金寶 (已結業)

記得上年，有位任職公務員的女性好友因約滿而失業！ 期間，我間中收到 Openrice 寄來的免費戲票，有時，見到適合她的電影也會約她一起看！ 讓她失業期間，也有免費戲睇來解悶！加上香港交通費高昂！ 我盡量遷就她的地點！好了！她經過一段時間，終於找到新工作！真是恭喜她！ 可是，與新同事卻有代溝！ 早前，她為了答謝我之前請她睇免費戲，今次，輪到她請我嘞！ 那天，我們到旺角朗豪坊 UA 睇 <虎膽龍威> ，之後，她建議走到朗豪坊 4 樓美食廣場那層的 <金寶 Cambo Cafeteria>！這間 <金寶 Cambo Cafeteria> 是泰國餐廳，在香港幾受歡迎！由於，我不好食辣，所以至今尚未幫襯過！下午六時半，美食廣場已經幾 full! 幸好！兩個人找位子不算難！ 位於美食廣場的 <金寶> ，必定是一間 外賣店，食客需先購票，等候食物。我的選擇：香茅烤豬頸肉紅飯 $49烤豬頸肉尚算鬆化肥美！加上香茅及黑椒粒等配料，令香味提升不少！ 配上橙黃色的紅飯更是滋味！她的選擇：春卷扎肉撈檬 $44春卷甘香鬆脆！扎肉切到薄一薄

早兩日去旺角買野順道食埋飯先返屋企咁就去朗豪坊個foodcourt成個foodcourt充滿pepperlunch既氣味不過果日唔係好想食咁多肉所以就去金寶叫左個香茅豬頸肉撈檬如果男人食, 相信唔夠泰式汁酸酸辣辣加埋d蘿蔔絲, 好開胃而豬頸肉好稔, 不過唔係幾香茅不過快飯黎講算幾好

下午來到朗豪坊的美食廣場,男友選了pepper lunch,而我就會選金寶(因為可以分食嘛),因為上一次來吃過滿好的,今次就試下新野,要了一個香矛豬頸肉紅飯,豬頸肉入口的確很香香矛味,口感略帶油脂,用泰式甜酸醬蘸著吃剛好,紅飯本來以為是健康糙米的那種,但原來是紅色的飯,味道像是吃西炒飯般,有茄汁味,薯角都不錯,整體味道令人滿意,加上汽水就十分飽肚了

旺角朗豪坊food court好多野揀，而且質素可以接受，因此每每來到都會花多眼亂。是晚選了金寶和一間新面孔的台灣食物，先說說金寶。點了一客燒豬頸肉紅飯餐(45元)排列整齊的豬頸肉，配上幾顆薯仔，伴上略帶橙黃色的飯，外觀不俗。不過份量明顯比以前少，沒有了木瓜沙律和蕃茄。味道方面，豬頸肉味道可口， 本身味道帶咸，沾上醬味道更佳，兩者很配而且令人開胃。肉質偏瘦，肉爽而有咬口。紅飯是略帶甜味，口味重的朋友可以把醬撈到飯上吃也別有一番風味。薯仔不太像炸的...有點太林...整體來說，此食物以foodcourt質素比較，算是不錯。

知道九龍城金寶好出名, 但地方不就腳所以一直沒有去, 多次來到朗豪的美食廣場竟然發現不到金寶的分店存在, 今日來到朗豪購物一番所以專程來一試. 當然會搜集好資料才來~賣相不錯, 本身想要撈檬但可惜今日沒有檬粉唯有轉湯河, 配飲品只需加$3數量適中, 味道不錯, 只可惜不夠熱, 微暖的豬頸肉已變得失色了, 不是因為味道不好不是因為份量不夠不是因為太肥膩, 失敗在於熱度真是令人覺得不值~~~明明肥瘦適中味道不錯的豬頸肉因熱度不夠就變得不好食了!!!!配有葱花和大量的芽菜本以為不錯, 但..................為何會沒有味道, 湯底淡得嚇人, 我本身是比較食偏向淡口味的人都覺得這個湯底淡而無味, 想想淡的程度是那麼嚴重~~~~~~~~雞肉沒有骨的非常嫩滑但雞味不夠, 配上醬汁真是不錯, 份量還不少啊~ 飯是油飯但吃不出是雞油味道, 飯粒軟硬度適中, 不錯蝦餅熱辣辣配上醬汁一流~~甜甜酸酸的, 但蝦餅如果可以厚身一點會更好味!!!雖然我沒有食過金寶的總店, 但如果要說這餐晚飯是在金寶食我會覺得好失望, 湯粉為何會那麼差勁!!!!!真是扣了不少分數, 雖說是分店但都不能做得太差, 吸

