金泰美食 (已結業)

第一次JOIN OR 食友們的飯局泰國野是也!好開心,因為看到YAN 的~~~嘻嘻~首先點了野飲,提子沙冰,好味,唔會好甜~多得THOMAS 兄替我們點了少甜^^!好似食緊紅提子咁!愈飲愈開胃! 泰式炸魚餅: 一般貨式,我覺得個汁太稀冇咩味,寧願點麥當當的辣醬@@!蒜茸包仔,第一次食個蒜茸包仔係唔同西餐廳的,粒粒碎蒜頭,好得意,感覺好中菜串燒: 其實都是沒什特別,不過個人比較鍾意雞肉串串甜甜地肉質又滑~冬蔭功湯: 冇咩驚喜不夠辣仲好酸,麻麻地! 為了留肚,只飲了小半碗飛天通菜是好食的~不過就咁食咸左D,係好惹味咸魚炒椰菜苗,我真傻瓜,一食食左粒大大粒咸魚,狂呼:「好咸~~~~>_<" !! 」個炒菜一般啦!珍寶蒸蜆: 麻麻地,送上小蟹一隻如附圖~不過真的好大隻蜆!我食果隻有沙呢!還是咖哩炒蜆好味D, 又唔辣又唔係好咸,汁的感覺有點似番茄炒蛋,所以咕嚕咕嚕地飲了留在碗裡的汁 ( 其實我好喜歡食咖哩汁的哈哈!)炒金邊粉: 唔好食,有陣怪怪地味, 同埋有D糊泰式炒飯: OK , 不過同一般炒飯冇咩大分別;幸好唔太油不過今餐至在大夥人聚餐,所以食得特別開心到底,果日有冇見到如花

串燒 (豬頸肉/牛肉/雞肉) – 是熱辣辣的, 但很一般, 因為連香味也欠奉, 而且沙嗲汁其少, 只是少量淋在串燒上。串燒雞翼 – 這兩串雞翼比之前的串燒好食, 較香及有些微焦, 雞翼肉質不會太乾, 沙嗲汁另上, 不過汁較咸。泰式乾炒牛河 – 有頗多芥蘭, 河粉很滑, 不過稍為甜了些, 不知是否泰式就是這樣呢?青咖喱雞肉 – 頗失望的, 因為青咖喱很稀, 好像稠一點的湯, 味道一般, 雞肉又不嫩, 好像烚過的雞胸。西蘭花炒蝦 – 烚過的西蘭花, 稍腍, 蝦是可以接受, 起碼不會梅海的, 不過整碟都不好食。另外叫了可樂及青檸梳打, 青檸梳打是開水的, 即是沒有青檸任你”篤” 。

難得影完相，落雨天濕也不介意了，一班人到龍城食泰菜+甜品，十分開心!第一站是大家推介的金泰美食，食物果然不錯： 　提子沙冰-落了新鮮提子去絞碎榨汁，絕非落人造色素／糖交貨，很有誠意!少飲凍飲關係，我與龍share一杯沙冰，略略不夠喉呢~泰式炸魚餅-沒有特別，我只食半件留quota，但那個酸酸甜甜的醬汁令人很開胃~冬蔭功湯-十分足料，不過蝦隻好老，味道不夠香口不夠辣很普通。蒜茸包-新鮮烘起又香又脆，可口非常，我們總共吃了3碟!如果多些咖哩菜式就更好了~串燒-是晚前後要了兩大碟串燒，豬肉、牛肉、雞腎、墨魚丸、珍寶腸一供俱全，其實味道一般，不過人多每款試少少令人很滿足，當中我較鍾愛豬頸肉。 飛天通菜-當造的通菜十分鮮嫩爽脆，加以適量的調味真是惹味可口，好味!咸魚炒椰菜苗-椰菜苗嫩口，炒得不辣卻惹味，也十分好吃。兩款炒菜我都吃了很多!珍寶蒸蜆-七隻一份，我們來了兩份。蜆真的很大隻，清蒸滋味不及咖哩煮。食著食著，竟然發現蜆中有蟹仔! 咖哩煮蜆-咖哩較淡，反而不會搶過蜆肉鮮味，卻把蜆隻襯托得更鮮甜，好味! 泰式炒金邊粉-酸酸甜甜的頗惹味，越食越開胃越想食...泰式炒飯-較濕的炒飯味道一般，但由於

