影片
以上資料只供參考, 請與餐廳確認詳情
深水埗不嬲都係拉麵陳既根據地除左隱家同海老名以前仲有混亂同鰹之一滴後來又整多左間食魚生飯既宗像屋後面三間而家都無晒了但隱家同海老名仲一直存在而係西九龍既隱家仲係包括我以內好多人第一次認識沾麵既地方但上一年拉麵陳就係呢間隱家做左好多嘗試又做醬油拉麵又做醬汁豬扒由金所5.0升到後來金所6.5又變番本行賣沾麵餐牌上面就寫住俺之沾麵即係好耐之前係炮台山店既名上年第一次轉型賣醬油拉麵個名就叫做金所5.0因為五月就會變成賣豬扒飯既金所6.0所以尾二果日我同朋友就去左試下個醬油拉麵星期六點幾鐘可以唔洗排直入5.0個名叫做甘露醬油拉麵湯底全部都係一樣分別就只有肉既份量每多三塊就多廿蚊十蚊一份肉碎份挽肉都幾抵食份量多過好多餐廳前菜第一次黎隱家食湯麵都係果隻銀碟大拉麵有6塊豚而且仲係比較厚既已經好夠食而呢碗醬油拉麵唔跟蛋既所以要加15蚊麵條唔係平時食湯麵果種幼麵比較似佢地平時沾麵果種醬油就黎自福岡飲落係甜甜地唔係死咸但同坊間果種清甜又好似有d距離不過當時香港又係比較少做醬油拉麵呢個都係一個唔錯既嘗試但做一陣就轉左6.0唔係好明佢既試驗係點樣就好似之前做拖羅丼明明幾好賣但都係做做下就完左到五月果時個名轉左做金所6.0話係同日本餐廳gracia合作主打醬汁豬扒餐廳格局係有d改變既檯面變左有檯布同埋坐得無咁迫仲有變左刀叉食飯豬扒飯有兩種一款無蛋一款有蛋豬扒種類就無變都係用北海道十勝豬每人叫一款就可以試晒兩樣兩款飯都有前菜同味噌湯有蛋既丼飯另外呢個係140G既豬扒跟白飯咁其實隻豬真係無分別純粹就係size同有無蛋呢塊扒就煎到好香由廚房已經散晒浸味出黎不過唔可以話係軟熟仲有d難咬但又唔係鞋果隻總之就係要趙好耐先吞到價錢最平都要98起平均一人百一左右比拉麵仲貴但又唔係好出色最後一次去佢又變番賣沾麵個名就用番佢以前炮台山個名俺之沾麵賣既就同以前隱家一樣既沾麵限定一樣都係咖哩沾分別係加入之前5.0果隻gracia厚切豬扒可以選擇而家個名就叫做金所6.5我地兩個都要限定咖哩沾咁我上次已經食過醬汁豬扒今次就試下五花腩叉燒變黎變去又變番薄切而成個沾麵的確係以前既口感係果種好懷念既味道呢個限定98蚊都叫正常價不過呢五六七年出面多左好多沾麵選擇比佢做得更好更精緻既都有唔少對呢度唔抗拒不過的確唔係第一選擇再到而家就變左7.0轉行賣支那湯就完全唔感興趣了其實我一直都幾鍾意拉麵陳d野係幾乎間間餐廳我都去過不過唔知係佢自己定員工就鍾意上網批評番批評佢既人就算我比正評都比佢hi番轉頭咁呢樣野我就覺得真係做得好差好唔舒服而家係銅鑼灣開左間新既海老名日日搵埋d過氣偽人撐場嗯
繼續閱讀
依家喺西九龍中心既蘋果商場入邊 如果唔係喺入邊行街都搵唔到店內嘅位置唔多 唔好揀繁忙嘅時間去拉麵有3 個湯底 麵質味道也不錯👍🏻🕑Mon-Sun 11:30-15:00 | 18:00-21:00📍金所6.5 (深水埗)深水埗欽州街37K號西九龍中心7樓7083號舖
繼續閱讀
從隱家變成實驗性強的金所系列, 在我一兩月之後的回訪, 它又變成第二個存在, 從純醬油拉麵變成鴨肉拉麵, 再一次佩服Meter Chan在改變的堅持和熱情, 沒有為改而改, 就是希望將他心目中的和食哲學帶給我們. 因為他我才認識到白布烏冬, 也帶領我感受拉麵的不同形態和配搭.湯底在醬油香味以及鴨骨的甘醇, 味道直接, 油花不多夠清澈, 黑椒和洋蔥的配搭不複雜但很可以. 幼身麵爽實帶麥香, 細緻而掛湯能力不高, 如此甘醇的湯頭也不用掛太多. 鴨肉叉燒味道如煙鴨胸般, 中間口感夠粉嫩, 略嫌鴨皮縮得較多, 少了叉燒的一點點一體化. 實驗是否成功? 我覺得還可以, 當作是一期一會, 自然會更珍惜當下的感覺和體驗.