金寶，第一次吃的是尖沙咀的分店，是次吃的是旺角分店，宣傳版與旁邊的咖喱工房一樣，走的是年輕路線。是次點的是海南炸雞飯，飯底是油飯，是不夠香的。炸雞飯的雞不會太油膩，但肉很薄身，單吃味道不突出，沾上酸辣度高的醬汁同吃會好一點。送的冬瓜湯，飲後不口乾的，少/沒味精就已經收貨了。

今日難得可以早點吃晚餐,就來到朗豪坊找飯吃,朋友說想試咖喱工房好耐,但我又不想吃咖喱所以就選了這間了,因為見到有個好特別的食物名稱,叫海南"炸"雞飯,海南雞飯就食得多,海南炸雞飯第一次見所以就試左佢了,大約等左8min左右,有得食了!雞件都先去骨了,很好,另外配了泰式酸辣醬蘸雞件吃,感覺很夾,雞件有種外脆內軟的感覺,十分好吃,可惜配菜是紅蘿蔔絲,配檬粉還好,配飯就不好吃了總括來說:份量夠,味道好,下次再來試別的!

又來了金寶吃午餐，係footcourt，金寶真係好旺場，好多食客等住排隊。我當然唔執輸，吃一個咖哩雞當lunch，充電返工去。因為一個人的關係，大可容易找到位置，好好享受我和咖哩雞的美好時刻。咖哩雞飯+可樂($45)：由於內部弄錯變成了咖哩雞檬，經我提點後，結果加一碗飯了事。賣相全黃色的咖哩雞檬，有咖哩香味。味道只有甜香，完全沒有辛辣的味道，建議不吃辣的人也可嘗試。咖哩雞入味而嫩滑，也有數件，抵食。而薯仔也炆得好林，有色又入味。我覺得好食，因為好大碗，飽肚好香咖哩味。

咖哩雞飯黎講 food court 期望都唔係太大但這個咖哩雞飯呢味太淡整濃d都唔係加太多成本食咖哩野都係食咖哩撈飯果一刻咖哩又唔熱 又無咩味雖然碗汁好大碗但都補償唔到囉唔太得~d雞老都預左講真不過快餐都應該要有d heart仲要係有大大塊牌擺出黎話推介就有點兒左個望了

見到openrice咁人都讚好，當然要冒名而來了。暑假mk朗豪好多人哦，係food court搵個位都唔容易。因為呢度有幾間食店共用座位，所以人多熱鬧，環境較嘈吵。而價錢合理的金寶，當然吸引不少食客光顧啦。海南雞飯+凍瓜紅蘿蔔湯($40)：真係好食，雖然雞空較鞋口，但醬汁酸甜香口，令人食指大動。而配料的青瓜和蘿蔔絲也很多，吃得較健康。雞飯味香而不油膩，飯軟身而可口。凍瓜紅蘿蔔湯則很重味精而很甜，令人很口渴。40元有水準又價錢平的金寶，建議大家也來嘗試﹗惟份量太小了，我一個女仔食晒都唔夠候。

之前在THE ONE吃過此分店的海南雞飯,無奈地給了個劣評.今次轉戰朗豪坊分店的菠蘿炒飯,只是忍著手才勉強給個OK.那日和朋友到旺角行街買衫,介紹朋友吃Pepper Lunch,自己就買隔離金寶的菠蘿炒飯.自己對菠蘿炒飯有一定程度的喜好,自從吃過元朗小茄子的菠蘿炒飯後便深深愛上,暫時吃過最好的菠蘿炒飯亦在小茄子.這次我再給自己和金寶一個機會去嘗它的菠蘿炒飯,難免有點失望,但沒有上次那樣差.首先,面頭的蝦沒有甚麼鮮味可言,還有點乾,我寧願它把蝦和飯一併炒,味道可能會更好.飯的味道不夠濃,個人認為味道不夠,因為泰式食物應有點濃味才好吃吧!菠蘿炒飯來說,菠蘿粒的數量很少,所以飯亦沒有足夠的酸甜味.最後,連我最愛的肉鬆也不足夠!總括來說,這炒飯不太像菠蘿炒飯,但勝在炒得不太油膩,份量亦很多(我沒有吃完整個炒飯).另外,價錢不算貴,但個人認為有了點不值.

