金華美食

營業中

休息中

同事介紹左呢間燒賣俾我，話佢啲魚肉好彈有魚味，於是相約搵日放工去試下。睇過其他人既食評，知道伯伯伯整蠱人，我地話要魚蛋、燒賣同腸粉，佢問我地腸粉要咩醬，講完之後佢話取消，我地以為佢又試整蠱人，點知講左幾次，佢話真係無呀要取消，真係笑左😂😂😂咁唯有下次早啲走，飛奔去食！魚蛋同燒賣都試左辣同唔辣。唔辣其實都辣😂因爲見佢用黎放燒賣淋豉油辣汁係面個碟係同一碟，用淨個碟被沾左辣汁既豉油會再倒返落佢壺豉油，再倒返落碟再點返燒賣，夠晒環保😅😅所以唔辣都會辣，但未至於辣到噴火😂🔥魚肉質地同我係鴻運車仔麵食過既燒賣應該貨源一樣，因為據我呢排狂食燒賣既經驗，發覺只要燒賣底部有格仔紋就會係煙韌有魚味。$7串有五粒，貴過鴻運車仔麵，因為少一粒。辣既明顯見到橙中帶紅既辣油🔥🔥🔥辣度係比唔辣高十倍！食完條脷即刻痺左！！好刺激辣到跳舞😂魚蛋係比較少見既陳皮魚蛋，好香魚同陳皮味，食落唔係好彈牙，但唔會話淋bad bad或者好粉。唔辣個串都辣架喇😂不過辣個串又辣到噴火！🔥🔥🔥如果唔食得辣既人應該會火燒喉嚨同脷咁！所以叫唔辣已經好夠！

呢間長沙灣嘅小食老店，位置絕對唔便利，門店都絕對唔起眼，但絕對唔簡單！長期放工時間都keep住人籠排隊。佢只不過係簡單賣d魚蛋燒賣腸粉小食，食過好幾次都保持到水準.辣陳皮魚蛋 $7 🌶🌶🌶- 辣汁辣到真係飛起，但愈辣就愈想繼續食，佢算係慢慢滲出黎嘅辣，同持續都幾耐😆但勁辣之餘又唔會冇左魚味，仲勁彈牙。自問食得辣嘅朋友真係要黎挑戰下啊！燒賣 $7 - 必食之選。非常煙韌，基本上食過嘅魚肉燒賣黎講佢算係第一喇。但唯一缺點係，小店嘅衛生環境其實都幾麻麻，但對於傳統舊式小店，個人認為都接受到嘅！老闆每日風雨不改都會開鋪，係好有性格嘅老闆！ 希望大家也可支持更多此類型小店，勿讓小店消失啊😭

呢間小店唔起眼，望落仲有點唔係十分衛生tim，老板有時仲有d串，但每次經過都會見到排哂長龍👨‍👨‍👦‍👦OK鬼叫你咁好味咩😎•魚蛋（辣/唔辣）（$7）最鐘意既陳皮魚蛋，幾彈牙好入味，辣都真係好辣下🔥但辣得好過癮💦建議唔食得辣既朋友仔叫唔辣魚蛋另加辣汁🌶•燒賣（$7）基本係人人必點，呢間係食過最好食既魚肉燒賣💕煙煙韌韌，食落唔會似食緊肥膏咁。必食推介😋————————————（5🌟滿分，💫為半分）整體環境：⭐️⭐️食物外觀：⭐️⭐️⭐️味道：⭐️⭐️⭐️⭐️⭐️性價比：⭐️⭐️⭐️⭐️⭐️回頭指數：⭐️⭐️⭐️⭐️⭐️————————————（ig: fatfatman_hk)

