯，蛋包蝦等等都好吸引哦，好想食呢!!! 哇哇哇~老闆先捧來了四碟前菜仔，分別係泡菜，翠肉瓜，咸既魚仔，仲有個凍凍的酸酸甜甜粉絲狀既面面，好醒胃呢。之後就拎左個熱騰騰既石頭飯黎，佢將d 材料撈撈撈，哇~~d 香味令人流哂口水!!!!!睇住佢撈撈撈，把汁醬材料撈匀了飯，好有特色好有風味牙!!!!!!! 我地即刻唔理咁多，食一口先，哇哇哇，好味到暈左~材料既配搭讓一切都變得好惹味好開胃!!!!仲有我最愛的飯焦呢!!!!!真係唔識形容了。就係咁，食到好快見底了。仲有一個人蔘雞湯，雖然網上d 人讚不絕口，但我同男友都覺得可以更好。不過呢，都好有特色，好攪笑咁係隻雞個肚有糯米包住支蔘架，好似稷咁。最後飲埋杯十個好味既柚子茶，依一餐真係完滿結束。值得推介哦。p.s. 老闆同老闆娘都係韓國人，佢地識廣東話的，不過好想學定一句"好好味

o尋日元旦入o左西貢行下,中午o黎o左呢度食.今次叫o左個二人餐:人參雞湯,石頭窩飯,柚子茶兩杯,另外叫o左個炆牛肋骨飯.先送上免費前菜四碟:大豆芽,泡菜,翠肉瓜同埋.人參雞湯和石頭窩飯保持一貫水準,炆牛肋骨好"淋",有D甜味,有四大舊!煲底的白,紅蘿蔔吸晒牛肋骨味,超正!!四個人都食到好飽!個人認為這裏的住家韓國菜好正宗,因為老闆同老闆娘都係韓國人,又冇味精,又冇加一,應該係香港食住家韓國菜最正o既地方!!

我相信係香港都好難搵到一間咁正宗、咁好食既韓國菜。星期日我同我個朋友去西貢玩，我朋友話肚餓咁咪去條食街度搵食，見到間韓國菜館地方細細但係好多人，所以就決定試下，入到去叫個招牌菜石頭飯、人蔘雞湯同埋個蛋包蝦，簡直係食唔停口呀。個石頭飯好足料、撈飯既醬又好食、仲要加埋飯焦，好味。而個人蔘雞湯好得、無味精，一飲就知道煲好耐，好出味。個蛋包蝦好大隻，肉好爽，正﹗﹗﹗我見隔離有人叫個泡菜炒豬肉，好香，下次我一定會試下，因為個度仲有好多食。除食好味之外，就連飲品都好正，尤其是係個柚子荼，我地飲個時，個老闆娘行出來，叫我地要連埋柚子食埋，佢話原來佢地柚子全部都係佢奶奶親手種，係韓國返來，一年先收成一次，唔同我地係出面買一樽樽加工過個。佢地泡菜都好好食，我臨走仲買一磅呀。價錢又適中，好抵食。我都有去過韓國旅行，食過當地既韓國菜，但係都好似無呢間咁好食。