金堡茶餐廳

營業中

休息中

有日去灣仔咖啡店打卡，但咖啡店啲輕食食唔飽肚，於是就喺附近搵間茶餐廳醫下肚，點知啲下午茶又幾好食喎！✿ 吉列魚柳拼西多西多炸到好金黃色， 外脆內軟， 而且有好香嘅蛋味， 兩層麵包中間仲有啲花生醬，好食！ 吉列魚柳係即叫即整， 熱辣辣好香脆。用左ig啲filter影，所以有色差，圖片只供參考喔！

放飯時間特別多人⋯間間茶餐廳都好多人唯獨呢間相對少人，就入去試下點知食物質素真係好一般⋯叫左一個常餐食：雪菜肉絲米+火腿炒蛋+烘底煉奶多士$47多士的確係烘得唔錯，好脆口炒蛋都尚算炒得滑火腿就係普通超市火腿啦雪菜肉絲米就一般啦冇特別冇驚喜⋯食物普通冇特別但價錢就偏貴啦🙈食一次就夠既餐廳😣而且餐廳環境比較破舊坐得唔太舒服進食時，只係想快d食完快d走😣😣😣

叫外賣叫左咕嚕肉飯，點知比左揚州炒飯，都算個炒飯又無鑊氣，失敗米飯無粒粒分明，失敗成盒飯淡而無味，失敗中既失敗講真，依間餐廳咁既質素真係食一次都嫌多食左兩啖都食唔落去，出去再買過Lunch算

去完灣仔行街，7點45左右打算食晚飯，見呢間野裝修Ok，見都幾多人去食，諗住實無死，膽粗粗試一試。點知瀨哂野。叫佐個北菇蒸滑雞飯 ，打算食清少少，啲雞係冰鮮雞，成陣味，乾巴巴，冬菇又一陣味，碟野又冇咩汁。食佐幾口胃口都冇哂。同行個位叫佐個芝士焗肉醬意粉，出來成個樣都唔係唔係肉醬意粉，應該係肉片芡汁意粉，冇番茄味，又冇芝士味，搞到成碟野淡味，體驗不太良好，下次都唔想再食🤮🤢環境好大冷氣，吹到D野餸菜好快凍哂。另外，食到8點幾左右就已經收佐爐，唔知係未廚師趕收工搞到野食咁差水平。

原本想食華嫂冰室，但竟然冇開...所以近近地轉咗食金堡。上菜速度好快，5分鐘內有得食。個沙嗲牛肉麵個麵麻麻地，d牛肉都幾好味。而個腸仔蛋正正常常，個牛油方包完全唔好味。成個餐連熱飲$42。

 第三日去會展，亦唯獨今日先唔係一支冷去會場，約左朋友食完早餐先去試酒！最近兩個月喺灣仔都食過幾次早餐，除左一次係OK 之外，次次出事！連一啲比較穩陣嘅連鎖都瀨野，所以今日由陀地帶我覓食，希望食倒較為正常嘅早餐。同朋友講早餐我做東，諗住佢會帶我去特色啲嘅食肆食啦，點知佢帶左我去一間叫金堡茶餐廳嘅茶記。佢話呢頭嘅早餐，佢最信得過。好啦我同佢叫嘅野一樣，沙爹牛肉麵配腸仔蛋牛油方包，我要炒蛋，佢要煎蛋，餐飲我要凍檸茶，朋友叫左凍奶茶，每人盛惠HK$30 大圓。幸福原來好簡單！其實一啲普通嘅食物都可以食倒幸福嘅感覺，大家睇圖我諗都睇倒個麵淥得幾靚仔啦，沙爹牛肉又深色，食落個麵淥得啱啱好，無生骨！家陣都唔知點解好多茶記都張啲麵搞到極度Al Dente , 即係淥得極不透心，淥一陣就擺落碗度，有啲直情揚散個麵都懶。做到呢度咁軟硬適中已經係好少！沙爹牛肉個醬好好味，牛肉疏打落得好適中，唔會過焾。我嘅腸仔蛋到喇，腸同包都正常野，特別一提係個炒蛋，好滑呀! 火候控制得好，一啖食落口，已經食倒份Heart。總結: 終於喺灣仔食倒令人感動嘅誠意早餐。其實一啲普通嘅食材，用心去煮，亦可以好動人。