呢一間小店非常之細未必會經過之餘，經過亦都未必會去幫襯因為佢哋淨係主要賣幾樣嘢：魚蛋、燒賣、牛丸、腸粉、腸仔如果唔係我朋友介紹我去食我就會錯失喺我公司附近嘅美食喇佢哋賣嘅魚蛋係細粒嘅陳皮魚蛋香料味比較重，屬於唔係彈牙嗰隻魚蛋相信而家都比較少有而我最鍾意嘅係佢哋嘅燒賣佢哋嘅燒賣食完會齒頰留香亦唔係普遍燒賣彈牙嗰隻呢間舖頭最令人喜愛嘅係佢哋嘅辣汁辣魚蛋係非常之辣，但係亦都非常惹味老闆仲會開玩笑咁話唔食辣就唔好食魚蛋燒賣就係額外自己加辣油上去辣油亦都係好辣但係加少少上去就已經令到成個燒賣更加香更加惹味必食老闆雖然睇落好惡，但好多時佢都只係開玩笑呢一種都係另類嘅人情味吖

每次放工經過金華都一定要買返兩串燒賣食。每天6點左右，金華就會出現人群，一個個排隊買腸粉燒賣的打工仔排隊人數通常都係10人左右。價錢６蚊５粒，金華既燒賣同出面既魚肉燒賣好唔同，好有咬口，最重要係佢地個辣油係老闆自己整，好入味。每粒燒賣都蒸得好淋,好好食。呢個價錢仲有邊度食到唔係難食既燒賣？另外佢地既腸粉真係好滑溜，個混醬好好味，而且極多醬，令每一口腸粉都充滿醬汁。証得一試！如果想食腸粉既朋友一定要早少少去，因為好快賣曬。

呢間小食店係朋友介紹我先識黎，佢話附近嘅街坊都成日幫襯呢度買野食由長沙灣地鐵站行過嚟，識行嘅話都係行五至10分鐘左右，都唔算太偏僻。雖然舖面係有啲簡陋，但係食物完全可以搭夠！完全俾到surprise我，果然街坊生意不能睇少～我幫襯買左一串燒賣，一串魚蛋，一共$12，魚蓉燒賣同魚蛋都好原魚味同埋好彈牙(唔知老細喺邊度入貨嘅呢hehe)，好好味！同埋佢個豉油又甜又辣，好正！鍾意食辣嘅人一定要去，唔可以錯過

食左燒賣 陳皮魚蛋。燒賣已經係$6 5 粒， 係好食既， 真係魚蓉燒賣。老闆娘放左落加有辣油既鼓油到， 噴火了 。原味陳皮魚蛋好似就咁水煮， 所以陣味都淡左。 都ok 既。 加左甜醬有番d 味道。 小店經營都唔好有太多要求。 下次如果經過都會番o卓

掃街指標free style辣味堅正，唔食辣既我，也深深被吸引，魚蛋既辣不是咖哩、不是辣椒，是秘製的。腸粉滑不留口，實而不華，醬料配合簡直絕配。燒賣是怎樣呢？一試難忘

有次係附近食完野, 行過昌華街, 平時無乜留意有間小食店但因為呢次有幾個人排緊隊, 當伯伯一打開個爐蓋, 我聞到突然好香於是八掛下有咩食, 見到有燒賣同魚蛋我就即刻買燒賣同辣魚蛋各一串, 共$12燒賣都幾大粒, 彈牙, 啱啱蒸好, 真係好香而辣魚蛋呢, 縮到勁細粒但好陰濕, 感覺唔抵食點解話魚蛋好陰濕, 係因為佢勁辣, 以為佢細細粒無殺傷力, 開頭食都仲覺得OK, 但食多兩啖後, 辣味逐漸滲出黎, 味道勁辣, 辣到嗆鼻, 即刻要買凍飲

呢間店無座位提供，但絕對值得站食。因為佢地既腸粉真係好滑溜，另外好喜歡食佢地既陳皮魚旦，佢地既魚旦非常彈牙，食得辣既朋友可以試下佢地既勁辣魚旦，我自己食得辣都唔太頂得住。辣汁同辣油都係老闆自己整，外面買唔到架。至於燒賣都蒸都好淋,好好食。加埋辣油一流同埋另外既主打係牛肉球，入面無乜馬蹄，莞茜。唔會太大陣味之餘，又夠彈牙。佢地既食物質素一流,價錢又夠街坊。所以時時刻刻都要排隊。但唯一唔太喜歡就係佢地倒豉油太多。

