金牌

營業中

休息中

在淘大DONKI樓下，開了家新茶記，平日下午仍人頭湧湧，看來挺受歡迎決定一試😎。店環境雖然不大，但坐位舒服感覺可以的。食物選擇多價格不貴，下午茶時間有套餐，由輕食到主吃也有多款欵。-飲品大部分飲品也有跟餐附送熱飲，凍飲只是加 +$3就可以，點熱奶茶、凍朱古力和凍鴛鴦。飲品味道香濃，奶茶甘香濃厚，凍鴛鴦濃郁比例剛好。朱古力味道香甜，是甜而不膩的味道。-三文治｜多士吃茶餐廳當然要點三文治和多士，點了金牌公司三文治 ($46)、鮮油包多士 ($14)和粒粒金磚西多士 ($30)。現點現做熱辣辣的味道挺香欵。公司三文治用料豐富，所以吃得挺飽肚的。鮮油多士的牛油是厚切，酥脆口感味道較香口。西多士是四方磚造型，吸收了糖漿和牛油，吃起來味道可以的。-小吃這裡有挺多選擇，而且價格不貴，點了吉列大蝦4隻 ($35) 和孜然炸雞脾 ($35)，現點熱炸吃起來是酥脆的口感。吉列大蝦外脆內軟，蝦肉爽口鮮味。炸雞脾用孜然做，味道較平常的香，調味不會太重，吃得到皮脆肉嫰的質感。-英式雜扒 HKD$148鐵板美食也有多款選擇，還有3款主食選擇配著吃。我們點了雜扒，有豬扒、雞扒及太陽蛋。跟餐的是香濃黑椒汁，吃起來挺惹

九龍灣淘大商場 , 近排開咗一間好大間嘅茶餐廳 GOLD LABEL,每日都好多人等位, 今日專誠早啲去食晚飯， 去試下呢一間茶餐廳。入到餐廳環境舒適光猛，大部分都係卡位寬敞舒適。 侍應服務好好， 我叫咗個扒餐，送到嘅時候侍應都會提我哋小心唔好辣親❤️。 餐牌食物種類繁多 ，多款套餐選擇好抵食。香煎雞扒撈丁套餐：除咗 雞扒撈丁之外套餐仲有丹麥多士， 3.6牛乳火腿奄列及飲品， 雞扒 黃金色澤， 表面煎得焦脆， 撈丁調教味道剛好， 麵質亦唔會太淋。加拿大龍蝦尾拼紐西蘭肉眼扒套：套餐仲有蒜蓉包，餐湯，飲品。加拿大龍蝦尾 肉質緊實多汁，加上特制醬汁更能突出龍蝦嘅鮮甜美味， 紐西蘭肉眼扒肉質柔嫩， 肉味濃郁， 肥瘦均等。瑞士雞翼：雞翼肉汁鮮嫩多汁， 醬汁調教得相當唔錯 ,濃郁香甜好味。

今日去九龍灣行街，見到呢間茶記新開～入邊都幾多人，所以又去試吓🤓食物賣相一流～食物都大大份，都幾抵食🫶🏻我哋叫咗兩份鐵板餐～最後都食到太飽～食唔晒🤣首先講個特選晚餐C鐵板金牌羊架！🐑🔥 $176蚊，包埋煙三文魚沙律做頭盤，抵食！ 羊架唔算好羶，就算唔食羊嘅朋友都容易入口，而且啖啖肉！肥瘦均勻🤤 我加咗$8蚊要多隻太陽蛋🍳，睇落個餐更加豐富！另一個叫咗肉眼配鵝肝套餐！🥩🫙 $189蚊，鐵板上嘅肉眼煎到5成熟，肉質嫩滑，而且大大件！ 另外鵝肝嘅size大約係雞翼咁大，夠晒滿足！😋 薯條🍟都炸得好好食！ 加埋$3蒜蓉配搭牛扒，唔錯👍呢份都係追加埋太陽蛋🍳，簡直係完美配搭！跟餐有兩杯凍檸茶🍹，可以叫少冰少甜濃茶底，自由配搭👍蒜蓉包🍞，鬆軟香口！一般茶餐廳都係比半塊麵包，佢就一整塊俾晒你～一開波食咗塊麵包都飽飽哋😛羅宋湯🥣，茄膏味幾濃郁，仲見到有牛肉係入面～小食追加左瑞士雞中翼🍗，5隻$35蚊，雞翼好入味，瑞士汁甜甜地，好惹味！總括嚟講，呢間餐廳嘅食物質素唔錯，份量又足，價錢都算合理！環境都唔錯，下次可以會再嚟試其他菜式！

