金翠餐廳 (已結業)

一碟肉飯及一碗例湯已要卅餘元了。燒的確幾香，似係傳統木燒，裏面肉都幾腍，仲睇到一絲絲紋理，不過第一次食時候覺得肉腍到好似烚過咁，第二次再食又唔覺…燒肉唔錯，碗湯就骨多過水，有搵笨。但係我最大意見反而係環境：一間連鎖店，價錢雖不算大貴，但那些碗筷、那種衛生情況…兩星期後舊地重遊，本想再嘗試其他食物，但餐廳已進行內部裝修，希望重開後能在食物及環境方面有所改善，別浪費了在食神爭霸戰上得到的獎項，那便好了！後記今天是到工聯會上課的最後一天,順道到新裝修的“燒皇”金翠燒味餐廳再測試一下,令人失望!廿八元的义燒飯配咖喱汁,义燒硬、咖喱酸;卅五元的雞湯翅,連一絲翅也沒有!裝修是新了點,但地面有很多垃圾,包括用過的白色紙巾,通往厠所的通道滿地油漬。若管理文化不改變,裝修亦徒然。最後忠告一句:整理地上油漬,免顧客跌倒而要負上民事侵權責任。

公司做冬叫了乳豬~但可以送上嚟我地公司的~其實唔多~所以叫了呢一間其實有少少擔心的~上次食佢地的飯盒~都唔多得.....今次等了很很很久~~~比原定時間遲了很久先到我只係行開左一陣其實同事~~毫不留情咁...得返個框俾我啦用小刀好辛苦咁切少少嚟食真係好脆又好味wo~~~唔難得之佢地食到咁...我連一件完整的肉都食唔到....唉................................................

今天與朋友去金翠，再比多一次機會佢。因為二個月前，我們吃過一次燒肉飯，水準完全唔得。我們倆覺得很像去了茶餐廳，食d乜乜煮火腩飯中的火腩。完全不是燒味鋪的燒肉。金翠的燒肉飯，d燒肉真是做得不像樣，皮又唔脆，整件燒肉完全食唔到有燒香味，與同區其它的燒味鋪比較，簡直距離幾班，不可同日而語。永華始終可以領先佢好多，而美心的燒肉，華潤超市門口的燒肉，還勝過金翠的燒肉幾倍，睇黎金翠都是時候，需要改善控制燒肉品質的出品，不然再做落去，只有快快玩完。因為論價錢，一盒燒肉飯，金翠貴過永華及華潤，同美心的價錢相若。如此落去精明的消費者是會有所選擇的。

同家姐夜晚去食~ 一人叫左個叉瀨...d叉燒又燒得幾好喎...唔知係咪肚餓...我覺得好味過太興$49碗! 仲叫左個冬瓜墩老鴨湯..見佢真係一碗碗墩~唔係話由煲''畢''落去個d...但係我仲蠢到一啖放落口...''淥''到條''利''咩o甘!!! 總括都ok既.....可以講平, 靚, 正~!!!但係衛生就..麻麻lu....

本來一早將其列入黑名單,家弟打包兩盒回來,姑且再比一次機會.$20叉燒加$20燒肉,記得上次在這間所謂的"叉燒皇"摔了一交.今次的半肥瘦,蜜汁燒得夠入味,外層焦香.要半肥瘦,但吃不到肥.肉質一樣地散.點吃也吃不出,憑什麼稱之為叉燒王?中午的燒肉,已經凍冰冰,用來煮菜就差不多.這次之後,該死心吧.

事情經過:我同老公去食飯...見到隔離枱枱底有隻大老鼠係佢地隻腳到走黎走去....勁核突....不過我見果d人好似無咩反應咁...好似feel唔到咁....本來想同佢地講...不過見佢地食得咁開心...費時打擾人....而我見到咁既情景...緊係即刻走人....100%真事...下次去果到食...真係要得閒望下枱底....

叫左例牌叉燒/燒鴨雙拼沙嗲金菇肥牛煲油菜一碟我個人覺得燒鴨比叉燒更好肥牛不要expect佢真係肥牛，係鮮牛片,而且有d un沙嗲不重不過卻好足料，好有homemade feel我正正喜歡這樣油菜只係$5，並沒有一般茶餐廳的開天殺價，我個人非常欣賞另外估唔到佢杯凍O茶咁好飲!又多檸檬，令我而家愛上了O茶同BF 食到捧住個肚都只係$73!夫復何求呢!PS 我覺得個男waiter幾好人呀!又有好介紹，又幫我地諗曬上菜次序!Good 呀!

對一些將最有信心的菜色放上招牌的，我都想試，因為作為一個嗜吃的人，吃招牌菜，總好過自己慢慢的遂款去撞。以另一個角度，如果招牌菜也不行，其他菜色更不用說吧？來這裡，因為招牌上「叉燒皇」三個字，已說過，在香港地靚叉燒其實街頭巷尾也是，不用信牌子，在乎自己識不識揀。當然如果只叫碟頭飯，是必不會試得真的。所以未坐低前，在出面想揀一條枚頭，師傅見我眼望望，說「條條都係枚頭啦！」，我瞄也不瞄他一眼，指了心水的，說「就呢條，厚切，走汁，頭尾唔要」，心裡暗說「條條都係枚頭？」加杯熱咖啡，乖乖坐埋位一邊睇愉園對香雪晨曦，一邊等食。堂上淨吃叉燒，也是用一個發泡膠盒上檯，跟阿姐投訴，她就「是但啦！」，咁都得。叉燒夠甜，是枚頭，吃落當然夠腍身，但味道就不算很好，不太入味。肉質好吃的是中間的部份，近頭尾就過硬了。如果這個叉燒已經是招牌菜，其他的燒味應該不用試了。叉燒64蚊一斤，我叫的一條24蚊，都唔貴，不過質數一般。一條叉燒加一杯啡走，28蚊，又幾便宜。臨走時，終於見到那個得獎獎狀，這個搞笑的「xx爭霸戰」，選出來的得獎菜色，某程度上也是品質指標來的。

又一間在食神爭霸戰中得獎之食店,名叫金翠燒臘,位於土瓜灣有食街之稱的北帝街內,與"雅趣"相隔咫尺之遙.得獎菜色,就是叉燒.既然來到,豈有不試之理.例牌瘦叉唔扣底,不消一會,快刀斬亂麻上桌,一睇,已經唔多對路.單憑視覺話比我聽舊肉好淋.)入口第一個感覺,外層的蜜汁燒得又甜又香,帶有微焦,仲杰到張住個口.到第二個感覺,判斷果然無錯,肉質真係淋到一點生命力也沒有,遑論鬆化的口感吧.咁大個人,從未吃過如此淋的瘦叉.在電影"食神"其中一幕,當薛家燕吃罷星爺的"黯然銷魂飯"後,感動得掉下淚來,小弟吃罷此"食神"爭霸戰之得獎菜色後,氣憤得差點掉下淚來.口中念念有詞,你估下我講過乜?