金舌日本燒肉專門店 (已結業)

成日經過金舌都好多人排隊，今日就打算去試一試佢，去到都已經好多人，攞飛等位，服務員話都要等一小時，咁我地就去行一陣街先啦；行完返去仲要等幾張，以為好快啦，一等又半個鐘，終於入得佢放題分三種，我地揀中間果款「金舌放題」，我地急不及待就點左第一張單先，實在太肚餓，我地加左$30 啤酒任飲，食物都算快上既，食物睇樣就一般般，再燒埋先知好唔好食牛肉真係一般，牛舌還可以，但冇想像中咁好食；豬頸肉就有少少驚喜既；但入左單都會漏單，叫飲品都要追幾次先有，店鋪人手不足都幾嚴重！

家姐生日 ……話要食日本網燒 咁就試下金舌 放題入到去環境舒服乾淨嘅 首先我哋叫咗幾個 蛋沙律 再叫其他嘢食 🐴🐷🐔 但係我自己就覺得牛舌就麻麻地 可能佢切得厚得滯 所以 食落比較靭 佢嘅豬扒都幾好食 如果覺得漏 可以order生菜… 包住啲肉嚟食仲正

放工約左媽咪去左食燒肉放題(金舌日本燒肉)，呢度有幾種放題選擇，我地揀左個plan有雞肉類+豬肉類+牛肉類，當中都包括其他蔬野菜類，沙律小食同兩柸飲品！先黎溫泉蛋凱撒沙律，普普通通，菜份量比起煙肉份量不成正比，差唔多成兜都係菜再加隻蛋雞中翼不過不失，雞腿肉就一般，唔夠嫩滑肉質有點"鞋"，煙燻蜜糖腸，皮脆脆地同甜甜地都唔錯！其他牛肉類，醬汁牛肋肉色澤普遍，睇落唔太新鮮，肉質口感都一般，鹽醬牛舌，味道唔錯但食落有d韌唔夠淋！ 呢度肉類質素一般，唯有叫多d野菜類食下，牛油粟米粒始終有牛油香味都唔錯，牛油雜菌燒咩菇都有d，鮮冬菇都幾大隻，燒完都仲有好多汁唔錯既！可能食開某某燒肉店散叫好味好多，覺得呢間真係麻麻，呢個價錢唔值，好彩上網download到張coupon叫做可以平返50蚊！

出差返黎，例行公事，陪女朋友食晚飯，佢想食燒肉，本來想方便啲係樓下牛解食，但女朋友話想試下隔離商場既金舌有三款放題可以揀，亦可以散叫自己點，放題入面無和牛，對食物質素有要求既我，係唔會揀放題，咁就散叫點了一份玉子沙律，太多沙律汁，蓋過蛋味一碗紫菜玉子飯，呢道係成晚唯一滿意，少少醬油，葱，玉子味道互相配合，但蛋太少，要點多份玉子，但服務員既態度係用差同發緊夢黎形容一份香葱牛舌，點解可以剩係得麻油味，完全無牛舌味一份肩背肉，無味，又無口感一份青菜，我地5:45入座，可以無晒蒜片？得菜同葱？如果9點，我可以接受，但我地已經係第一二枱晚餐客，完全唔可以接受和牛牛肋肉，終於可以接受，肥瘦適中，有肉味和牛肉眼厚切，得油味，無肉味，食完，成個口都係油牛油雜菌燒，唔夠黑椒，但味道可以接受蜜糖腸，有蜜糖味，成餐最似樣既一道菜两個人最後860蚊埋單，女朋友食完20分鐘就肚屙唔知關唔關食物新唔新鮮，但一定唔會再黎

好吧，我承認我喺<金舌日式>的死忠粉絲，耐唔耐都要黎食下先安樂。基乎每次都揀金舌放題，覺得性價比最高。落單紙喺逐次俾的，而唔喺一疊放喺枱任拎。餐飲每人兩杯，有汽水同烏龍茶。為左健康啲啲，都喺忍痛捨棄心愛㗎可樂。温玉凱撒沙律，簡單得黎又fresh㗎沙律，絕佳的開胃菜。重點喺隻蛋😆香葱紫菜溫玉飯，我的最愛，用黎送烤肉一流。全碟牛牛，呢度㗎牛肉主要都喺牛肋肉、肩脊肉、腹胸肉三種。然後配搭醬汁或鹽醬。怕太多肉太膩，可以點一客新鮮生菜黎包肉伴吃。香葱牛舌、雞腿肉(醬汁)、煙燻蜜糖腸。蜜糖腸好快燶，唔單止被🔪開一碌碌，仲要燒到變炭，好慘...牛油雜菌燒，哇，超鹹！牛五花，即喺肥牛，不過今次唔喺打邊爐而喺燒烤。相比起淥熟，更中意燒，正！最後，每人一球雪糕。有抹茶、薑味、雲呢拿、柚子。揀左清新的柚子雪糕，柚子味重，夠酸，好解滯～食飽，出發睇<怪獸與牠們的產地>。其實喺睇Eddie Redmayne！❤️