上月初開時，去了不少次食早餐，出餐快，食物和飲品都可以。今早去，叫了芝士旦治，熱檸茶到了，三文治很久都未到，想催促，但見全場只出餐飲，冇乜食物出，想落催都無謂！芝士旦治終於來了，旦是凍的，但饀擺到天一半地一半，拿起份三文治，即跌了一半出來，還痴住兩條乾米粉！埋單時向收銀提及，除了話換了少少厨師，一點歉意也沒有，真係差到爆！

朝早見無人等位，咪入去食個早餐。原來伏咗。食物質素真係好一般。最極品係啲員工質素。食物等咗好耐都未到，咪催吓囉，點知員工話外賣優先。好啦，再催，點知個員工又俾咗極不滿嘅眼神對我， 仲要對其他員工私私細語表達對我嘅不滿。難道呢啲就係香港嘅典型服務態度。總之無下次。

三色豆無味撈飯。貨不對辦。極差。無下次。本身諗住新開張，見到都幾多人排隊，餐廳環境唔錯，就試下。然後打開餐牌，見到有個＜金牌炒飯＞，個樣幾吸引，就試吓啦（因為諗住炒飯都好難難食）。黎到見到，大癲。有三色豆！我即刻望翻個餐牌圖，明明係菜芯嚟㗎喎！我都明白，有時都會圖文不符，但依家係有完全唔一樣嘅配料喎。然後食落去第一啖，飯冇飯味，好似只係將啲三色豆撈落去啲白飯入面，上面加翻啲櫻花蝦做點綴，然後成70蚊。總結：無下次。（見到好多人走嘅時候都食淨好多嘢）

今日睇完戲就行黎淘大搵食，見新開左間茶記，四四正正好似唔錯，入黎試下佢。大概60蚊左右一個午餐，有少少貴但都可以試下既。叫左個日式咖哩炸雞飯，未到超級好食既，但都算唔錯，炸雞炸到非常香脆，肉質有少少乾，應該炸耐左少少。調味黎講雞件本身無咩味，主要靠咖哩調味，而咖哩係日式，比較香甜易入口，配合得唔錯既。食物質素未到好驚豔，但都可以一試。值得一提係人流好旺，中午要等位10分鐘左右，但餐具未補充得切，可能要注意下。

早餐扒餐，扒下面只有沙律菜，少了餐牌寫的法蘭克福腸，即刻追左。話唔好意思補俾你，然後廚房有人咁啱出來攞野睇下咩人追商品說明少左既項目。魚係熱既，不過其他包括炒蛋係凍既。55分鐘之後都冇補來，出去埋單，幫你追單果位專程過來代收開錢果位，同你講，冇補俾你咩，你再追呀嘛，我依家補返俾你，但個人企響收銀機後面係原全冇移動既意思。淘大食貪新鮮唔憂做既店向來都有，其實冇乜必要做到咁。個扒餐，除咗不附合商品說明之外，同其他幾間差不多。但佢放低枱面個賣相，同掀開唔見左法蘭克福腸，個落差，就全商場第一。果日入去早餐既主要目標，係魚柳加法蘭克福腸。為了彌補果日落差帶來既遺憾，我第二日去番香草腸就真係香草腸果間。個人來講，呢間既魚柳腸排名低過樓上既快快活活。

