金滿庭京川滬菜館 (利東街)

營業中

休息中

今次黎食呢間位於利東街既金滿庭出面裝修好靚！而且入面座位都好闊落✨傻佬炒飯$142✨飯炒得夠乾身 連埋肉鬆同豆角好好食但味道未好食到我會再encore✨乾煸四季豆$108✨好好食！不過好多餐廳既乾煸四季豆都整得好好食🌝✨回鍋肉粗炒$138✨個人覺得好食過一般上海粗炒 不過重口味d回鍋肉味道好食 不過幾油下😂✨鮮肉小籠包$55✨好好食既小籠包😋必點！！✨紅油炒手$69✨失望既炒手…冇紅油既香 亦唔惹味只係普通既雲吞加左d蒜同辣油😪平時午市有set叫 但最平既2人套餐都要3百幾今次黎食好好彩堂食單點有85折單點食好似總抵食而且好欣賞佢既人蔘烏龍茶超好飲😳茶底似天仁個個茶好飲到想買番屋企飲😂

服務和食物質素都好好食店環境寧靜舒服下午茶份量好足料加配食物選擇多價錢合理已成為我和家人假日的不二之選特別是最近推出的食券可於九月一日後使用，每一百平$15，咁就更抵食。

經過利東街，見到呢間小籠包出名的舖頭有供應下午茶。70蚊睇落有啲貴，不過免加一免茶芥，又即管一試。坐低就先送上一杯人蔘烏龍，很好飲，味道很香，不是一般茶記洗筷子的茶。叫了青菜煨麵，酸辣湯及熱咖啡。青菜煨麵的湯比較多，似湯麵多過煨麵，味道很好，只是湯稍為鹹了一點。跟餐的酸辣湯，上檯時仲跟一樽胡椒粉，很有誠意，胡椒粉都好香。酸辣湯味道很好，就是由小飲到大的味道，材料又足，很滿意。咖啡是ILLY即磨咖啡，正常發揮。招呼很好，會主動加茶，又坐得舒服，即時覺得價錢其實很化算。

📍 金滿庭京川滬菜館 (利東街) 🌏灣仔皇后大道東200號利東街地下G01, 04, 05及F01A號舖灣仔灣仔道110號中匯大樓2樓📝 6.5/10作為一間連鎖的京川滬菜館,京川滬菜館能夠在每一家分店都保持優質的食品質素和出色的服務水平,實在是難能可貴。作為一個常客,我每次來這裡用餐都感受到餐廳的用心和專注。除了美味可口的正宗川菜和滬菜外,這裡的下午茶套餐也十分超值。精緻的小食讓我在繁忙的工作日下午享受到難得的輕鬆時光。值得一提的是,京川滬菜館位於利東街附近,用餐後,不妨在附近閒逛一番,在充滿藝術氣息的街道上拍照打卡。餐廳的招牌菜式🌟🌟擔擔麵擔擔麵帶有濃郁的花生🥜香味,麵條Q彈有勁,醬汁恰到好處🌟醉雞醉雞肉質嫩滑,入味十足,別有一番風味。酸辣湯拉麵酸辣爽口,用料豐富,略嫌太稠厚總的來說,京川滬菜館無論在菜品質量還是服務水準方面,都做到得很好。無論是商務聚會、家庭聚餐,亦或是下午茶時光,這裡都是不二之選。

點了柚子雞球，和期望有好大落差，問題有三：1. 雞球超多骨，又有兩隻雞翼尖，根本是雞件不是雞球（有圖為證）2. 味道：心想以為是用韓式柚子醬煮出來嘅菜式，但結果完全不是同一回事。它的味道是麥當勞雞翼嗰包泰式甜酸醬溝水，和柚子一點關係都沒有（請睇圖，佢連個顏色都一樣）3. 醬汁：你冇柚子味都算，但係個醬汁太稀，唔係杰杰哋掛汁嗰個效果，係碟底一灘水咁（睇圖）結論係呢個價錢唔值，金滿庭的水準在過去幾年好像下降了很多。

金滿庭@利東街(灣仔)🌟今日係下午茶時間去食，有兩個套餐可以揀一個係$72另一個係$86，我就揀咗$86嗰個，包一個前菜，一個主食同埋一杯嘢飲，前菜揀咗酸辣湯，酸辣湯味道非常好飲，另外可以加少少胡椒粉，成個湯嘅味道更加特別，主食就揀咗蟹子炒飯，炒飯每一粒粒粒分明，而且做得非常乾身，有好多唔同嘅配料，個口感更加有層次。熱檸茶就冇乜特別，正正常常，普通茶餐廳水平。下午茶係冇加一同埋茶芥，所以只係$86。好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

