金華冰廳

營業中

休息中

有時在下午時間經過金華冰室，見到一盤盤的舊式面包、餅撻放在門口，常常想買個試一試。今早終於走去試吓。在選擇沙嗲牛肉一丁還是菠蘿油之際，聽見隔籬枱叫了菠蘿油及奶茶，還是決定跟一跟。$33 茶走加菠蘿油。奶茶正路的不錯。大大個菠蘿包，皮脆脆，但不是熱辣辣軟熟的，個人口味，感覺個面太甜了。為食如我，還是無法食完，放棄了！不知會否配合沙嗲菠蘿包或鹹牛肉菠蘿包會好味一點？！陷入謎思中！😓🫣😵‍💫🧐

我今日去咗太子弼街嘅金華冰廳食早餐，真係食得好開心啊！佢哋嘅菠蘿油好香脆，加埋啱啱煮嘅熱奶茶，一口氣就可以咬落肚度。蛋撻外脆內滑，蛋液軟綿，唔會太甜，好好味。食嘢飲嘢都好正，令我心情都好咗好多。金華冰廳嘅裝修都好有氣氛，好似番到60年代嘅香港，好懷舊。不過最吸引人嘅係佢哋嘅食物，每樣嘢都係經典，一定要試吓。不過要小心啊，佢哋嘅人氣好高，尤其係假日，排隊嘅人真係好多。

其實一早睇到好多人鬧，但係都係去吓，始終自己食過先有發言權。打算落個菠蘿油，遲d再睇吓要唔要食其他野再落單，個侍應阿姐就話一定要依家落埋嘢飲（唔係跟餐價係正價22蚊），我唔明點解要依家呢一刻一定要一齊落埋單？驚我走單？我都未投訴你強買強賣，消費者委員會要唔要睇吓呢間茶餐廳點解咁惡😂？原本你d嘢好味，人地自然會一直落單，普通既，就唯有湯客，可能唸住湯得一個得一個，因為知道自己d出品唔會草到回頭客。講翻個菠蘿油，13蚊，極其普通，只可以講不過不失，無必要特登行去食，即使唔湯客都。杯22蚊既凍檸茶，都係通街都有既貨仔。試埋佢個7蚊既蛋撻，真係翻白眼，無蛋撻既奶香味😂荃灣求其一間餅店茶餐廳既蛋撻都好味過佢。希望唔好太多遊客俾d假食評呃黎呢間店，兩個菠蘿油兩杯檸檬茶一個蛋撻，埋單77蚊，我寧願食譚仔，遊客們，廣州深圳d廣式茶餐廳好味過佢，唔好俾人呃黎啦，d錢拿去捐左佢好過，嘢食唔出彩，仲逼迫消費，完全扣分，俾d侍應催到想繼續落單既心情都無曬，疫情後難得可以通關，真係影響香港形象。

金華冰廳已經吃了很多次，質素由始至終都冇變過，好！包大大件，我呢啲大食人士，當早餐一定滿足感爆燈。細食OL都不用驚怕，早餐吃一半，下午茶，用細火丁 30-40秒，丁熱吃 ，一樣滋味。為她們下午添加動力。你睇吓，一個袋，只能裝一個麵包，大到你不能話我講大話。我最愛嘅菠蘿包，麵包軟熟，上面要脆脆 和 厚厚的，先叫做正。金華 出品，肯定唔會令你失望。雞尾包，餡料豐富和充足，不會太鹹。yummy 極了。這些麵包做早餐，一定為新的一天，注入能量和動力。

呢間鋪頭嘅菠蘿包好出名。之前咁啱經過太子，見到啱啱出爐。為食嘅我梗係試下啦😌。個包一攞上手因為啱啱出爐仲熱辣辣，聞到陣陣麵粉香味，面頭嘅菠蘿皮睇落好鬆脆。佢都我個手掌咁大個，都有啲重量，唔係空氣包。咬一啖試下，佢嘅菠蘿皮，果然冇令我失望，好鬆脆唔太甜。麵包都好鬆軟。成個食晒覺得好滿足呀。只係幾蚊雞就食到呢個滿足感，真係覺得唔錯啦。依家好少茶餐廳仲會自己生產麵包。呢間真係好值得嚟試下。如果下次一定要試下堂食，要試下佢嘅菠蘿油先得。

