金泰沙冰

營業中

休息中

尋晚(13-10-07 Sat)同女性朋友CK等清真牛肉餅期間周圍搵小食,佢話要食泰式串燒,哈!呢樣我冇做功課,但又誤打誤撞下被佢發現呢間,當時有三個人等o緊,我要串燒牛肉,CK要串燒雞肉.燒好喇,個女仔會問我o地要咩汁,我要沙爹汁,CK要辣汁.串燒沙爹牛肉幾好味,沙爹微甜,牛肉夠腍又有肉汁.CK話佢o既辣汁串燒雞肉啲雞肉亦係夠腍,但辣汁又鹹又辣.不過都可以接受o既.PS: 唔知呢間金泰同之前提過o個兩間有冇關連呢?

夜尋食材, 準備隔日的牛腩煲.途經金泰, 屢屢難免食上兩三串燒, 滿足口癢心更癢.是次要了兩串豬頸肉, 一串雞腎.豬頸肉, 看罷店頭的成品賣相, 心先沉, 怎麼沒有肥肉?嘗一口, 果然, 無甚肥肉, 少了肥肉入口溶化, 又不夠焦香, 跟平日的差多, 不知關不關係近日豬肉供應風雲.反而, 雞腎通常都是燒得過韌, 要這個純粹為咬口, 但是次的又不會. 雖還韌, 卻已算不錯.三串肉都點酸辣，一貫的惹味.到７仔買啤酒佐串燒，爽!食過豬頸肉, 我開始擔心煲牛腩...

喺九龍城搵緊隆姐泰國美食館其間, 突然唔知喺邊度傳嚟一陣好香嘅味, 一路跟住呢d味一路搵, 終於喺一間以賣串燒為主嘅舖頭停咗咯嚟.嘩! 真係好香, 結果忍唔住買咗串豬肉嚟食. 真係不得了, 豬肉夠厚身又有豐富嘅肉汁, 食完又唔覺口喝, 6蚊已經可以令你有開心嘅感覺, 係唔係好抵呢

尋日同朋友食完大婆牛肉麵，打道回府。行經衙前圍道，忽然聞到一陣香氣，兩條友都周圍望，找尋香氣的來源，原來係由呢度傳出來。印象中，在太子道果邊都有間金泰，唔知兩間舖有無關係。睇門面，呢度亦係賣串燒為主。串燒即叫即翻燒，燒的是電爐，有沙爹汁及辣汁可選擇，似乎是沙爹汁好味一點。兩條友，在街邊滴下滴下咁，都食左好幾串，如下：燒豬頸肉：最掂，肉頸彈牙夠味，必叫；雞肝：見剛剛燒起，又吃了一串。燒得不過熟，剛好，味道濃郁帶微甘，好味。燒烤來說，以雞肝是其中珍味之一，如果因為膽固醇而吃不得此味的話，是天大可惜，也是必叫；雞心：雞肝好味，雞心也不差，雖然沒有什麼特別味道，口感較爽，也不差；燒牛肉：賣相麻麻，但吃落又不太韌，是沙爹醬的最佳拍檔；燒雞翼：是預期中的好食，無辦法，雞翼係拿來燒最好食。在街邊吃有點難度，但好食又不妨向難度挑戰一下；燒豬腩肉：最後吃這個，價錢亦比較貴，但又不特別好食，食番前幾味好過。一路食一路比錢，埋單兩個人食下食下，都食左成八十幾蚊，米話唔誇張！