很久很久沒有在晚上出街吃飯，今日是週末明天又沒人約我北上，就決定今晚出街食。到了灣仔本想去回常去的某一間bar聽吓live聽吓人唱歌仔。怎知去到只有小貓三、四隻問為什麼今晚沒有人唱live ? 一向都有。問原因是什麼？沒有得到回答。唉！星期六突然殺停，心照啦！接着即走。 然後從灣仔謝飛道走走走找食的地方最終走動利東街，就見到這間金滿庭有幾枱零聲客有小小人氣，我與家人便進入食啦。 7:30 有3枱客，一枱是3人，其餘兩枱是2人他們同是坐4人桌。我們2個人入坐時已詢問經理可否也是安排坐4人桌？她說請等等。然後把本應安排的4人桌擘開為兩張二人桌叫我們坐車其中一張。那我們就坐下。到Order 完食物，我們再request 伙記可否把右手邊的二人枱拉過來給我們？答案是請等等，要向經理查詢。 食物來了！店舖裏的客人跟之前一樣沒有增減，同樣都是剛才3枱客零零星星的。我們再問，答案是不好意思，因出面巳沒有吉的二人枱，這張二人枱要留下，萬一有二人客來冇位。直到這裏要澄清的，這裏除咗這二人枱當時仍然有好多位置是吉的。我目測附近大概有5至6張枱都是空蕩蕩，沒有人坐。我們也一早已跟你們說我們大約吃多

千里迢迢出左黎港島咁啱喺利東街見到呢間餐廳裝修唔錯 加上下午茶好似幾抵食於是就決定walk in入去享受下下午茶叫左酸菜魚麵配梅菜時蔬菜加杯凍豆漿梅菜味道很出色 係我鍾意嘅甜味酸菜魚偏酸 但係好開胃 魚肉很鮮嫩最後覺得唔夠癮 叫左個小籠包絕對驚艷到我皮很薄 肉很嫩係我人生食過數一數二美味嘅小籠包本身對呢間店並不抱太高期待點知係驚艷到我的

阿仔學校去左利東街表演表演完等夠鐘去食個tea 今次揀左間上海菜，餐廳報置都好古色古香feelTea set 有好多款不同既配搭最後我揀左3個tea set 🔅北京水餃（6隻）+䓤油海蜇水餃皮薄多肉多汁，味道清清地唔會太咸，阿仔自己一人清左4粒，䓤油海蜇清爽質地口感好好！ 🔅招牌炒飯 + 雞絲粉皮招牌炒飯係用脆魚柳粒+蟹柳+蛋塊炒飯上面再加左蟹籽同䓤粒，啲飯粒粒分明配上脆魚柳粒食落好有口感，雞絲粉皮麻醬份量剛好，唔會太多太笠口、雞絲配埋青瓜絲真係好清爽既開胃小食🔅上海粗炒+春卷上海粗炒有椰菜+肉絲+小白菜，好有老上海既味道，春卷都係椰菜同肉絲做餡料，外皮炸得好酥脆！3個餐，配3個餐飲我地叫左2杯凍豆漿 + 1杯凍檸樂特別一讚，佢有配置小朋友餐具真係好好

揾食揾食，搵嘢食就係最開心🤭屋企人一向有食開大孖嘅醬油，聽到佢地同金滿庭合作推出左三款小菜，梗係一定要同屋企人去試下啦!今日就同屋企人揀左三款入邊其中一款⭐️大孖XO醬鮑魚雞煲$298- 呢個煲選用大孖XO醬， 大孖盆曬生抽同大孖老抽王，鮑魚同雞都好嫩滑，成個煲煮得非常入味，真係色香味俱全!😋⭐️招牌松子魚 $238- 松子魚煮得皮脆肉爽，酸酸甜甜非常開胃，同埋條魚有夠大條，啖啖肉，一家大細都啱食!😋⭐️嫩雞煨麵 $84- 煨麵嘅湯底好濃郁，又夠大碗!⭐️鮮肉小籠包 $63(五隻)- 小籠包D皮好薄，仲包住好多肉汁，上枱熱辣辣，好好味!👍⭐️桃膠芋圓有機豆漿 $48(位)- 豆漿味好濃但係唔算太甜，桃膠芋圓份量都好多，抵食!員工態度非常勤快，服務態度好好，而且餐廳環境又夠曬懷舊，好有氣紛，讚👍食完飯，感覺已經好滿足，走嘅時候仲見到佢地有醬油優惠裝 Combo Set 出售，都真係忍唔住買左一set返屋企,煮餸果時可以用到，增加餸菜嘅鮮味😋💫Combo Set💫原價$235 聯乘價$218 有"大孖XO醬200g 同 大孖盆曬生抽250ml"