星期五早收工，朋友向我介紹屯門既金舌放題幾抵食叫我試。5點3到了金舌係門口睇個餐牌，唸住入去食，門口個侍應頗冇禮貌回答我5點半先開門，遲d先返去。因有朋友推介，所以都想試一試。想食日本和牛，所以冇揀放題，要散叫。因放題只有普通牛肉可選，沒有和牛。環境寬敞，位與位之間有距離，所以油煙味不重，幾好。但必須一提，服務質素低，個侍應唔醒目，每次嗌人拎嘢問嘢都好辛苦。連餐牌上既嘢都唔識答，亦唔算有禮貌。食物整體質素一般。普通放題牛都算，和牛切到一舊大一舊細，比較好食只有和牛肋肉，和牛肉眼成塊好肥，油花平均，但食落只有油香沒有牛味(因一塊售價$299，我期望質素高d)。埋單八百幾整體食物水平一般，價錢偏貴，不值。p.s唔知係碗碟唔乾淨定係食物問題，食完肚痾.....

金舌絕對係我地一家既食堂好好笑地黎親個個都係叫A餐同飲熱柚子蜜。係諗都唔會諗食咩😂無解⋯好食抵食囉60幾蚊個餐有湯有前菜有野飲 想點呀！我呀媽有九折卡 即係唔洗俾加一🌾我就誓死都要加個蛋飯多蔥 好好食 牛配多汁真心無得輸❤️佢個湯好飲架 牛舌湯 唔酥前菜就梗係入晒落個飲度再加d辣醬。一啖紫菜一啖肉一啖飯人生啊👍🏻👍🏻👍🏻👍🏻👍🏻👍🏻👍🏻

第一次走進這間焼肉專門店，真的感覺良好，裝潢簡單，但當我叫食物時，便感到很小家，尤其是叫肉，叫四様來三樣，來的牛肉則好細小，細到只有2cmx2cm左右，簡直是嗇色！食物方面都不好，無論牛的什麼位置都是很靭，很難入口。服務只是一，沒有特別！總之⋯不會再來，因為她的收費頗貴，$238@人，再加一

平時黎金舌食開放題，今日唔想太heavy就試下午市燒肉套餐。Order左牛肋肉餐，包括泡菜一堆+牛尾湯+飯+肉+飲品，盛惠$62。牛尾湯清清地，仲有迷你牛脷粒x2。主角到！其實最吸引㗎唔喺肉，而係加左$15升級㗎紫菜温玉飯。呢個飯喺我就算食放題都必點，香蔥加上芝麻，再撈埋半熟蛋汁同醬油，包住仲喺脆身㗎紫菜，真喺不得了。再加埋肉片，最正㗎星期日最正㗎午餐。本來叫左杯可樂，但一飲發覺係完全無汽㗎。嘗試請侍應換過一杯，佢又十分爽快地答應。於是轉來凍柚子密，好喝多了=]

有三個選擇，一個淨係雞同埋豬，一個就可以食雞豬牛，一個就有埋海鮮。最後揀咗中間嗰個，加幾十蚊任飲酒。食物質素呢個價錢來講算唔錯，最重要係睇自己呀冇心機燒，可以一試！

一直試一下這家店的料理,卻沒想到今天得到這麼差勁的服務,先逐項來說,想點菜看不到服務員,到點好了菜,等了5分鐘來了前菜,主菜等了快十五分鐘才多,明明那時候沒什麼客人,卻還是等了很久,最後等飲料又來了將近10分鐘,催促服務員來飲料時,她的態度也太令人不快,回應了一句'我知道',到結帳的時候又把零錢摔在桌子上.就算料理味道可以,但這樣的服務也太難以接受了.

