金拇指米線 (福至工業大廈)

營業中

休息中

酸辣米線，雞翼尖加木耳第二次黎食，第一次食麻辣今次試酸辣，呢度d辣都幾辣下，我叫小辣都食到流鼻水，食完碗湯都唔敢飲，太紅太辣，米線質感麻麻地，但個雞尖係幾好食，第一次黎食記得老闆娘好好禮貌，見佢對其他客人好似對朋友甘所以先做回頭客，今次淨係見到幾個游手好閒的姐姐侍應，全程飛象過河大聲講大聲笑講是非，好反感，仲要隔離有個客一早食完野無人收野成三四個字先執野😣。

個蛋抄飯個飯無抄過。唔駛等好耐就有得食。個蛋好足料，好大份，屬上等食材。混入白飯好食。個白飯好香軟好食。個火腿好有咬勁。個火腿好大塊。切碎後混入抄蛋。好食。杯奶茶好香濃。好飲。

快餐焗豬扒飯 多數都會係果間快餐店食 可以試下第二間嘅焗豬扒飯。果飯熱騰騰賣相蠻不錯⋯很吸睛講番果主角先 - 豬扒柔軟吾靱 厚度亦適中蕃茄味酸甜濃度剛剛好飯量非常大。

好開心終於到星期五，公司附近黎黎去去都係得幾間飯堂😞雖然今日都係食金拇指，但總算有驚喜，餐牌多左選擇😊今日可以食豪d就揀左個扒餐。等既時候，都無乜野，但忽然間有d大煙同好大陣牛肉香味，原來係我個個餐😍😍今次都算係物超所值之選，牛扒唔會老，黑椒汁夠濃味😋

比起一般嘅茶餐廳更加差餐廳間隔燈光食物質素完全係唔得，雖然＄40包埋嘢飲係幾好抵食但係要諗下你＄40係食緊啲乜嘢唔係豬扒就係雞扒都叫做好食，工廠區做嘢嘅朋友你哋有冇食過又平又好食嘅茶記？咩食物最新鮮？唔好死平就食先得㗎。香港人唉......食飯果陣唔好玩手機就可以提高你的食物質素。知道咩叫好食唔好食。

去咗公司樓下間茶記，點咗個葡國雞飯。加埋杯熱奶茶都係$40。個葡國雞飯D汁好厚底。混入白飯好正。個雞肉好嫩口。屬上等食材。個雞肉份量好足。配菜有紅蘿蔔。好爽口。男人足夠吃得飽。杯熱奶茶好重奶茶味，好飲。抵食指數爆燈。

去咗金拇指點咗個煙三文魚焗飯。加杯熱奶茶都係$38。個飯有玉米及三文魚。食得出個飯好重玉米味。三文魚好嫩口，食落好新鮮。個飯份量適中。個飯入口鬆軟，三者都做得好好。杯熱奶茶好香濃。抵食指數爆燈。

去咗大拇指點咗個咸蛋蒸肉餅飯。個蒸肉餅好鮮嫩。好好味。個咸蛋黃恰到好處。混入白飯一齊食好正。杯熱奶茶好香濃。不用加糖都好好飲。個菜心同盒飯分開放。方便點外賣行街。個菜心好新鮮。價錢公道。個餐$42。外賣要收多$1。

份量唔多,食物一般, 環境偏暗,比大家樂更差.至於佢主打既米線,感覺平平無奇,無咩特別,配料份量唔多,得幾舊,感覺好求其,米線都嘛嘛地,好林身.唯一正常啲既係個飯,茄汁豬排腸仔飯,正正常常,平價茶記水準囉

 未試過咁差服敄態度既食店!!!  我叫自取外賣, 拎到返公司發現整袋嘢沒有飯, 接著打電話去食店睇吓會否把飯送回來給我, 結果竟然態度完全不能接受.無叫我等陣就咁放底電話成10分鐘之後突然收咗我線, 跟住我再打去問點解突然收咗我線? 依家無咗個飯點解決, 佢仲話叫我拎返落去, 仲要聽到後面有人講粗口話我係叫咗湯無飯.  講埋單號俾佢翻查都唔認.... 我無嘢好講呀!  真係好嬲囉, 依家我唔駛俾錢架咩! 有點為証, 有圖有真相 !! " 不知所謂-鮮豬肝節瓜咸蛋湯飯 " 不知所謂!! 以此為鑒!!!! 

今日黎到荔枝角做完嘢，諗住食埋晏先返工，經過呢間餐廳，之前去過佢地另一間分店食過ok，咁就黎咗呢度食。叫咗個清湯底墨魚丸米線，米線好淋好滑，配上少許韮菜同芽菜，好爽口，不過啲腐片咬唔開，唔落仲好添。清湯底都夠味，整體份量足夠。如果唔想去食飯咁heavy，黎呢度都係唔錯選擇。