利東街俾人既感覺係高尚住宅區，翻新咗嘅老街，一堆價格比較貴既餐廳有次去開附近，見到呢間利東街餐廳居然有做下午茶，就一個人去試吓啦下午茶有幾個選擇，主菜我揀咗最鍾意食嘅餃子，前菜就係最鍾意食嘅雞絲粉皮正飲品就嚟個fusion要熱奶茶🤣😀🤣由於係中菜廳所以佢都會包杯茶，茶好香但係試唔出係乜嘢味😆裏面嘅裝修好優雅，由於係下午茶，所以份量比較少食完唔會令你飽，係淺嘗餐具亦都見到有用心，碗碟匙有花邊整體用餐體驗幾好

網上外賣自取，去到鋪頭，見所有食物盒擺係檯面，係冇袋嘅。問店員，話要加2蚊先有袋。冇辦法只有加，難道分開捧著返去咩。返到去，原來係冇餐具俾嘅，真係環保。原來網上落單，佢只會自動幫你加個外賣盒1蚊嘅價錢，袋同餐具係唔包嘅。所以最後要順利羅走外賣+順利食飯係總共要加4蚊！！！！不如去搶啦！！！！唔識設計網上外賣好心就唔好搞啦，我鬼知你要加尼樣加個樣呀，搵笨！

同阿媽覆完診，下晝諗住同佢去灣仔搞埋證件啲嘢之後就去食個tea ,點知證件又搞唔好之後食嘢又未到下午茶時間。原先已經諗好帶佢去一間茶室度飲下午茶，諗住唔係全西式佢應該接受到啦，點知都係唔得，寧願揀食上海嘢（佢嘅解釋話咁貴，其實咪又係差唔多價錢⋯⋯）是但啦佢鍾意就好，原則上我都未肚餓，諗住飲杯嘢就算數，食上海嘢就冇辦法，我就揀咗輕食蔥油餅。佢呢已經諗好想食碗麵🍜，揀咗養生湯豬扒麵。又出奇地好食，個養生湯有龍眼、杞子黨參，清清地，只係個上海麵我本身自己麻麻哋姐，個豬扒都做得好好，有肉汁！媽媽好鍾意我叫嗰個蔥油餅媽媽就話唔夠傳統嗰啲好味道，不過我收貨😂最重要一定要講，就係佢哋嘅服務態度可以比5**無論係一入到去坐低、送餐、食完嘢收拾、加水、到最後埋單，每一個侍應或者經理都表現出佢哋好有禮貌，服務態度非常好🥰🫶🏼

跟很久不見的巴打的第一餐飯聚，品一品京川滬菜，體驗體驗。麻婆豆腐，四川名菜，麻有麻的特點，辣有辣的特色；豆腐果然又麻又辣，質惑水嫩，有多重層次，麻辣的汁滲滿碟中肉粒及豆腐，再加上香蔥的點綴，小人一口放它入口裡任由食材的優點盡情爆發！配合飯來吃的話令它的辣感突出許多；我們更因此多叫了一碗白飯，推薦！京菜代表火腿炆津白出場了！津白雖屬平價菜，但經過廚師的巧手，一樣成為好菜式。煮好的奶油汁上湯襯托白黃色的紹菜，令津白吃起來更滑更甜，予人很純凈的感覺。灑在其上鹹鮮的金華用來調味，在清淡的奶油紹菜中，加添了韻味和色彩。煎的叉燒包，小人還是頭一回遇上，應該算是一道滬菜吧。叉燒以黑毛豬燒製，不單豬肉味濃，肉質鬆化更略帶焦香，跟一般的叉燒確實有所不同！絕不會食到一口油，包面包底均鋪滿芝麻，又香又脆，配合著香甜的叉燒醬，堪稱為生煎包的豪華版！絕對是一餐「聚」愉快的午宴！

I haven't had Shanghai/Beijing cuisine in Modern China restaurant for years as there are so many more options nowadays. Passing by seeing their afternoon tea set options were in good combo and in reasonable price, we decided to stop by. We ordered noodle soup with green vegetables serving with Mala cold noodle and noodle soup with Mandarin Fish & pickled vegetables serving with Jellyfish with sesame oil. Meal sets included drinks and we requested ice lemon tea and hot black coffee. Additionally,