第一次寫食評，因為不吐不快。老家在九龍城，樓下這店常見人等位，桌椅放到路邊。 最初小舖在街角太子道，由始就怕那股“難聞"的燒烤味，從無好感。 卻奇怪點解仲開分店，又要等位，認為一定鱔稿吸引外來食客。 老婆說我徧見，未試過就亂評。 她說這麽多人肯等位，一定有可取之道。 幾個毎月前，終於試了一次，但亦是最後一次。當天母親外遊，剛好回老家取東西，見不用等位，老婆嚷著要試。 要了五種食物，花了一百八十元。 以下是個人徧見。燒大蜆新鮮生燒製，沒有驚喜。咖喱雞肉水流流，味道一般，無特別。馬拉盞炒通菜不見得比茶餐廳炒菜出色。蒜蓉包好彩是暖的。艼頭炒飯 (唔肯定有冇記錯)廚師口味跟我有別，炒飯可以用糖吊味，變成甜飯，我第一次食，無好感。老婆意見: 以食物水平計，價錢不算貴亦不能說抵，路過一食可以，無謂遠道而來不求食， 要等位就不如去食大家欒算啦。

去不成順記後，人少少去了食泰菜。因為睇完JJcaptain的食評後，被那碟炒河及引，我就提議去金泰燒烤，後來cheap兄建議這間環境更好更舒服。每人先要杯凍飲，我的芒果沙冰味道很濃，但亦很甜，而友人的椰皇沙冰據稱似椰漿味同樣是很甜。冬陰功-味道幾濃，只是酸味較重，辣味不足，其實落單時已要求加辣的，連不嗜辣的娜姐也認為不太辣。第一輪的串燒雞翼、蝦餅、墨丸、雞肝及燒蜆完全唔合格，莫說是炭燒味，連最重基本是熱的要求都做唔到。而燒蜆都是唔熱，肉細兼無味，又韌，與食評的燒大蜆完全兩回事。再第二輪的串燒雞心、豬頸肉、雞肉及燒蜆。今次就挽回信心，每串也是熱辣辣的，又有焦香味。看見人家的燒大蜆，隻隻很飽滿，各人深深不忿，再來一碟，今次很燙手，而且大大隻，飽滿又鮮甜。我們說下次要8點過後來，才是食串燒黃金期。燒稔肉-大家都是第一次食，外型似臘腸，除了豬肉外，夾雜著少許飯粒，味道很特別，酸酸的，且豬肉味很重。大家笑說酸味是用來辟了豬肉羶味的。木瓜沙律-木瓜絲爽口，還有花生腰果的香口，味道酸酸辣辣，十分清新開胃。飛天炒椰菜苗-很有蒜蓉及豆醬的香濃，炒出來的椰菜苗十分惹味爽脆。醉貓雞絲炒河-是泰國傳統小炒，原

再次去金泰, 特登揀閒日去避免如花既粗暴對待.去到都係滿哂場, 服務尚可, 可惜既係我叫既蝦醬通菜有沙同泥...起初一食之下, 發覺咬到有沙, 以為係一條半條既問題. 好啦再挾另一口, 直情有粒石仔...咬落卜卜聲, 食左4,5啖都係咁, 只好放棄...香草鮮蝦炒飯, 鮮蝦只得2隻半, 唔知點解零零舍舍多左件蝦尾, 奇怪奇怪...其他既食物如串燒生蝦等都可以既, 但係如果你既食物出左問題想換既就免啦...只會比如花無情的對待

我不是歧視，我以前也很喜歡這食店，以前也在此留下正面的食評，但一次不快的經驗，足夠將這食店打進黑名單只是一個多客的晚上，那個如花竟然對我們呼喝；想他幫忙送茶水，他會呼喝你：你叫第二個。有客人來，要移動我們的位置才可容納他們，竟然連不好意思也沒一句，就逕自移動我們的桌子，更兇惡地喝罵我們：一陣間先食啦！本來放在鄰桌的己清空的碟子，一句：這個俾返你！就放回我們的桌子上....你不是應該收碟子的麼？最後，還算錯價錢，差了很多。這種服務態度，東西再好吃，都很趕客。我現在真的十分討厭那個如花，為的就是她那服務態度。不管你是甚麼人，你都沒有特權呼喝別人-- 更何況我們是客人，也不是甚麼難纒的，只是沒有叫你推介的大蜆和大蝦而己！我付錢來吃的,不是付錢來受你呼喝的。因此，此店被納入黑名單。我也只會坐在太子道的小舖了，再讓我看見如花，我怕我會揍她。

