金拇指米線 (福至工業大廈)

營業中

休息中

今日和同事去試下呢間金拇指米線，其實食米線嘅地方好多，但食飯時間度度都排長龍，我地都唔想等，於是就去呢間。見佢湯底有噴火麻辣，我地兩個都揀咗呢個味，之後鬥邊個食得快，食得慢果個就埋單。我就揀咗雞肉同腐皮兩個配菜。唔知係未因為辣，定係本身分量多，食咗好耐都仲剩低好多。食到滿頭大汗，但真係好爽！最後係我地兩個都食唔完，因為食到最後個嘴都麻麻地…我仲要係揀咗飲熱檸茶……本身食米線都未至於辣到噴火，飲杯熱嘢就真係會噴火啦！下次食辣嘢記住一定要揀凍飲，有助降火。中意食辣，又想挑戰下呢個噴火麻辣湯底嘅可以一試架！雖然係辣咗啲，不過味道都唔錯，幾過癮！我地食完都覺得可以再ENCORE，因為呢度除咗有得食米線，都有好多款飯類，下次都可以再試下啲飯。餐牌選擇多，價錢又親民，又唔洗等位，簡直係我地打工仔嘅福地啊！

今日打風無野好做，打返前幾日嘅食評先！荔枝角專食米線嘅地方好似又唔係好多，車仔麵多人排隊譚X又有啲遠，所以好多時都會幫襯金拇指，貪佢一定有位，平，配料選擇多。同快餐店模式一樣，要先買飛等叫號碼再自己行去攞餐。食咗雞肉木耳酸菜麻辣米線，好惹味好刺激，好彩叫咗杯凍飲，因為就算小辣都幾辣... 鍾意食麻辣都因為麻嘅感覺，但係呢度偏辣，所以唔食得辣嘅人記得要嗌清湯！料都唔算孤寒，加上本身都已經有腐竹芽菜。以一個正常食量嘅女仔來講，食完係超級飽。所以午餐$4x連飲品，係超值啦！鍾意食米線又想轉換下口味，都可以試下呀！其實呢度仲有蒸飯焗飯小炒等，好似都幾吸引～

係呢附近返工就知道lunch time有幾多人出街搵食...基本上係呢頭開餐廳都好難無客幫襯...本身我食飯時間就係兩點先開始嘅，但由於今日要出去做嘢提早咗一點食飯，我都心知不妙要同眾多食客爭崩頭...同事就話唔洗驚，佢知附近有間餐廳快靚正，座位多之餘仲好食過大x樂、大快x呢類連鎖集團。無錯，就係金拇指啦金拇指係快餐店格局，都係先買飛後上餐。餐牌選擇都幾多，酸辣米線、碟頭飯、咖哩同鰻魚飯等等任君選擇我就見到有人食雜扒飯望落幾吸引，起碼塊扒望落飽滿先，唔會營養不良咁好快趣就俾我同同事搵到半邊枱買飛開餐啦雜扒飯有雞扒、豬扒、火腿同香草腸雞扒煎到塊皮脆脆地，有少少焦香味，肉質豐富，唔會薄到紙皮咁，算係唔錯豬扒就keep到鬆軟有肉汁，不過個人認為可以大塊返少少外貌靚仔，食落夠飽肚，連埋凍飲都係$51，今時今日算係差唔多

翻開荔枝角嘅人都知道呢頭真係冇乜嘢好食，工廠大廈多，樓上鋪好多時都係食西餐，所以要平食經常都係去青山道...之前去金拇指都係食米線，不過今日想Heavy下，食咗豬扒包拼薯條。塊炸豬唔太厚，但炸得乾身，有菜、有蕃茄，兩塊包輕輕烘過，微脆幾好！其實最主要都係想讚下啲薯條，係舊式茶餐廳先會見到嘅有坑粗薯條，新鮮炸好熱辣辣脆卜卜，份量都唔少茄汁任你落～間唔中食一餐真係好開心，咩煩惱都暫時放低晒！ 雖然環境系爭小小，但係款式多價錢又平..我就真係會當佢係飯堂咁食。

今朝早咗出門，於是決定食個悠閒早餐再返公司。這間金拇指，平時返工都食過幾多次，同事都貪佢抵食又多款揀，當然我也不例外啦。Lunch就食得多，早餐就無食過啦。我就揀咗茄通，多士加滑蛋。茄通大大碗，仲有好多西芹啊，我真係好中意番茄湯底擺好多西芹，我覺得兩樣嘢真係好Match。值得一提嘅係，佢嘅通粉係無紋果隻，我真係唔多喜歡有紋果種通粉，但係出邊食多係有紋嘅，難得食到滑lulu嘅通粉，入面裝滿了鮮濃酸甜嘅番茄湯，真係為我的一天注入了滿滿的正能量！多士唔會烘到好硬身，啱曬我食，呢排食得太多熱氣嘢，喉嚨唔舒服，唔啱食太熱氣嘅嘢。滑蛋都炒得唔錯，分量亦很多。食物確是深得我心，歎完個早餐返到公司啱啱好。