典型港式茶餐廳，分兩層，環境一般喇，尤以下層光猛新淨一點。一客午餐約四十元，和附近茶記差不多。一客燴豬柳漢堡腸蛋飯，基本上餸料皆是預製品，無乜功夫。豬柳漢堡稍鹹了少許。茄汁調味OK喇！白飯比一般硬身。熱奶茶茶底味道不俗。

早上去金堡吃個早餐,叫了一份火腿通粉,多士加一杯奶茶, 點知塊火腿有異味, 於是我要求職員換其他通粉俾我, 點知佢又換番火腿通粉俾我!  唉! 我唯有唔食碗通粉, 埋單之後去第二度食過!寧願餓死都不會再幫襯! 仲有D職員服務態度有待改善!!

行完花展勁肚餓, 但係銅鑼灣實在太多人了, 於是沿住謝斐道向灣仔方向行, 行下行下就見倒金堡喇. 舖仔細細, 勝在有位, 其實行左咁耐都好攰, 就即刻入去坐低食個下午茶啦.同女友兩個叫左西多士, 同司華力腸沙律, 飲凍檸茶同凍奶茶.西多士熱辣辣, 份量正常, 味道不錯. 但係個司華力腸呢, 就實在係太細條了, 大約只係得手指公咁長, 真的有點失望啊! 沙律就係一般的茶餐廳沙律(沙律醬+罐頭雜果), 尚算 ok, 只是真的太細份了.

一早起來趕來灣仔工作, 魂魄未回來工作前都係去食個早餐回回魂以避工作出錯.早餐來到叫左個五香肉丁通+炒蛋多士要左杯熱檸茶此店既五香肉丁有點似自家製, 又多料唔似罐頭咁多肥膏少少香辣夠醒胃. 還有最欣賞係此店既茶, 我叫既熱檸茶好好飲又無苦澀茶香濃.

　　因為突然下起大雨的關係，不想再找食店，既然停在門口，不如進來試試看吧。　　這家店小小的，地上鋪的是大小形狀不規則圖形和顏色的地磚，因為密集，給人的感覺更小，電視開得很大聲，服務員都在討論電視情節。　　我喜歡吃魚柳，今天突然想吃咖喱，於是要了咖喱魚柳香腸意粉，餐牌上寫的是飯，我點的時候著她改意粉。喝熱奶茶。　　因為侍應在替我寫的時候，同時跟背後的食客談話，可能這樣分了心而寫錯單，來了飯，不是意粉。她就給我換，但第一趟上來的飯，魚柳很整齊，整碟飯很漂亮。　　過了一陣子，服務員給我端來意粉，魚柳的皮肉（吉列和魚柳）已經分開，吉列的外瞉散脫了，我吃炸了的脆漿，感覺有點酸，我不曉得是不是她給我換的時候，廚師把完整的魚柳弄散了，香腸倒是很正常。而咖喱汁也夠惹味，只是薑味稍嫌不足，不夠辣，倒是薯仔夠稔夠軟夠入味，可惜只有小小的一塊。　　早知這樣，不如不換意粉。　　但我也不能太計較吧。這樣的一餐，３５元，可以接受的了。

是日，早了一點出門，早了半個多小時到達灣仔，直接回公司麼，不想。當巴士駛到銅鑼灣時，已經內定了一間茶餐廳，決定一落車就去食。就在novotel的對面，早上，或許此茶餐廳近巴士站吧，入來找個位絕對是一件不客易的事，而且門口總是圍著一班人，是為了買早餐回公司食的。我有時間，就決定坐底食，縱使找個位座不是易事，因為食早餐的打工仔，通常都是快快趣食完就走。所以好快就有一個小小的位，搭檯坐。早上，我又回到我的老本，五香肉丁麵啦。肉丁是粒粒方正，實肉的美味肉丁，少少辛口的汁，混入了湯底之中，味道非常之惹，充滿了五香粉的味道。加了一隻黃心未熟的煎蛋，更是一個絕佳的早餐配搭。奶茶，未夠濃，但稱得上是滑，同夠奶味。都算做不錯的。快快的吃過早餐，慢慢的行返去公司，新department，工作量仍未多，時間，是用來pick up一些technical issue 的。繼續enjoy我的新挑戰......

