金海濱越粤小炒

營業中

休息中

價錢便宜, 食物質素想像之中好好，有驚喜,平均5~8分鐘倒出一個小菜, 快得利 又保持水準, 真係俾個like佢, 平均一個星期 我都去咗四晚 呢間嘢真係好似我飯堂, 我最鍾意食去㗎 黃金茄子,七味豆腐, 三杯雞煲, 嗰隻風沙雞 真係好好食

午餐叫了個冬瓜鴨腿湯飯，香茅豬扒飯，海鮮炒檬粉。首先速度很快，3樣菜10分鐘全部到齊，而且外賣盒是質量很好的那種。先說鴨腿湯飯，好多市面上的鴨腿湯飯都是醬油湯飯鹹到死，但這個很有鴨腿陳皮冬瓜的味道還有一點淡淡的中藥味不知是什麼，還有看得見的大塊冬瓜蘑菇和陳皮，反正感覺是很有誠意的鴨腿湯飯，也不鹹。然後是香茅豬扒飯，也是完全超乎40塊錢的水準，豬扒是半肥瘦，很嫩，量非常多！海鮮炒檬粉裡面有蝦，魷魚，八爪魚，味道也是不錯。之前記得也叫過一次外賣，也是水準很不錯。不能說很驚艷，但絕對性價比很高，而且目前發揮很穩定，希望可以保持，那海濱花園的住戶就有口福了☺️

之前喺度俾左個好評係真心覺得呢度性價比幾高難得今日屋企終於齊人食飯星期日周圍食飯都要等係基本5個人去邊度食更加係比2-3人等得耐最後等左起碼9個字 仲要係屋企人去追問先有位坐事源係我地一直等 間店就一直淨係俾3-4位既人入去比我地遲嚟果啲但人數少就一早入哂去大枱又話hold左俾訂位我地問: 5位幾時入得佢話： 你都見啲方枱得4人坐到 一係你地試下坐唔坐到 後來佢地就叫左一枱3人坐緊既讓張圓枱俾我地 佢地轉去方枱 我心諗 果3個人仲遲過我拎飛 明明有方枱但店員就安排佢地坐圓枱 根本從來無諗過要安置我地5人跟著坐底後啲員工又唔俾返2張櫈2個杯我地 連餐紙餐具都亂咁pack落嚟俾我地事問咁既態度 講真啲野食有幾好食都趕客啦

剛搬黎當然要試下區內既大小食肆，呢間比我預期既好，晚飯小菜價錢公道，仲大大碟，而且食物質素非常好，可比美酒樓水準，先叫左個水煮田雞，雖然唔係太多田雞脾，而且唔係好辣，但勝在夠多料亦好夠味，而且不算好油膩，份量非常足夠，有支竹，雲耳，冬菇，牙菜，斤菜做配料，相當低食，另外腰果炸蝦球，亦相當不錯，香脆彈口，不油不膩，蝦肉亦相當鮮味，而且非常大隻，食落好有口感加滿足感，再叫左個菜膽雞，雞肉香滑，有雞肉味，總括黎講，可以繼續去食。

今個星期六難得唔使返工 咁梗係又繼續出去搵啲平民餐廳睇吓邊度平得黎又好味啦 咁今次我哋繼續喺荃灣探索 搵左間位於荃灣海濱花園嘅越南餐廳食下佢嘅河粉 睇吓佢同平時啲大型連鎖越南餐廳有咩分別 雖然我間餐廳已經係下午茶時間 但係我仍然叫咗一個全日供應嘅餐 有一個粉面＋1個小食 因為我男朋友話呢度嘅蝦餅好好味 所以我最後叫咗個牛肉湯河＋1件蝦餅 其實碗河粉一嚟到係唔錯㗎 好香香茅味 而啲牛肉就好似平時食沙嗲牛肉麵裏邊啲牛肉咁 雖然冇咗沙嗲醬 但係佢呢度啲牛肉都算係唔錯 不過個人認為越南河粉配返生牛肉薄片好味啲 而佢啲河粉太碎 好難夾 整體來講都係普普通通 但係呢個蝦餅就真係幾好味 食落熱辣辣而且好大塊 裏面都幾彈牙 不過依個價錢唔包野飲 我下次都係食下午茶算._.

對我嚟講海濱好似一個荒島🏝️更加係美食荒島，食肆不斷轉手好多都做唔長，茶記佔左8成咁啱呢排新開左呢間野，所以就同屋企人試下🤤我地叫左4個餸！整體份量都幾多酸甜適中，熱辣辣仲保持住脆脆口感，同埋啲肉肥瘦適中，好啱我呢啲對啖啖肥肉好反感既人食！呢個真係同其他餐廳唔同，平時係會將沙律醬炒埋入去，但呢個係直接鋪喺上面，除左外觀討好之外，都可以令我地自由調較沙律醬味啲肉又係好脆口！個煲好有鍋氣，茄子好入味，喺天氣轉凍既時間食真係好暖胃整體嚟講，本來抱住平常心嚟試點知都唔錯份量多而且味道真係高質！雖然等左一陣，但上菜速度快而且服務態度幾好，性價比高下次可以再嚟☺️