今日去荔枝角搵朋友食飯，點知佢話今日開會出唔到嚟，唯有自己撐起個枱腳啦。佢就推介我去呢間茶記食，話啲嘢食選擇多，最適合就係我呢啲有選擇困難症嘅人……雖然我知佢擺明玩我，不過我實在唸唔到食咩好，於是都係聽佢講去咗呢間茶記。入到間店，覺得佢係介乎茶餐廳和快餐店之間。~睇MENU都幾多嘢食，有菜飯，米線，燒味，本身想試下佢嘅米線，但係我又好想食燒味，於是左右為難之下揀咗菜飯。佢菜飯都幾多款，我就叫咗蘿蔔牛腩。本身係唸住當頹飯食，但係食落又幾驚喜喔！蘿蔔好香甜，無渣。煮得都幾入味，同埋幾淋。可以切得細塊啲，咁就更易入口。牛腩都唔錯，無咩騷味，燉得幾軟熟。配埋菜飯一齊食，都食得幾滿足！我幾中意佢啲菜飯係用菜心整嘅，而唔係用小棠菜。同埋唔會蒸到啲菜變曬色，分量都好多。食物質素都唔錯，選擇又幾多，唔錯！

前幾日，晏晝去咗金拇指食飯，叫咗個蔥油雞扒飯多飯，啲飯真係好多，30幾蚊有個碟頭飯有埋例湯包埋凍飲真係好抵，個蔥油雞扒煎得好香，味道又夠，好食。同埋食晏時間都容易搵到位唔使排隊。

經過附近中午唔知食乜好， 是但入左一間餐廳食，見價錢唔貴，就試吓啦。味道都唔錯， 而且價錢平民化，40幾蚊買單， 雖然冇咩特色，打工仔中午食一餐平平哋，呢一間係唔錯嘅選擇。

經常買依一間嘅外賣，貪佢有燒味系列，一般嘅飯，同埋有麵食。通常我都會叫口水雞飯，佢會分開兩格唔會撈埋一齊，口水雞嘅份量足，辣到適中，好開胃。佢嘅咖喱雞扒飯我都會食，咖喱係甜甜嘅，撈飯一流。燒味飯我啲同事都會捧場，不過有啲參差，間唔中好食，叫套餐多數會送熱菊花蜜，不過太甜唔太好味。不過需要提早九個字之前落單，如果唔係會等好耐都未送到，外賣嘅叔叔通常都唔會找錢，有陣時比整數佢找續，佢會同你講我冇散子，唔太老實。

地方係企理似大快活嘅朋友不過我叫大辣佢就畀咗冇辣我亦都冇扣底因為收銀員根本就冇落單唔係環保嘅朋友你睇下我食剩幾多個湯底都係譚仔式化學味又咸到死如果你鍾意食譚仔都可以一試但係我就超級唔鍾意啦所以話好又一餐唔好又一餐不過啲韭菜餃係幾好味皮薄餡靚平日 附近又多寫字樓 一點半嘅時間竟然有大把位情況不言而喻酸菜一啲都唔酸咸到死反而佢嘅豬大腸炆得好腍而且好入味唔會咬唔爛不過真係腍得滯啦overcooked佢竟然冇健怡可樂或者zero絕對唔會再返食

今日又黎金拇指lunch 先$44 雞扒菜飯加左菜既飯，一d 都可濕，有口感之餘，又幾香菜味重點係呢個雞扒，煎到勁香，皮又薄，又juicy老實講，第一次食茶餐廳可以將雞扒煎到呢個水準，吾錯好多地方既煎雞扒都未必煎到咁香脆大大份菜甫炒蛋，估吾到可以炒到咁濕潤又滑，超班水準呀

今日係荔枝角做野，正煩惱咁lunch 食咩好，就睇到呢間金拇指既野都幾岩食，就入去食下啦。四寶飯 $44 有兩隻雞翼，3片紅腸，兩塊叉燒，半隻咸蛋，都幾多料。叉燒叫左瘦叉，厚度岩岩好，又幾好味。仲包埋飲品tim,好抵食加多$10仲有碟腐乳通菜呢碟既腐乳足料，吾似得好多茶餐廳咁加水溝稀哂，所以啖啖都有好重既腐乳，吾錯👍男朋友叫既肥牛飯，幾香，但稍稍肥牛幾肥下，其他都吾錯。草根既食物仲出奇制勝tim

又到星期一 男人的浪漫 一盒四寶飯一個飯盒集萬千喜愛在一身！ 特別係舊叉燒 真係好食到一個點，鬆軟天入味 配埋凍奶茶只係42蚊荔枝角打工恩物！ 但佢送外賣有d耐 建議早d打電話

荔枝角好多商業大廈、工廠，所以都有好多間餐廳。而呢間感覺好似大canteen,好多選擇。分別有蒸飯、米線、焗飯、餃子、小菜...而我就叫左呢碗豬膶雞肉麻辣米線（中辣），下午菜兩點後食仲減$2,即係兩個餸加辣連野飲只係$36...都幾抵食。份量都正常，食得飽。不過湯唔算好濃，只係得辣反而完全唔麻。米線就有少少偏淋。餸就冇咩特別。我食過其他小菜，e.g. 叉燒茶脯炒蛋、魚香茄子...反而仲香仲好食！

呢到行快餐店式 係出面揀好野食比錢出飛就去個櫃位到拎野食或者等叫飛 我就叫左個梅菜扣肉飯 估唔到佢都幾好食扣肉都有幾多塊下 有肥美既肉感 食落啖啖肉都幾有口感架梅菜送飯真係一流呀