金翠餐廳 (福華街)

營業中

休息中

前幾日經過呢間叉燒皇！咪諗住試下。叫左碟叉燒油雞飯拼生菜‧‧‧想像中好味‧不過我嫌叉燒肥得制‧下次要叫瘦叉先得‧再黎碗鄧湯。算好飲‧４１蚊埋單！不過衛生唔掂囉‧如果衛生好小小就１００ 分

難得同爸媽行深水埗,行到4:30p.m.是但揾間茶餐廳食下午茶.就入呢間,爸要芝蛋治凍好立克,媽要什扒餐飲熱杏霜,我要龍脷柳拼腸仔蛋多士.奇在媽媽的什扒餐原來係有一塊吉烈豬扒,腸仔蛋多士,咁就叫什扒餐?點解呢?

見到燒味檔，我的乳豬癮又起，於是走去買個外賣食。唔知點解，有時d野你想食就永遠都食唔到，今次又係無晒乳豬，唯有食叉燒燒肉飯取代之。呢類既燒味舖都有一定水準，叉燒、燒肉肥瘦適中，一望就知對辦，而且份量十足。叉燒咬落唔會太硬，味道不錯，燒肉亦然。且燒肉皮脆卜卜的，很不錯呢！有機會一定要試佢既乳豬。

我今日到此吃午飯, 叫了一碗叉燒飯+熱奶茶$27, 之前也來過幾次, 次次都唔記得叫半肥瘦, 所以要睇吓你好唔好彩, 我試過一次嚟左碟好瘦又好硬嘅叉燒, 真係麻麻地, 不過, 今日d 叉燒都ok, 幾淋....但係咸d 囉^^

外賣了半肥瘦叉燒+燒肉﹐燒肉ok,叉燒如果不是我看到4條頭髮的話﹐它可能已經有80分﹐可是現在覺得有點嘔心。

饕B好為食,見到呢度d燒味好似好靚,就入黎試0下啦! 兩個人share左一個燒臘餐($32),要左叉燒拚燒鴨瀨+熱檸茶叉燒同燒鴨都唔錯,叉燒好腍,佢俾左燒鴨脾我地,不過d燒味已經凍凍地,如果佢暖番d就仲好食

一個字--- 差...有次路過深水埗，見到呢度門口貼晒宣傳，號稱於食神爭霸戰得獎，講到D义燒好似天下無敵咁，就嚟會一會..叫碟义鴨飯，一端上枱就知大鑊。义燒瘦到成條柴咁，亦冇佢所講咁淰，食落更加係冇鹽冇味。如果D肉再鞋D就同煲湯豬肉冇乜分別...有D食友話要叫肥义，但若果能單靠一味肥义就叫自己做食神义燒，小弟認真不敢苟同...

18/6(日)出街之前特登去深水保食d野,本來想去維記,不過唔知點解幾間維記門口都有一條長龍,最近又有雜誌/電視介紹過維記咩?要等,我不如去第2間食,最後求其入左呢間,貪唔係太多人....叫左叉燒雞飯+凍奶茶碟飯一黎到好失望,叉燒外表一d都唔吸引,一咬落去好淋身,但唔脆唔香,但加埋熱辣辣既飯+薑蓉,味道還可以,但頂多只係墳飽肚應該好難有下次~

我差唔多兩個月前去過幫襯，當時呢度未有佢登記，所以冇寫食評，依家補番。我見佢自稱叉燒皇，又大大隻字話叉燒「香、淋、滑」，所以叫一碟叉飯。叉燒上檯，個樣唔係咁吸引，亦唔覺好香，咬落更加失望，味道雖然唔錯，但係肉得個「淋」字，係「淋」得滯！咁口感唔我。拉勻最多俾OK佢。

18/4(二) 11am返工前又黎深水埗搵食,呢排食叉燒食上癮,之前因老表們極力推介此店之叉燒飯,早已系土瓜灣分店已食過其叉燒飯,今次到深水埗,同樣無令我失望!叫左碟肥燒飯$20,食叉燒吾食肥叉根本無意義!此店叉燒系我食過咁多燒臘最出色的一家!叉燒份量相當多!梅頭叉燒肉質極其腍身,微焦脆面帶蜜糖香,加上熱騰騰既白飯同薑蓉.....極品叉燒飯....非此家莫屬!!strongly recommended!!