金樂軒

營業中

休息中

【東區】【金樂軒川滬小廚】呢排處於休養期，所以挖返啲之前食咗但係因為排版問題一直都出唔到 post 嘅餐廳，好似尋日出嗰間灣仔嘅粉麵店咁，一移再移，最後去到尋日先出。好似今日要講嘅呢間都係咁，拖吓拖吓原來已經係六月頭嘅事喇。好似我呢啲餐餐出街食，日日努力寫嘅人，每日得一篇真係唔夠，不過之前都講過個難處就唔再多講，筆墨落返喺呢餐同朋友殺到入柴灣食嘅呢餐飯先。本身係想食柴灣家嫂，但係打電話去佢哋算早收同有少少串，唔食。經過呢間見唔錯就入咗去，喺大家都唔食米飯嘅情況下，個 $63 嘅「花雕醉雞」例牌就好似主食咁，但係上到嚟份量唔算好大，對得住個價，但味道亦都唔太出色，普普通通咁，反而碟 $68 嘅「椒絲腐乳通菜」幾好食喎。好難得我會稱讚農作物，但佢嘅鑊氣同味道都係值得我嘅稱讚嘅。跟住係 $65 嘅「醉豬手」，都係一般，同其他店嘅豬手比較係顯得比較多骨。「椒鹽鮮魷」要 $96，漏咗單不過我哋都等，係值得等嘅，因為食落真係唔錯。飲品方面都係啲罐裝嘢，朋友嘅「七喜」$13，我嘅「加多寶」$15，都係正常而合理嘅價錢。我哋冇食一煲煲嗰啲嘢，食幾個小菜飲罐嘢，夾埋 $320，唔係一個差嘅體驗，但係我覺

這是我第一次寫食評， 從來都未有嘢難食到我真係接受唔到要去咁樣寫食評， 我真係嬲到不得之了， 豬扒得嗰四舊， 又乾又冇質感， 本站站面我完全唔覺得自己一擔擔麵， 有淡又冇味

本來諗住買定4罐藍妹去食碳魚。因為佢無酒飲所以先買去飲。點知無開門。甘就轉場啦！我之前都去過e間野食雞煲。一入到去個丫姐就同我廣我地依度有酒架！你吾洗買過利！我心諗我開都無開過羅住係手姐！一定要幫襯你地咩？之後睇住個餐牌諗住試下叫幾個小菜啦！一上枱碟碟都好細碟。。。我同我朋友都呆左。。。個黃金海鮮炒飯。數得出幾隻蝦＋幾條蟹柳就叫海鮮🦞會吾會太吾識做生意丫？咕嚕魚塊。啲魚一食落口就有陣怪味🤢真係難食到死！同一條街。係格離隨便搵間餐廳都好食過佢1千倍！真係吾會再幫襯囉！

新年去朋友屋企拜年，係而家冇得食晚飯之下我哋揀咗叫餸食飯！外賣嘅速度都幾快，大約35至45分鐘就送到了！！送到黎嘅時候都仲熱的！感覺唔錯！——水煮魚味道麻麻地！完全唔辣之餘，啲魚又唔夠滑。。同埋個湯嘅顏色係黑色嘅，唔係啲馬難嘅紅色，所以我都好好奇到底個湯底係點整出黎。。。———麻婆豆腐超級勁爆普通嘅一道菜，豆腐有少少味道，但係就完全突顯唔到麻婆豆腐嘅精髓😅😅！——紅油炒手又係好普通嘅一道菜，呢度菜終於有少少辣味，雲吞入面嘅餡都有少少甜味，但係你都只係去到大約水平嘅等級。。。——炸魷魚算係最好味嘅一道菜，雖然係外賣嘅炸物，但係嚟到都仲係趣卜卜，魷魚煙煙銀銀咁，不過就冇乜魷魚味(´･_･`)

夜媽媽同另一半去東區搵嘢食，佢話要食D有湯的、暖立立的。見而家天氣涼爽，所以就決定試下街邊的呢檔金樂軒。去到的時候已經晚上10點，但都差不多座無虛席！他們主打做雞煲同買小炒，但因為天氣開始凍，所以叫左個胡椒豬肚雞煲，食完成身暖曬。但居然沒有蘿蔔，換了做玉米🌽，配搭上怪左啲，但食起來都唔錯！雖然價錢喺呢個地區都算唔平，半個煲都要收$188，但質素都有番咁上下，值得推薦👍如果夏天就真係唔會坐出面了...

