金寶燒腊飯店

營業中

休息中

尋找深水埗有質素燒味店斬料，見金寶有人龍試吓，人龍雖有有8人，但師傅斬料幾快手，點了半斤燒肉，半隻燒鴨，共$140。回家打開，燒肉的脆皮相對肉較少而且皮甩開，無乜肥肉，但食不出肉汁味。燒鴨半隻幾大份，肉瘦啖啖肉，皮比較燶身，五香粉唔夠味。整體來說okay。

經過見到好多人排隊，裝修感覺係老店，都算乾淨衛生，燒味飯價錢好親民，仲送例湯。等咗10分鐘終於有位，諗咗好耐食咩好，終於叫咗碟燒肉切雞飯，唔知係唔係靚女有著數，竟然俾雞髀我真係意想不到燒肉d皮脆卜卜，肉肥瘦均勻好正，雞肉新鮮有雞味，例湯係雞腳湯，夠熱夠入味，天天涼涼地有碗熱湯落肚真係子暖胃。唔記得叫少飯所以好大碟飯，男士食嘅話都一定夠飽，45蚊都算抵食地址深水埗南昌街203號昌華新樓地舖港鐵深水埗站B2出口，步行約5分鐘

第一次行經這店，光顧了下午茶燒鴨湯瀨粉，湯夠熱，瀨粉好滑，意想不到是給我鴨肶呢，下午茶時段只是$24， 我第一次光顧，非常好，非常高質。希望大家經過光顧一下這店。

以前有兩間都好多人排，買過好多次，搬走左去開深水埗，以為係呢間咁多人排於是去買。見前面熟客又係要燒肉，砧板就攞掛起果d新鮮比佢，到我可能見你唔係熟客/唔熟路就攞砧板隔離收埋果d頭頭尾尾比你，然後就叫你去比錢，返去睇完來都係尾位。仲有未切嘅燒豬就咁掛路邊，客人出出入入又窄個入口，d人d褲好易hi到。之後問返同區嘅人，以前果度前後兩間，其中好食果間搬左去西九龍對面，呢間點解排長龍，可能好似有其他op食客話齋，係佢切得慢（突登？），唔係佢特別好食…. 沒下次！

排緊隊嘅你 可以唔洗排喇幫你試左唔好食嫁燒鴨買下庄斬錯上庄同佢講完佢話完 隻手扮拎個下庄 櫬我轉身俾錢 同我玩手快 打開變返上庄 係擺得比較亂原本講左要小小燒肉加埋六十係都話整頭一佰 斬多小小俾你啦呢大盒野 係盒大咋 我覺得六十都唔值燒肉皮焦脆肉硬冇腌鴨淋連皮一齊淋哂時間排隊消費感受亦不好

今日想食燒味飯想話比多次機會呢間野買左個雞鴨飯食到中間嬲到震要黎彈爆佢D骨仲多過肉同脂肪脂肪又多過肉肉少到好似無食過咁燒鴨皮就un 既下面d脂肪多到不得了肉真係少到不得了雞都係一樣禁差骨同皮多到一個程度係你以為自己成碟飯都係雞翼尖黎 食既都係雞皮 間中有d肉絲因為d雞已經處理到7788所以廢是影上黎影響大家食欲總之 上面已經講左骨>脂肪>肉完😡成兜野係得飯同蔥油係ok但係有時都竟然有人排隊買真係唔識欣賞唔會再有下次 好食既燒味周圍大把👋🏻👋🏻👋🏻

寶燒臘飯店 門口經常排隊出品算靚 比對隔離間翠X 貴10-20元@/斤貴少少 但 都唔係一定買倒合心意 買燒肉都要靠彩數下午茶買外賣 場外排隊 場內幾個客冇探熱 全場得1塊隔板 好似冇做足义燒飯 外賣送例湯 $31冇肥义 年青師傅 建議淋叉燒 义燒淋嫩有肉汁 但少咗啲蜜汁甜味厚切 1口1嚿 真係識飛咁冇伴菜 送大黃瓜例湯 唔頸渴星洲炒米 ~ 外賣 $35有虾 义燒條 咖哩味香 夠鑊氣 但發泡膠盒溶底 有啲嚇人滑旦牛肉飯 $35 滑旦夠滑 但飯硬 牛肉soda醃味 牛肉拉油有老火油味

金寶 枱冇放隔板 冇探熱 ……樓面轉咗新面口 木面 問攞熱水淥下啲筷子 猶疑咗1陣 回答話冇 算啦 …… 惟有用凍水虾仁炒旦飯 ~ $48中虾肉爽口炒旦過老飯硬色偏黃菜心义燒炒麵 ~ $43上枱眼都定定 又係畀咗紹菜 已經唔係第1次咁樣 落單嗰陣重 重覆講咗3次 菜心菜心菜心义燒嘅 炒麵唔多豉椒鮮魷炒米粉 ~ $45鮮尤鮮味冇腥 切細件幾嚿 青紅椒幾件材料唔多 米粉炒燶咗 醬汁唔夠飯麵3碟 送 3碗例湯 3碗都係齋水 冇骨落地伙記隨心 隔離靚仔有雞腳有肉真係恨死隔離