今晚同朋友一行四人去食, 已經是第二次光顧. 同上次一樣每人都叫咗杯沙冰, 芒果, 棷汁, 提子(去核)及菠蘿(咸咸哋)味, 用新鮮生果做抵飲! 食咗串燒雞翼, 墨魚丸, 豬頸肉, 牛肉, 腎都幾好. 咖哩蝦啲咖哩汁(唔辣)好味蝦都新鮮. 馬拉戔炒通菜就普通. 蝦醬炒飯好香好夠味炒得夠乾身. 最正係三味側魚好大條價錢係時價, 今次$108 條魚好入味, 煎得夠脆, 沾上三味汁(酸甜辣)正! 不過條魚要早啲落單因製作需時.

朋友說除如花外,泰國野食都好好食. 閒日去到,超多人,搵到張枱,點知如花叫我地起身,開張細枱比我地.....係超細. 如花仲溫柔問我地要咩,叫就要快手,唔係要等成大半個鐘.但係野食真係好鬼死得......叫了芒果沙冰- 香甜,又唔似加好多糖水,而且都幾杰身下.燒大蜆- 有7-8隻,幾扺食.咖哩勝子加蒜容包- 咖哩好好味,唔太辣. 個包係放係爐上烤. 燒牛肉加豬頸肉- 唔錯,幾香口.泰式炒菜苗- 唔太辣,好味.蝦餅- 梗係好味啦. 不過食下食下, 如花係咁加枱,由中間變咗坐近燒野個邊. 好迫,攪到要好快清晒一碟,先黎到另一碟.

閒日夜晚,唔駛等位性感靚仔好醒目,落單好快手5樣餸:原條燒魚,海鮮價,今晚$70,好正,正宗鹽燒,有香草同魚味,正!!燒大蜆,得7隻,樓下post話有8隻,但係好鮮甜,唔好點汁,就咁食仲好串燒牛,肉質嫩,汁可以"杰"d...泰式鳯爪,少左d,但夠味,口感屬於偏淋的,唔係爽脆,口味唔同,但唔係差青咖哩雞炒飯, 唔太特別加支啤酒,夠凍,但係另一個姐姐俾得一只杯,如果唔係情侶或者夫妻點算....總體好好,可以再食

飲左兩杯心大心細唔知食咩好，又想打冷又想食大排檔，最後都係我發板，去左九龍城食串燒﹗無得坐街因時間尚早﹗兩條麻甩點左雞翼、牛、墨丸仲有豬頸肉﹗睇住佢燒個過程最開心﹗不過無燒海鮮囉呢度﹗我記得上次來食時明明記得有架﹗呢到點泰菜食睇個餐牌都幾貴呢﹗美中不足﹗所以食完幾串野心有不甘轉場﹗

一行6人懷著些少期望到來朝聖，為了吃吃泰國菜之外，也為見見傳說中的「如花」。嗯，由於是平日，7點幾也只得三、四桌客人。(但過了半個鐘之後就坐滿了！)也見到了「如花」，點菜時他真的會很Hard Sell，是夜為燒雞。根據我們的Budget，點了大冬陰公、馬拉盞炒通菜、炸蝦餅、半隻海南雞、菠蘿炒飯、蝦醬炒飯及12串串燒(豬牛雞豬頸肉各3)。上菜速度很快，15分鐘內全部食物都到齊了！大冬陰公：酸辣甜都有，但以酸味最為搶口，水準是意料之內的一般。馬拉盞炒通菜：友人說較為淡；個人認為味道適中，不太咸已經算好了。炸蝦餅：炸得略為過火，蝦餅的味道不俗，伴著醬汁吃可消去一點點油膩感。海南雞：雞肉不滑(奇怪！)，但伴著特製醬汁吃卻很惹味！說得差一點，是為醬汁而吃的。菠蘿炒飯及蝦醬炒飯：兩者都炒得頗乾身，泰國菜館中少有；菠蘿炒飯多菠蘿粒，抵讚；蝦醬炒飯則惹味，但吃不到蝦醬味。串燒：只剩下牛未親口試過。但之前聽友人推介串燒好吃，親身吃過後真覺得是過譽了。豬頸肉還叫爽脆有咬勁，但雞和豬就差一點點，先是燒得不夠香，後竟沒有留有肉汁！服務態度叫做不過不失，下次真要去細鋪那裡試試了！