繼續閱讀
服務質素差到貼地11:50入座，第一次落單等咗10分鐘，落單先知無得比cash同要落單比埋錢先做，然後第二次落單等咗20分鐘waiter都未嚟，Waiter行過岀嚟幾次都話等陣，行埋過去啦比錢又話等，淨係落單都要成30分鐘唔L食直接走人-waiter完全未瞓醒，淨係落單係到轉圈唔知做緊乜，講嘢細聲到聽唔到-Menu無寫價錢-唔收cash大佬連啱簡單既落單都做唔好唔好做生意啦，態度差到啱就算係龍躉都唔L食
繼續閱讀
我對於拉麵陳所開的店舖，不論麵店又好，丼飯壽司甚至燒牛肉店，我都不容錯過，不過對於金所6.5的出現真的有點怒憤，早前金所5.0還在宣傳醬油拉麵，做了三個月後改菜式，變了金所6.0版本後，改賣在日本2023年百名店上榜的Glacia醬煎豬扒飯，又經營了一陣後又突變金所6.5，與拉麵陳以前的品僟，俺之拉麵專門店來一個聯乘經營。作為一個拉麵迷的我，一間拉麵/沾麵店舖，吃過一次就作食評是太過武斷了，加上若果是真好味道食客會回來再光顧，而並非你在很多媒體或平台吹噓說好就好，拉麵陳將金所在短時間內轉幾次菜單，作為粉絲吃多次已經唔得，更何況推介給別人? 另外拉麵陳收埋了俺の沾麵這個品牌那麽久，居然在深水埗隱家舊址復活，拉麵陳粉絲都知，去隱家的不會過海去北角的俺の沾麵，相反都是一樣，俺の沾麵擁蠆不多去深水埗隱家，拉麵陳在北角結束俺の沾麵，再沒有在香港島開麵店，現在相隔了這麽久才在深水埗復活，對於港島的麵友我認為有些不公平。另外俺の沾麵一復活後，有些麵友表示隱家同俺の係是同一個老細，又是在賣沾麵，兩家麵店其實差不多，不過我就不同意，首先沾汁有白黑赤三款選擇是隱家先有，俺の沾麵卻只得一款，後來借鏡隱家才有，但俺の沾麵的麵友有無發覺，點餐紙上面是沒有顯示有白黑赤三款選擇，樓面姐姐會親口問你要什麼沾汁。另外俺の沾麵基本有兩款叉燒選，隱家就無只得一款。隱家有拉麵食，亦有火之丸(辣䐁肉球)供應，俺の沾麵沒有這個。俺の沾麵麵條比較粗厚，亦有一段時期有得選擇極太麵條。隱家還隱家，俺の沾麵還俺の沾麵，我認為有分別。金所6.5豬扒咖哩沾麵，豬扒是使用日本十勝豚肉，日本百名店真的是日本百名店，豬扒好食肉厚又有肉味又鬆化，豬扒表面有焦香，有一点肥膏我覺得最好吃，不過要加錢才有得吃豬扒。金所這裡的咖哩沾汁，濃稠度同基本白黑赤三款沾汁一樣，沾汁都較為像湯汁狀，沾汁掛麵度一般，至於味道，咖哩沾汁咖哩香味微香，辣度一股，味道帶有酸甜，比一般麵店吃到的咖哩汁較好，不過我認為撈烏冬或者撈白飯會更好，整體來說金所這款咖哩沾麵可以一試，夏天吃似乎唔錯。
繼續閱讀