金寶的下午茶都算幾抵食麵類連汽水都只係$ 25碗麵幾大碗，不過入面大多都係芽菜而且湯底好似比以前的淡最愛就係食海南雞，佢個汁好惹味雞肉都算嫩滑其實最想去食農夫包的，但好似漲價了覺得不划算，都是忍忍口吧

同太太晌朗豪坊UA睇完場7:30pm要搵食，不假思索，就朗豪坊個美食廣場，就腳又唔使周圍搵，其實有幾間都想試，Pepper Lunch、上上拉麵小籠包、咖喱工房都係考慮之列，但到最後結果睇中咗金寶，都係因為見佢係九龍城知名泰菜館之一「金寶泰國菜館」嘅分線，有一定嘅信心，而且，泰越菜都好啱食，價位又唔算高，即管投佢一票！因為可能閒日兼成9:30pm，所以個場唔算好多人，好易搵位。 睇落張餐單紙，圖文並戊，幾多選擇，不過第一眼就揀上咗個大蝦菠蘿焗飯，因為賣相幾吸引之餘，心裡盤算，一般菠蘿焗飯份量都唔細，再加啲小食就夠晒我哋兩公婆喇。再者，幫襯佢買各款飯類、湯粉、撈濛，可以用優惠價買任何小食，仲無限買幾多款，所以，我哋就仲要多個香茅雞翼同越式春卷。大蝦菠蘿焗飯（跟湯）$65真係無作假喎，同張相嘅賣相一樣，炒飯真係鋪到滿一滿，飯面放咗三隻大蝦，仲插住兩支香茅枝。相信唔同鋪、唔同大廚做嘅菠蘿焗飯都會用唔同配料炒，至於金寶，菠蘿開半刮出果肉炒飯，仲有用咗什菜粒、紅腸、火腿、雞蛋同「臘腸」，係疑似臘腸嘅腸肉，但就無咁肥，以黃咖喱粉兜炒，所以，飯粒色澤帶啞黃，入口除有菠蘿香，仲有朕淡淡咖喱味，而且飯粒

朗豪坊的美食廣場座位唔算多, 故經常有等位的情況, 今日星期二, 一樣坐滿人, 等到位之後, 開始行一圈睇有咩好食!最吸引的, 係泰國餐的金寶, 見一碟無骨的海南雞飯只賣三十八蚊, 價錢唔係貴, 就買碟來食, 可樂係FREE 的, 但想飲熱野, 只有要杯熱茶便算, 一樣FREE, 而且仲有例湯送, 抵!!雞肉的顏色好吸引, 皮係鮮黃色的, 像很新鮮的雞肉, 仲要係起了骨, 肉的份量又不少, 講得沒有誇張, 未食已經有些少吞口水... 飯有雞油的味道, 溫度都夠熱, 無椰油味, 但有香噴噴的蒜頭味, 開胃有餘碟飯唔算好大碟, 還是因為太好食, 所以有點唔太夠的感覺, 例湯好飲, 芫茜, 冬瓜味的雞湯一碗是也! 跟飯一樣給我掃清!這個質素的海南雞飯, 美食廣場來說是很少有的

隱約記得幫襯過金寶的"泰式海南雞飯", 當時印象不過不失, 食過的海南雞飯係有骨的, 飯好味過雞肉今次見朗豪坊的金寶門口大大隻字賣無骨的海南雞飯, 幾吸引, 便用上$38 買一份食$38 係包埋可樂一杯, 唔要汽水就可以要碗湯, 因為我兩樣都要, 加$4份量都幾夠飽肚, 雞肉同油飯都幾好味, 雖然平過佢都仲大有舖在, 但價錢同質素比較之下, 此店都係值得幫襯的