金泰苑泰國餐廳 (已結業)

之前喺GROUPON買定左D COUPON，$100當$200用，咁即係有半價喇我們這一家提早一星期慶祝母親節，我地BOOK左6點鐘，準時到逹，經理好好比左間VIP房比我地有間房咁就更舒服自在喇因為食左好多野，放唔哂咁多張相所以要分開兩個POST呀先來一杯青檸梳打~~~甜度適中！讚蠔仔鐵皮煎蛋~~~蠔仔蛋D蠔仔其實冇嘜味，但勝在夠熱泰式豬頸肉~~~燒得好香口同好乾身GOOD酸辣無骨鳳爪~~~好味又夠辣蒜蓉包~~~好脆好香蒜蓉味，咖喱未到已經食哂LU咸肉炒椰菜苗~~~椰菜苗一點也不苗，仲有點老添，NO GOOD蝦蝦柚子沙律~~~柚子唔夠新鮮而且有點生骨添，但醬汁是好味的飛天通菜~~~通菜好野味，但辣左D，食得辣應該會覺得好好味泰式海南雞~~~雞雞好滑滑，但一點都冇海南雞味，如果當牠是白切雞就好好多的仲有其他的食物，待續

之前喺團購網用咗$300買$620現金券, 抵! 趁住末日前夕一於同男朋友去食餐好既。平時2個人好少會食咖喱炒蟹, 因為怕食唔到太多..... 既然就嚟世界末日, 今餐唔好理啦, 想食就叫啦 咖喱炒蟹: 正! 隻蟹好鮮甜, 雖然嗰日無膏蟹, 但係肉蟹一樣咁好味, 聽老闆講隻蟹係有order先劏, 所以好新鮮。而個咖喱汁亦做得好好, 用嚟點蒜蓉包簡直perfect!蒜蓉包: 好香, 好脆, 如果唔係得2個人驚食唔晒, 一定會嗌多客用嚟點咖喱。酸辣鳳爪: 因為我唔係好食得辣, 所以只係食咗2隻, 不過都已經要即刻嗌返個椰青飲。蒜子青胡椒大蝦: 好味! 真係好大隻蝦, 啖啖肉, 不過貴咗d, $178先得2隻蝦。炭燒豬頸肉: 一上枱見到d顏色比較淺, 諗住應該係燒得唔夠香, 點知食落口又幾得喎, 熱辣辣, 好香口, 好軟熟, 而且一碟仲有好多塊, 抵食!總括嚟講呢餐真係非常唔錯, 不過如果唔係有團購優惠, 用原價嚟食都會覺得幾貴。

好耐無打食評喇已經~早幾日朋友介紹呢間話泰國菜好好味..所以一於黎試下!果日星期五我地朋友2個人 WALK IN黎竟然唔洗等位一入到去個餐廳俾人感覺好乾淨企理,比起九龍城某D泰菜館..呢度真係舒服同好坐好多我地2個人叫左碟串燒,O加喱炒蟹,蒜蓉包..另外仲開左支白酒其實仲有好多野想嗌,不過眼闊肚窄..所以諗住試完好食下次先再叫多幾個朋友一齊黎試埋其他!串燒: 唔係講笑..好有肉汁好好味!就算唔點醬就咁食都好掂..比起出面乾憎憎果D好食好多~咖哩炒蟹: 其實本人好小食蟹..因為我覺得好麻煩! 不過由於我朋友好想食..所以試下啦~咖哩汁做得好好..配埋蒜蓉包一齊食無得頂至於蟹~我地叫左肉蟹..啖啖肉..唔錯唔錯~白酒: 唔記得影相..$168一支好抵飲~不過我對白酒無嘜研究!唔識分點先為知算靚..但對我黎講好易入口~岩我口味