石硤尾好多燒味鋪每次行過總見到呢間排哂長龍有次打風 更加排得誇張今日食叉燒雞飯女人就會好夠食但男人可能要叫聲多飯唔係既話就似得甘好想食多個分量問題唔影響食物質素的確食物好味 今日食既偏瘦既叉燒都好味 Chicken食偏淡 但配蔥油 岩岩好值得去食但已加到4x$

屋企過時過節，拜神還神，有乜喜慶，都會係呢度訂乳豬，呢度D燒味係老闆自己燒，如果你預訂話比佢知幾點，佢就會預反時間比你，所以每次都係熱辣辣，脆卜卜，屋企人有乜節日都一定係到訂👍👍👍👍👍昵到有堂食，但我従來無係到堂食過，每次都係外賣，買過燒鵝同燒肉，味道吳錯，佢呢到D燒味每次外賣完反到屋企一樣甘好食😋😋不過我覺得燒鵝，燒肉，同乳🐷，我比較喜歡燒肉同乳🐷多D，燒鵝吳係吳好食，係比較之下，🐷燒得比較出色D😊就好似今次昵隻豬，係脆到咬落口，隔離果個都聽到你口入面D脆既聲音，塊皮燒得脆，肉有吳會鞋，肉汁又鎖住係到，食到舐舐利😋😋所以甘多年有乜喜慶拜神，一定幫襯佢👍

啱啱半小時前去賣半斤叉燒，唔知係唔係見生客西裝友估無下次，個師傅竟然專切哂啲頭頭尾尾，真係特登轉邊切頭同尾，燒濃哂既比人，留返中間完整靚既唔賣，仲要連盒連袋稱，前面阿師奶就只係稱肉，真係好好既服務囉，仲要係你面前切既，做假都慳返，夠哂豪氣肝雲，光明磊落，明買明賣。平時見好多人排隊以為好食，慕況而至竟然換黎如斯燒焦既結局，無下次就梗，不過真係好應該宣傳下呢間親疏有別既燒味店，等大家去幫襯前心裡有數。試食味道:還可，但非齒X香的級數。就是一件叉燒。

雙11光棍節 陪光棍食飯金寳街坊價 燒味海鮮小菜炒粉麵飯 齊晚飯炒粉麵飯 午市晚市同價 $41起日日限量海鮮 早到有得食 夜沽清小菜 送例湯 白飯 冇加一 夠經濟白飯夠熱 但比較硬是日例湯~ 青紅蘿蔔粟米燒骨雞腳湯 湯水混濁唔清 飲咗冇頸渴 尚可有清水 冇茶 有奶茶咖啡 啤酒供應班尾/班腩$78 蒸鯇魚頭/尾 盲曹 $58 可配 涼瓜/支竹/豆腐 炆 $68涼瓜炆盲曹$68先炸香脆 肉嫩 豉汁香 涼瓜份量多菜膽雞~ $72半只雞+大量生菜 足料 切雞肉嫩 擺盤有啲求其 味道好賣相扣分(例牌白切雞~$67 相比菜胆雞低食）菜胆雞 咁擺盤靚好多生炒骨炒麵~$41生炒骨鑊氣夠 甜酸適中 麵脆卜卜通菜鮮尤炒米粉~$43晚市午市同價 低食 但炒米粉肥膩

同屋企人去食個晚餐，諗住簡簡單單叫個叉燒飯，佢話冇叉燒轉燒排骨比我，冇問題，點知淨係得半碗飯份量，啲燒排骨仲要係幾乎好多都係黑色嘅頭頭尾尾，仲要收成$39。唔包野飲，淨係送味精湯。後來仲叫咗個$41咖喱牛肉飯，一樣淨係送味精湯，個汁好鬼稀，又冇咖喱味，牛肉一般般，仲要成個葡汁咁樣，真係食到燥！真係建議大家唔好喺嗰度食燒味飯，雖然聽說叉燒不錯，但啲飯真係超級少，想食飽嘅朋友，建議大家千祈唔好去，只會係浪費緊你金錢！

幫襯咗好多年 老店舊裝修 木制卡位 膠櫈還算干淨嘅 唔會食食吓有小動物走過午市燒臘飯 炒小菜粉麵 平民街坊價$40起 炒粉麵 送例湯 $60起 小菜多選擇 牛肉豬肉 凍肉貨蒸魚 魚頭 都係新鮮 限量 沽清就明天燒臘~ 出晒名 加餸時間排晒隊燒豬腩 靚 皮脆肉鮮甜 1條骨都成$100銀都唔平燒肉就經濟啲 但沙梨篤啲肉嚡皮又硬啲一分錢一分貨义燒~ 老闆話係識笑嘅义燒加咗價要100斤隔離店翠苑$88 都冇人排隊 ……唉!下午茶~ 炒粉麵 大大碟 有鑊氣 $31平價燒臘湯河/ 瀨粉$17起双併$19 燒肉要多$2元 燒味份量幾件 瀨粉硬 唔入味 又難夾湯係用例湯底白飯 比較硬 冇飯香魚頭白菜豆腐湯 超正 但魚頭沽清 轉咗 蕃茄豆腐牛肉湯牛肉冇味 豆腐染埋色 用咗蕃茄汁/羔滾湯 見倒橙紅色就唔想飲 …… 浪費都冇辨法滑疍炒虾仁~ 疍滑 虾球大件 爽 但淡口星洲炒米~ 好香好味道 微辣 虾仔义燒少少 但米粉有啲硬……家常便飯 價錢相宜 冇加一