有人話黎到長沙灣一定要食呢間小店既魚蛋燒賣，好，就聽妳話試下。雖然小店唔近地鐵站(響荔枝角同長沙灣中間), 位置又響小巷，不過黎到已經有人排緊隊。 唔係講笑，真係好好食！！ 不嬲都唔鐘意食魚肉燒賣，因為通常都係麵粉多個魚肉味。但係呢間燒賣賣相雖然麻麻，好似蒸過龍咁，不過魚肉真係好香，完全對街邊燒賣改觀。仲有仲有呢串魚蛋🍡 ，陳皮魚蛋黎，非常彈牙，同埋果個辣汁，一開始食都唔覺好辣，但係個 after taste 真到正係呢。 忍唔住要即刻 encore多串。 聽聞佢個腸粉仲好食，不過通常好早賣晒，下次黎長沙灣又多個景點。 👍

住系附近，間中都有幫襯，但系吖叔ge態度實在太差，一次甘，我就算啦，但次次都甘串，真系唔使食都激飽可能吖叔覺得幾蚊仔生意唔做都罷，不過無論系咪做生意都好，都應該比翻d尊重客人吧？

朋友搬到黎附近，感覺附近唔係有太多食肆，唯獨呢間燒賣檔keep有人排，一於去試下就知龍與鳳！小店冇設立價錢牌，就只好問問老闆叔叔點賣～～..我：「一串燒賣，一串魚蛋，唔辣幾錢串呀？」老闆叔叔：「辣就5蚊串，唔辣就20蚊串~~」當堂打左個特，做咩唔辣要20蚊串....老闆叔叔：「講笑，兩串10蚊」..老闆叔叔好有趣，風趣幽默～～小店既溫馨係大集團鋪頭係搵唔到架~~..最中意食呢D蒸到爛既燒賣，係真正既魚肉燒賣，食落有口感，並唔係麵粉燒賣，感動！重點係價錢好平喔，$5/5粒，呢個價錢仲有邊度有得食，而且唔係個Ｄ難食燒賣！.陳皮魚蛋($5/5粒)同樣係十分親民既價錢，魚蛋彈牙，濃濃既陳皮味，好耐冇食過陳皮魚蛋lu~~~.終於明白點解呢間小店咁多人排隊喇

某日行過長沙灣，經過見到呢間金華美食排晒長龍，我心諗：賣熟食嘅檔都可以排長龍？！咁就排隊買咗串燒賣食啦。嘩！真係估都估唔到＄5一串燒賣都俾到驚喜我😝😝佢啲燒賣同出面嗰啲唔同，唔似得7仔嗰啲𡁻落去鬆泡泡又冇味，佢呢啲有𡁻頭不特止，個味仲好香口😍😍撈埋啲豉油同辣油真係一路食一路流口水。結果就忍唔住買多咗串，真係食過先知有幾正。佢啲燒賣可能係全香港最好食都唔定，不過如果你唔食得辣我就唔建議你加辣油啦😝😝

依間係我最愛既一間燒賣  之前番工係附近都會成日食一串先搭車歸家 今次帶女朋友泥食 睇下佢鐘吾鐘意先-燒賣 $56點既時間人流都多😯 但明明個位置吾係大街 都甘多捧場客 就証明真係大有來頭啦😎 買左一串 只係5蚊咋🌟 食落係比較淋 吾係有嚼勁個種 但係好香魚肉😉 加左佢幾小勺既辣油 係辣到飛起個隻😣 我明白何解佢要甘細個勺了😂 食完覺得真心正 又抵 即刻介紹左俾啲fd去食😌 佢地都話正!