香港嘅茶餐廳，主要都係分為兩大種，一種係裝修懶靚但收中價嘅價錢，另一類就係一種好噏耷嘅環境，但係主打情懷但仍然都係收中價嘅價錢。金華茶餐廳，就係主打後者啦。你入到去就千祈唔好要求啲乜嘢特別嘅Service，明白香港飲食文化嘅就知道，茶餐廳本身，就係一種原本服務比較草根既飲食文化，食個快餐，飲杯奶茶，快快上班，呢個就係傳統舊式茶餐廳所傳承嘅文化。佢哋嘅蛋撻，曲奇餅底，夠熱亦都唔太甜，食落有一種港式情懷嘅味道。佢哋奶茶非常之傳統，雖然我嗰日order嘅係凍奶茶少甜，但係呢種凍奶茶嘅味道，相當之好飲。其他嘢， keep住一般茶餐廳嘅，水準不過不失啦。最後，舊式茶餐廳嘅特色，就係位於特別窄，夥計服務特別燥，正正就係呢一種唔打唔舒服嘅服務精神，成全左香港獅子山下嘅獨有精神。嗰啲聲稱茶記冇質素服務又差果啲美食家，想要服務嘅話，建議你上橋轉彎，去新世紀廣場，旺角舊式嘅茶記唔會啱你。

今天去了太子的金華冰廳吃早餐，我們點了出名的熱辣辣菠蘿油，我們還點了火腿奄列，飲品方面有：熱奶茶和甘草鹹柑桔蜜。我也愛吃菠蘿油！🥰這裏地方很細，但很多人來吃東西！

睇d評價仲以為有幾好食，想笑 叫個菠蘿油 送黎係凍既 出面求其搵個都好食過佢 諗住一齊再叫野飲 同佢講左幾次 仲係咁煩我 係咁問 話唔可以唔點 想笑 一杯凍飲要22蚊 諗住一齊叫個餐再點野飲 都仲要煩 驚死唔點咁 ，我一個做過茶餐廳既想笑 我叫3次要紙巾 到我食完走都未比我 我做茶餐廳都知要即刻比客人 ，從頭到尾得一支叉 ，除咗貴唔知同其他有乜分別，茶餐廳老闆娘可以冇人情味 黑口黑面，HAHA，第一次見茶餐廳咁，問有咩餐跟野飲求其指一下就算 ，全部老人家聽唔明人話咁

食咗金華咁多年。今日終於忍唔住，寫出來。係，你哋個波蘿包、波蘿油、奶茶、鴛鴦係我以往喜愛點的。今日午飯時間 ，你門口著白黑色橫間條衫，短頭髮女侍應叫我行入去，ok 之後呢位侍應話「行入d, 唔好阻住晒」我問「邊度有位？」侍應「你幾多個？」我答「－位」侍應「冇位。企返出去啦，唔好阻住晒」我行返出去之前，另外一位認得我的侍應姐姐，同我講，隔離鋪仲有位，我行左去隔離食。😡😡😡我終於知道點解係你地OpenRice 咁多人留言，西人茶餐廳。就算點拎獎都冇用，香港大把好嘢食

我两个女儿都非常喜欢吃的早餐！在香港5天四夜，我们就去吃了3天的早餐，买了两次晚餐外卖。个人觉得服务不错，不像其他人的评语说得那么差！尤其是早餐的叔叔，很和蔼可亲也会介绍我们他们餐厅的老婆饼，真的好吃过老字号的老婆饼！大力推荐！

📢金華冰廳真係👍最正宗嘅菠蘿油啊！🍞點解呢？因為佢哋嘅菠蘿油皮脆鬆、👌配上一塊冰凍嘅厚牛油，入口即化，真係好好味啊！😋 而且佢哋嘅菠蘿油已經保持傳統好滋味多年，深受顧客歡迎。👏金華冰廳唔單止有菠蘿油，仲有其他好正嘅糕點，例如椰撻同埋雞批等等。佢哋自家烘焙，保持著傳統好味，價錢又親民，真係一個唔錯嘅選擇。😉金華冰廳係一間有著濃厚香港特色嘅茶餐廳，開業已經超過四十年。佢哋嘅老闆係一位糕餅師傅嘅兒子，從小就對烘焙產生了濃厚嘅興趣，而家佢哋嘅糕點都係用傳統方法烘焙，真係可以嚟一試啊！👍