第一次去金舌食晚餐，初頭係有小小興奮，但係一入到餐廳門口，我就話: 3個唔該，出邊帶位個侍應就開始講嘢，然後我問佢點入會做會員，佢話: 聽我講埋先啦!!!! 痴L線😡😡😡😡😡，問下啫，都唔得.... 條友都得得地😡😡😡😡串到死其實d食物係ok😋，個d侍應態度就🤔🤔......所以唔會有下次

早兩星期前試咗韓燒 Lunch, 覺得不錯。 今日Lunch同太太 嚟個放題先。 侍應安排坐張卡位, 我地點咗個HKD238 金舌放題, 有牛, 豬, 雞同一大堆配菜同飯, 麵, salad. 110mins 應足夠。我地130pm開始食。都坐咗7成客。有少少擔心上菜慢。。。一開始自動上一份豬 雞腸雜拼。之後 時間我地集中叫牛, 食咗 round. 叫乜嚟乜, 冇miss單。只係第3round等耐咗D. 食物質數性價比高, 有上級牛肋肉, 腹腔肉好香。嗰牛胸片亦夠香, 重牛味! 其他就睇圖啦! 個放題包2杯drinks 同雪糕。最正係最後加概燒年糕雪糕打爆分, 從未試過燒脹塊年糕再加cream , 紅豆同雪糕。又香又糯又脆。 呢度D服務又冇好似其他comment寫得咁差#! 我反而覺得好! 個經理主動幫我地換個新鋼燒年糕添, 又做埋Demo. 成餐lunchD侍應都ok, 起碼有收碟。 我仲Tg做埋member, 即時9折。 唯一覺得嗰客牛油雜菇太咸。 下次再落嚟幫襯。

Happy Friday同一大伙同事去食<金舌>午市定食，感覺豐盛得來又不會太飽~ MENU總共有9款定食套餐選擇，但考慮到雞肉同豬頸肉比較慢熟，心急人上的我就決定食牛肋肉定食，小試牛刀!  餐廳環境好寬敞，卡位比較多，我們一行七人到店內光顧，便直入卡位座。 卡位座雖然好寬闊，但是只有一個烤爐，所以坐旁邊的人，就比較難烤肉。。。牛肋肉色澤紅潤鮮嫰，中間也有白色的油脂雪花分佈，肥瘦適中，看起來也頗吸引眼球! 熊熊烈火加上鮮味肉嫰的醬燒牛肉、豬肉，看到已經垂涎三尺!  那肉香撲鼻的煙霧，在烤爐中慢慢散發出來，教人如何不興奮?!熱辣出煙、薄切的醬燒牛肋肉燒大約2分鐘便可以吃了! 兩邊煎香的牛肋肉，一啖吃下去，甘香的肉汁會在口中散發，吃起來有點爽脆! 可能本身肉質新鮮，所以只要簡單的醬燒，已經非常美味了~而且，定食有醃漬物(泡菜、蘿蔔、豆芽)作為前菜，食到感覺油膩時，可以吃一口酸酸的醃漬物，清清味蕾，也可以降熱氣添! 作為燒肉專門店，金舌的午市定食抵食而且性價比高，值得一試! 2人以上光顧定食套餐有85折優惠，真的很吸引噢~

金舌應該係屯門開左一段時間但我一直都無去過，其中一個原因應該係佢開既位實在唔起眼要食嘢時未去過係唔會諗起佢果日係想同朋友食飯，上OPENRICE睇下食咩時先知佢既存在去到先知佢分3個價錢既任食燒烤我記得豬加雞$188+1我地又想食牛舌，就要第二款$238+1仲有一款係多埋海鮮$288+17點去到唔駛等位，但我入座前，岩岩有一個女既一個人去接待果個反而話佢知一個人只可以散叫食又會咁既....未揀到食物時，佢已經放低頭盤一盤嘢食，一個溫玉凱撒沙律呢個係個點菜紙我地一下子掃左一D肉返唻燒厚切豬腩唔好食勁厚味噌腹胸肉正！但真係好厚，要好好燒熟佢另外我自己會鐘意食雞腿肉，夠嫩嘛佢得2款醬，有款似辣我無試呢個有少少芝麻既醬，少少似燒汁呢2個好食但粟米無比匙，用筷子食起來唔方便..用筷子爬入口而且有我鐘意食既秋葵呀！佢個溫玉凱撒沙律好味..有再叫有個麻油鹽香椰菜唔掂..可能因為唔係我想像既嘢我好鐘意溫玉撈麵撈飯食呢3個勁好食..HAHAHA...不過一隻蛋唻講D飯多左少少...佢汽水同雪糕都唔係任食...有彊味..我2樣都叫左彊味彊味雪糕食起上唻有D似凍既彊汁撞奶..我鐘意！