金大班

營業中

休息中

話說星期日，起得身已經差唔多中午1點，就諗起不如試下金大班⋯去到已經係2點鐘嘅下午茶時段，叫咗個西多士餐同魚香茄子炆米⋯西多士唔算油，賣相同味道係合格同正常，相對上次喺粉嶺食果間，呢間真係好好多，阿囡都食唔停⋯至於個炆米，好明顯廚房一次過炒晒咁多張台嘅柯打，所以相對等得耐咗，食完個西多個炆米都未嚟⋯嚟喇，除咗無咩餸之外（有幾條細細嘅茄子嘅），味道都唔差⋯飲埋兩杯凍0茶，成件事$62，抵啦，而家$62想食兩個早餐都未必夠呀大佬⋯

下午時份肚仔餓 隨意揾左間餐廳醫肚常餐餸款都幾多選擇我ORDER左個鮑魚片米線 仲可以免費轉蕃茄湯底跟餐個豬你包有驚喜 好脆身米線吸收晒蕃茄湯底好香但略嫌油左小小整體份量吾算太多 黑洞覺得可以多D米線午市$32黎講合理價

順道經過竹園南商場到下茶時間入咗去金大班坐吓，order咗個推介嘅即叫即做牛角包下午茶餐，件牛角飽真係幾正，包夠鬆脆餡料又夠多，估唔到果然即做無番叮！加埋杯舊式奶茶，這新舊配真的不錯！

今日同三五知己入左黃大仙竹園邨食lunch環境都好舒服，俾佢個冬茹亭吸引左我，人地做大排檔，佢用黎做餐廳，好特別我叫左個茄汁焗豬排飯，的確幾好，熱辣辣，茄汁又好味，豬排既肉都易入口再加杯熱檸蜜，唔錯唔錯~v~下次再來

一早到竹園工作,搵早餐食,見有類似冬菇亭嘅物體,決定一試~入到金大班,叫返個快餐,將脆豬改厚多,火腿奄列+沙爹牛麵+凍奶茶;厚多幾脆,牛油香,奄列都唔錯,幾夠蛋香;沙爹牛略嫌牛肉太老,麵太稔...杯茶都過得去,普普通通...11點冇乜人,地方夠大,好多位,坐得尚算舒服,如果啲阿姐多返少少笑容會更好~

工作到了黃大仙區,熱得要命,見到"冬菇亭",又到了午餐時間,go服務一般茶餐廳水準,ok裝修乾淨,個個卡位有電視,又唔錯wor食物叫了$32嘅"面鼓蒸鯇魚"同埋要中湯(話冇味精)湯~比較淡,有味精都唔多,ok啦面鼓蒸鯇魚~有面鼓味,比較甜,不過蒸耐咗,魚肉有小小乾,但個汁比較稀(似蒸櫃水滴咗落去)飯~係一隻碟有约大半碗飯,用碗俾一碗啦不過,街坊價,ok啦

自從搬咗屋之後，多咗好多機會出街食早餐。叫咗個餐肉螺絲粉 + 腸仔煎蛋厚多士 + 熱奶茶上次話佢個檸檬茶唔澀，原來優點即係缺點，杯奶茶唔夠茶味，亦太多奶...腸仔凍冰冰又咸，要放入螺絲粉度一齊食先頂得住 雞蛋同厚多士都 ok o既睇嚟都係食下午茶穩陣啲！(p.s. 太太話個沙嗲牛肉麵味道同肉質都係 ok o既，不過我冇試過味啫)

唔覺唔覺幾個月，冬菇亭又開返！咁近屋企，點都要試吓，先食個茶餐先講。同太太倆個都係叫炒嘢：一個乾牛河、一個咸魚雞絲炒飯，餐飲都係熱檸茶。碟頭唔算大，真係茶餐份量。牛河炒得唔錯，唔算太油，牛肉亦唔會太腍，又夠入味。雞絲炒飯好乾身，炒功好。不過，材料唔得，雞肉太肥，咸魚咸得有啲過份...個檸茶望落好濃，以為會好澀，一心諗住彈到佢飛起。但入口茶味夠，又唔澀。只係深色咗啲啫 整體都ok，要推介俾人就難啲，街坊o既話，咪多個選擇囉。

這天晚上，跟家人試下這間新間的食店。店內裝修簡單，令人舒服。而且每張卡位都設有一部電視機，方便食客邊食邊看電視呢。店內職員大都是三～四十歲的婦人，工作勤快，態度友善。生炒排骨：排骨炸得鬆脆，還有青椒菠蘿洋蔥等配菜。酸甜適中，水準不錯。啫啫排骨煲：一上桌便已香氣四散，＂咋咋＂聲。煲內當然少不了排骨，還有豬潤，蒜頭，薑等，惹味非常。美中不足的是，排骨肉質太林，是下了太多鬆肉粉嗎？涼瓜煮倉魚：同樣熱辣辣，倉魚煎得香口，肉質嫩滑。整體也不錯，而且小菜加六蚊轉餐，多一碗白飯和無添加味精例湯一碗。適合食客不同的配搭。餐牌上還有很多不同的小菜，下次會再來嘗試。