新開張，生意不錯，人龍不斷。今天終於光顧這餐廳，裝修有氣氛、座位不擠迫，地板乾淨，服務員動作快捷、有禮，給我第一的感覺非常好！點餐後，沙律很快便送上來，在餐桌下取餐具，本來不甚為意的，匙羹有四分一面積不潔，再取一個匙羹...... 一連取了四個匙羹，都有黏著不同的xxxx。唯有另外找餐具和細心檢查一遍。餐廳供選擇的食物種類和選擇不多，反而飲品的種類和款式超多。食物種類不多，無妨，專心做好幾種出品，可能有意外之喜。沙律ok；餐湯，無論白湯還是紅湯，個人覺得難飲；牛扒的蒜蓉汁非常美味，牛扒大大件，不過... 牛扒收費不貴，但性價比差。餐廳提供的咖啡，中深烘焙，但酸味仍非常明顯，但不是活潑的酸，xxxxx，香味欠奉。咖啡可以不好飲，但不應該不香。朱古力濃鬱芳香，落足了料，激節讚賞！鰻魚飯用料不差，但是太鹹啦！鹹度減輕一點點，應該不錯。埋單之後，短期內不會再來、不值再來。

淘大商場有新開一間茶餐廳，日日都非常多人排隊。餐牌都頗多選擇，但配搭比較簡單。午餐 ：鐵板鴛鴦扒•法蘭克福腸 配意粉/黑椒汁 $91鴛鴦扒是雞扒+豬扒，雞扒非常之乾，豬扒也很硬，意粉很乾身，$91 真係覺得唔值。午餐 ：牛肝菌汁香煎雞扒 $62牛肝菌汁味道香濃，但雞扒乾身。午餐F：黑椒汁西冷牛扒焗飯 $66味道還好，但份量偏細。餐湯羅宋湯，味道又是非常之淡。港式奶茶還好，正正常常。午餐：拿破崙汁燴牛肉飯 $63 感覺非常之普通。 （這是之前一天在這餐廳食的午餐。）老實說，餐廳食物質素普普通通，雖然裝修不錯，大部份都是卡位，但安排上比較失當，兩個人需要卡位搭枱，面對面和不認識的人食飯，並沒有膠板相隔，感覺比較尷尬。

鐵板做外賣本身已經係一個問題。有做外賣自然有人叫。唔通怪個消費者？！用外賣膠兜當係一塊鐵板？！鐵板用熱力焫熟條腸，膠兜呢，梗係白雪雪啦烚熟就算！其他嘢就過熟 / 醃得太勁？！ 😂都唔多講，睇相就知有幾求其 😡香腸白烚。西蘭花堆菜白烚。豬扒（無影）淋到一個點，我咬咗兩啖直接放棄。雞扒好少少，夠乾 😏明知件事唔work都照做，犀利！如果係碟頭飯我欣然接受，當然唔係 $90 啦！飯餐 $88，外賣加$2，賺到笑 😂

新開張試下，見到有扒餐常餐就試下叫了個雞排蔥油撈丁同雞扒腸仔飯雞排正常，撈丁不知所謂，完全食唔落去，又乾又唔好食，個包就烘到好乾，蛋都一般，圖片既蒜蓉包上黎只係個蒜蓉多士，圖片不符得太誇張，不如直接講係蒜蓉多士，同埋正餐都食完先上個包，差d以為漏左本身坐低聽到隔離台話無下次，都心裡有個底！點知真係咁難食，食物質素已經一般，服務質素就更加不堪入目，職員黑口黑面好似得罪佢咁，擺野食又求其，食食下又要調去隔離台，明白新開張好多野要調整，但起碼好好睇睇先有下次，食物同服務都有待調整，唔係都好難可以有回頭客