俾我地亂打亂撞之下搵到間好野﹗呢間野叫金泰美食﹗勁多人在門口買串燒呢﹗有坐街入坐冷氣位，仲有啤酒飲﹗正﹗風味呀﹗點了青木瓜沙律及串燒，我特別推介呢度0的墨魚丸，外脆內軟，好鬼好味﹗燒牛肉燒到岩岩好，牛肉汁仲鎖住唔會乾憎憎﹗青木瓜沙律夠辣，仲有好多番茄，食到停不了﹗本來諗住叫支beer，點知見對面台飲呢杯野，滿到瀉咁過癮當然跟啦﹗係菠蘿沙冰﹗服務員好鬼親切，好有泰國feel呀，令我想起曼谷唐人街的T&K串燒呢﹗埋單只係70蚊，下次一定再來﹗亦都要推介比大家，呢度0的串燒海鮮睇落真係好似好正咁呢﹗過兩日再來食過先﹗來得呢0的地方食野當然無高級餐廳咁乾淨，不過就係呢0的風味野，先至是真正的美食呢﹗

尋晚(13-10-07 Sat)7:05pm左右o黎到,等多一陣,女性朋友CK都到喇,我o地叫o左1.辣椒膏炒蟶虸我一向都唔食得辣,不過是但啦,有時要就一就朋友嘛.CK,女性朋友V都先食,佢o地話唔辣,但我依然驚驚地,因為佢o地食得辣o架嘛.不過都試吓啦,咦?!真係唔辣,係完全冇辣味,咁啲辣椒膏去晒邊?味道……好似冇咩味喎,而且冇乜鑊氣(Um…可能唔係港式啦.)2.蝦醬炒通菜男性朋友F問冇蝦醬o既?V答有啊,臭到.好!又試lu,我覺得蝦醬o岩o岩好,鹹淡適中,OK.3.醉貓雞肉炒河係濕淋淋唔夠乾o既,但我食唔出有酒味,亦係完全冇辣味,不過覺得好食,應該係啲香草o既功勞.4.燒大蜆一碟8隻大大隻o既燒蜆,伴以應該係辣椒汁上,CK話好辣,我食唔到o既,於是我唯有齋食,冇咩味,好似白灼咁.5.3串燒蝦餅,每串4件係伴上唔辣o既醬汁,點o黎食會好食啲.呢個個個都讚,但我覺得一般啦.碟碟份量唔多,只因三個朋友唔可以食得多,因佢o地之後要做醉貓.Good luck;而CK亦因為o係4點幾食o左少少o野,而且唔好意思再叫o野食.環境:都幾迫吓,我o地都係食完就快啲走.衛生:筷子雖然放o係筷子盒內,但

我係"肚腩人"既男朋友其實生蝦同燒魷魚上菜既時候下面都放左D生菜既我地食完D生蝦(諗諗吓D蝦好似係跟尾，唔係跟頭)有D蝦尾放左係檯面有D放番上隻碟D生菜上面之後佢地收番隻碟再遲D燒魷魚就上喇(note: 隻碟形狀係唔同既)嚴格黎講隻蝦尾係埋左係D燒魷魚既生菜入面碟燒魷魚入面點解會有蝦尾呢?答案只有一個---佢地recycle D生菜至於D生菜係咪我地碟生蝦度黎係一個迷但係佢地recycle D生菜係事實所以將第二個客人既生菜recycle 落第二個客人度係絕對有可能基於呢一點我以後都唔會再去眼不見為乾淨，可惜我見到了