金河餐廳小厨 (已結業)

打從間舖轉做金河，我開初食的時候都覺得價錢貴得黎，其實未夠上一手好食，不過勝在小菜款式多兼可以飲酒。對上一次，大概6點的時間, 佢地因為嫌我一個人到場，所以要我大熱天時坐露天，已經Ban 佢成年無去。 今日我到店時，撞正接近伙計食飯時間，我已第一時間唔諗就叫左支啤酒同雞煲就算，趕七點上班。點知突如而來多了2群人來到，個伙計問我介唔介意等一等。 我已經少少趕時間，五點半前入席，要6點先開始煮個雞煲，咁我咪要趕頭趕命食？呢間舖上一手，正係我公司經理的老表開，都知我一落去就唔係嗌快餐，一個人都至少食300到500先走。比起啲啊叔嗌少少，淨係吹水，我呢啲坐完食完就走的，埋單隨時價錢都咁上下。 上次就老闆娘o唔識做趕我，今次我簡單一個雞煲都要等。落醬，炒，拎個煲出黎，我都叫全隻298元。 你幫啲濕9客炒2，3個菜先等於我個煲的價錢，你都要我等。我就真係等你xx. 間舖頭完全唔識做生意架，大家咪去幫襯。圖文不符，我去返間泰式餐廳一個人都食到三四百，食半個鐘已經夠班佬磨爛蓆食2個鐘，可以來多枱客啦。刁

年尾團聚，班男人想飲酒吹水，街坊地道茶餐廳正合適。金河出面就係馬路，係一班司機大佬的食堂。點餸由班男人負責.推介佢地心頭好.冰火魷魚魷魚凍冰冰，食完個嘴熱辣辣，個名好貼切。但我沒有想過會係咁辣的。冰火牛栢葉和冰火魷魚有點像，好惹味。好適合送酒。金河小炒王好味，好似叫得小炒王的都唔會難食。腰果芥末牛柳粒芥末和牛柳沒想過那麼夾，腰果是用來送酒的。食完一粒就會想食下一粒。鹹魚煎肉餅好鹹，真的好鹹，是因為真材食料的鹹魚才這麼鹹嗎？啫啫排骨煲洋蔥好好味，甚至比排骨好味。避風塘炒茄子香口嘢！送酒一流！欖菜肉鬆四季豆正常水平，送飯一流。地道街坊茶餐廳，好適合一班男人吹水飲酒，d嘢食基本都係香口嘢/重口味，適合送飯或送酒。但如果同行有人不喜歡煙味就選其他會好些了。

見到晚市好多人食，就搵次試吓，夜晚係食港式小菜，叫咗一個一品粉絲煲$108，出到嚟同圖片同埋我想像中好唔一樣，睇圖應該係用粉絲炒嘅，實物就係海皇雜菜煲，有湯嗰種，冇辦法啦照食，味道非常清淡，入邊有西蘭花、油麥菜、生菜、雜菇、雜錦海鮮等等。另外一個小菜叫左鹹魚煎肉餅，味道唔錯嘅，鹹魚味好香，一上碟就已經聞到。與其話係煎，口感更似炸。價錢稍為少少貴，見到好多人主要都係食海鮮，飲啤酒咁樣，適合嗰啲一班男人嘅聚會。

疫情下，要搵地方食飯，空㢝氣又流通，又可以方便我呢啲揸車一族可以泊車睇車，今晚去打牌前四條友啱啱符合限聚令下坐喺門口食，又方便泊車唔洗泊入停車場，門口可以開檯坐喺度食，黎到都算多人，店內店外都坐滿人，我地叫左幾多小菜，做得比較出色豉汁蒸鱔，一品粉絲煲，豉椒炒蕃薯蜆，但最好食係椒鹽鮮魷，不過就唔記得影相，食物唔錯，不過份量好似唔係好夠，不過價錢亦唔算貴，所以都算抵食，今次係我第一次黎，所以一定有下次，值得推介

今日玩即興，由於大部份人住荃灣區，於是約了去吃鷄鍋。地點在大窩口金河餐廳，我靠google找到地點餐廳不大，但門口和後門都擺放枱我住最遠但最早到，叫了啤酒，椒鹽鮮魷和沙姜鷄腳咬下，邊吃邊等鮮魷炸得很甘香，不過火，有大排檔風味。鷄腳煲得比較淋，我自己覺得一般朋友到齊，再點了碟豉椒炒大蜆,蜆真是非常大隻，像沙白，很入味。另叫了一只鷄，醉鷄火鍋，湯水有紅棗，黨蔘北芪，杞子。雞當然用花雕醃住朋友教當水滾時把醉雞倒下去，再煲至滾，之後焗一陣，鷄吃起來很鮮嫩，嘩！真不錯！總括來說，如果不太嫌棄地方環境，特別是洗手間要出到門口走一小段路的公共厠所。這里食物質素不太差，起碼沒有加一服務費

8號約了朋友到荃灣買東西，晚飯時間到了，因為不想光顧大集團，一行7人正在煩惱吃什麼，看見不遠處一間不顯眼名叫金河的餐廳，在衆人沒有異議之下 ，即管試試，實在驚喜，餸菜很大碟，而價錢方也很大衆化

在朋友口中得知，以前的店舖改了金河小厨，星期六與朋友過去了一試，店鋪主打火鍋小菜，老板很好人，還送了兩枝啤酒，海鮮類雖少但勝在新鮮，聽店中伙記介紹，老板每天都親自採購靚嘢回來，唯店子小，晚飯時間很快坐满，門外坐也挺舒服，4個人叫了個羊肉煲，一些小菜，試過味道一流，難怪這麽多食客捧場。老板還介紹了些川菜，下次可過來一試，也歡迎客人自帶海鮮來料加工，只收取加工費，這我覺得很有人性化，下次一定會再來，試吓我最喜歡既水煮魚