雖然住了這區也一段時間了，但從未來過這間街坊小廚食飯🤣🤣🤣，經常行過也見很多人排隊等位，今天不想外出，所以就在附近找東西吃晚飯。我們睇完餐牌，就決定食半隻份量的麻辣雞煲，皮蛋伴豆腐，西洋菜，豉椒炒蜆，三個靚仔，一罐可樂😁😁😁麻辣雞煲先上，老闆也很貼心，緊記煲滾先好食。雞煲配菜也很多，味道也不錯，帶點點麻辣，但又不是太麻太辣，啲汁佈滿每件雞，啲雞又夠滑，又入味，餸飯最好不過。我們食了一半時再加上西洋菜把汁吸收，啲汁滲入菜裡😍😍😍皮蛋伴豆腐，這個冷盤，豆腐非常滑嘟嘟，如果皮蛋再流心小小更正。豉椒炒蜆，啲蜆夠新鮮，而且沒有沙，蜆肉都非常肥美。總括來說，在這附近小廚已經很不錯了，比起其它同名幾間小廚，好食好多了。雖然不是非常之特出，但也是一個不錯的選擇。而且服務態度又好，老闆又nice👍👍👍，價錢也可接受。所以經常爆滿😛😛😛

上星期連日大雨，天氣稍涼，周末突然想打個邊爐恰下恰下未到7點來到，已經好多人，食店位置唔多，環境坐得比較迫食店有小菜有雞煲有魚煲，選擇都幾多今日比較多人，而又得一個師傅，所以等得比較耐今日唔食雞煲，試下個酸菜龍躉魚煲(小辣)份量都幾多，2個人食就已經好飽了奶白色的湯底好香魚味，而且有好多酸菜，十分濃郁，但會愈煮愈酸😭明明叫左小辣，可能人太多，忘記了放泡椒，好彩同老闆娘講聲即刻比返我地，滾滾下都辣辣地👍配料仲有酸菜, 娃娃菜, 薯粉，十分足料肉質煮得好滑同切得厚身，好有口感同彈牙而龍躉魚最正係個魚皮，較厚身，好甘香肥美，重膠原蛋白😜總括黎講: 環境比較迫，但係食物質素唔差的街坊小店，應該多多支持

媽咪話要中秋係金樂軒做節，甘一開個openrice見到個雞煲最出名，我地一行十二人一共叫左兩個雞煲，再加左幾個小菜，例如皮蛋，肥腸，羊肉，炒蜆，水煮魚，燒茄子，四季豆，京都骨，全部都非常鹹！係極之鹹！好鬼重味精，我地一家食完返到屋企勁飲水至零晨。講返個出名雞煲先，係有好多件雞，但就差唔多全部冇肉，勁多皮包骨，狗先可以食骨囉！我地就好不滿啦！同佢地投訴，佢地個類似老闆話，冇可能！冇理由喎！完全唔理，不了了之甘走開唔理我地。我地一路食既時侯，不停見到D曱甴仔爬來爬去，之後我入去經過佢地個廚房，好鬼dirty！見到有D雞就甘掛在後面，有D雞又就甘放在地下，好恐怖！食完走去埋單，個伙計又計多左成百蚊，好彩我地有check下張單者！呢餐飯真係食到一肚氣！激死！

終於來到真冬天，天氣一冷，就想吃雞煲暖暖身體。在柴灣讀書和到柴灣的教會這麼多年，也沒有試過這間雞煲，小菜店。一來到，老闆就給了我們溫水，好讓我們暖暖身體。我們先點了半隻雞煲我們先點了bb辣，怕太辣吃不了，但發現bb辣與無辣的分別無異。我們便叫了老闆加辣😂加了辣後，真的美味得多👍雞件吃得差不多後，就叫老闆加湯打邊爐。快吃完才記得拍照😭我們叫了生菜，魚皮餃，絲和響鈴，響鈴十分美味，但得一推，其他普通，而份量也不少。吃雞煲當然要喝啤酒我們看見有apple cider 就問老闆多少錢，老闆說是老闆娘私人的，但他說我們喝完森堡就送一枝，真的很友善。雞煲味道不錯，重點是老闆很友善、風趣，常常與我們談天。店內看見很多熟友，而我也願意再到成為熟客！