事源見倒OpenRice咁多好評咪諗住黎試下星期五接近下午3點入去見有卡位兩個人坐低落完單後點知個待應行埋黎話叫我地坐埋一邊 ，話有人想坐我話《隔離枱咁多位，你叫人坐隔離枱，唔洗叫我起身》事源明明係中間圓枱好多位可以坐對面卡位都冇人係搭枱點知我朋友話唔想煩起身俾佢（一個阿姨)坐我未食已經成肚氣個待應阿姨話《人地係客想坐邊就要俾人坐》咁我唔係客？明明坐低左、仲要中間枱大把位唔坐要專登坐埋黎咁冇禮貌？叫左碟下午茶雞翼，黎到仲要係凍既！垃圾又態度、以後唔幫襯！

今日下午喺旺角搵嘢食，諗住搵間茶餐廳簡簡單單醫肚，點知中伏，食到一肚氣！啲阿姐服務態度極差！首先，繁忙時間本人係知道的，卡位坐四個人係合理的，但係阿姐嘅說話係咁㗎：「四人座，坐埋一邊」後面嗰張枱仲離譜，你哋未齊人喎出去啊！出去排隊呀！一聲唔該都冇！唔好意思都冇！點解要食得咁受氣？真係好想即刻走，但係真係肚餓，叫咗個涼瓜牛肉飯，點知我老公食完星洲炒米都未嚟，跟住一放低就覺得有啲唔妥一夠涼瓜都冇，左抄右抄真係冇！跟住就問阿姐呢碟涼瓜牛肉係冇涼瓜個喎？點知阿姐望住啲入邊嘅「青椒」，佢竟然話涼瓜囉！我真係俾佢激死！真係唔敢叫佢換！！！點知會唔會加料㗎！全場亞姐就係喺度呼呼喝喝啲客人，點解食嘢要食到咁受氣！千祈唔好助長呢啲服務態度，真係映衰香港！

我是忠實的金華老顧客，一直有去光顧，我亦從來不寫劣評。但是在這個重視顧客和服務的年代，眼見如今金華待應對顧客不仁無禮的對侍，甚至對小朋友無理呼喝，用饍期間更厚顏無恥的趕客執枱埋單，實在不可理喻！不知所謂！我身為香港人，絕對支持香港老式餐廳！但金華冰廳不但沒有與時並進，改善服務和食物質素，更只以老餐廳名義來欺騙顧客，真是香港老式茶餐廳的恥辱！我和小朋友也是被金華待應無禮對待和侮辱的眾多顧客之一，容忍也有限度，這次經歷真心忍受不了！本人絕不推薦此餐廳，亦從此不會再光顧，大家也無謂俾錢買難受！金華冰廳絕對引證了香港老式茶餐廳的末落，相信亦難逃被淘汰和世俗遺棄嘅命運！自求多福吧！

放假同另一行過，見到無乜人聽講個菠蘿包好出名諗住入去試下，坐地即刻有個啊姐問食乜，未食過就睇下有乜好食先嗌啦，所以就同啊姐講睇睇先，啊姐黑曬面行開。過幾分鐘睇岩啦，叫啊姐過黎落單，佢行過唔應機，再過幾分鐘其他客人叫，佢就過去落單，就係咁嘅情況，成56分鐘都無人理我呢枱，我諗算啦，可能真係好忙，過幾分鐘先再叫啦，之後啊姐行過，我就再嗌唔該落單，啊姐就一句，頭先你坐底唔嗌，依家無人得閒理你。小弟即刻無名火起，下刪一萬句粗口，我坐低食嘢比錢你賺，要受你氣？你個腦無問題啊？立即同另一半走人。隨後聽到格離枱話搵食環，睇下呢間老字號仲有幾耐玩？