今回星期六的早餐, 在漫無目的的情況下走到謝斐道這邊來, 事關今早坐的巴士在附近下車, 亦都記得這邊也有不少茶餐廳. 好了, 它就是今早的主角. 咦~ 馳外煲仔飯, 生滾煲仔粥, 下次晚飯可以試試這兩款!店內不算大, 可坐約十多人, 現時七時半, 只有3枱客.早餐有多款選擇, 但我倆至愛有腿蛋, 麵包/多士配粉麵之類的. 所以點了B 跟C 餐, 飲品當然例牌~ 熱釢茶啦!C餐: 雪菜肉絲米配火腿煎蛋跟方包.雪菜肉絲米 - 湯沒什麼味...淡的, 雪菜肉絲的肉絲不多, 米粉煮的剛好, 算爽口. 但稱不上雪菜肉絲米, 兩者是各有各的, 混不在一起. 最後只吃了一半就放棄了.火腿煎蛋跟方 - 火腿正常, 蛋煎得太老了... 方包算軟熟, 但太多牛油, 要自行刮掉一點牛油.B餐: 沙嗲牛肉麵配餐肉煎蛋跟方包.沙嗲牛肉麵 - 這個比雪菜米為好, 湯夠味, 麵質夠爽口, 沙嗲牛肉則有點韌.餐肉煎蛋跟方 - 餐肉是不熱又不香口, 蛋同樣是煎得太老了, 方包同上.最後奶茶, 茶味並不特出, 屬一般水準. 不會令人留下回憶. 所以這兒絕不是我們嘆早餐跟奶茶的好地方, 下次再試試附近其他的.

在灣仔找所茶記吃早餐，真的是易過借火，是日又去試了一所茶記的奶茶。店家早餐的選擇其實挺多，不過本人就由A至I九款之中，最後都是選了本人常吃的沙嗲牛肉麵，加餐肉蛋、牛油麵包及奶茶，千篇一律，真的有點嫌自己老土。先來介紹餐肉蛋及牛油麵包，其牛油塗得非常老求，入口沒甚牛油味，而麵包也是有點受潮了的感覺，入口不鬆軟，麵包香又麻麻。反蛋就更是嚇人，蛋黃似有似無，跟蛋白形成一塊帶有淡黃色的疏氣煎蛋，入口一點也不滑，入口只剩丁點的蛋白味，本人真的懷疑是用了假蛋，就連午餐肉也可以是暮氣沉沉，不夠熱但又有油在面，煎好了放在一旁待用，可見此店多麼的沒心處理食物。沙嗲牛肉麵用上一個湯碗上，果然是一個非常多味精湯的一個碗，沙嗲牛只佔十份之一的位置也沒有，麵吃起來又怎會有所謂的沙嗲味，即是連醬油茨的味道都沒有，加上麵身偏腍沒咬勁，牛肉就總算是沒有被梳打粉泡製過，入口還帶點牛肉的嚼頭，除了個麵夠熱之外，我想這就是它唯一的好處了。最後都是喝杯奶茶作結，用上了中厚度的瓷杯盛着，奶茶嗅起來難得的有茶香，這種茶香是老式茶記西冷紅茶的味道，再摸一摸杯邊，可惜真的不太夠熱，只算是很勉強夠溫度吧！喝一口茶，發覺茶身不太夠挺，奶

Fashion buy month came and there is no time to waste, my colleagues and I walked in any restaurant that had immediate available seats for a quickie lunch. We passed by this restaurant whose waiter stood at the door shouting "Seats available" in the restaurant.The restaurant was actually quite shady and dirty. There was no seats on the first floor, so we had to dine on the second floor, which is even shadier. Fortunately the place was quite clean and hopefully hygienic.There were several lunch me