今日又想食中菜, 所以揀左金樂軒, 之前食過一次, 覺得個雞煲唔錯, 今次都再試一試我同男友都鐘意食尖椒皮蛋, 所以即時叫左份食坐先...點知, 好失望, D皮蛋好似就咁整熟左就算咁, 而D尖椒又唔辣, 個皮勁"巢", 食落好似界口咁老重慶奇味雞煲(半隻), 好惹味, 好香, 好夠辣. 食落個雞味好香好重, D洋蔥索晒D汁, 好味! 叫左個水煮肥腸, 只可以話配料超多.....肥腸大慨有12-15 舊, 食落冇味, 得D辣味, 但個辣味入唔到肥腸, 如果我地要將D肥腸浸係個雞煲度先有味...最後叫左個泡椒羊肉, 同我地期待既有大出入, 第1, 泡椒應該係乾身, 好多乾蒜同紅椒, 但佢唔係, 反而好多汁, 第2, 佢係羊薄片, 唔係羊肉, 食落唔夠咬口可能因為同我期待既唔一樣, 所以評分低少少, 其實佢都算好惹味

柴灣黎講無邊間話特別好食不過依間野因為係柴灣黎講比較特別(賣四川野)而自己又鐘意食辣,所以就試左黎食其實依間野我食過好多次但次次都無影到相今次中午又去左食今次係食干燒魚塊小小辣但又帶小小酸又有小小甜好醒胃D魚肉又唔會煮過左火岩岩好埋單$34+$2(野飲)=$36

柴灣有好多小食，但吸引唔到我，最近新開左一間食四川菜既，成個柴灣都無一間係呢類菜，就比較突出啦，梗係去試下啦！星期日只開晚飯，我地一行 6 人大約 6:30pm 到，未滿坐，店舖小小，大約 6-7 台。炒蜆普通，都好味，但有多隻無肉　雞絲粉皮當然清淡無味，一定要靠麻醬，呢個麻醬好味呀！白切肉，好大雪味呀！ 接受唔到囉！水煮魚，我地要求小辣，魚普通新鮮，味道都係普通，無咩吸引，要求唔高都食得過，因為細佬係大陸食過，有得比較，所以佢唔滿意，但我接受喎。羊肉片，味濃，羊肉有騷味，我地個個都鐘意，越騷越好！燒茄子，有小許肉，味道普通。干燒四季豆，炒得香，有獲氣薑蔥炒田雞，田雞肉唔新鮮，而且肉質好鞋實，無鮮味，差！京都骨，唔知係咪四川人唔識整京都骨架呢！完全唔同出面果種，唔好味！奇味雞，我之前無食過，唔知係咪咁，總之我覺得無咩特別，味道普通。總括食物味濃，味道普通。我地走時大約 7:30pm 原來外面已經有好多人係度等位，係柴灣道一帶好少見咁既情況，都係獨市生意原因，而且甚都好食過週圍既食店。

得悉此處開了新店，故與家人來試試。晚飯時間差不多坐滿人，幸好也不用等位。三個人，叫了四個餸、兩碗白飯及一支啤酒。尖椒炒腩片 ($48)：每片腩片都是一半肥膏一半肉，吃了兩片肉的部份，感覺是瘦而不鞋口，還算不俗。青椒爽口，但不敢試尖椒，因為不知是否很辣。豉椒炒蜆 ($45)：十分大碟，炒得香，豉椒汁帶辣味，很香也很野味。蜆肉沒有沙，好味！啫啫雞煲 ($55)：份量多，很多薑和蒜，所以很香，不過雞頗多骨。汁料是一貫那種味道（生油／老油），不太鹹，還算可以。金銀蛋浸白菜仔 ($42)：份量十分多，尤其金銀蛋的份量是少有的那麼多。白菜仔焾甜，湯地不鹹，清淡好味的餸菜。白飯 x2 ($14)啤酒 ($22)埋單$226，不用加一，價錢合理。食物好味，份量多（我們吃剩了一碗飯～），上菜速度也算快，職員友善。地方細小，但整潔。整體十分不錯呢！